လံာ်မးသဲ 26:38 - Sgaw Karen Common Bible

³⁸ ဒီးအဝဲဒၣ်စံးဘၣ်ပှၤသၢဂၤန့ၣ်, “တၢ်သူၣ်အုးသးအုးလၢယသးပူၤအံၤဒိၣ်မးဝဲတုၤဒၣ်လဲာ် ကမၤသဘှံးယၤလီၤ. အိၣ်ဖဲအံၤဒီးဆိးသီဒီးယၤတက့ၢ်.”

လံာ်မးသဲ 26:38 Iomraidhean Croise

စံးထီၣ်ပတြၢၤ 116:3

တၢ်သံအတၢ်ပျံၤတၢ်ဖုးအိၣ်ဝးတရံးယၤ, တၢ်သွၣ်ခိၣ်အတၢ်လီၤပျံၤလီၤဖုး အိၣ်ဘူးဒီးယၤန့ၣ်လီၤ. ယပှဲၤလုာ်ကွံာ်ဒီးတၢ်ပျံၤတၢ်ဖုး ဒီးတၢ်ဘၣ်ယိၣ်ဘၣ်ဘီန့ၣ်လီၤ.

စံးထီၣ်ပတြၢၤ 42:5

ယသးဧၢ, ဘၣ်မနုၤလၢနသူၣ်ကၢ်သးလီၤန့ၣ်လဲၣ်. ဘၣ်မနုၤလၢနသူၣ်ကိၢ်နသးဂီၤန့ၣ်လဲၣ်. မုၢ်လၢ်တၢ်လၢကစၢ်ယွၤအပူၤ, အဂ့ၢ်ဒ်အံၤ, ယကစံးထီၣ်ပတြၢၤကဒီး ယကစၢ်ယွၤလၢအမၤပူၤဖျဲးက့ၤယၤလီၤ.

လံာ်တၢ်သးဝံၣ်တဖၣ်အတၢ်သးဝံၣ် 5:3

ယဘ့ၣ်လီၤကွံာ်လံယတၢ်ကူတၢ်ကၤလံ, ဘၣ်မနုၤယဘၣ်ကူထီၣ်ကၤထီၣ်က့ၤကဒီးလဲၣ်. ယသ့ယခီၣ်ဝံၤလံ, ဘၣ်မနုၤယဘၣ်မၤဘၣ်အၢကဒီးအီၤလဲၣ်.

လံာ်ယၡါယၤ 53:10

ယွၤစံးဝဲဒၣ်, “မ့ၢ်တၢ်ဘၣ်ယသးလၢအဝဲကဘၣ်တူၢ်တၢ်လီၤ. အတၢ်သံ န့ၣ်မ့ၢ်တၢ်လုၢ်တၢ်ပာ်တမံၤလၢကဟဲစိာ်တၢ်ပျၢ်တၢ်ကမၣ်အဂီၢ်လီၤ. မၤသးဒ်န့ၣ်ဒီး, အဝဲကထံၣ်ဘၣ်အစၢၤအသွဲၣ်တဖၣ်လီၤ. အဝဲကအိၣ်မူတၢ်အိၣ်မူအိၣ်ကၢအိၣ်ခိး ဒီးခီဖျိအီၤန့ၣ်, ယတၢ်တိာ်ကလၢထီၣ်ပှဲၤထီၣ်ဝဲလီၤ.

လံာ်ယၡါယၤ 53:12

မၤသးဒ်န့ၣ်ဒီး, ယကဟ့ၣ်အီၤတၢ်လၤတၢ်ကပီၤအလီၢ်တတီၤ, တၢ်လီၢ်တတီၤလၢပှၤအဒိၣ်စိဒိၣ်ကမီၤတဖၣ်အကျါလီၤ. အဝဲဟ့ၣ်လီၤကွံာ်အသးလၢတၢ်သးအိၣ်အပူၤ ဒီးတူၢ်သကိးတၢ်ဒီးတၢ်ဘူၣ်တၢ်တီၢ်လၢအလီၤဘၣ်ပှၤ အၢပှၤသီတဖၣ်န့ၣ်လီၤ. အဝဲဟံးန့ၢ်ပှၤတၢ်ဒဲးဘးဖိအါဂၤအလီၢ်ဒီးဘါထုကဖၣ်ဝဲလၢ အဝဲသ့ၣ်အတၢ်ဒဲးဘးကဘၣ်တၢ်ပျၢ်အီၤအဂီၢ်လီၤ.”

လံာ်ယၡါယၤ 53:3

ပသးဘၣ်အၢအီၤဒီးပညိကွံာ်အီၤလီၤ. အဝဲတူၢ်ဘၣ်တၢ်နးတၢ်ဖှီၣ်ဒီးတၢ်ဆူးတၢ်ဆါန့ၣ်လီၤ. ပှၤတကွၢ်ဃီၤအီၤဒၣ်လဲာ်နီတဂၤဘၣ်. ပကွၢ်ကပာ်ကွံာ်အီၤဒ်အဝဲတမ့ၢ်တၢ်နီတမံၤဘၣ်အသိးန့ၣ်လီၤ.

လံာ်မးသဲ 25:13

ဒီးယ့ၣ်ၡူးမၤကတၢၢ်က့ၤအတၢ်ကတိၤဒီးစံး, “ဆိးသီတက့ၢ်. အဂ့ၢ်ဒ်အံၤ, မုၢ်နံၤမ့ၢ်ဂ့ၤ, နၣ်ရံၣ်မ့ၢ်ဂ့ၤသုတသ့ၣ်ညါဘၣ်.

