လံာ်မးသဲ 25:1 - Sgaw Karen Common Bible

¹ တုၤနုၤတစု, မူခိၣ်အဘီအမုၢ်န့ၣ်ကမၤအသးဒ်အံၤလီၤ. တဘျီပှၤမုၣ်ကနီၤအိၣ်ဝဲအဂၤတဆံ, လၢအဟံးန့ၢ်အမ့ၣ်အူဒၢ, ဒီးဟးထီၣ်လဲၤသဂၢၢ်တလးမူးပိာ်ခွါတဂၤန့ၣ်လီၤ.

လံာ်မးသဲ 25:1 Iomraidhean Croise

စံးထီၣ်ပတြၢၤ 45:14

အဝဲဘၣ်တၢ်လဲၤကိးအီၤဆူ စီၤပၤအအိၣ်, ကူသိးဝဲဒီး အဆ့ကၤအိၣ်ဒီး အလွဲၢ်ဃံလၤတဖၣ် ဒီးမုၣ်လိၣ်ဘိလၢအထီၣ်ဆှၢအီၤသ့ၣ်တဖၣ် ပိာ်ထီၣ်အခံန့ၣ်လီၤ. ဒီးအဝဲသ့ၣ်စ့ၢ်ကီးဘၣ်တၢ်လဲၤကိးအီၤဆူစီၤပၤ အအိၣ်န့ၣ်လီၤ.

လံာ်တၢ်သးဝံၣ်တဖၣ်အတၢ်သးဝံၣ် 1:3

သိလၢနဖှူအီၤန့ၣ်နၢမူဝဲ, ဒီးနမံၤမၤအသးဒ်သိနၢမူလၢအလူလီၤ အသးအသိးန့ၣ်လီၤ. မၤသးဒ်န့ၣ်ဒီး, ပှၤပိာ်မုၣ်တအဲၣ်နၤအိၣ်တကဲနီတဂၤဘၣ်.

လံာ်တၢ်သးဝံၣ်တဖၣ်အတၢ်သးဝံၣ် 5:16

အထးခိၣ်ဆၢဝဲလၢတၢ်ကနၢမူအီၤအဂီၢ်, တၢ်လၢအဘၣ်ဃးဒီးအီၤကိးမံၤဒဲးရဲၢ်န့ၢ်ယၤလီၤ. ပှၤလၢယအဲၣ်အီၤလီၤဂာ်ဒ်န့ၣ်အသိးလီၤ, ဝ့ၢ်ယရူၤၡလ့ၣ်အဖိမုၣ်သ့ၣ်ဧၢ.

လံာ်တၢ်သးဝံၣ်တဖၣ်အတၢ်သးဝံၣ် 5:8

ဝ့ၢ်ယရူၤၡလ့ၣ်အဖိမုၣ်သ့ၣ်ဧၢ, အၢၣ်လီၤတၢ်ဒီးယၤလၢ သုမ့ၢ်ထံၣ်ဘၣ်ယတၢ်အဲၣ်န့ၣ်, သုကဘၣ်တဲဘၣ်အီၤလၢယဂံၢ်ယဘါလီၤစၢ်လၢတၢ်အဲၣ်အဃိတက့ၢ်.

လံာ်ယၡါယၤ 54:5

နတၢ်ဘၣ်တ့အကစၢ်ကလီၤဂာ်ဒ် ဝၤတဂၤအသိးလၢနဂီၢ်လီၤ. အဝဲအမံၤမ့ၢ်ဝဲယွၤသ့တၢ်လၢာ်န့ၣ်လီၤ. ကီၢ်အံၣ်စရ့လးအကစၢ်ယွၤစီဆှံကအုၣ်က့ၤခီၣ်က့ၤနၤလီၤ. အဝဲမ့ၢ်ပှၤပၢဟီၣ်ခိၣ်ဒီဘ့ၣ်န့ၣ်လီၤ.

လံာ်ဒၤနံးယ့လး 2:44

လၢစီၤပၤတဖၣ်အမုၢ်နံၤအပူၤန့ၣ်ကစၢ်ယွၤလၢမူခိၣ်ကသူၣ်ထီၣ် ဘီမုၢ်တဘ့ၣ်လၢအကတၢၢ်တအိၣ်ဘၣ်လီၤ. ဘီမုၢ်န့ၣ်ဘၣ်တၢ်မၤနၢၤကွံာ်အီၤတန့ၢ်ဘၣ်. မ့မ့ၢ်ကမၤဟးဂီၤကွံာ်ဘီမုၢ်တဖၣ်လၢာ် လၢာ်ဆ့ဆ့ဒီးကအိၣ်ဂၢၢ်ကျၢၤဝဲလီၤထူလီၤယိာ်လီၤ.

