လံာ်မးသဲ 25:6 - Sgaw Karen Common Bible

⁶ ဒီးလၢဖးဖီမုၢ်န့ၣ်, တၢ်ကိးသတြီထီၣ်ဝဲ, ‘တလးမူးပိာ်ခွါဟဲလံ, ဟဲဒီးသဂၢၢ်အီၤတက့ၢ်.’

လံာ်မးသဲ 25:6 Iomraidhean Croise

စံးထီၣ်ပတြၢၤ 96:13

အဝဲသ့ၣ်ကသးဝံၣ်တၢ်လၢ ယွၤအမဲာ်ညါ လၢအဝဲဟဲဝဲအဃိ, အဝဲဟဲဝဲဒ်သိးကစံၣ်ညီၣ်ဟီၣ်ခိၣ်လီၤ. အဝဲကစံၣ်ညီၣ်ဟီၣ်ခိၣ်လၢတၢ်တီတၢ်လိၤအပူၤ ဒီးပှၤဂီၢ်မုၢ်တဖၣ်လၢအဝဲ အတၢ်မ့ၢ်တၢ်တီအပူၤန့ၣ်လီၤ.

စံးထီၣ်ပတြၢၤ 98:9

အဂ့ၢ်ဒ်အံၤ, အဝဲဟဲဒ်သိးကပၢဟီၣ်ခိၣ်န့ၣ်လီၤ. အဝဲကပၢပှၤဂီၢ်မုၢ်လၢဟီၣ်ခိၣ်ချၢလၢ တၢ်စံၣ်ညီၣ်တီဒီး တၢ်တီတၢ်လိၤအပူၤန့ၣ်လီၤ.

လံာ်ယၡါယၤ 25:9

ဖဲတၢ်အံၤမၤအသးဒီး, ပှၤကိးဂၤဒဲးကစံးဝဲ, “အဝဲဒၣ်မ့ၢ်ပကစၢ်ယွၤလီၤ. ပပာ်ပတၢ်နာ်လၢအပူၤဒီးခဲအံၤ, ပသူၣ်ဖှံသးညီဒီးသူၣ်ခုသးခုလီၤ. အဂ့ၢ်ဒ်အံၤ, အုၣ်က့ၤခီၣ်က့ၤတ့ၢ်ပှၤလီၤ.”

လံာ်ဧၤမိၣ် 4:12

မၤသးဒ်န့ၣ်ဒီး, ပှၤကီၢ်အံၣ်စရ့လးဖိသ့ၣ်ဧၢ, ယကစံၣ်ညီၣ်သု ဒ်န့ၣ်လီၤ. ဒီးမ့ၢ်လၢယကမၤတၢ်အံၤအဃိ, အိၣ်ကတဲာ်ကတီၤသုသး လၢသုကကွၢ်ဆၢၣ်မဲာ်ယတၢ်စံၣ်ညီၣ်တက့ၢ်.

လံာ်မးသဲ 24:31

အဝဲကမၢလီၤအကလူးတဖၣ်, လၢအကွဲၤအသီၣ်ဖးဒိၣ်, ဒီးအဝဲသ့ၣ်ကထၢဖှိၣ်က့ၤယွၤအပှၤဃုထၢဖိတဖၣ်လၢဟီၣ်ခိၣ် အသနၢၣ်လွံၢ်သနၢၣ်, လၢဟီၣ်ခိၣ်ဒီဘ့ၣ်ညါန့ၣ်လီၤ.

လံာ်မးသဲ 24:44

လၢတၢ်န့ၣ်အဃိ, သုဝဲစ့ၢ်ကီးသုကဘၣ်အိၣ်ကတဲာ်ကတီၤ သုသးထီဘိလီၤ. အဂ့ၢ်မ့ၢ်လၢ, ပှၤကညီဖိခွါကဟဲဝဲလၢအကတီၢ်နၣ်ရံၣ်ဖဲသုတဆိကမိၣ် ဒီးမုၢ်လၢ်ဘၣ်ဝဲအခါန့ၣ်လီၤ.

လံာ်မးသဲ 25:1

တုၤနုၤတစု, မူခိၣ်အဘီအမုၢ်န့ၣ်ကမၤအသးဒ်အံၤလီၤ. တဘျီပှၤမုၣ်ကနီၤအိၣ်ဝဲအဂၤတဆံ, လၢအဟံးန့ၢ်အမ့ၣ်အူဒၢ, ဒီးဟးထီၣ်လဲၤသဂၢၢ်တလးမူးပိာ်ခွါတဂၤန့ၣ်လီၤ.

