လံာ်မးသဲ 25:41 - Sgaw Karen Common Bible

⁴¹ တုၤနုၤတစု, စီၤပၤကစံးဘၣ်ပှၤအိၣ်လၢအစုစ့ၣ်တဖၣ်ဒ်အံၤ, ‘ဟးဖးဒီးယၤတက့ၢ်. ပှၤလၢအဘၣ်ကစၢ်ယွၤအတၢ်ဆိၣ်အၢသ့ၣ်ဧၢ, လဲၤနုာ်ဆူမ့ၣ်အူလၢအတလီၤပံာ်ဘၣ်နီတဘျီဘၣ်, လၢအဘၣ်တၢ်ကတဲာ်ကတီၤပာ်စၢၤလၢမုၣ်ကီၤလံၢ်ဒီးအကလူးတဖၣ် အဂီၢ်, အပူၤန့ၣ်တက့ၢ်.

လံာ်မးသဲ 25:41 Iomraidhean Croise

စံးထီၣ်ပတြၢၤ 119:115

ပှၤမၤတၢ်အၢသ့ၣ်တဖၣ်ဧၢ, ဟးဖးဒီးယၤ, ဒ်သိးယကတိၢ်န့ၢ်ဟံးဃာ် ယကစၢ်အတၢ်မၤလိာ်တဖၣ်န့ၣ်တက့ၢ်.

စံးထီၣ်ပတြၢၤ 119:21

ပှၤလၢအပာ်ထီၣ်ထီအသး, လၢအဘၣ်တၢ်ဆိၣ်အၢလၢ အဟးဖျိးလၢ နတၢ်မၤလိာ်တဖၣ်အကျဲန့ၣ်, နသိၣ်ဃီၣ်လံအီၤလံ.

စံးထီၣ်ပတြၢၤ 139:19

ကစၢ်ယွၤဧၢ, ယသးအိၣ်မးလၢ နကမၤသံပှၤ တတီတလိၤန့ၣ်လီၤ. ယသးအိၣ်မးလၢ ပှၤမၤဆူၣ်မၤစိးတၢ်တဖၣ် ကဟးဖးဒီးယၤန့ၣ်လီၤ.

စံးထီၣ်ပတြၢၤ 6:8

ကယဲၢ်ပှၤမၤတၢ်အၢတၢ်သီခဲလၢာ်သ့ၣ်ဧၢ, ဟးထီၣ်ကွံာ်လၢယအိၣ်တက့ၢ်. အဂ့ၢ်ဒ်အံၤ, ယွၤနၢ်ဟူလံယဟီၣ်တၢ်အသီၣ်လံ.

လံာ်ယၡါယၤ 66:24

“ဖဲအဝဲသ့ၣ်ဟးထီၣ်အဖၢမုၢ်န့ၣ်, အဝဲသ့ၣ်ကထံၣ်ဘၣ်ပှၤတဖၣ် လၢအပူထီၣ်တၢ်ထီဒါတ့ၢ်ယၤအစိၣ်န့ၣ်လီၤ. လၢၣ်တဖၣ်လၢအအီၣ်အဝဲ သ့ၣ်န့ၣ်တသံနီတစုဘၣ်, ဒီးမ့ၣ်အူလၢအအီၣ်အဝဲ သ့ၣ်န့ၣ်တၢ်တမၤလီၤပံာ်ကွံာ်အီၤနီတစုဘၣ်. တၢ်ထံၣ်ဘၣ် တၢ်တဖၣ်အံၤကမ့ၢ်တၢ်လီၤသးဘၣ်အၢလၢပှၤဟီၣ်ခိၣ်ဖိ ခဲလၢာ်အဂီၢ်န့ၣ်လီၤ.”

လံာ်ယံးရမံယၤ 17:5

ယွၤစံးဝဲဒၣ်, “ယကစံၣ်ညီၣ်ဃၣ်ပှၤလၢ အဃၣ်ကွံာ်အသးလၢယၤ ဒီးပာ်အတၢ်နာ်လၢပှၤကညီအပူၤ, လၢပှၤကညီလၢအသံသ့အတၢ်ဂံၢ်တၢ်ဘါ အပူၤန့ၣ်လီၤ.

