လံာ်မးသဲ 26:11 - Sgaw Karen Common Bible

¹¹ ပှၤဖှီၣ်ဖိယာ်ဖိတဖၣ်ကအိၣ်လၢသုသိးသုကျါထီဘိလီၤ. မ့မ့ၢ်ယဲဒၣ်အံၤယတအိၣ်ဒီးသုထီဘိဘၣ်.

လံာ်မးသဲ 26:11 Iomraidhean Croise

လံာ်မးသဲ 18:20

အဂ့ၢ်ဒ်အံၤ, ဖဲပှၤခံဂၤမ့ၢ်ဂ့ၤ, သၢဂၤမ့ၢ်ဂ့ၤပာ်ဖှိၣ်ထီၣ်အသးလၢ ယမံၤအပူၤန့ၣ်, ယအိၣ်လၢအဝဲသ့ၣ်အသိးအကျါလီၤ.”

လံာ်မးသဲ 26:10

ယ့ၣ်ၡူးသ့ၣ်ညါတၢ်လၢအဝဲသ့ၣ်စံးလိာ်အသးဒီးတဲဘၣ်အဝဲသ့ၣ်, “ဘၣ်မနုၤလၢသုမၤတံာ်တာ်ပိာ်မုၣ်အံၤလဲၣ်. တၢ်လၢအဝဲမၤဘၣ်ယၤအံၤ မ့ၢ်တၢ်မၤလၢအဂ့ၤဒီးဃံလၤမးတမံၤလီၤ.

လံာ်မးသဲ 28:20

ဒီးသိၣ်လိသီလိအဝဲသ့ၣ်လၢအကတိၢ်န့ၢ်ဒီး မၤထွဲတၢ်လၢယမၤလိာ်တ့ၢ်သုကိးမံၤဒဲးန့ၣ်တက့ၢ်. ဒီးယကအိၣ်ဒီးသုထီဘိ တုၤတၢ်အစိၤကတၢၢ်တစုန့ၣ်လီၤ.”

လံာ်မၢ်ကူး 14:7

ပှၤဖှီၣ်ဖိတဖၣ်အိၣ်လၢသုသိးသုကျါထီဘိ, ဒီးတဘျီလၢ်လၢ်ဖဲသုအဲၣ်ဒိးမၤစၢၤအဝဲသ့ၣ်န့ၣ်, သုမၤစၢၤသ့လီၤ. မ့မ့ၢ်ယဲဒၣ်ယတအိၣ်ဒီးသုထီဘိဘၣ်.

လံာ်ယိၤဟၣ် 12:8

ပှၤဖှီၣ်ဖိယာ်ဖိတဖၣ်ကအိၣ်ဒီးသုထီဘိတထံၣ်ဃီလီၤ. မ့မ့ၢ်ယဲဒၣ်အံၤ, ယတအိၣ်ဒီးသုထီဘိတထံၣ်ဃီဘၣ်.”

လံာ်ယိၤဟၣ် 13:33

ယဖိယလံၤသ့ၣ်ဧၢ, ယတအိၣ်ဒီးသုယံာ်ယံာ်လၢၤဘၣ်. သုကဃုယၤဘၣ်ဆၣ်ဒီးဒ်ယစံးဘၣ်တ့ၢ်ပှၤယူဒၤဖိအခိၣ် အနၢ်တဖၣ်အသိးန့ၣ်, ယစံးဘၣ်တဲဘၣ်သုခဲကနံၣ်အံၤ, ‘တၢ်လီၢ်လၢယလဲၤန့ၣ်သုလဲၤတသ့ဘၣ်.’

လံာ်ယိၤဟၣ် 14:19

တစိၢ်ဖိဒီးဟီၣ်ခိၣ်တထံၣ်လၢၤဘၣ်ယၤဘၣ်. ဘၣ်ဆၣ်သု ကထံၣ်ယၤလီၤ. မ့ၢ်ယမူယဲအဃိဒီး, သုကမူစ့ၢ်ကီးလီၤ.

