လံာ်မးသဲ 26:24 - Sgaw Karen Common Bible

²⁴ ပှၤကညီဖိခွါအံၤကဘၣ်သံဝဲ ဒ်တၢ်ကွဲးအသးစီဆှံစံးတ့ၢ်ဝဲ အသိးလီၤ. ဘၣ်ဆၣ်ဒီး, ပှၤကညီလၢအဆါလီၤကွံာ်ပှၤကညီဖိခွါအံၤကဘၣ်အဖှီၣ်ဆံးဒိၣ် လဲၣ်. အဝဲမ့ၢ်တအိၣ်ဖျဲၣ်ထီၣ်ဘၣ်န့ၣ်, ကဂ့ၤဒိၣ်ဒၣ်တၢ်တက့ၢ်လၢအဂီၢ်လီၤ.”

လံာ်မးသဲ 26:24 Iomraidhean Croise

လံာ်တၢ်ကဲထီၣ်အခီၣ်ထံး 3:15

ယကမၤတုၤနၤဒီးပိာ်မုၣ်သးဟ့လိာ်သး, ဒီးအချံအသၣ်ဒီးနချံ နသၣ်န့ၣ်ကမ့ၢ်ဒုၣ်ဒါထီဘိန့ၣ်လီၤ. ပိာ်မုၣ်အချံအသၣ်ကမၤသဘှံးနခိၣ်ဒီးနချံနသၣ်ကဖျးအဝဲသ့ၣ် အခီၣ်နၢၣ်ခံလီၤ.”

စံးထီၣ်ပတြၢၤ 55:15

မ်တၢ်သံလီၤဘၣ်လၢယဒုၣ်ယဒါတဖၣ်အလိၤ တချုးအဆၢကတီၢ်ဘၣ်ဒံးတက့ၢ်. မ်အလဲၤလီၤမူဒံးဝဲဆူပျုၤပူၤတက့ၢ်, တၢ်အၢတၢ်သီအိၣ်ဝဲလၢအတၢ်အိၣ်တၢ်ဆိးအလီၢ် ဒီးလၢအသးကံၢ်ပူၤန့ၣ်လီၤ.

စံးထီၣ်ပတြၢၤ 55:23

ဘၣ်ဆၣ်နဲဒၣ်ကစၢ်ယွၤဧၢ, နကဒုးလဲၤလီၤအဝဲသ့ၣ်ဆူ တၢ်ဟးဂီၤအတၢ်ပူၤလီၤ. ပှၤမၤသံတၢ်ဒီးပှၤလီတၢ်တဖၣ်န့ၣ်, တအိၣ်မူဘၣ် အမုၢ်နံၤမုၢ်သီတဝာ်ဒၣ်လဲာ်န့ၣ်ဘၣ်. မ့မ့ၢ်ယဲဒၣ်အံၤယကသန့ၤယသးလၢနၤလီၤ.

လံာ်ဒၤနံးယ့လး 9:26

ဒီးဖဲတၢ်ဆၢကတီၢ်အံၤအကတၢၢ်န့ၣ်, ပှၤခိၣ်ပှၤနၢ်လၢကစၢ်ယွၤဃုထၢအီၤတဂၤန့ၣ်ကဘၣ်တၢ်မၤသံ ကွံာ်အီၤလၢတၢ်တတီတလိၤအပူၤလီၤ. ဝ့ၢ်ဒီးတၢ်လုၢ်ဟံၣ်န့ၣ်ကဘၣ် တၢ်မၤဟးဂီၤကွံာ်အီၤလၢပှၤပၢတၢ်လၢအစိကမီၤဒိၣ် တဂၤအသုးမုၢ်လၢအဟဲနုာ်လီၤဒုးန့ၢ်အီၤန့ၣ်လီၤ. တၢ်အကတၢၢ်ကဟဲဒ်ထံလုၣ်ဘၢတၢ်, ဟဲစိာ်ဝဲတၢ်ဒုးတၢ်ယၤ ဒီးတၢ်မၤဟးဂီၤ, လၢကစၢ်ယွၤကတဲာ်ကတီၤပာ်စၢၤဝဲန့ၣ်လီၤ.