လံာ်မးသဲ 13:40

ဒ်နီၣ်စံစၣ်ဘၣ်တၢ်ထၢဖှိၣ်ဒီးဆူးကဲၤထီၣ်ကွံာ်အီၤလၢမ့ၣ်အူအသိးန့ၣ်, တၢ်ကမၤအသးလၢမုၢ်နံၤခံကတၢၢ်ဒ်န့ၣ်အသိးလီၤ.

လံာ်မးသဲ 13:42

ဒီးကလူးတဖၣ်ကတ့ၢ်လီၤကွံာ်အဝဲသ့ၣ်ဆူမ့ၣ်အူအဖၣ်ကပူၤ, ဖဲအဝဲသ့ၣ်ကဟီၣ်တၢ်ယၢၤတၢ်ဒီးကအ့ၣ်စဃံးအမဲန့ၣ်လီၤ.

လံာ်မးသဲ 13:50

ဒီးတ့ၢ်လီၤကွံာ်အဝဲသ့ၣ်ဆူမ့ၣ်အူအဖၣ်ကပူၤ, ဖဲအဝဲသ့ၣ်ကဟီၣ်တၢ်ယၢၤတၢ်ဒီးကအ့ၣ်စဃံးအမဲန့ၣ်လီၤ.”

လံာ်မးသဲ 18:8

ဒီးနစုမ့ၢ်ဂ့ၤ, နခီၣ်မ့ၢ်ဂ့ၤ, မ့ၢ်မၤဟးဂီၤနတၢ်စူၢ်တၢ်နာ် ဒီး, ဒီၣ်တဲာ်ကွံာ်အီၤဒီးစူးကွံာ်အီၤတက့ၢ်. နလဲၤနုာ်ဆူတၢ်မူအပူၤအိၣ်ဒီးနစုကၢ်ခီၣ်ကၢ်န့ၣ်, ဂ့ၤဒိၣ်န့ၢ်ဒံးနဘၣ်တၢ်တ့ၢ်လီၤကွံာ်နၤဆူမ့ၣ်အူအထူအယိာ်အ ပူၤ, အိၣ်ဒီးနစုခံခီနခီၣ်ခံခီလၢာ်တက့ၢ်လီၤ.

လံာ်မးသဲ 25:42

တၢ်သၣ်ဝံၤယသးဘၣ်ဆၣ်သုတဟ့ၣ်အီၣ်ဟ့ၣ်အီယၤဘၣ်. တၢ်သူယသးလၢထံဘၣ်ဆၣ်သုတဒုးအီယၤဘၣ်.

လံာ်မးသဲ 25:46

တုၤနုၤတစု, ပှၤတဖၣ်အံၤကလဲၤနုာ်ဆူတၢ်စံၣ်ညီၣ်အထူ အယိာ်အပူၤ, မ့မ့ၢ်ပှၤအတီအလိၤတဖၣ်ကလဲၤနုာ်ဆူ တၢ်မူအထူအယိာ်အပူၤလီၤ.”

လံာ်မးသဲ 3:12

ကီၢ်လဲၢ်အိၣ်လၢအစုပူၤလၢအကပညၢကွံာ်ဖ့တဖၣ်ဒီး အဝဲကမၤပျီအကြဲၢ်ဒီးဂၢ်ဖှိၣ်က့ၤအဘုလၢဖီပူၤလီၤ. မ့မ့ၢ်ဖ့တဖၣ်န့ၣ်ကဆူးထီၣ်ကွံာ်ဝဲလၢမ့ၣ်အူလၢ အတလီၤပံာ်နီတဘျီဘၣ်န့ၣ်လီၤ.”

