လံာ်မးသဲ 26:3 - Sgaw Karen Common Bible

³ အကတီၢ်ဖဲန့ၣ်, ပှၤလုၢ်တၢ်အခိၣ်အဒိၣ်တဖၣ်ဒီးပှၤယူဒၤဖိကရၢ အခိၣ်အနၢ်တဖၣ်ထံၣ်လိာ်အသးလၢပှၤလုၢ်တၢ်အခိၣ်အဒိၣ် ကတၢၢ်စီၤကၤယါဖၤအနီပူၤ,

လံာ်မးသဲ 26:3 Iomraidhean Croise

စံးထီၣ်ပတြၢၤ 56:6

အဝဲသ့ၣ်အိၣ်ဖှိၣ်ရိဖှိၣ်တပူၤဃီ, လၢတၢ်ခူသူၣ်, ဒီးကွၢ်ယခီၣ်ခါတဖၣ် ဒ်အဝဲသ့ၣ်ခိးကွၢ်တ့ၢ်ယသးသမူအသိးန့ၣ်လီၤ.

လံာ်ယံးရမံယၤ 11:19

ယမၤယသးဒ်သိဖိတဒုလၢအနာ်ညီတၢ်လၢအဘၣ်တၢ်ဟံးထီၣ်အီၤ ဒ်သိးတၢ်ကမၤသံအီၤအဂီၢ်, ဒီးယတသ့ၣ်ညါဘၣ်လၢအဝဲသ့ၣ်ကူၣ်ထီၣ်တၢ်အၢတၢ်သီတဖၣ်အံၤ ထီဒါယၤန့ၣ်ဘၣ်လီၤ. အဝဲသ့ၣ်စံးဝဲဒၣ်, “မ်ပကူာ်လီၤကွံာ် သ့ၣ်အံၤဖဲအဂံၢ်အဘါဂ့ၤဒံးအခါတက့ၢ်. မ်ပမၤသံကွံာ်အီၤဒ်သိးပှၤ သုတသ့ၣ်နီၣ်လၢၤအီၤနီတဂၤတဂ့ၤန့ၣ်တက့ၢ်.”

လံာ်ယံးရမံယၤ 17:27

ဘၣ်ဆၣ်ဒီးအဝဲသ့ၣ်ကဘၣ်စူၢ်ယၤဒီးတိၢ်န့ၢ်ဖံးဃာ်မုၢ်အိၣ်ဘှံးနံၤန့ၣ် ဒ်မုၢ်နံၤစီဆှံတနံၤအသိးန့ၣ်လီၤ. လၢမုၢ်နံၤအဝဲန့ၣ်, အဝဲသ့ၣ် တဘၣ်ဟဲစိာ်နုာ်တၢ်ဝံတၢ်ယိးခီဖျိဝ့ၢ်အံၤအတြဲၤတဖၣ်ဘၣ်. အဝဲသ့ၣ်မ့ၢ်မၤဝဲဒီး, ယကဒွဲၣ်အူထီၣ်ဝ့ၢ်ယရူၤၡလ့ၣ်အတြဲၤတ ဖၣ်လၢမ့ၣ်အူလီၤ. မ့ၣ်အူကအီၣ်ကွံာ်ဝ့ၢ်ယရူၤၡ လ့ၣ်အနူၢ်အစီၤတဖၣ်, ဒီးပှၤမၤလီၤပံာ်ကွံာ်အီၤတန့ၢ်နီတဂၤဘၣ်.”

လံာ်မးသဲ 26:69

ဖဲစီၤပ့းတရူးဆ့ၣ်နီၤလၢတၢ်ချၢလၢတၢ်လီၢ်လီၤပျီအပူၤအဖၢ မုၢ်န့ၣ်, ပှၤလုၢ်တၢ်အခိၣ်အဒိၣ်ကတၢၢ်အကုၢ်ပိာ်မုၣ်ဖိတဖၣ် အကျါတဂၤဟဲဆူအအိၣ်ဒီးစံး, “နၤစ့ၢ်ကီး, နမ့ၢ်ပှၤလၢအအိၣ်သကိးတ့ၢ်ဒီးပှၤကၤလံၤလါဖိယ့ၣ်ၡူး လီၤ.”

လံာ်မးသဲ 27:27

တုၤနုၤတစုစီၤပံၤလးအသုးဖိတဖၣ် လဲၤဆှၢယ့ၣ်ၡူးဆူပဒိၣ်ဖးဒိၣ်အနီပူၤ, ဒီးသုးမုၢ်ဒီဖုညါဟဲပာ်ဖှိၣ်ထီၣ်အသးဝးတရံးအီၤလီၤ.