လံာ်စကၤရယၤ 12:10

ဒီးယကမၤပှဲၤစီၤဒၤဝံးအစၢၤအသွဲၣ်တဖၣ်ဒီးဝ့ၢ် ယရူၤၡလ့ၣ်အပှၤဂီၢ်မုၢ်ဒီးသးလၢအသးကညီၤတၢ်ဒီး သးလၢအအိၣ်ဒီးတၢ်ထုကဖၣ်န့ၣ်လီၤ. အဝဲသ့ၣ်ကကွၢ်ဃီၤတၢ်ဆူပှၤတဂၤလၢအဝဲသ့ၣ်ဆဲးသံကွံာ်ဝဲ, ဒီးအဝဲသ့ၣ်ကဟီၣ်ဝဲယၢၤဝဲလၢအဃိဒ်ပှၤတဖၣ်လၢအဟီၣ်ဝဲယၢၤဝဲ လၢအဖိခွါတဂၤဃီအဃိအသိးန့ၣ်လီၤ. အဝဲသ့ၣ်ကဟီၣ်ဝဲနးနးကလဲာ်ဒ်ပှၤတဖၣ်လၢအဟီၣ်ဝဲယၢၤဝဲလၢ အဖိခွါဝဲၢ်ကိလီၤမၢ်ကွံာ်အဃိအသိးန့ၣ်လီၤ.

လံာ်စကၤရယၤ 13:7

သ့တၢ်လၢာ်အယွၤစံးဝဲဒၣ်, “ဖုးသံနီၣ်ထီၣ်နးဧၢ, ဒီးဒုးတၢ်ထီဒါပှၤကွၢ်သိလၢအမၤတၢ်လၢယဂီၢ်တက့ၢ်. မၤသံအီၤတက့ၢ်. ဒီးသိတဖၣ်ကလီၤပြံလီၤပြါကွံာ်လီၤ.

လံာ်မးသဲ 18:7

ဟီၣ်ခိၣ်ဘၣ်အဖှီၣ်လၢတၢ်အိၣ်ဝဲတနီၤလၢအမၤဟးဂီၤပှၤကညီ အတၢ်စူၢ်တၢ်နာ်ယွၤန့ၣ်လီၤ. တၢ်ဒ်သိးအံၤကအိၣ်ဒၣ်ထီဘိလီၤ. ဘၣ်ဆၣ်ဒီး, ပှၤလၢအဒုးအိၣ်ထီၣ်တၢ်တဖၣ်အံၤတဂၤန့ၣ်, ကဘၣ်အဖှီၣ်ဆံးဒိၣ်လဲၣ်.

လံာ်မးသဲ 26:31

တုၤနုၤတစု, ယ့ၣ်ၡူးစံးဘၣ်အဝဲသ့ၣ်, “တနၤအံၤ, သုဝဲခဲလၢာ် သုကဃ့ၢ်သဒၣ်ကွံာ်ဒီးပာ်တ့ၢ်ယၤလီၤ. အဂ့ၢ်ဒ်အံၤ, တၢ်ကွဲးအသးစံးဝဲ, ‘ကစၢ်ယွၤကမၤသံပှၤကွၢ်သိ, ဒီးသိလၢသိကရၢၢ်အပူၤတဖၣ်ကလီၤပြံလီၤပြါလီၤ.’

လံာ်မးသဲ 26:54

ဘၣ်ဆၣ် တၢ်မ့ၢ်မၤအသးဒ်န့ၣ်ဒီး, တၢ်ကွဲးအသးစီဆှံလၢအစံးလၢတၢ်ကဘၣ်မၤအသးဒ်အံၤလီၤန့ၣ်, ကလၢထီၣ်ပှဲၤထီၣ်ဝဲလၢကျဲဒ်လဲၣ်.”

လံာ်မးသဲ 26:56

ဘၣ်ဆၣ်ဒီး, တၢ်တဖၣ်အံၤမၤတ့ၢ်အသး, ဒ်သိးဒီးတၢ်လၢဝံတဖၣ်ကွဲးတ့ၢ်ဝဲလၢတၢ်ကွဲးအသးစီဆှံတဖၣ်အပူၤ, ကလၢထီၣ်ပှဲၤထီၣ်ဝဲအဂီၢ်လီၤ.” တုၤနုၤတစု, အပျဲၢ်အဘီၣ်ခဲလၢာ်ပာ်တ့ၢ်ဒီးဃ့ၢ်သဒၣ်ကွံာ်အီၤ လီၤ.