လံာ်မးသဲ 25:31

တုၤပှၤကညီဖိခွါဟဲဝဲအိၣ်ဒီးအလၤကပီၤဒ်စီၤပၤတဂၤအသိး ဃုာ်ဒီးအကလူးခဲလၢာ်န့ၣ်, ကဆ့ၣ်နီၤဝဲလၢအလီၢ်ပစိာ်ကဟုကညီၢ်တဖျၢၣ်အဖီခိၣ်,

လံာ်မးသဲ 25:5

တလးမူးပိာ်ခွါန့ၣ်စဲၤခံဝဲသတးဒီး, အဝဲသ့ၣ်မံခ့မံသပ့ၤ, ဒီးမံဘၣ်အသးခဲလၢာ်လီၤ.

လံာ်မးသဲ 25:7

တုၤနုၤတစု, မုၣ်ကနီၤဆံဆဲၣ်ဂၤန့ၣ်ပၢၢ်ထီၣ်ဒီးမၤဂ့ၤထီၣ် အမ့ၣ်အူဒၢတဖၣ်လီၤ.

လံာ်လူၤကၣ် 12:20

ဘၣ်ဆၣ်ဒီး, ကစၢ်ယွၤစံးဘၣ်အီၤ, ‘ပှၤအသးတဆးနၤဧၢ, မုၢ်တနၤဃီအံၤန့ၣ်, နကဘၣ်ဟ့ၣ်လီၤကွံာ်နသးသမူလီၤ. တုၤနုၤတစု, တၢ်လၢနပာ်ဃာ်အီၤလၢနနီၢ်ကစၢ်ဒၣ်နဲအဂီၢ်ခဲလၢာ်န့ၣ်, မတၤကဒိးန့ၢ်ဘၣ်လဲၣ်.’ ”

လံာ်လူၤကၣ် 12:46

အကစၢ်ကဟဲက့ၤဝဲမုၢ်တနံၤဖဲအဝဲတမုၢ်လၢ်အီၤဒီးဖဲ အဆၢကတီၢ်လၢအဝဲတသ့ၣ်ညါဝဲဘၣ်န့ၣ်လီၤ. ကစၢ်ကကျီတဲာ်အီၤတကူာ်တကူာ်, ဒီးပာ်အီၤတမံၤဃီဒီးပှၤအသးတတီတဖၣ်န့ၣ်လီၤ.

၁ သ့းစၤလနံ 4:16

တၢ်ဟ့ၣ်လီၤတၢ်ကလုၢ်ကသီၣ်ထီၣ်ဖးဒိၣ်, ကလူးအဒိၣ်ကတၢၢ်အကလုၢ်ဒီးကစၢ်ယွၤအကွဲၤကသီၣ် ထီၣ်, ဒီးကစၢ်အနီၢ်ကစၢ်ဒၣ်ဝဲကဟဲလီၤလၢမူခိၣ်လီၤ. ပှၤလၢအသံတ့ၢ်ဝဲလၢတၢ်စူၢ်တၢ်နာ်ယ့ၣ်ၡူးခရံာ်အပူၤ တဖၣ်ကဂဲၤဆၢထၢၣ်သမူထီၣ်က့ၤအဆိကတၢၢ်န့ၣ်လီၤ.

၂ ပ့းတရူး 3:10

ဘၣ်ဆၣ်ဒီးကစၢ်အမုၢ်တနံၤကဟဲဝဲဒ်တၢ်ဘျၣ်တဂၤအသိး လီၤ. ဒီးလၢမုၢ်နံၤအဝဲန့ၣ်မူခိၣ်ကလီၤမၢ်ကွံာ်လၢတၢ်သီၣ် ဖးဒိၣ်, တၢ်အမိၢ်ပှၢ်လၢမူခိၣ်တဖၣ်ကကဲၤထီၣ်ဒီးဟးဂီၤ ကွံာ်, ဒီးဟီၣ်ခိၣ်ဒီးတၢ်အိၣ်လၢအပူၤခဲလၢာ်မ့ၣ်အူကအီၣ် ကွံာ်အီၤန့ၣ်လီၤ.

လံာ်လီၣ်ဖျါ 16:15

“ဒိကနၣ်တက့ၢ်. ယဟဲယဲဒ်တၢ်ဘျၣ်တဂၤအသိးလီၤ. ပှၤတဂၤလၢအိၣ်စီၣ်မဲာ်စီၣ်နါဒီးကတီၤဃာ်အတၢ်ကူတၢ်သိး တဖၣ်ဒ်သိးအဝဲအသုတဟးဝ့ၤဝီၤအိၣ်ဘ့ၣ်ဆ့ဒီးမဲာ်ဆှး ဘၣ်လၢပှၤဂီၢ်မုၢ်ဂီၢ်ပၤအမဲာ်ညါတဂ့ၤအဂီၢ်န့ၣ်ဘၣ်ဆိၣ်ဂ့ၤဝဲလီၤ.”