လံာ်မၢ်ကူး 14:54

စီၤပ့းတရူးလဲၤပိာ်ဝဲယ့ၣ်ၡူးအခံလၢအယံၤ, ဒီးလဲၤနုာ်ဝဲဆူတၢ်လီၢ်လီၤပျီတကဝီၤလၢပှၤလုၢ်တၢ်အခိၣ် အဒိၣ်ကတၢၢ်တဂၤအဟံၣ်အဂၢၤပူၤလီၤ. ဆ့ၣ်နီၤဝဲဖဲန့ၣ်ဒီးဆူးမ့ၣ်အူလၢပှၤပၢၤတၢ်ဖိတဖၣ်အသကိးလီၤ.

လံာ်မၢ်ကူး 14:66

ဖဲစီၤပ့းတရူးအိၣ်ဒံးဒၣ်လၢတၢ်ဖီလာ်လၢတၢ်လီၢ်လီၤပျီတကဝီၤ အပူၤအကတီၢ်န့ၣ်, ပှၤလုၢ်တၢ်အခိၣ်အဒိၣ်ကတၢၢ်အခ့အပှၤပိာ်မုၣ်အကျါတဂၤဟဲဃီၤ ဝဲဖဲတၢ်ကပၤထံးန့ၣ်လီၤ.

လံာ်မၢ်ကူး 15:16

ပှၤသုးဖိတဖၣ်ဆှၢယ့ၣ်ၡူးဆူတၢ်လီၢ်လီၤပျီအိၣ်လၢ စီၤပံၤလးအဟံၣ်ကရၢၢ်ပူၤ, လၢတၢ်ကိးစ့ၢ်ကီးအီၤလၢပရ့ၣ်ထီရယၢၢ်, ဒီးကိးဖှိၣ်ဝဲပှၤသုးဖိအဂၤတဖၣ်ဖဲတၢ်လီၢ်န့ၣ်ခဲလၢာ်လီၤ.

လံာ်လူၤကၣ် 22:55

ပှၤမၤကဲၤထီၣ်မ့ၣ်အူလၢကွီၢ်ဘျီၣ်အဂၢၤအခၢၣ်သး, ဒီးစီၤပ့းတရူးလဲၤဆ့ၣ်နီၤဃုာ်ဒီးပှၤလၢအဆ့ၣ်နီၤဝးတရံးမ့ၣ်အူ တဖၣ်န့ၣ်လီၤ.

လံာ်လူၤကၣ် 3:2

ဒီးစီၤအၣ်နၣ်ဒီးစီၤကၤယါဖၤမ့ၢ်ပှၤလုၢ်တၢ်အခိၣ်အဒိၣ်ကတၢၢ်တဖၣ်လီၤ. ဖဲအဆၢကတီၢ်အဝဲန့ၣ်, ကစၢ်ယွၤအကလုၢ်တုၤအိၣ်စီၤစဃၤရံအဖိခွါ စီၤယိၤဟၣ်ဖဲပှၢ်မုၢ်ကနၢန့ၣ်လီၤ.

လံာ်ယိၤဟၣ် 11:57

ပှၤလုၢ်တၢ်အခိၣ်အဒိၣ်တဖၣ်ဒီးပှၤဖၤရံၤၡဲတဖၣ်ဟ့ၣ်လီၤ အကလုၢ်လၢပှၤတဂၤလၢ်လၢ်လၢအသ့ၣ်ညါယ့ၣ်ၡူးအိၣ်တၢ် အလီၢ်န့ၣ်, ကဘၣ်ဒုးသ့ၣ်ညါအဝဲသ့ၣ်လၢတၢ်ကလဲၤ ဟံးဃာ်ဖီၣ်ဃာ်အီၤအဂီၢ်လီၤ.

လံာ်ယိၤဟၣ် 18:24

မၤသးဒ်န့ၣ်ဒီးစီၤအၣ်နၣ်ဆှၢယ့ၣ်ၡူးဒ်အအိၣ်စၢဃာ်ပာ်စၢၤ အသးအသိး, ဆူစီၤကၤယါဖၤလၢအမ့ၢ်ပှၤလုၢ်တၢ်အခိၣ် အဒိၣ်ကတၢၢ်အအိၣ်န့ၣ်လီၤ.

လံာ်ယိၤဟၣ် 18:28

ဖဲမုၢ်ဆ့ၣ်ထီၣ်ဂီၤဂီၤအဆၢကတီၢ်န့ၣ်, ယ့ၣ်ၡူးဘၣ်တၢ်ကိးထီၣ်အီၤလၢစီၤကၤယါဖၤ အဟံၣ်ဒီးဘၣ်တၢ်ဆှၢအီၤဆူရိမ့ၤအပဒိၣ်ဖးဒိၣ် အနီပူၤန့ၣ်လီၤ. ပှၤယူဒၤဖိအခိၣ်အနၢ်တဖၣ် တလဲၤနုာ်ဆူနီအပူၤဘၣ်. မ့ၢ်လၢအဝဲသ့ၣ်အဲၣ်ဒိးအိၣ် ကဆှီအသးဒ်အလုၢ်အလၢ်အိၣ်ဝဲအသိး, ဒ်သိးအီၣ်ဘူၣ်လဲၤကပာ်ကသ့ဝဲအဂီၢ်န့ၣ်လီၤ.