လံာ်မၢ်ကူး 14:21

ပှၤကညီဖိခွါအံၤကဘၣ်လဲၤဝဲဆူတၢ်မၤသံအလီၢ်ဒ်တၢ်ကွဲး အသးစီဆှံစံးဝဲအသိးလီၤ. ဘၣ်ဆၣ်ဒီးပှၤလၢအဟ့ၣ်လီၤပှၤကညီဖိခွါအံၤဆူဒုၣ်ဒါ အစုပူၤတဂၤန့ၣ်ကဘၣ်အဖှီၣ်လီၤ. ပှၤတဂၤန့ၣ်မ့ၢ်တအိၣ် ဖျဲၣ်ထီၣ်ဘၣ်ဒီးကမ့ၢ်တၢ်ဂ့ၤဒၣ်တၢ်တက့ၢ်လၢအဂီၢ်လီၤ.”

လံာ်မၢ်ကူး 9:12

အဝဲဒၣ်စံးဆၢဝဲ, “ဝံအ့ၤလံယၤကဘၣ်ဟဲဆိဝဲသပှၢ်ကတၢၢ်လၢကမၤ ဘၣ်လီၢ်ဘၣ်စးက့ၤတၢ်ခဲလၢာ်အဂီၢ်လီၤ. ဘၣ်ဆၣ်ဒီးဘၣ်မနုၤအဃိ တၢ်ကွဲးအသးစီဆှံဘၣ်စံးဝဲလၢပှၤကညီဖိခွါအံၤကဘၣ် တူၢ်တၢ်နးတၢ်ဖှီၣ်အဒိၣ်အအါဒီးကဘၣ်တၢ်ညိကွံာ်အီၤန့ၣ်လဲၣ်.

လံာ်လူၤကၣ် 22:22

အဂ့ၢ်မ့ၢ်လၢပှၤကညီဖိခွါကသံဝဲဒ်ကစၢ်ယွၤတိာ်ပာ်တ့ၢ်ဝဲအသိးန့ၣ်လီၤ. ဘၣ်ဆၣ်ဒီး ပှၤလၢအကဟ့ၣ်လီၤကွံာ်အီၤတဂၤန့ၣ်, ဘၣ်အဖှီၣ်ဆံးဒိၣ်လဲၣ်.

လံာ်လူၤကၣ် 24:46

ဒီးစံးဘၣ်အဝဲသ့ၣ်, “တၢ်ကွဲးအသးမ့ၢ်ဝဲ, ခရံာ်ကဘၣ်တူၢ်တၢ်ဒီးဂဲၤဆၢထၢၣ်က့ၤလၢတၢ်သံဖဲသၢသီ တသီအနံၤ,

လံာ်ယိၤဟၣ် 17:12

ဖဲယအိၣ်ဒံးဒီးအဝဲသ့ၣ်န့ၣ်, ယအံးကွၢ်ကဟုကယာ်က့ၤအီၤလၢနမံၤအစိကမီၤအပူၤ, မံၤလၢနဟ့ၣ်လီၤယၤန့ၣ်လီၤ. ပှၤလၢနဟ့ၣ်လီၤယၤတဖၣ်န့ၣ်, ယကဟုကယာ်အီၤဒီးအဝဲသ့ၣ်တလီၤမၢ်နီတဂၤဘၣ်. လီၤမၢ်ကွံာ်ဒၣ်ထဲပှၤလၢအကဘၣ်လီၤမၢ်ဒၣ်တၢ်တဂၤ, ဒ်သိးတၢ်ကွဲးအသးကလၢထီၣ်ပှဲၤထီၣ်ဝဲအဂီၢ်န့ၣ်လီၤ.

