လံာ်မးသဲ 26:53 - Sgaw Karen Common Bible

⁵³ မ့ၢ်နတသ့ၣ်ညါလၢယကိးထီၣ်တၢ်မၤစၢၤလၢယပၢ်အအိၣ်သ့ဝဲ, ဒီးတဘျီဃီ ကဆှၢလီၤန့ၢ်ယၤကလူးအသုးမုၢ်အါန့ၢ်ဒံးတဆံခံဖုန့ၣ်ဘၣ်ဧါ.

လံာ်မးသဲ 26:53 Iomraidhean Croise

လံာ်စီၤပၤခံဘ့ၣ်တဘ့ၣ် 6:17

အန့ၣ်ဝံၤဒီးအဝဲဘါထုကဖၣ်တၢ်စံးဝဲ, “အိယွၤဧၢ, အိးထီၣ်အမဲာ်ချံတဖၣ်ဒီးဒုးထံၣ်အီၤတၢ်တက့ၢ်.” ယွၤစံးဆၢအဝဲအတၢ်ထုကဖၣ်, ဒီးစီၤအလံၤၡါအခ့အပှၤကွၢ်ထီၣ် တၢ်, ဒီးထံၣ်ဘၣ်တၢ်လူၢ်အကပၤပှဲၤဝဲဒီးကသ့ၣ်မ့ၣ်အူ တဖၣ်လ့ၣ်ကဟၣ်မ့ၣ်အူတဖၣ်အိၣ်ဝးတရံးစီၤအလံၤၡါန့ၣ်လီၤ.

လံာ်ဒၤနံးယ့လး 7:10

ဒီးမ့ၣ်အူအထံကျိဖိတဘိပုာ်ထီၣ်ယွၤလီၤလၢလီၢ်ပစိာ်အပူၤလၢအ မဲာ်ညါန့ၣ်လီၤ. အိၣ်ဝဲဒၣ်ဒီးပှၤအကထိအကထိတဖၣ်လၢ ကမၤအတၢ်မၤဒီးပှၤအကကွဲၢ်တဖၣ်ဆၢထၢၣ်လၢအမဲာ်ညါ န့ၣ်လီၤ. ကွီၢ်ဘျီၣ်စးထီၣ်တၢ်စံၣ်ညီၣ် ဒီးလံာ်တဖၣ်အိၣ်အိးထီၣ်တ့ၢ်အသးန့ၣ်လီၤ.

လံာ်မးသဲ 25:31

တုၤပှၤကညီဖိခွါဟဲဝဲအိၣ်ဒီးအလၤကပီၤဒ်စီၤပၤတဂၤအသိး ဃုာ်ဒီးအကလူးခဲလၢာ်န့ၣ်, ကဆ့ၣ်နီၤဝဲလၢအလီၢ်ပစိာ်ကဟုကညီၢ်တဖျၢၣ်အဖီခိၣ်,

လံာ်မးသဲ 4:11

အန့ၣ်ဒီးမုၣ်ကီၤလံၢ်ဟးဖးဒီးယ့ၣ်ၡူးဒီးကလူးတဖၣ်ဟဲ ဒီးမၤတၢ်အခ့အပှၤအတၢ်မၤလၢအဂီၢ်လီၤ.

လံာ်မၢ်ကူး 5:15

တုၤအဝဲသ့ၣ်ဟဲတုၤဖဲယ့ၣ်ၡူးအိၣ်တၢ်အလီၢ်န့ၣ်, အဝဲသ့ၣ်ထံၣ်ဘၣ်ပှၤလၢတၢ်နါလ့းကူၣ်ဒိးတ့ၢ်အီၤ တဂၤဆ့ၣ်နီၤဖဲန့ၣ်အိၣ်ဒီးတၢ်ကူတၢ်သိးဒီးအသးဘၣ်လီၢ် ဘၣ်စးဂ့ၤဂ့ၤဘၣ်ဘၣ်သတးဒီး, အဝဲသ့ၣ်ပျံၤတၢ်ဖုးတၢ်လီၤ.

