လံာ်မးသဲ 26:50 - Sgaw Karen Common Bible

⁵⁰ ယ့ၣ်ၡူးစံးဆၢအီၤ, “တံၤသကိးဧၢ, တၢ်လၢနကမၤန့ၣ်မၤအီၤချ့ချ့ တက့ၢ်.” တုၤနုၤတစု, ပှၤသ့ၣ်တဖၣ်န့ၣ်ဟဲဆူယ့ၣ်ၡူးအအိၣ်, ဖီၣ်န့ၢ်အီၤဒီးဟံးဃာ်အီၤကျၢၤကျၢၤလီၤ.

လံာ်မးသဲ 26:50 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 16:17

စီၤအးဘၡါလိၣ်သံကွၢ်အီၤ, “နတၢ်သူၣ်တီသးရၤဒီနတံၤသကိး ဒီးစီၤဒၤဝံးန့ၣ်ကဲထီၣ်အသးဒ်လဲၣ်. ဘၣ်မနုၤအဃိနတလဲၤပိာ်အဝဲခံန့ၣ်လဲၣ်.”

စံးထီၣ်ပတြၢၤ 41:9

ယတံၤသကိးအဂ့ၤကတၢၢ်, ပှၤလၢယနာ်န့ၢ်အီၤအဒိၣ်ကတၢၢ် လၢယဟ့ၣ်နီၤလီၤအီၤယတၢ်အီၣ်တဂၤဒၣ်လဲာ်, ထီဒါက့ၤယၤလီၤ.

လံာ်မးသဲ 20:13

ဘၣ်ဆၣ်, စပံးလီၢ်အကစၢ်စံးဆၢပှၤလၢအဝဲသ့ၣ်အကျါတဂၤဒီးစံး, ‘တံၤသကိးဧၢ, ယတလီအီၣ်နၤဘၣ်. နအၢၣ်လီၤတ့ၢ်ယၤလၢနကမၤတၢ်လၢတနံၤအဘူး အလဲလၢစ့ညၣ်တဘ့ၣ်အဂီၢ်, တမ့ၢ်ဘၣ်ဧါ.

လံာ်မးသဲ 22:12

ဒီးစီၤပၤစံးဘၣ်အီၤ, ‘တံၤသကိးဧၢ, နတကူသိးမူးအကူအသိးဘၣ်ဒီး, နဟဲနုာ်သ့ဒ်လဲၣ်.’ ဒီးအဝဲတစံးဆၢတၢ်နီတမံၤဘၣ်.

လံာ်လူၤကၣ် 22:48

ဘၣ်ဆၣ်ဒီးယ့ၣ်ၡူးစံးဝဲဒၣ်, “စီၤယူဒၤဧၢ, မ့ၢ်နဟ့ၣ်လီၤကွံာ်ပှၤကညီဖိခွါလၢတၢ်နၢမူတဘီန့ၣ်ဧါ.”