လံာ်မးသဲ 26:43 - Sgaw Karen Common Bible

⁴³ အဝဲဟဲက့ၤကဒီးတဘျီဒီးထံၣ်ဝဲလၢအပျဲၢ်အဘီၣ်သၢဂၤ မံဘၣ်အသးလီၤ. အဝဲသ့ၣ်အမဲာ်ဖံးဃၢဒီးစီၣ်ထီၣ်အမဲာ်တန့ၢ်ဘၣ်လီၤ.

လံာ်မးသဲ 26:43 Iomraidhean Croise

တၢ်ကတိၤဒိ. 23:34

နကမၤနသးဒ်နအိၣ်လၢပီၣ်လဲၣ်အဖီခိၣ်, မူၤသံဘှီးသံ, ဒီးအိၣ်ဝးယီာ်ယုၤလၢကဘီလၢအစံၣ်စုးအသးတဘ့ၣ် အပူၤအသိးန့ၣ်လီၤ.

လံာ်ယိၤနါ 1:6

ပှၤကဘီဖိအခိၣ်ဟဲဆူအအိၣ်ဒီးစံးဘၣ်အီၤ, “ဘၣ်မနုၤလၢနမံန့ၣ်လဲၣ်. ဂဲၤဆၢထၢၣ်ဒီးကိးထီၣ်နကစၢ်န့ၣ်တက့ၢ်. ဘၣ်တဘၣ်အဝဲကသ့ၣ်နီၣ်ပှၤဒ်သိးပသုတဟးဂီၤတဂ့ၤအဂီၢ်န့ၣ်လီၤ.”

လံာ်မးသဲ 26:42

ယ့ၣ်ၡူးလဲၤကဒီးဝဲခံဘျီတဘျီဒီးဃ့ဘါထုကဖၣ်ယွၤဒီး စံး, “ယပၢ်ဧၢ, တၢ်နးတၢ်ဖှီၣ်အလီခီအံၤ, တၢ်ထုးကွံာ်အီၤလၢယအိၣ်မ့ၢ်တသ့ဘၣ်ဒီး, ယမ့ၢ်ဘၣ်အီအီၤန့ၣ်, မ်အကမ့ၢ်ဒၣ်ဝဲဒ်တၢ်ဘၣ်နသးအသိးန့ၣ်တက့ၢ်.”

လံာ်မးသဲ 26:44

မၤကဒီးတစု, ယ့ၣ်ၡူးပာ်တ့ၢ်အဝဲသ့ၣ်ဒီးလဲၤကဒီးဝဲ, ဒီးဃ့ဘါထုကဖၣ်ယွၤသၢဘျီတဘျီဒီးစံးတၢ်ကတိၤတမံၤဃီလီၤ.

လံာ်လူၤကၣ် 9:32

စီၤပ့းတရူးဒီးအတံၤသကိးတဖၣ်အိၣ်လၢတၢ်မံယိာ်အပူၤ, ဘၣ်ဆၣ်အဝဲသ့ၣ်ပၢၢ်ထီၣ်ဒီးထံၣ်ယ့ၣ်ၡူးအလၤကပီၤ ဒီးပှၤခံဂၤလၢအအိၣ်ဆၢထၢၣ်ဒီးယ့ၣ်ၡူးန့ၣ်လီၤ.

မၤတၢ် 20:9

ပိာ်ခွါသးစၢ်လၢအမံၤမ့ၢ်စီၤအူတူၤဃူးတဂၤဆ့ၣ်နီၤဝဲလၢပဲတြီဖိအလိၤ, ဒီးဖဲစီၤပီလူးကတိၤတၢ်ယံာ်ထီၣ်န့ၣ်, စီၤအူတူၤဃူးအမဲာ်ဖံးဃၢထီၣ်တုၤအဝဲဒၣ်မံဘၣ်အသးဒီးလီၤ တဲာ်လၢဟံၣ်သၢကထၢတကထၢဆူဟီၣ်ခိၣ်လိၤလီၤ. ဖဲအဝဲသ့ၣ်လဲၤထၢထီၣ်အီၤန့ၣ်အဝဲဒၣ်သံလံဝဲလံ.

ရိမ့ၤ 13:1

ပှၤကိးဂၤဒဲးကဘၣ်ဒိကနၣ်ထံကီၢ်ပဒိၣ်ပပှၢ်တဖၣ်အကလုၢ်လီၤ. အဂ့ၢ်ဒ်အံၤမ့တမ့ၢ်လၢကစၢ်ယွၤဟ့ၣ်အခွဲးဘၣ်ဒီး, အဝဲသ့ၣ်အိၣ်ထီၣ် တသ့ဘၣ်. ဒီးပဒိၣ်ပပှၢ်လၢအအိၣ်ထီၣ်ခဲအံၤတဖၣ်ဘၣ်တၢ်ပာ်လီၤ အီၤလၢကစၢ်ယွၤန့ၣ်လီၤ.