လံာ်မးသဲ 13:24

ယ့ၣ်ၡူးတဲကဒီးတၢ်ကတိၤဒိအဂၤတခါဒီးစံး, “မူခိၣ်အဘီအမုၢ်လီၤဂာ်ဒီးပှၤလၢအဖှံလီၤတၢ်ချံလၢအ ဂ့ၤလၢအစံာ်ပျီပူၤလီၤ.

လံာ်မးသဲ 13:31

ယ့ၣ်ၡူးတဲတၢ်ကတိၤဒိအဂၤတခါဒီးစံး, “မူခိၣ်အဘီအမုၢ်လီၤဂာ်ဒီးသဘၣ်ချံဖိတဖျၢၣ် လၢပှၤတဂၤဟံးန့ၢ်ဒီးဖှံလီၤအီၤလၢစံာ်ပျီပူၤလီၤ.

လံာ်မးသဲ 13:38

စံာ်ဧိၤပျီဧိၤမ့ၢ်ဟီၣ်ခိၣ်ချၢလီၤ. ဒီးတၢ်ချံလၢအဂ့ၤမ့ၢ်ပှၤဘီဖိမုၢ်ဖိတဖၣ်, ဒီးနီၣ်စံစၣ်မ့ၢ်မုၣ်ကီၤလံၢ်အဖိအလံၤတဖၣ်လီၤ.

လံာ်မးသဲ 13:47

မၤကဒီးတစုမူခိၣ်အဘီအမုၢ်န့ၣ်လီၤဂာ်ဒီးစၤလၢ အဘၣ်တၢ်တ့ၢ်လီၤအီၤလၢပီၣ်လဲၣ်အပူၤဒီးဖီၣ်န့ၢ်ညၣ်ကိး ကလုာ်ဒဲးန့ၣ်လီၤ.

လံာ်မးသဲ 20:1

မူခိၣ်အဘီအမုၢ်န့ၣ်မၤအသးဒ်အံၤလီၤ. တဘျီပှၤအိၣ်ဝဲတဂၤလၢအဟးထီၣ်လၢအဟံၣ်ဂီၤဂီၤ, ဒ်သိးကဒိးလဲန့ၢ်ပှၤမၤတၢ်ဖိလၢအကဟဲမၤတၢ်လၢအစပံးလီၢ် အပူၤန့ၣ်လီၤ.

လံာ်မးသဲ 22:2

“မူခိၣ်အဘီအမုၢ်န့ၣ်မၤအသးဒ်အံၤလီၤ. တဘျီစီၤပၤတဂၤကတဲာ်ကတီၤတၢ်ဖျီအမူးလၢအဖိခွါအဂီၢ်လီၤ.

လံာ်မးသဲ 25:7

တုၤနုၤတစု, မုၣ်ကနီၤဆံဆဲၣ်ဂၤန့ၣ်ပၢၢ်ထီၣ်ဒီးမၤဂ့ၤထီၣ် အမ့ၣ်အူဒၢတဖၣ်လီၤ.

လံာ်မးသဲ 3:2

အဝဲစံးဝဲ, “ပီၢ်ယၢ်လီၤက့ၤဒီး ဃၣ်လိၤက့ၤသုသးတက့ၢ်. အဂ့ၢ်ဒ်အံၤ, မူခိၣ်အဘီအမုၢ်ကသူၣ်လီၤအသးဘူးထီၣ်လံ.”

လံာ်မးသဲ 5:16

ဒ်မ့ၣ်အူလၢမ့ၣ်အူဒၢအလီၢ်အဖီခိၣ်အသိးန့ၣ်, ဟ့ၣ်ထီၣ်သုတၢ်ကပီၤလၢပှၤကိးဂၤဒဲးအမဲာ်ညါဒ်သိးအဝဲသ့ၣ် ကထံၣ်ဘၣ်သုတၢ်မၤအဂ့ၤတဖၣ်, ဒီးကစံးထီၣ်ပတြၢၤသုပၢ်အိၣ်လၢမူခိၣ်န့ၣ်တက့ၢ်.

လံာ်မးသဲ 9:15

ယ့ၣ်ၡူးစံးဆၢဝဲ, “ဖဲတလးမူးပိာ်ခွါအိၣ်ဒံးဒီးအဝဲသ့ၣ် အဖၢမုၢ်ဒီးမ့ၢ်ပှၤသမှံၤလၢအဟဲဆူတၢ်တ့တၢ်ဖျီတဖၣ် သူၣ်အုးသးအုးကသ့ဧါ. ဘၣ်ဆၣ်ဒီးမုၢ်နံၤတဖၣ်ကဟဲဝဲဖဲတလးမူးပိာ်ခွါကဘၣ်တၢ်ထုးဖးကွံာ်အီၤ လၢအဝဲသ့ၣ်အအိၣ်လီၤ. တုၤနုၤတစုအဝဲသ့ၣ်ကဒုၣ်တၢ်အီၣ်လီၤ.