လံာ်ယိၤဟၣ် 16:28

ယဟဲတ့ၢ်လၢပၢ်အအိၣ်, ဒီးယဟဲနုာ်လီၤဆူဟီၣ်ခိၣ်ချၢအံၤ လီၤ. ဒီးခဲအံၤယကဟးထီၣ်ကွံာ်လၢဟီၣ်ခိၣ်အံၤဒီးလဲၤ ဆူပၢ်အအိၣ်န့ၣ်လီၤ.”

လံာ်ယိၤဟၣ် 16:5

ဘၣ်ဆၣ်ဒီးခဲအံၤယကလဲၤဆူပှၤလၢအမၢလီၤတ့ၢ်ယၤတဂၤ အအိၣ်လီၤ. သနာ်က့သုတသံကွၢ်ယၤလၢမ့ၢ်ယကလဲၤဆူလဲၣ်, နီတဂၤဒံးဘၣ်.

လံာ်ယိၤဟၣ် 17:11

ဒီးခဲအံၤယကက့ၤဆူနအိၣ်လီၤ. တယံာ်ဘၣ်ဒီးယတအိၣ်လၢဟီၣ်ခိၣ်ချၢအံၤလၢၤဘၣ်. ဘၣ်ဆၣ်ဒီးအဝဲသ့ၣ်အိၣ်ဒံးလၢဟီၣ်ခိၣ်ချၢန့ၣ်လီၤ. ပၢ်စီဆှံဧၢ, ပှၤလၢနဟ့ၣ်လီၤယၤတဖၣ်န့ၣ်, ဒ်သိးအကမ့ၢ်တၢ်တမံၤ ဃီဒ်နၤဒီးယၤပမ့ၢ်တၢ်တမံၤဃီအသိးန့ၣ်ဒီး, အံးကွၢ်ကဟု ကယာ်က့ၤအီၤလၢနမံၤ, မံၤလၢနဟ့ၣ်ယၤအစိကမီၤ အပူၤန့ၣ်တက့ၢ်.

မၤတၢ် 3:21

အဝဲဒၣ်ကဘၣ်အိၣ်ဝဲလၢမူခိၣ်တုၤလီၤလၢအကတီၢ်ဖဲယွၤမၤ က့ၤတၢ်အသီခဲလၢာ်တစု, ဒ်ကစၢ်ယွၤဘိးဘၣ်သ့ၣ်ညါဆိပာ်စၢၤခီဖျိဝံစီဆှံလၢပျၢၤ တဖၣ်န့ၣ်လီၤ.

ကလၤတံ 2:10

တၢ်လၢအဝဲသ့ၣ်မၢပှၤန့ၣ်မ့ၢ်ဒၣ်ထဲလၢပကသ့ၣ်နီၣ်ထီၣ်ပှၤလၢ အလိၣ်ဘၣ်တၢ်မၤစၢၤတဖၣ်လၢအဝဲသ့ၣ်အသိးအကျါဒီးအဝဲ အံၤမ့ၢ်တၢ်တမံၤလၢယသးဆူၣ်မၤယဲန့ၣ်လီၤ.

လံာ်သိၣ်လီၤသီလီၤတၢ် 15:11

ပှၤအံၣ်စရ့လးဖိလၢအဖှီၣ်ဝဲယာ်ဝဲဒီးလိၣ်ဘၣ်တၢ်မၤစၢၤန့ၣ် ကအိၣ်ဒၣ်ထီဘိန့ၣ်လီၤ. ဒီးလၢတၢ်န့ၣ်အဃိယမၤလိာ်သုလၢသုကဟ့ၣ်ညီတၢ်ဆူအဝဲသ့ၣ်န့ၣ်လီၤ.

၁ ယိၤဟၣ် 3:17

ပှၤအထူးအတီၤတဂၤမ့ၢ်ထံၣ်အဒီပုၢ်ဝဲၢ်လိၣ်ဘၣ်တၢ်, ဘၣ်ဆၣ်တသးကညီၤအီၤဘၣ်န့ၣ်, ကစၢ်ယွၤအတၢ်အဲၣ်တၢ်ကွံအိၣ်လၢအပူၤကသ့ဒ်လဲၣ်.