လံာ်မးသဲ 26:31 - Sgaw Karen Common Bible

³¹ တုၤနုၤတစု, ယ့ၣ်ၡူးစံးဘၣ်အဝဲသ့ၣ်, “တနၤအံၤ, သုဝဲခဲလၢာ် သုကဃ့ၢ်သဒၣ်ကွံာ်ဒီးပာ်တ့ၢ်ယၤလီၤ. အဂ့ၢ်ဒ်အံၤ, တၢ်ကွဲးအသးစံးဝဲ, ‘ကစၢ်ယွၤကမၤသံပှၤကွၢ်သိ, ဒီးသိလၢသိကရၢၢ်အပူၤတဖၣ်ကလီၤပြံလီၤပြါလီၤ.’

လံာ်မးသဲ 26:31 Iomraidhean Croise

စံးထီၣ်ပတြၢၤ 38:11

ယတံၤသကိးတဖၣ်ဒီးပှၤအိၣ်လၢယဃၢၤတဖၣ် အိၣ်ယံၤဒီးယၤ မ့ၢ်လၢယပူၤလီၢ်တဖၣ်အဃိ, ယဟံၣ်ဖိဃီဖိသ့ၣ်တဖၣ်ဒၣ်လဲာ် အိၣ်ယံၤဒီးယၤလီၤ.

စံးထီၣ်ပတြၢၤ 69:20

တၢ်ဒုၣ်ဒွဲၣ်ဒုးသူၣ်ကၢ်သးလီၤတ့ၢ်ယၤ, တုၤဒၣ်လဲာ်ယအိၣ်လၢ တၢ်သူၣ်ဟးဂီၤသးဟးဂီၤအပူၤန့ၣ်လီၤ. ယကွၢ်လၢ်ပှၤလၢအကသးကညီၤတၢ်, ဘၣ်ဆၣ်တအိၣ်နီတဂၤဘၣ်. ဒီးပှၤလၢအမၤမုာ်တၢ်တဖၣ်, ဘၣ်ဆၣ်ယတထံၣ်န့ၢ်နီတဂၤဘၣ်.

စံးထီၣ်ပတြၢၤ 88:18

ယတံၤသကိးတဖၣ်လၢ အဘူးကတၢၢ်ဒီးဒၣ်လဲာ်န့ၣ် နပျဲအညိကွံာ်ယၤလီၤ. ဖဲယလဲၤတပူၤလၢ်လၢ်အလီၢ်န့ၣ် အိၣ်ဒၣ်ထဲတၢ်ခံးတၢ်နၤန့ၣ်လီၤ.

လံာ်ယၡါယၤ 53:10

ယွၤစံးဝဲဒၣ်, “မ့ၢ်တၢ်ဘၣ်ယသးလၢအဝဲကဘၣ်တူၢ်တၢ်လီၤ. အတၢ်သံ န့ၣ်မ့ၢ်တၢ်လုၢ်တၢ်ပာ်တမံၤလၢကဟဲစိာ်တၢ်ပျၢ်တၢ်ကမၣ်အဂီၢ်လီၤ. မၤသးဒ်န့ၣ်ဒီး, အဝဲကထံၣ်ဘၣ်အစၢၤအသွဲၣ်တဖၣ်လီၤ. အဝဲကအိၣ်မူတၢ်အိၣ်မူအိၣ်ကၢအိၣ်ခိး ဒီးခီဖျိအီၤန့ၣ်, ယတၢ်တိာ်ကလၢထီၣ်ပှဲၤထီၣ်ဝဲလီၤ.

လံာ်သးသယုၢ်တၢ် 1:19

ယကိးထီၣ်တ့ၢ်ယဒီသိၣ်ဒီမှံၤတဖၣ်, ဘၣ်ဆၣ်ဒီးဂ့ၢ်လိာ်တ့ၢ်ဝဲ လၢကမၤစၢၤယၤအဂီၢ်လီၤ. ပှၤလုၢ်တၢ်အခိၣ်တဖၣ်ဒီးပှၤခိၣ်ပှၤနၢ်တဖၣ်သံဝဲလၢဝ့ၢ်အကျဲ တဖၣ်အပူၤ, ဖဲအဟးဃုတၢ်အီၣ်တၢ်အီလၢကဒုးမူဒံးအဝဲသ့ၣ်အဂီၢ်န့ၣ်လီၤ.

လံာ်စကၤရယၤ 13:7

သ့တၢ်လၢာ်အယွၤစံးဝဲဒၣ်, “ဖုးသံနီၣ်ထီၣ်နးဧၢ, ဒီးဒုးတၢ်ထီဒါပှၤကွၢ်သိလၢအမၤတၢ်လၢယဂီၢ်တက့ၢ်. မၤသံအီၤတက့ၢ်. ဒီးသိတဖၣ်ကလီၤပြံလီၤပြါကွံာ်လီၤ.

လံာ်မးသဲ 11:6

ပှၤလၢအသးတဒ့ဒီဘၣ်လၢတၢ်နာ်ယၤအပူၤတဖၣ်န့ၣ်, ဘၣ်ဆိၣ်ဂ့ၤနီၢ်နီၢ်လီၤ.”

လံာ်မးသဲ 26:24

ပှၤကညီဖိခွါအံၤကဘၣ်သံဝဲ ဒ်တၢ်ကွဲးအသးစီဆှံစံးတ့ၢ်ဝဲ အသိးလီၤ. ဘၣ်ဆၣ်ဒီး, ပှၤကညီလၢအဆါလီၤကွံာ်ပှၤကညီဖိခွါအံၤကဘၣ်အဖှီၣ်ဆံးဒိၣ် လဲၣ်. အဝဲမ့ၢ်တအိၣ်ဖျဲၣ်ထီၣ်ဘၣ်န့ၣ်, ကဂ့ၤဒိၣ်ဒၣ်တၢ်တက့ၢ်လၢအဂီၢ်လီၤ.”

လံာ်မးသဲ 26:56

ဘၣ်ဆၣ်ဒီး, တၢ်တဖၣ်အံၤမၤတ့ၢ်အသး, ဒ်သိးဒီးတၢ်လၢဝံတဖၣ်ကွဲးတ့ၢ်ဝဲလၢတၢ်ကွဲးအသးစီဆှံတဖၣ်အပူၤ, ကလၢထီၣ်ပှဲၤထီၣ်ဝဲအဂီၢ်လီၤ.” တုၤနုၤတစု, အပျဲၢ်အဘီၣ်ခဲလၢာ်ပာ်တ့ၢ်ဒီးဃ့ၢ်သဒၣ်ကွံာ်အီၤ လီၤ.

လံာ်ယိၤဟၣ် 16:32

တၢ်ဆၢကတီၢ်ဟဲဝဲဒီးဟဲတုၤလံ, ဖဲသုဝဲခဲလၢာ်သုကလီၤပြံလီၤပြါတဂၤဆူအဟံၣ်ဒၣ်ဝဲ, ဒီးယကဘၣ်တၢ်ပာ်တီၢ်ယၤထဲတဂၤဧိၤန့ၣ်လီၤ. ဘၣ်ဆၣ်ဒီးနီၢ်နီၢ်န့ၣ်ယတအိၣ်ထဲတဂၤဧိၤဘၣ်. အဂ့ၢ်မ့ၢ်လၢပၢ်အိၣ်ဒီးယၤအဃိလီၤ.