လံာ်ယိၤဟၣ် 18:3

စီၤယူဒၤလဲၤဆူတၤသၣ်လီၢ်အံၤဒီးလဲၤကိးဃုာ်ပှၤရိမ့ၤသုးဖိ တဖုဒီးပှၤပၢၤတၢ်လုၢ်ဟံၣ်ဖိတနီၤလၢပှၤလုၢ်တၢ်အခိၣ်အဒိၣ် တဖၣ်ဒီးပှၤဖၤရံၤၡဲတဖၣ်မၢလီၤအီၤန့ၣ်လီၤ. အဝဲသ့ၣ်အိၣ်ဒီး စုကဝဲၤဒီးစိာ်ဃုာ်မ့ၣ်အူဒၢဒီးဆှိတဖၣ်န့ၣ်လီၤ.

လံာ်ယိၤဟၣ် 3:29

ပှၤလၢအဘၣ်ဃးဒီးတလးမူးပိာ်ခွါန့ၣ်မ့ၢ်တလးမူးပိာ်မုၣ်လီၤ. ဘၣ်ဆၣ်ဒီး, တလးမူးပိာ်ခွါအတံၤသကိးလၢအဆၢထၢၣ်ဒီးဒိ ကနၣ်တၢ်တဂၤန့ၣ်, တုၤအနၢ်ဟူတလးမူးပိာ်ခွါအကလုၢ်ဒီး သးခုဒိၣ်မးလီၤ. ယတၢ်သးခုန့ၣ်လၢထီၣ်ပှဲၤထီၣ်လၢကျဲဒ်အံၤလီၤ.

မၤတၢ် 20:8

ဖဲဒၢးထီၣ်ထီလၢပပာ်ဖှိၣ်ပသးအလီၢ်န့ၣ်, မ့ၣ်အူဒၢဘၣ်တၢ်ဒွဲၣ်ထီၣ်အီၤအါဖျၢၣ်လီၤ.

1 ကရံၣ်သူး 11:2

ယစံးထီၣ်ပတြၢၤသုလီၤ. အဂ့ၢ်ဒ်အံၤ, ထီဘိန့ၣ်သုသ့ၣ်နီၣ် ထီၣ်ယၤဒီးပိာ်ထွဲတၢ်သိၣ်လီၤသီလီၤလၢယဟ့ၣ်လီၤတ့ၢ်ယဲဆူ သုအိၣ်တဖၣ်လီၤ.

၂ ကရံၣ်သူး 11:2

ယသးက့ၣ်တၢ်လၢသုဂီၢ်ဒ်ကစၢ်ယွၤသးက့ၣ်ဝဲအသိးန့ၣ်လီၤ. သုလီၤဂာ်ဒီးမုၣ်ကနီၤနီၢ်နီၢ်တဂၤ လၢယအၢၣ်လီၤအီလီၤတ့ၢ် ယဲလၢယကဒိးတ့ဒိးဖျီအီၤဒီးပိာ်ခွါထဲတဂၤဧိၤ, ခရံာ်အနီၢ်ကစၢ်ဒၣ်ဝဲန့ၣ်လီၤ.

၂ တံၤမသ့း 4:8

ဒီးခဲကနံၣ်အံၤ, တၢ်မၤနၢၤအခိၣ်ဖးလၢအမ့ၢ်တၢ်မၤဘၣ်လိာ်က့ၤယၤဒီးကစၢ်ယွၤ န့ၣ် အိၣ်ခိးပာ်စၢၤယၤလံ. မ့ၢ်ခိၣ်ဖးလၢကစၢ်, ပှၤစံၣ်ညီၣ်တီတၢ်တဂၤကဟ့ၣ်လီၤယၤလၢမုၢ်နံၤအဝဲန့ၣ်, ဒီးထဲယၤတဂၤဧိၤတမ့ၢ်ဘၣ်, မ့ၢ်ကယဲၢ်ပှၤခဲလၢာ်လၢအအိၣ်ခိးကွၢ်လၢ် အဝဲကအိၣ်ဖျါထီၣ်အဂီၢ်စ့ၢ်ကီးန့ၣ်လီၤ.

တံတူး 2:13

ဖဲပအိၣ်ခိးမုၢ်နံၤဘၣ်ဆိၣ်ဂ့ၤလၢပမုၢ်လၢ်တ့ၢ်, ဖဲပကစၢ်ယွၤလၢအဒိၣ်ဝဲ ဒီးပှၤအုၣ်က့ၤခီၣ်က့ၤပှၤယ့ၣ်ၡူးခရံာ်အလၤကပီၤ ကအိၣ်ဖျါထီၣ်ဝဲန့ၣ်လီၤ.

