လံာ်မးသဲ 26:49 - Sgaw Karen Common Bible

⁴⁹ စီၤယူဒၤဟဲတဘျီဃီဆူယ့ၣ်ၡူးအအိၣ်ဒီးစံး, “သရၣ်ဧၢ, မ်တၢ်ဃူတၢ်မုာ် အိၣ်ဒီးနၤတက့ၢ်.” စံးတၢ်န့ၣ်ဝံၤဒီးနၢမူအီၤလီၤ.

လံာ်မးသဲ 26:49 Iomraidhean Croise

လံာ်တၢ်ကဲထီၣ်အခီၣ်ထံး 27:26

ဒီးအပၢ်စံးဘၣ်အီၤ, “ယဖိခွါဧၢ, သုးဘူးနသးဆူယအိၣ်ဒီးနၢ မူယၤတက့ၢ်.”

လံာ်စီၤၡမူၤအ့လးခံဘ့ၣ်တဘ့ၣ် 20:9

စီၤယိၤအာ်စံးဘၣ်စီၤဧမါစၤ, “ယတံၤသကိးဧၢ, နအိၣ်ဆူအိၣ်ချ့စ့ၢ်ကီးဧါ.” ဒီးစီၤယိၤအာ်ဖီၣ်ဃးစီၤဧမါ စၤအခၣ်ဆူၣ်လၢအစုထွဲဒ်သိးအကနၢမူအီၤအဂီၢ်န့ၣ်လီၤ.

တၢ်ကတိၤဒိ. 27:6

တံၤသကိးတဂၤမ့ၢ်မၤဘၣ်ဒိဘၣ်ထံးနၤဒၣ်လဲာ်, အတၢ်ပာ်အသးမ့ၢ်တၢ်တီတီလိၤလိၤလီၤ. ဘၣ်ဆၣ်, ဖဲဒုၣ်ဒါတဂၤပာ်ထီၣ်အစုလၢနဖံဘၣ်ခိၣ်ဒီး, ပလီၢ်နသးတက့ၢ်.

လံာ်မးသဲ 23:7

အဝဲသ့ၣ်အဲၣ်ဒိးပှၤပာ်ဖျါပှၤအတၢ်ယူးယီၣ်အီၤဖဲပှၤထံၣ် အီၤလၢတၢ်ဆါတၢ်ပှ့ၤအလီၢ်, ဒီးအဲၣ်ဒိးပှၤကိးအီၤလၢသရၣ်န့ၣ်လီၤ.

လံာ်မးသဲ 23:8

မ့မ့ၢ်သုဝဲန့ၣ်, တဘၣ်ပျဲပှၤကိးသုလၢသရၣ်တဂ့ၤ. အဂ့ၢ်ဒ်အံၤ သုမ့ၢ်ဒၣ်ဒီပုၢ်ဝဲၢ်ခဲလၢာ်, ဒီးသုသရၣ်အိၣ်ဒၣ်ထဲတဂၤလီၤ.

လံာ်မးသဲ 26:25

စီၤယူဒၤအံၣ်စကၤရံၤအိာ်လၢအဆါလီၤကွံာ်ယ့ၣ်ၡူးတဂၤ ကတိၤထီၣ်တၢ်ဒီးစံး, “သရၣ်ဧၢ, မ့ၢ်ယၤဧါ.” ယ့ၣ်ၡူးစံးဆၢအီၤ, “နစံးတ့ၢ်လံနဲလံ.”

လံာ်မးသဲ 26:48

ပှၤဆါလီၤကွံာ်ယ့ၣ်ၡူးတဂၤဟ့ၣ်ပာ်ပှၤဂီၢ်မုၢ်တၢ်ပနီၣ်တမံၤ ဒီးစံးဝဲ, “ပှၤလၢယနၢမူအီၤန့ၣ်, မ့ၢ်ပှၤလၢသုသးလီအီၤတဂၤလီၤ. ဖီၣ်အီၤတက့ၢ်.”

လံာ်မၢ်ကူး 15:18

အန့ၣ်ဝံၤအဝဲသ့ၣ်ကတိၤဒိၣ်အီၤဒ်အယူးယီၣ်ဘၣ်အီၤအသိးဒီး စံး, “ပှၤယူဒၤဖိအစီၤပၤဧၢ, ပဟ့ၣ်နၤတၢ်ယူးယီၣ်လီၤ.”

လံာ်လူၤကၣ် 7:45

နတတူၢ်လိာ်ခီၣ်ဆၢယၤလၢတၢ်နၢမူနီတဘီဘၣ်. မ့မ့ၢ်အဝဲဒၣ်န့ၣ်, စးထီၣ်လၢယဟဲနုာ်လီၤလံၤလံၤ တဆိကတီၢ်အတၢ်နၢမူယခီၣ်ဘၣ်.

လံာ်ယိၤဟၣ် 19:3

ဒီးဟဲဆူအအိၣ်ဒီးစံးဝဲ, “ပှၤယူဒၤဖိတဖၣ်အစီၤပၤဧၢ, မ်နအိၣ်ကၢအိၣ်ခိးတက့ၢ်” ဒီးအဝဲသ့ၣ်ဒဲအမဲာ်လီၤ.

လံာ်ယိၤဟၣ် 4:31

အကတီၢ်ဖဲန့ၣ်, အပျဲၢ်အဘီၣ်တဖၣ်ဃ့ကညးယ့ၣ်ၡူးဒီးစံး, “သရၣ်ဧၢ, အီၣ်တၢ်တက့ၢ်.”

၁ သ့းစၤလနံ 5:26

ဆၢဂ့ၤဆၢဝါဒီပုၢ်ဝဲၢ်ပှၤစူၢ်က့ၤနာ်က့ၤတၢ်ခဲလၢာ်ခီဖျိ တၢ်နၢမူစီဆှံန့ၣ်တက့ၢ်.

လံာ်စီၤၡမူၤအ့လးအခီၣ်ထံးတဘ့ၣ် 10:1

တုၤနုၤတစုစီၤၡမူၤအ့လးဟံးန့ၢ်သ့ၣ်စၤယံးအသိတကိဒီးလူ လီၤအီၤလၢစီၤစီလူးအခိၣ်လိၤဒီးနၢမူအီၤလီၤ. ဒီးစံးဝဲဒၣ်, “ယွၤဖှူနၤဒ်အပှၤဂီၢ်မုၢ်ကီၢ်အံၣ်စရ့လးအပှၤပၢတၢ်တဂၤ အသိးန့ၣ်လီၤ. နကဘၣ်ပၢအဝဲအပှၤဂီၢ်မုၢ်ဒီးဒီဒၣ်အိၣ်ပှိၤအီၤလၢ ကယဲၢ်အဒုၣ်အဒါတဖၣ်ခဲလၢာ်လီၤ. ဒီးအဝဲအံၤမ့ၢ်တၢ်အုၣ်အသးတမံၤလၢယွၤဃုထၢတ့ၢ်နၤ, လၢနကကဲထီၣ်ပှၤပၢဘၣ်အပှၤဂီၢ်မုၢ်န့ၣ်လီၤ.