လံာ်မးသဲ 4:10

တုၤနုၤတစုယ့ၣ်ၡူးစံးဆၢအီၤ, “ဟးဖးဒီးယၤတက့ၢ်မုၣ်ကီၤလံၢ်ဧၢ, အဂ့ၢ်ဒ်အံၤ, တၢ်ကွဲးအသးစံးဝဲ, ‘နဘၣ်ဘူၣ်ထီၣ်ဘါထီၣ် ဒီးမၤထဲယွၤနကစၢ်ယွၤတဂၤဧိၤအတၢ်မၤလီၤ’ ” (သိၣ်သီ. ၆:၁၃).

လံာ်မးသဲ 5:22

မ့မ့ၢ်ခဲအံၤယစံးဘၣ်သုလၢပှၤတဂၤလၢ်လၢ်လၢအသူၣ်ဒိၣ်သး ဖျိးအဒီပုၢ်ဝဲၢ်ပှၤစူၢ်က့ၤနာ်က့ၤတၢ်န့ၣ်, ကဘၣ်တၢ်ဆှၢထီၣ်အီၤလၢစံၣ်ညီၣ်ကွီၢ်အတၢ်သမံသမိးအဂီၢ်, ဒီးပှၤတဂၤလၢ်လၢ်လၢအကတိၤဒုၣ်ဒွဲၣ်အဒီပုၢ်ဝဲၢ်ပှၤစူၢ်က့ၤ နာ်က့ၤတၢ်န့ၣ်, ကဘၣ်တၢ်ဆှၢထီၣ်အီၤဆူပှၤယူဒၤဖိအပှၤဒိၣ်ပှၤပှၢ်တဖၣ်အကီၣ် ကးလီၤ. ပှၤတဂၤလၢ်လၢ်လၢအကိးအဒီပုၢ်ဝဲၢ်ပှၤစူၢ်က့ၤနာ်က့ၤတၢ်လၢ ပှၤဟးဂီၤဖိန့ၣ်, ဂ့ၤဘၣ်တၢ်ဆှၢအီၤဆူလရာ်မ့ၣ်အူအပူၤလီၤ.

လံာ်မးသဲ 7:23

ဒီးယကစံးဘၣ်အဝဲသ့ၣ်, ‘ယတသ့ၣ်ညါသုနီတစုဘၣ်. ပှၤမၤတၢ်အၢတၢ်သီသ့ၣ်ဧၢ, ဟးဖးဒီးယၤတက့ၢ်.’

လံာ်လူၤကၣ် 13:27

ဘၣ်ဆၣ်ဒီးအဝဲဒၣ်ကစံးကဒီးဝဲ, ‘သုဟဲဖဲလဲၣ်န့ၣ်ယတသ့ၣ်ညါဘၣ်. သုဝဲကိးဂၤလၢအမၤတၢ်အၢတၢ်သီသ့ၣ်ဧၢ, ဟးထီၣ်ကွံာ်လၢယအိၣ်တက့ၢ်.’

လံာ်လူၤကၣ် 16:24

လၢတၢ်န့ၣ်အဃိအဝဲဒၣ်ကိးထီၣ်ဝဲ, ‘ပၢ်စီၤအၤဘြၤဟၣ်ဧၢ, သူၣ်ကညီၤသးကညီၤယၤ ဒီးမၢစီၤလါစရူးဘျၢလီၤအစုမုၢ် အစိးနါလၢထံကျါဒီးဟဲမၤခုၣ်လီၤယပျ့ၤန့ၣ်တက့ၢ်. အဂ့ၢ်ဒ်အံၤ, ယအိၣ်လၢတၢ်ဘၣ်တူၢ်တၢ်နးမးအပူၤ, လၢမ့ၣ်အူတခါအံၤအပူၤလီၤ.’

