လံာ်မးသဲ 25:3 - Sgaw Karen Common Bible

³ မုၣ်ကနီၤလၢအသးတဆးတဖၣ်န့ၣ်, လဲၤစိာ်အမ့ၣ်အူဒၢတဖၣ်ဘၣ်ဆၣ် တလဲၤစိာ်ဃုာ်ဒီးသိဘၣ်.

လံာ်မးသဲ 25:3 Iomraidhean Croise

တၢ်ကတိၤဒိ. 31:18

အဝဲသ့ၣ်ညါတၢ်လၢအမၤဝဲကိးမံၤဒဲးအလုၢ်အပှ့ၤဒီးမၤတၢ်တုၤ လၢမုၢ်နၤယိာ်ဒၣ်လဲာ်လီၤ.

လံာ်ယၡါယၤ 58:2

အဝဲသ့ၣ်ဘူၣ်ထီၣ်ဘါထီၣ်ယၤကိးနံၤဒဲး, စံးလီၤအသးလၢ အသးဆူၣ်လၢကသ့ၣ်ညါဘၣ်ယကျဲတဖၣ်ဒီးစူၢ်ယတၢ်သိၣ် တၢ်သီတဖၣ်အဂီၢ်လီၤ. အဝဲသ့ၣ်စံးဝဲလၢအအဲၣ်ဒိးယက ဟ့ၣ်အဝဲသ့ၣ်ထဲဒၣ်တၢ်သိၣ်တၢ်သီတဖၣ်ဒီးကသူၣ်မံသးမုာ် လၢအဘူၣ်ထီၣ်ဘါထီၣ်ဘၣ်ယၤန့ၣ်လီၤ.”

လံာ်ယဃ့းစက့လး 33:3

ဖဲအဝဲထံၣ်ဒုၣ်ဒါဟဲသုးဘူးဃီၤအသးန့ၣ်, အဝဲအူသီၣ်ထီၣ်ကွဲၤ လၢတၢ်ဟ့ၣ်ပလီၢ်ပှၤကိးဂၤဒဲးအဂီၢ်န့ၣ်လီၤ.

လံာ်မးသဲ 25:1

တုၤနုၤတစု, မူခိၣ်အဘီအမုၢ်န့ၣ်ကမၤအသးဒ်အံၤလီၤ. တဘျီပှၤမုၣ်ကနီၤအိၣ်ဝဲအဂၤတဆံ, လၢအဟံးန့ၢ်အမ့ၣ်အူဒၢ, ဒီးဟးထီၣ်လဲၤသဂၢၢ်တလးမူးပိာ်ခွါတဂၤန့ၣ်လီၤ.

လံာ်မးသဲ 25:2

အဝဲသ့ၣ်အကျါယဲၢ်ဂၤမ့ၢ်ပှၤလၢအသးတဆးဘၣ်, ဒီးအဂၤယဲၢ်ဂၤမ့ၢ်ပှၤလၢအသူၣ်ဆးအသးဆးတဖၣ်လီၤ.

လံာ်မးသဲ 25:4

မုၣ်ကနီၤလၢအသူၣ်ဆးအသးဆးတဖၣ်န့ၣ်, လဲၤစိာ်ဃုာ်ဒီးသိပှဲၤတၢ်ပူၤတၢ်တ့ၤအဂၤတခါအပူၤလီၤ.

၂ တံၤမသ့း 3:5

အဝဲသ့ၣ်ကဟံးဃာ်ပတၢ်ဘူၣ်တၢ်ဘါအလုၢ်အလၢ်လၢ အဖျါလၢခိ, ဘၣ်ဆၣ်ဒီးတတူၢ်လိာ်ဝဲအတၢ်စိကမီၤနီၢ်နီၢ် န့ၣ်ဘၣ်. ဟးဆှဲးပှၤဒ်န့ၣ်အသိးတဖၣ်တက့ၢ်.

ဧ့ၤဘြံၤ 12:15

ပလီၢ်သုသးဒ်သိးပှၤသုတဃၣ်ဒူချၢကွံာ်အသးလၢ ကစၢ်ယွၤအဘျုးအဖှိၣ်နီတဂၤတဂ့ၤ, ဒီးဒ်သိးတၢ်အခၣ်တမုၢ်န့ၣ်အသုတမဲထီၣ်လၢသုသိးသုကျါဒီး ကဲထီၣ်တၢ်ကီတၢ်ခဲလၢသုဂီၢ်ဒီးတၢ်မၤဘၣ်အၢသုန့ၣ်တဂ့ၤ.

လံာ်လီၣ်ဖျါ 3:1

ဆူဝ့ၢ်စၢ်ဒံတၢ်အိၣ်ဖှိၣ်အကလူးအအိၣ်န့ၣ်ကွဲးနဲဒ်အံၤ, “အဝဲအံၤ မ့ၢ်တၢ်ကစီၣ်ဟဲလၢပှၤတဂၤလၢအအိၣ်ဒီးကစၢ်ယွၤ အသးနွံဖျၢၣ်, ဒီးဆၣ်နွံဖျၢၣ်အအိၣ်န့ၣ်လီၤ. နမၤတၢ်မနုၤလဲၣ်န့ၣ် ယသ့ၣ်ညါယဲလီၤ. ယသ့ၣ်ညါလၢနအိၣ်ဒီးနမံၤနသၣ်လၢ နအိၣ်မူအိၣ်ဂဲၤ, အနီၢ်နီၢ်တခီ, နသံနဲန့ၣ်လီၤ.