လံာ်မးသဲ 26:47 - Sgaw Karen Common Bible

⁴⁷ ယ့ၣ်ၡူးကတိၤဒံးတၢ်အဖၢမုၢ်ဒီး, အပျဲၢ်အဘီၣ်တဆံခံဂၤအကျါတဂၤ လၢအမ့ၢ်စီၤယူဒၤဟဲတုၤဝဲ အိၣ်ဃုာ်ဒီးပှၤဂီၢ်မုၢ်ဖးဒိၣ်လၢအစိာ်ဒီးနးဒီးနီၣ်တီၢ်တဖၣ်, လၢအဘၣ်တၢ်မၢလီၤအီၤလၢပှၤလုၢ်တၢ်အခိၣ်အဒိၣ်တဖၣ်ဒီးပှၤ ယူဒၤဖိကရၢအခိၣ်အနၢ်တဖၣ်လီၤ.

လံာ်မးသဲ 26:47 Iomraidhean Croise

လံာ်မးသဲ 26:14

တၢ်န့ၣ်ဝံၤဒီး, အပျဲၢ်အဘီၣ်တဆံခံဂၤအကျါတဂၤလၢအဘၣ်တၢ်ကိးအီၤလၢစီၤယူဒၤ အံၣ်စကၤရံၤအိာ်န့ၣ်, လဲၤဆူပှၤလုၢ်တၢ်အခိၣ်အဒိၣ်တဖၣ်အအိၣ်,

လံာ်မးသဲ 26:46

ဂဲၤဆၢထၢၣ်. မ်ပလဲၤသကိးပဝဲတက့ၢ်. ကွၢ်တက့ၢ်. ပှၤလၢအဆါလီၤကွံာ်ယၤန့ၣ် ဟဲတုၤဖဲအံၤလံ.”

လံာ်မးသဲ 26:48

ပှၤဆါလီၤကွံာ်ယ့ၣ်ၡူးတဂၤဟ့ၣ်ပာ်ပှၤဂီၢ်မုၢ်တၢ်ပနီၣ်တမံၤ ဒီးစံးဝဲ, “ပှၤလၢယနၢမူအီၤန့ၣ်, မ့ၢ်ပှၤလၢသုသးလီအီၤတဂၤလီၤ. ဖီၣ်အီၤတက့ၢ်.”

လံာ်မးသဲ 26:55

တုၤနုၤတစု, ယ့ၣ်ၡူးကတိၤတၢ်ဒီးပှၤဂီၢ်မုၢ်ဒီးစံး, “မ့ၢ်သုဘၣ်ဟဲစိာ်နးဒီးနီၣ်တီၢ်လၢ သုကဖီၣ်န့ၢ်ယၤအဂီၢ်, ဒ်ပှၤလၢအမၤကမၣ်တၢ်သိၣ်တၢ်သီတဂၤအသိးန့ၣ်ဧါ. ကိးနံၤဒဲးယဆ့ၣ်နီၤဒီးသိၣ်လီၤသီလီၤတၢ်လၢတၢ်လုၢ်ဟံၣ် အပူၤ, ဒီးသုတဖီၣ်ယၤမးလဲၣ်.

မၤတၢ် 1:16

“ယဒီပုၢ်ဝဲၢ်သ့ၣ်ဧၢ, တၢ်ကွဲးအသးလၢအပာ်ဖျါသးစီဆှံအတၢ်ဒုးစံးဒုးကတိၤစီၤဒၤ ဝံးဖဲအဝဲကတိၤဆိပာ်စၢၤဘၣ်ဃးစီၤယူဒၤလၢအမ့ၢ်ပှၤဆှၢ ပှၤလၢအလဲၤဖီၣ်ယ့ၣ်ၡူးအဂ့ၢ်န့ၣ်, ကဘၣ်လၢထီၣ်ပှဲၤထီၣ်ဝဲလီၤ.