လံာ်မးသဲ 26:36 - Sgaw Karen Common Bible

³⁶ တုၤနုၤတစု, ယ့ၣ်ၡူးလဲၤဃုာ်ဒီးအပျဲၢ်အဘီၣ်တဖၣ်, ဆူတၢ်လီၢ်တတီၤလၢအဘၣ်တၢ်ကိးအီၤလၢက့ၤသစ့းမနၤလီၤ. ဒီးအဝဲစံးဘၣ်အပျဲၢ်အဘီၣ်တဖၣ်, “ဖဲယလဲၤဖဲန့ၣ်ဒီးဘါထုကဖၣ်တၢ်အခါ, ဆ့ၣ်နီၤအိၣ်သုဝဲဖဲအံၤတက့ၢ်.”

လံာ်မးသဲ 26:36 Iomraidhean Croise

လံာ်မးသဲ 26:39

အဝဲလဲၤယံၤထီၣ်ဝဲတစဲး, ထိၣ်လီၤပှီၤအသး, ဒီးကျးလီၤအမဲာ်လၢဟီၣ်ခိၣ်လိၤ, ဒီးဃ့ဘါထုကဖၣ်ယွၤဒီးစံး, “ယပၢ်ဧၢ, မ့ၢ်သ့ဒီးဟံးန့ၢ်ကွံာ်တၢ်နးတၢ်ဖှီၣ်အလီခီအံၤ လၢယအိၣ်တက့ၢ်. ဘၣ်ဆၣ်ဒီး, မ်အသုတမ့ၢ်ဒ်ယသးအတၢ်အဲၣ်ဒိးတဂ့ၤ. မ်အကမ့ၢ်ဒၣ်ဝဲဒ်နသးအတၢ်အဲၣ်ဒိးန့ၣ်တက့ၢ်.”

လံာ်မးသဲ 26:42

ယ့ၣ်ၡူးလဲၤကဒီးဝဲခံဘျီတဘျီဒီးဃ့ဘါထုကဖၣ်ယွၤဒီး စံး, “ယပၢ်ဧၢ, တၢ်နးတၢ်ဖှီၣ်အလီခီအံၤ, တၢ်ထုးကွံာ်အီၤလၢယအိၣ်မ့ၢ်တသ့ဘၣ်ဒီး, ယမ့ၢ်ဘၣ်အီအီၤန့ၣ်, မ်အကမ့ၢ်ဒၣ်ဝဲဒ်တၢ်ဘၣ်နသးအသိးန့ၣ်တက့ၢ်.”

လံာ်မးသဲ 6:6

ဘၣ်ဆၣ်တုၤသုဘါထုကဖၣ်ယွၤဒီး က့ၤနုာ်လၢသုဒၢးပူၤ, ကးတံာ်ဃာ်သုတြဲၤဒီးဘါထုကဖၣ်တၢ်ဆူသုပၢ်လၢပှၤတထံၣ်အီၤ တဂၤအအိၣ်ဒီးသုပၢ်လၢအထံၣ်တၢ်လၢတၢ်ကစုဒုအပူၤတဂၤန့ၣ်, ကဟ့ၣ်သုတၢ်အဘူးအလဲလီၤ.

ဧ့ၤဘြံၤ 5:7

ဖဲယ့ၣ်ၡူးခရံာ်အိၣ်ဒံးလၢဟီၣ်ခိၣ်ချၢအကတီၢ်န့ၣ်အဝဲဒၣ် လုၢ်ထီၣ်အတၢ်ထုကဖၣ်ဒီးအတၢ်သကွံၢ်ကညးတဖၣ်လၢ အကလုၢ်ဖးဒိၣ်အိၣ်ဒီးတၢ်မဲာ်ထံမဲာ်နိဆူကစၢ်ယွၤလၢ အမၤပူၤဖျဲးထီၣ်အီၤလၢတၢ်သံအပူၤသ့ဝဲတဂၤအအိၣ် န့ၣ်လီၤ. ယွၤဒိကနၣ်အီၤမ့ၢ်လၢအတၢ်အဲၣ်ကစၢ်ယွၤပျံၤ ကစၢ်ယွၤအဃိလီၤ.