လံာ်ယိၤဟၣ် 19:24

သုးဖိတဖၣ်စံးလိာ်အသးတဂၤဒီးတဂၤ, မ်ပသုတမၤယာ်အီၤ တဂ့ၤ. မ်ပကဖီၣ်တၢ်ဖးဒ်သိးပကသ့ၣ်ညါဘၣ်မတၤကန့ၢ် ဘၣ်ဆ့ကၤအဝဲအံၤလဲၣ်အဂီၢ်န့ၣ်တက့ၢ်.” တၢ်အံၤမၤအသးမ့ၢ်ဒ်သိးတၢ်ကွဲးအသး, ကလၢထီၣ် ပှဲၤထီၣ်ဝဲအဂီၢ်လၢအစံးဝဲ, “အဝဲသ့ၣ်နီၤဖးယတၢ်ကူတၢ်သိးတဖၣ်လၢ အဝဲသ့ၣ်အကျါကဒဲကဒဲ, ဒီးဖီၣ်တၢ်ဖးလၢကန့ၢ်ဘၣ်ယဆ့ကၤအဂီၢ်လီၤ” (စံး. ၂၂:၁၈). တၢ်အံၤမ့ၢ်တၢ်လၢပှၤသုးဖိတဖၣ်မၤဝဲန့ၣ်လီၤ.

လံာ်ယိၤဟၣ် 19:28

ယ့ၣ်ၡူးသ့ၣ်ညါဝဲလၢတၢ်ခဲလၢာ်လၢအဝဲကဘၣ် မၤန့ၣ်မၤဝဲဝံၤလံသတးဒီး, ဒ်သိးတၢ်ကွဲးအသးကလၢ ထီၣ်ပှဲၤထီၣ်ဝဲအဂီၢ်န့ၣ်အဝဲစံးဝဲဒၣ်, “တၢ်သူယသး လၢထံလီၤ.”

မၤတၢ် 2:23

ဒ်ကစၢ်ယွၤကူၣ်ကျဲၤဒီးသ့ၣ်ညါပာ်ဝဲအသိး, ယ့ၣ်ၡူးဘၣ်တၢ်ဟ့ၣ်လီၤကွံာ်အီၤဆူသုစုပူၤဒီးသုမၤသံအီၤခီ ဖျိသုပျဲပှၤတၢ်ဒဲးဘးဖိတဖၣ်ပျၤထီအီၤလၢထူၣ်စုညါအလိၤန့ၣ်လီၤ.

မၤတၢ် 28:23

လၢတၢ်န့ၣ်အဃိအဝဲသ့ၣ်သ့ၣ်နံၤဖးသီဒီးစီၤပီလူး, ဒီးဖဲနံၤအဝဲန့ၣ်ပှၤယူဒၤဖိဟဲအါအါဂီၢ်ဂီၢ်ဖဲတၢ်လီၢ် လၢစီၤပီလူးအိၣ်ဝဲန့ၣ်လီၤ. စးထီၣ်လၢဂီၤတုၤလၢမုၢ်နၤခီန့ၣ်, အဝဲဒၣ်တဲဖျါထီၣ်ဒီးဟ့ၣ်အဝဲသ့ၣ်လၢအတၢ်ကစီၣ်ဘၣ်ဃး ကစၢ်ယွၤအဘီအမုၢ်န့ၣ်လီၤ. အဝဲဒၣ်ဂုာ်ကျဲးစၢးဒုးနာ်အဝဲသ့ၣ်ဘၣ်ဃးယ့ၣ်ၡူးအဂ့ၢ်ခီဖျိ အယၢၤထီၣ်စီၤမိၤၡ့အတၢ်သိၣ်တၢ်သီဒီးဝံအတၢ်ကွဲးတဖၣ် န့ၣ်လီၤ.

မၤတၢ် 4:28

အဝဲသ့ၣ်ပာ်ဖှိၣ်ထီၣ်အသးဒ်သိးကမၤတၢ်ခဲလၢာ်လၢနစံၣ်ညီၣ် တဲာ်တ့ၢ်လၢအကဘၣ်မၤအသး, ခီဖျိနစိနကမီၤဒီး နတၢ်ဘၣ်နသးန့ၣ်လီၤ.

1 ကရံၣ်သူး 15:3

တၢ်လၢယဒိးန့ၢ်ဘၣ်တ့ၢ်ယဲန့ၣ်, ယဟ့ၣ်လီၤကဒီးယဲဆူသုအိၣ် တဆီလၢအမ့ၢ်တၢ်အကါဒိၣ်ကတၢၢ်တမံၤ, လၢခရံာ်သံလၢ ပတၢ်ဒဲးဘးအဃိဒ်အအိၣ်ကွဲးအသးလၢတၢ်ကွဲးအသးစီဆှံ အပူၤအသိး,