လံာ်မးသဲ 25:42 - Sgaw Karen Common Bible

⁴² တၢ်သၣ်ဝံၤယသးဘၣ်ဆၣ်သုတဟ့ၣ်အီၣ်ဟ့ၣ်အီယၤဘၣ်. တၢ်သူယသးလၢထံဘၣ်ဆၣ်သုတဒုးအီယၤဘၣ်.

လံာ်မးသဲ 25:42 Iomraidhean Croise

လံာ်ဧၤမိၣ် 6:6

သုအီစပံးထံလၢသလၢဖးဒိၣ်အပှဲၤ, ဒီးဖှူသိနၢမူအဂ့ၤကတၢၢ်, ဘၣ်ဆၣ်သုတသူၣ်အုးသးအုးဘၣ်လၢကီၢ်အံၣ်စရ့လးအတၢ်ဟးဂူာ်ဟး ဂီၤအဃိဘၣ်.

လံာ်မးသဲ 12:30

ပှၤတဂၤလၢ်လၢ်လၢအတအိၣ်ဒီးယၤဘၣ်န့ၣ်, မ့ၢ်ပှၤလၢအထီဒါယၤလီၤ. ပှၤလၢအတမၤစၢၤယၤလၢတၢ်ထၢဖှိၣ်က့ၤတၢ်အပူၤန့ၣ်, မ့ၢ်ပှၤလၢအမၤလီၤပြံလီၤပြါတၢ်လီၤ.

လံာ်မးသဲ 25:35

အဂ့ၢ်ဒ်အံၤ, တၢ်သၣ်ဝံၤယသးဒီးသုဟ့ၣ်အီၣ်ဟ့ၣ်အီယၤ, တၢ်သူယသးလၢထံဒီးသုဒုးအီယၤ, ယမ့ၢ်ပှၤသမှံၤတဂၤဒီးသုတူၢ်လိာ်ယၤလၢသုဟံၣ်သုဃီတဖၣ် အပူၤ,

လံာ်မးသဲ 25:41

တုၤနုၤတစု, စီၤပၤကစံးဘၣ်ပှၤအိၣ်လၢအစုစ့ၣ်တဖၣ်ဒ်အံၤ, ‘ဟးဖးဒီးယၤတက့ၢ်. ပှၤလၢအဘၣ်ကစၢ်ယွၤအတၢ်ဆိၣ်အၢသ့ၣ်ဧၢ, လဲၤနုာ်ဆူမ့ၣ်အူလၢအတလီၤပံာ်ဘၣ်နီတဘျီဘၣ်, လၢအဘၣ်တၢ်ကတဲာ်ကတီၤပာ်စၢၤလၢမုၣ်ကီၤလံၢ်ဒီးအကလူးတဖၣ် အဂီၢ်, အပူၤန့ၣ်တက့ၢ်.

လံာ်မးသဲ 25:43

ယမ့ၢ်ပှၤသမှံၤဘၣ်ဆၣ် သုတတူၢ်လိာ်ယၤလၢသုဟံၣ်သုဃီဘၣ်. ယအိၣ်ဘ့ၣ်ဆ့ဘၣ်ဆၣ်သုတဒုးကူဒုးသိးယၤဘၣ်. ယဘၣ်ဆူးဘၣ်ဆါဒီးအိၣ်လၢဃိာ်ပူၤဘၣ်ဆၣ်သု တအံးက့ၤကွၢ်က့ၤယၤဘၣ်.’

လံာ်မးသဲ 4:2

အဝဲဒုၣ်တၢ်အီၣ်အနံၤလွံၢ်ဆံအနၤလွံၢ်ဆံဝံၤဒီးတၢ်သၣ်ဝံၤ အသးလီၤ.

လံာ်ယိၤဟၣ် 14:21

ပှၤတဂၤလၢ်လၢ်လၢအတူၢ်လိာ်ယတၢ်မၤလိာ်တဖၣ် ဒီးတိၢ်န့ၢ်ဒီးမၤထွဲဝဲန့ၣ်, မ့ၢ်ပှၤတဂၤလၢအအဲၣ်ယၤလီၤ. ယပၢ်ကအဲၣ်ပှၤတဂၤလၢ်လၢ်လၢအအဲၣ်ယၤ, ဒီးယဲဒၣ်စ့ၢ်ကီး ယကအဲၣ်အီၤဒီးလီၣ်ဖျါထီၣ်ယသးလၢအီၤလီၤ.”

လံာ်ယိၤဟၣ် 5:23

ဒ်သိးပှၤခဲလၢာ်ကယူးယီၣ်ဖိခွါဒ်အယူးယီၣ်ပၢ်အသိး န့ၣ်လီၤ. ပှၤလၢတယူးယီၣ်ဘၣ်ဖိခွါန့ၣ်, တယူးယီၣ်ဘၣ်ပၢ်လၢအမၢလီၤအီၤတဂၤန့ၣ်ဘၣ်.

1 ကရံၣ်သူး 16:22

ပှၤတဂၤလၢ်လၢ်လၢအတအဲၣ်ကစၢ်န့ၣ်, မ်အဘၣ်ဆိၣ်အၢတက့ၢ်. မၤရၤနၤသၤ - ပကစၢ်ဧၢ, ဟဲတက့ၢ်.

၂ သ့းစၤလနံ 1:8

ဒီးဟဲလီၤလၢမ့ၣ်အူလၣ်အပူၤ, ဒ်သိးအကစံၣ်ညီၣ်ပှၤတဖၣ်လၢအတအၢၣ်လီၤအီလီၤ ကစၢ်ယွၤဒီးတတူၢ်လိာ်တၢ်သးခုကစီၣ်ဘၣ်ဃးပကစၢ် ယ့ၣ်ၡူးန့ၣ်လီၤ.

၁ ယိၤဟၣ် 4:20

ပှၤတဂၤဂၤမ့ၢ်စံး, “ယအဲၣ်ကစၢ်ယွၤကွံယွၤလီၤ.” ဘၣ်ဆၣ်မ့ၢ်သးဟ့အဒီပုၢ်ဝဲၢ်န့ၣ်, မ့ၢ်ပှၤကတိၤတၢ်ကဘျံးကဘျၣ်လီၤ. အဂ့ၢ်ဒ်လဲၣ်န့ၣ်, ပှၤလၢအတအဲၣ်ဘၣ် အဒီပုၢ်ဝဲၢ်လၢအထံၣ်ဝဲန့ၣ်, အဲၣ်ကစၢ်ယွၤလၢ အတထံၣ်ဘၣ်ဝဲန့ၣ်တသ့ဘၣ်.