လံာ်ယိၤဟၣ် 8:44

သုမ့ၢ်သုပၢ်မုၣ်ကီၤလံၢ်အဖိတဖၣ်ဒီးသုသးအိၣ်မၤအတၢ်ဘၣ် အသးန့ၣ်လီၤ. လၢအခီၣ်ထံးလံၤလံၤန့ၣ်, အဝဲမ့ၢ်ပှၤမၤသံပှၤကညီဒီးတဆၢထၢၣ်လၢ တၢ်မ့ၢ်တၢ်တီအဂီၢ်နီတဘျီဘၣ်, အဂ့ၢ်မ့ၢ်လၢ တၢ်မ့ၢ်တၢ်တီတအိၣ်ဘၣ်လၢအပူၤအဃိလီၤ. တုၤအဝဲကတိၤတၢ်ကဘျံးကဘျၣ်ဒီးမ့ၢ်ဒၣ်အဝဲမၤတၢ်လၢ အဝဲမၤညီနုၢ်ဝဲန့ၣ်လီၤ. အဂ့ၢ်မ့ၢ်လၢအဝဲမ့ၢ်ပှၤကတိၤကဘျံး ကဘျၣ်တၢ်တဂၤဒီးမ့ၢ်တၢ်ကဘျံးကဘျၣ်ခဲလၢာ်အပၢ်အဃိလီၤ.

၂ သ့းစၤလနံ 1:7

အဝဲဒၣ်ကမၤမုာ်ထီၣ်က့ၤသုဝဲလၢအတူၢ်ဘၣ်တၢ်နး တၢ်ဖှီၣ်, ဒီးပဝဲဒၣ်စ့ၢ်ကီးလီၤ. အဝဲဒၣ်ကမၤတၢ်အံၤဖဲကစၢ်ယ့ၣ်ၡူးအိၣ်ဖျါထီၣ်လၢမူခိၣ်ဃုာ် ဒီးအကလူးလၢအအိၣ်ဒီးအစိအကမီၤတဖၣ်,

၂ သ့းစၤလနံ 1:9

အဝဲသ့ၣ်ကတူၢ်ဘၣ်တၢ်စံၣ်ညီၣ်လၢအမ့ၢ်တၢ်ဟးဂီၤအထူ အယိာ်, ဒီးကဘၣ်တၢ်ထုးဖးကွံာ်အီၤလၢကစၢ်အမဲာ်ညါ ဒီးအလၤကပီၤဘၣ်ဃးဒီးအစိအကမီၤန့ၣ်လီၤ.

ဧ့ၤဘြံၤ 6:8

ဘၣ်ဆၣ်ဒီးဟီၣ်ခိၣ်မ့ၢ်ဒုးမဲထီၣ်တၤဆှုၣ်တၤမဲ, တပှီာ်တပှာ်ဒီးအဘျုးတအိၣ်ဘၣ်သတးဒီးအိၣ်ဘူးထီၣ်ဒီးတၢ်ဘၣ် ဆိၣ်အၢဒီးလၢခံကတၢၢ်န့ၣ်, ကဘၣ်တၢ်ဆူးထီၣ်ကွံာ်အီၤလၢမ့ၣ် အူန့ၣ်လီၤ.

၂ ပ့းတရူး 2:4

ကလူးလၢအမၤတၢ်ဒဲးဘးတဖၣ်န့ၣ်, ကစၢ်ယွၤတပျၢ်ဖျဲး အီၤဘၣ်ဒီးတ့ၢ်လီၤကွံာ်အဝဲသ့ၣ်ဆူလရာ်အပူၤ, ဒီးဖဲန့ၣ်အဝဲသ့ၣ်ဘၣ်တၢ်စၢဃာ်အီၤလၢတၢ်ခံးတၢ်နၤ အပူၤဒီးအိၣ်ခိးမုၢ်စံၣ်ညီၣ်အနံၤန့ၣ်လီၤ.

၁ ယိၤဟၣ် 3:10

အအံၤမ့ၢ်တၢ်လီၤဆီလၢအအိၣ်ဖျါဝဲလီၤတံၢ်လီၤဆဲးလၢ ကစၢ်ယွၤအဖိတဖၣ်ဒီးမုၣ်ကီၤလံၢ်အဖိတဖၣ်အဘၢၣ်စၢၤ န့ၣ်လီၤ. ပှၤတဂၤဂၤလၢအတမၤတၢ်လၢအဘၣ်, မ့တမ့ၢ် တအဲၣ်ဘၣ်အဒီပုၢ်ဝဲၢ်န့ၣ်, တမ့ၢ်ကစၢ်ယွၤအဖိဘၣ်.