လံာ်လီၣ်ဖျါ 14:4

အဝဲသ့ၣ်မ့ၢ်ပှၤပိာ်ခွါတဖၣ်လၢအပာ်ကဆှီဃာ်အသး ခီဖျိအဟးဆှဲးတၢ်အိၣ်ဃုာ်ဒီးပိာ်မုၣ်ပိာ်မၢၤန့ၣ်လီၤ. အဝဲသ့ၣ်မ့ၢ်ပှၤဖိၣ်သၣ်ခွါဆှံဆှံတဖၣ်လီၤ. အဝဲသ့ၣ်ပိာ်သိဖိအခံဖဲအလဲၤဝဲတပူၤလၢ်လၢ်လီၤ. အဝဲသ့ၣ်ဘၣ်တၢ်ပှ့ၤက့ၤတ့ၢ်အီၤလၢပှၤကညီအဂၤ တဖၣ်အကျါဒီးမ့ၢ်ပှၤအဆိကတၢၢ်တဖၣ်လၢအဘၣ် တၢ်လုၢ်ထီၣ်အီၤဆူကစၢ်ယွၤဒီးဆူသိဖိအအိၣ်န့ၣ်လီၤ.

လံာ်လီၣ်ဖျါ 19:7

မ်ပကသူၣ်ဖှံသးညီ ဒီးသူၣ်ခုသးခုတက့ၢ်. မ်ပကစံးထီၣ်ပတြၢၤအဝဲအတၢ်ဒိၣ်တၢ်မုၢ်တက့ၢ်. အဂ့ၢ်ဒ်အံၤ, သိဖိအတၢ်တ့တၢ်ဖျီအဆၢကတီၢ်တုၤအိၣ်ဝဲလံ. ဒီးအဝဲဒၣ်အတလးမူးပိာ်မုၣ်အိၣ်ကတဲာ်ကတီၤလံအသးလၢတၢ်န့ၣ် အဂီၢ်လံ.

လံာ်လီၣ်ဖျါ 21:2

ဒီးယထံၣ်ဝ့ၢ်စီဆှံ, ဝ့ၢ်ယရူၤၡလ့ၣ်အသီတဖျၢၣ်န့ၣ်, ဟဲလီၤလၢမူခိၣ်လၢကစၢ်ယွၤအအိၣ်, ဘၣ်တၢ်ကတဲာ်ကတီၤအီၤဒီးအိၣ်ကတဲာ်ကတီၤပာ်အသး, ဒ်တလးမူးပိာ်မုၣ်တဂၤဘၣ်တၢ်ဒုးကူဒုးသိးပာ်အီၤလၢ အကသဂၢၢ်အဝၤအဂီၢ်အသိးန့ၣ်လီၤ.

လံာ်လီၣ်ဖျါ 21:9

ကလူးနွံဂၤလၢအအိၣ်ဒီးသလၢနွံဖျၢၣ်လၢအပှဲၤဒီးတၢ်နး တၢ်ဖှီၣ်လၢခံကတၢၢ်နွံမံၤန့ၣ်အကျါတဂၤဟဲဆူယအိၣ် ဒီးစံးဝဲ, “ဟဲ, ဒီးယကဒုးနဲၣ်နၤတလးမူးပိာ်မုၣ်လၢအမ့ၢ် သိဖိတဒုန့ၣ်အမါလီၤ.”

လံာ်လီၣ်ဖျါ 4:5

လၢလီၢ်ပစိာ်တဖျၢၣ်န့ၣ်အပူၤ, လီဝၢ်ဒံး, ဒီးတၢ်အကလုၢ်သီၣ်ရုၢ်ရုၢ်ဒီးလီသီၣ်လီသဲအကလုၢ်တဖၣ် ဟဲထီၣ်ဝဲန့ၣ်လီၤ. ဖဲလီၢ်ပစိာ်အမဲာ်ညါန့ၣ်ဆှီနွံဘိဘၣ် တၢ်မၤကဲၤကပီၤထီၣ်အီၤ, လၢအမ့ၢ်ဝဲယွၤအသးနွံဖျၢၣ်န့ၣ်လီၤ.

လံာ်လီၣ်ဖျါ 8:10

အန့ၣ်ဝံၤဒီးကလူးသၢဂၤတဂၤအူထီၣ်အကွဲၤန့ၣ်လီၤ. ဆၣ်ဖးဒိၣ်တဖျၢၣ်, လၢအကပီၤဝဲဒ်ဆှီတဘိအသိး, ဟဲလီၤတဲာ်လၢမူကပိာ်လိၤဒီးလီၤဝဲလၢထံကျိတဖၣ် အသၢပူတပူအဖီခိၣ်, ဒီးလၢထံမူထီၣ်ပၢၢ်တဖၣ်အဖီခိၣ်လီၤ.