လံာ်မၢ်ကူး 5:9

အန့ၣ်ဒီးယ့ၣ်ၡူးသံကွၢ်အီၤ, “နမံၤဒ်လဲၣ်.” အဝဲစံးဆၢက့ၤဝဲ, “ယမံၤမ့ၢ်လ့းကူၣ်လီၤ. အဂ့ၢ်မ့ၢ်လၢပအိၣ်အါဒုအဃိလီၤ.”

လံာ်လူၤကၣ် 8:30

ယ့ၣ်ၡူးသံကွၢ်အီၤ, “နမံၤဒ်လဲၣ်.” အဝဲစံးဆၢဝဲ, “ယမံၤမ့ၢ်လ့းကူၣ်,” အဂ့ၢ်မ့ၢ်လၢတၢ်နါအါဒုလဲၤနုာ်တ့ၢ်လံလၢအပူၤအဃိန့ၣ်လီၤ.

လံာ်ယိၤဟၣ် 10:18

ပှၤဟံးန့ၢ်ကွံာ်ယသးသမူလၢယၤတသ့ဘၣ်နီတဂၤ ဘၣ်. ယဟ့ၣ်လီၤကွံာ်အီၤလၢယသးဒၣ်ယဲန့ၣ်လီၤ. ယအိၣ်ဒီးတၢ်စိကမီၤလၢယကဟ့ၣ်လီၤကွံာ်အီၤဒီး ယအိၣ်ဒီးတၢ်စိကမီၤလၢယကဟံးက့ၤအီၤအဂီၢ်လီၤ. အဝဲအံၤမ့ၢ်တၢ်လၢယပၢ်မၤလိာ်တ့ၢ်ယၤလၢယကမၤ အီၤအဂီၢ်လီၤ.”

လံာ်ယိၤဟၣ် 18:36

ယ့ၣ်ၡူးစံးဆၢတၢ်ဒီးစံးဝဲ, “ယဘီယမုၢ်တဘၣ်ဃးဒီးဟီၣ်ခိၣ် အံၤဘၣ်. ယဘီယမုၢ်မ့ၢ်ဘၣ်ဃးဒီးဟီၣ်ခိၣ်အံၤဒီး, ပှၤလၢအပိာ်ယခံတဖၣ်ကဒုးတၢ်ဒ်သိးတၢ်သုတဟ့ၣ်လီၤ ကွံာ်ယၤဆူပှၤယူဒၤဖိအခိၣ်အနၢ်တဖၣ်အစုပူၤတဂ့ၤအဂီၢ် န့ၣ်လီၤ. ယဘီယမုၢ်တမ့ၢ်တၢ်ဒ်သိးဒီးဟီၣ်ခိၣ်အဘီအမုၢ် န့ၣ်ဘၣ်.”

၂ သ့းစၤလနံ 1:7

အဝဲဒၣ်ကမၤမုာ်ထီၣ်က့ၤသုဝဲလၢအတူၢ်ဘၣ်တၢ်နး တၢ်ဖှီၣ်, ဒီးပဝဲဒၣ်စ့ၢ်ကီးလီၤ. အဝဲဒၣ်ကမၤတၢ်အံၤဖဲကစၢ်ယ့ၣ်ၡူးအိၣ်ဖျါထီၣ်လၢမူခိၣ်ဃုာ် ဒီးအကလူးလၢအအိၣ်ဒီးအစိအကမီၤတဖၣ်,

ယူဒၤ 1:14

စီၤဃနိာ်လၢအဟဲလီၤစၢၤလိၤလိၤလၢစီၤအၤဒၣ်နွံစိၤတစိၤ တဂၤကတိၤဆိပာ်တၢ်အံၤလၢအဝဲသ့ၣ်အဂ့ၢ်ယံာ်တ့ၢ်လံ ဒီးစံးဝဲ, “ကစၢ်ကဟဲဒီးအကလူးစီဆှံလၢအကထိတဖၣ် အကထိ,