လံာ်မၢ်ကူး 14:34

ဒီးစံးဘၣ်အဝဲသ့ၣ်, “တၢ်သူၣ်အုးသးအုးအဒိၣ်အမုၢ်အိၣ်ပှဲၤ ယသးပူၤ, တုၤဒၣ်လဲာ်ယကသံဘၣ်ယသးလီၤ. အိၣ်သုဝဲဖဲအံၤ, ဒီးဆိးသီတက့ၢ်.”

လံာ်ယိၤဟၣ် 12:27

ခဲအံၤယသးဘၣ်တံာ်တာ်ဒိၣ်မးဒီးယကဘၣ်စံးဒ်လဲၣ်. မ့ၢ်ယကဘၣ်စံး, ‘ပၢ်ဧၢ, တဘၣ်ပျဲတၢ်ဆၢကတီၢ်နၣ်ရံၣ်အဝဲအံၤဟဲတုၤအိၣ်ယၤတဂ့ၤ’ န့ၣ်ဧါ. ဘၣ်ဆၣ်ယဟဲယဲလၢယကလဲၤခီဖျိတၢ်နးတၢ်ဖှီၣ် အနၣ်ရံၣ်အံၤအဂီၢ်န့ၣ်လီၤ.

ရိမ့ၤ 8:32

အဝဲတဟံးဃာ်က့ၤအဖိခွါဒၣ်ဝဲဒၣ်လဲာ်ဘၣ်, မ့မ့ၢ်လုၢ်ထီၣ် အီၤဒ်တၢ်လုၢ်အသိးလၢပဝဲခဲလၢာ်အဂီၢ်န့ၣ်လီၤ. အဝဲဒၣ်ဟ့ၣ်လီၤပှၤအဖိခွါဒၣ်ဝဲလံသတးဒီး, မ့ၢ်အတဟ့ၣ်ကလီစ့ၢ်ကီးပှၤလၢတၢ်အဂၤခဲလၢာ်န့ၣ်ဘၣ်ဧါ.

၂ ကရံၣ်သူး 5:21

ခရံာ်အတၢ်ဒဲးဘးတအိၣ်ဘၣ်. ဘၣ်ဆၣ်ဒီးလၢပဂီၢ်ယွၤဒုးတူၢ်ဃုာ်အီၤလၢပတၢ်ဒဲးဘး, ဒ်သိးဒီးလၢပတၢ်ပာ်ဖှိၣ်ဃုာ်ပသးဒီးအီၤအပူၤန့ၣ်, ပကဒိးန့ၢ်ဃုာ်ကစၢ်ယွၤအတၢ်တီတၢ်လိၤအဂီၢ်န့ၣ်လီၤ.

ကလၤတံ 3:13

ဘၣ်ဆၣ်ဒီး, ခီဖျိခရံာ်ဒိးတၢ်စံၣ်ညီၣ်လၢပဂီၢ်န့ၣ်အဝဲဒၣ်ဒုး ထူၣ်ဖျဲးထီၣ်ကွံာ်ပှၤလၢတၢ်စံၣ်ညီၣ်လၢတၢ်သိၣ်တၢ်သီဒုး အိၣ်ထီၣ်ဝဲန့ၣ်လီၤ. အဂ့ၢ်ဒ်အံၤတၢ်ကွဲးအသးစံးဝဲ, “ပှၤတဂၤလၢ်လၢ်လၢအဘၣ်တၢ်ဘျးထီၣ်အစိၣ် လၢသ့ၣ်ထူၣ်တထူၣ်အလိၤန့ၣ်, အိၣ်လၢကစၢ်ယွၤအတၢ်စံၣ်ညီၣ်အဖီလာ်န့ၣ်လီၤ” (သိၣ်သီ ၂၁:၂၃).

၁ ပ့းတရူး 2:24

ခရံာ်အကစၢ်ဒၣ်ဝဲစိာ်ထီၣ်ပတၢ်ဒဲးဘးတဖၣ်လၢအနီၢ်ခိ အပူၤဆူထူၣ်စုညါအလိၤ, ဒ်သိးပကသံကွံာ်လၢတၢ်ဒဲးဘးဒီးမူလၢတၢ်တီတၢ်လိၤ အဂီၢ်န့ၣ်လီၤ. ဒီးသုဘျါက့ၤလၢအဝဲဒၣ်ဘၣ်တီၢ်အပူၤလီၢ် တဖၣ်အဃိလီၤ (ၡါ ၅၃:၅).

၁ ပ့းတရူး 3:18

အဂ့ၢ်ဒ်အံၤ, ခရံာ်တူၢ်သံစ့ၢ်ကီးအသးလၢတၢ်ဒဲးဘးအဃိ တဘျီဒီးအဝံၤ, ပှၤအဂ့ၤတဂၤလၢပှၤတၢ်ဒဲးဘးဖိတဖၣ်အဂီၢ်, ဒ်သိးကဆှၢသုဆူယွၤအအိၣ်န့ၣ်လီၤ. အဝဲဘၣ်တၢ်မၤသံအီၤလၢတၢ်ဖံးတၢ်ညၣ်အပူၤ, ဘၣ်ဆၣ်ဒီးဒိးတၢ်မၤမူထီၣ်က့ၤအီၤလၢသူၣ်လၢသးန့ၣ်လီၤ.

၁ ပ့းတရူး 4:7

တၢ်ခဲလၢာ်အကတၢၢ်ဘူးထီၣ်လံ. သုကဘၣ်ပၢၤသုသးဒီးဆိးသီဒ်သိးသုဃ့ဘါထုကဖၣ်တၢ်ကသ့ အဂီၢ်န့ၣ်လီၤ.