လံာ်မးသဲ 26:27 - Sgaw Karen Common Bible

²⁷ ဝံၤဒီးဟံးထီၣ်ဝဲလီခီတဖျၢၣ်, စံးထီၣ်ပတြၢၤယွၤ, ဒီးဟ့ၣ်လီၤအဝဲသ့ၣ်ဒီးစံး, “သုဝဲခဲလၢာ်, ဟံးန့ၢ်အီတက့ၢ်.

လံာ်မးသဲ 26:27 Iomraidhean Croise

စံးထီၣ်ပတြၢၤ 116:13

ယကဟံးန့ၢ်တၢ်အုၣ်က့ၤခီၣ်က့ၤအလီခီ ဒီးကိးထီၣ်ယွၤအမံၤလီၤ.

လံာ်တၢ်သးဝံၣ်တဖၣ်အတၢ်သးဝံၣ် 5:1

ယတၢ်အဲၣ်သးဘိ, ယတလးမူးပိာ်မုၣ်ဧၢ, ယဟဲနုာ်လံလၢယတၤသၣ်ကရၢၢ်ပူၤလံန့ၣ်လီၤ. ယထၢဖှိၣ်ယသ့ၣ်နၢမူအထုးအစီတဖၣ်ဒီးမူရၣ်, ယအီၣ်ယကနဲစီဒီးကနဲခိၣ်ထံ, ယအီယစပံးထံဒီးတၢ်နုၢ်ထံန့ၣ်လီၤ. ပှၤလၢအအဲၣ်လိာ်အသးသ့ၣ်ဧၢ, အီၣ်တၢ်ဒီးအီတၢ် တုၤလီၤလၢသုမူၤလၢတၢ်အဲၣ်အဃိတက့ၢ်.

လံာ်တၢ်သးဝံၣ်တဖၣ်အတၢ်သးဝံၣ် 7:9

ဒီးနကိာ်ပူၤလီၤဂာ်ဒ်စပံးထံအဂ့ၤကတၢၢ်အသိးန့ၣ်လီၤ. မ်စပံးထံယွၤလီၤန့ၢ်ယတၢ်အဲၣ်, ယွၤလီၤလၢအနိးဖံးဒီးအမဲအလိၤန့ၣ်တက့ၢ်.

လံာ်ယၡါယၤ 25:6

ဖဲအံၤလၢကစၢၢ်စံယိၣ်အဖီခိၣ်န့ၣ်, ယွၤသ့တၢ်လၢာ်ကကတဲာ် ကတီၤတၢ်အီၣ်အမူးတမူးလၢကယဲၢ်ပှၤကလုာ်ခဲလၢာ်လၢ ဟီၣ်ခိၣ်ချၢအဂီၢ်လီၤ. မ့ၢ်တၢ်အီၣ်အဝံၣ်အဘဲကတၢၢ်ဒီး စပံးထံအဂ့ၤကတၢၢ်အမူးတမူးလီၤ.

လံာ်ယၡါယၤ 55:1

ယွၤစံးဝဲ, “ဟဲ, ကယဲၢ်ပှၤလၢတၢ်သူအသးလၢထံသ့ၣ်ဧၢ, ထံအိၣ်ဖဲအံၤလီၤ. ဟဲ, သုဝဲလၢအကျိၣ်အစ့တအိၣ်တဖၣ်ဧၢ, ပှ့ၤဘုခ့ဒီးအီၣ်အီတက့ၢ်. ဟဲ, ပှ့ၤစပံးထံဒီးတၢ်နုၢ်ထံတက့ၢ်. လၢသုဂီၢ်န့ၣ်, တၢ်အပှ့ၤတအိၣ်ဝဲနီတမံၤဘၣ်.

လံာ်မးသဲ 15:36

အဝဲဟံးန့ၢ်ကိၣ်နွံဖျၢၣ်ဒီးညၣ်ဖိတဖၣ်န့ၣ်, စံးထီၣ်ပတြၢၤကစၢ်ယွၤအဘျုးအဖှိၣ်ဝံၤဒီးစိၢ်ဘျဲးဝဲ, ဒီးဟ့ၣ်လီၤဝဲအပျဲၢ်အဘီၣ်, ဒီးအပျဲၢ်အဘီၣ်တဖၣ်ဟ့ၣ်လီၤပှၤဂီၢ်မုၢ်တဖၣ်လီၤ.

လံာ်မးသဲ 26:26

ဖဲအဝဲသ့ၣ်အီၣ်တၢ်အဖၢမုၢ်န့ၣ်, ယ့ၣ်ၡူးဟံးန့ၢ်ကိၣ်, စံးထီၣ်ပတြၢၤယွၤအဘျုး, ဒီးစိၢ်ဘျဲးဝဲ, ဒီးဟ့ၣ်လီၤဝဲအပျဲၢ်အဘီၣ်တဖၣ်ဒီးစံး, “ဟံးန့ၢ်ဒီးအီၣ်တက့ၢ်. တၢ်အံၤမ့ၢ်ယနီၢ်ခိလီၤ.”

လံာ်မးသဲ 26:28

တၢ်အံၤမ့ၢ်ယသွံၣ်, လၢအစဲပနီၣ်ဃာ်ကစၢ်ယွၤအတၢ်အၢၣ်လီၤအီ လီၤ, ယသွံၣ်လၢအဘၣ်တၢ်ဂၢ်လီၤကွံာ်အီၤ, ဒ်သိးပှၤအါဂၤအတၢ်ဒဲးဘးကဘၣ်တၢ်ပျၢ်ကွံာ်အီၤအဂီၢ်လီၤ.

လံာ်လူၤကၣ် 22:20

ဒ်န့ၣ်အသိး, ဖဲအအီၣ်တၢ်လၢဟါအီၣ်ဝံၤန့ၣ်, အဝဲဒၣ်ဟ့ၣ်လီၤအဝဲသ့ၣ်လၢလီခီဒီးစံးဝဲ, “လီခီအံၤမ့ၢ်ကစၢ်ယွၤအတၢ်အၢၣ်လီၤအီလီၤအသီလၢ အဘၣ်တၢ်စဲပနီၣ်ဃာ်အီၤလၢယသွံၣ်, လၢအဘၣ်တၢ်လူလီၤဂၢ်လီၤအီၤလၢသုဂီၢ်န့ၣ်လီၤ.

1 ကရံၣ်သူး 10:16

လီခီလၢပသူအီၤလၢတၢ်အီၣ်ကိၣ်အီစပံးထံအဂီၢ်ဒီးလၢ ပစံးဘျုးကစၢ်ယွၤလၢအဃိန့ၣ်, ဖဲပအီတၢ်လၢအပူၤ, မ့ၢ်ပနီၤဟံးန့ၢ်သကိးခရံာ်အသွံၣ်န့ၣ်လီၤ. ဒီးကိၣ်လၢပစိၢ်ဘျဲးအီၤတဖျၢၣ်ဖဲပဟံးန့ၢ်အီၣ်အီၤန့ၣ်, မ့ၢ်ပနီၤဟံးန့ၢ်သကိးခရံာ်အနီၢ်ခိန့ၣ်လီၤ.

1 ကရံၣ်သူး 11:28

မ်ဒ်န့ၣ်ဒီး, ပှၤကိးဂၤဒဲးကြၢးသမံသမိးဆိလီၤအသးဝံၤအလီၢ်ခံ, အီၣ်အဝဲန့ၣ်ဒီးအီတၢ်လၢလီခီအဝဲန့ၣ်အပူၤလီၤ.