လံာ်မးသဲ 26:40 - Sgaw Karen Common Bible

⁴⁰ တုၤနုၤတစု, အဝဲဟဲက့ၤကဒါက့ၤဆူအပျဲၢ်အဘီၣ်သၢဂၤအအိၣ်ဒီး ထံၣ်လၢအဝဲသ့ၣ်မံဘၣ်အသးလီၤ. ဒီးယ့ၣ်ၡူးစံးဘၣ်စီၤပ့းတရူး, “ဘၣ်မနုၤလၢသုသကိးသၢဂၤအံၤသုဆိးသီဒီးယၤထဲ တနၣ်ရံၣ်ဧိၤတကဲဘၣ်န့ၣ်လဲၣ်.

လံာ်မးသဲ 26:40 Iomraidhean Croise

လံာ်စီၤပၤအခီၣ်ထံးတဘ့ၣ် 20:11

စီၤပၤအၤဃာ်စံးဆၢဝဲ, “တဲဘၣ်စီၤပၤဘ့ၣ်ဟဒးလၢပှၤသုးဖိ နီၢ်နီၢ်တဂၤန့ၣ်, ကတိၤပာ်ကဖၢလၢလီၤဒၣ်အသးလၢတၢ်ဒုးတဘျီ ဝံၤအလီၢ်ခံဒီးတမ့ၢ်ဘၣ်တချုးလၢဒုးတၢ်န့ၣ်ဘၣ်.”

လံာ်တၢ်သးဝံၣ်တဖၣ်အတၢ်သးဝံၣ် 5:2

ဖဲယမံအခါဒၣ်လဲာ်, ယသးအိၣ်လၢခိလီၤ. ယမံမီၢ်လၢယတၢ်အဲၣ်ဒိတကျိာ်ပဲတြီန့ၣ်လီၤ. ယတၢ်အဲၣ်, ယပှၤသးဘိ, ယထိၣ်လွံၢ်ဧၢ, ပျဲယဟဲနုာ်တက့ၢ်. ယခိၣ်ဘၣ်စီၣ်ဒီးပစီၤထံ, ဒီးယခိၣ်သူဘၣ်စီၣ်ဒီးဘှ့ၣ်န့ၣ်လီၤ.

လံာ်မးသဲ 25:5

တလးမူးပိာ်ခွါန့ၣ်စဲၤခံဝဲသတးဒီး, အဝဲသ့ၣ်မံခ့မံသပ့ၤ, ဒီးမံဘၣ်အသးခဲလၢာ်လီၤ.

လံာ်မးသဲ 26:35

စီၤပ့းတရူးစံးဆၢအီၤ, “ယမ့ၢ်ဘၣ်သံဃုာ်ဒီးနၤဒၣ်လဲာ်, ယတသမၢနၤနီတဘျီဘၣ်.” ဒီးအပျဲၢ်အဘီၣ်အဂၤတဖၣ်ခဲလၢာ်စံးတၢ်တမံၤဃီလီၤ.

လံာ်မးသဲ 26:38

ဒီးအဝဲဒၣ်စံးဘၣ်ပှၤသၢဂၤန့ၣ်, “တၢ်သူၣ်အုးသးအုးလၢယသးပူၤအံၤဒိၣ်မးဝဲတုၤဒၣ်လဲာ် ကမၤသဘှံးယၤလီၤ. အိၣ်ဖဲအံၤဒီးဆိးသီဒီးယၤတက့ၢ်.”

လံာ်မးသဲ 26:41

ဆိးသီဒီးဃ့ဘါထုကဖၣ်ယွၤ, ဒ်သိးသုသုတလီၤဃံၤလၢတၢ်လ့ပစီအဃိတဂ့ၤန့ၣ်တက့ၢ်. သးအဂံၢ်အဘါမ့ၢ်ဆူၣ်သနာ်က့, နီၢ်ခိအဂံၢ်အဘါစၢ်ဝဲလီၤ.”

လံာ်မးသဲ 26:43

အဝဲဟဲက့ၤကဒီးတဘျီဒီးထံၣ်ဝဲလၢအပျဲၢ်အဘီၣ်သၢဂၤ မံဘၣ်အသးလီၤ. အဝဲသ့ၣ်အမဲာ်ဖံးဃၢဒီးစီၣ်ထီၣ်အမဲာ်တန့ၢ်ဘၣ်လီၤ.

လံာ်မၢ်ကူး 14:37

အန့ၣ်ဝံၤ အဝဲဒၣ်က့ၤကဒါက့ၤဒီးထံၣ်ဘၣ်အပျဲၢ်အဘီၣ် သၢဂၤန့ၣ်မံဘၣ်အသးလီၤ. အဝဲဒၣ်သံကွၢ်စီၤပ့းတရူး, “စီၤၡံမိၣ်ဧၢ, နမံဘၣ်နသးလံဧါ. နကဆိးသီထဲတနၣ်ရံၣ်ဧိၤတကဲဘၣ်ဧါ.”

လံာ်လူၤကၣ် 22:45

ဖဲအဝဲဒၣ်ဃ့ဘါထုကဖၣ်တၢ်ဝံၤ, ဂဲၤဆၢထၢၣ်ဒီးက့ၤက့ၤဆူအပျဲၢ်အဘီၣ်တဖၣ်အအိၣ်န့ၣ်, ထံၣ်ဝဲလၢအမံဘၣ်အသး, မ့ၢ်လၢအလီၤဘှံးလီၤတီၤလၢအတၢ်သူၣ်အုးသးအုးအဃိလီၤ.

လံာ်လူၤကၣ် 9:32

စီၤပ့းတရူးဒီးအတံၤသကိးတဖၣ်အိၣ်လၢတၢ်မံယိာ်အပူၤ, ဘၣ်ဆၣ်အဝဲသ့ၣ်ပၢၢ်ထီၣ်ဒီးထံၣ်ယ့ၣ်ၡူးအလၤကပီၤ ဒီးပှၤခံဂၤလၢအအိၣ်ဆၢထၢၣ်ဒီးယ့ၣ်ၡူးန့ၣ်လီၤ.

လံာ်ပှၤစံၣ်ညီၣ်ကွီၢ် 9:33

ခဲဂီၤကိာ်ဖဲမုၢ်ဟဲထီၣ်န့ၣ်လဲၤဒုးဝ့ၢ်ၡက့ၣ်သတူၢ်ကလာ်တက့ၢ်. တုၤနုၤတစု, ဖဲစီၤကၤလးဒီးအပှၤတဖၣ်ဟဲထီၣ်ထီဒါနၤန့ၣ် တီၢ်အီၤဆူၣ်ထဲသိးနမၤအီၤသ့န့ၣ်တက့ၢ်.