လံာ်မးသဲ 24:9 - Sgaw Karen Common Bible

⁹ တုၤနုၤတစု, သုကဘၣ်တၢ်ဖီၣ်န့ၢ်ဒီးဘၣ်တၢ်ဟ့ၣ်လီၤသုလၢ တၢ်စံၣ်ညီၣ်ဃၣ်အဂီၢ်ဒီးသုကဘၣ်တၢ်မၤသံသုလီၤ. ပှၤဟီၣ်ခိၣ်ဖိခဲလၢာ်ကသးဟ့သုလၢယဃိလီၤ.

လံာ်မးသဲ 24:9 Iomraidhean Croise

တၢ်ကတိၤဒိ. 29:27

ပှၤတီပှၤလိၤသးဟ့ပှၤအၢပှၤသီ, ဒီးပှၤအၢပှၤသီသးဟ့ ပှၤတီပှၤလိၤလီၤ.

လံာ်ဒၤနံးယ့လး 11:33

ဒီးပှၤခိၣ်ပှၤနၢ်လၢအကူၣ်သ့ကူၣ်ဘၣ်တဖၣ်လၢပှၤဂီၢ်မုၢ်အကျါန့ၣ် ကဟ့ၣ်နီၤလီၤအတၢ်ကူၣ်ဘၣ်ကူၣ်သ့ဆူပှၤအါဂၤလီၤ. ပှၤတနီၤလၢအဝဲသ့ၣ်အကျါကဘၣ်တၢ်မၤသံအီၤလၢတၢ်ဒုး တၢ်ယၤအပူၤမ့တမ့ၢ်ကဘၣ်တၢ်ဆူးကဲၤသံအီၤလၢမ့ၣ်အူဒီး တနီၤကဘၣ်တၢ်ဂုာ်ဆူၣ်ပျီဆူၣ်အီၤဒီးဒုးကဲထီၣ်အီၤလၢပှၤဘၣ် တၢ်စၢဃာ်တဖၣ်လီၤ. ဘၣ်ဆၣ်ဒီးကမ့ၢ်ဝဲစှၤနံၤစှၤသီလီၤ.

လံာ်မးသဲ 22:6

မ့မ့ၢ်, ပှၤအိၣ်လီၤတဲာ်အဂၤတဖၣ်န့ၣ်, ဟံးဃာ်စီၤပၤအံၤအခ့အပှၤလၢအလဲၤကိးအီၤတဖၣ်, မၤမဲာ်ဆှးအဝဲသ့ၣ်ခီဖျိအဒိအီၤ တီၢ်အီၤဒီးမၤသံကွံာ်အဝဲသ့ၣ်န့ၣ်လီၤ.

လံာ်မးသဲ 23:34

လၢတၢ်န့ၣ်အဃိ, ယစံးဘၣ်သုလၢယကဆှၢလီၤန့ၢ်သုလၢဝံ တဖၣ်, ပှၤကူၣ်ဘၣ်ကူၣ်သ့တဖၣ်, ဒီးသရၣ်သိၣ်လိတၢ်တဖၣ်လီၤ. တနီၤန့ၣ်သုကမၤသံအီၤ, ဒီးတနီၤန့ၣ်သုကပျၤထီအီၤလၢထူၣ်စုညါ အလိၤ, ဒီးအဂၤတနီၤန့ၣ်သုကတီၢ်အီၤလၢဘူၣ်ဘျီၣ်လၢ အမ့ၢ်တၢ်ဘါလီၢ်အပူၤဒီးလူၤမၤနးမၤဖှီၣ်အီၤလၢတဝ့ၢ်ဘၣ်တဝ့ၢ် အပူၤလီၤ.

လံာ်လူၤကၣ် 11:49

လၢတၢ်ဂ့ၢ်တမံၤအံၤအဃိ, ကစၢ်ယွၤအတၢ်ကူၣ်ဘၣ်ကူၣ်သ့စံးဝဲ, “ယကဆှၢလီၤန့ၢ်အဝဲသ့ၣ်လၢဝံတဖၣ်, ဒီးတၢ်မၢဖိတဖၣ်လီၤ. အဝဲသ့ၣ်ကမၤသံအီၤတနီၤ, ဒီးမၤအၢမၤနးအဂၤတဖၣ်လီၤ.

လံာ်လူၤကၣ် 21:12

ဘၣ်ဆၣ်ဒီးတချုးလၢတၢ်သ့ၣ်တဖၣ်အံၤခဲလၢာ်မၤအသးဒံးဘၣ်န့ၣ်, သုကဘၣ်တၢ်ဖီၣ်သုဒီးမၤအၢမၤနးသု, သုကဘၣ်တၢ်ဟ့ၣ်လီၤသုဒ်သိးတၢ်ကသမံသမိးသုလၢဘူၣ် ဘျီၣ်လၢအမ့ၢ်တၢ်ဘါလီၢ်အပူၤဒီးတၢ်ကဒၢနုာ်သုလၢဃိာ်ပူၤ, သုကဘၣ်တၢ်ဆှၢထီၣ်သုဆူစီၤပၤတဖၣ်ဒီးပှၤပၢတၢ်တဖၣ် အမဲာ်ညါလၢယမံၤအဃိလီၤ.

လံာ်ယိၤဟၣ် 15:18

ဟီၣ်ခိၣ်မ့ၢ်သးဟ့သုဒီး, သ့ၣ်နီၣ်ထီၣ်က့ၤလၢအသးဟ့ဆိယၤန့ၣ် တက့ၢ်.

လံာ်ယိၤဟၣ် 15:21

ဘၣ်ဆၣ်ဒီး, အဝဲသ့ၣ်ကမၤသုလၢတၢ်အံၤတဖၣ်ခဲလၢာ်မ့ၢ်လၢ သုမ့ၢ်ယတၢ်ဒီးအဝဲသ့ၣ်တသ့ၣ်ညါပှၤလၢအမၢလီၤယၤတဂၤ အဃိလီၤ.

လံာ်ယိၤဟၣ် 16:2

သုကဘၣ်တၢ်ဟီထီၣ်ကွံာ်သုလၢဘူၣ်ဘျီၣ်လၢအမ့ၢ် တၢ်ဘါလီၢ်တဖၣ်အပူၤ, ဒီးတၢ်ဆၢကတီၢ်ကတုၤဝဲဖဲ ပှၤတဂၤလၢ်လၢ်လၢအမၤသံသုန့ၣ်, ကဆိကမိၣ်ဝဲလၢအမၤတၢ်ဒ်အံၤအဃိဒီး မ့ၢ်အမၤကစၢ်ယွၤအတၢ်မၤန့ၣ်လီၤ.

မၤတၢ် 28:22

ဘၣ်ဆၣ်ဒီး ပအဲၣ်ဒိးနၢ်ဟူဘၣ်နတၢ်ဆိကမိၣ်တဖၣ်လီၤ. အဂ့ၢ်ဒ်အံၤ, ပသ့ၣ်ညါပဝဲလၢတၢ်လီၢ်ကိးပူၤဒဲးန့ၣ်, ပှၤကတိၤထီဒါပှၤတကရၢလၢနဘၣ်ထွဲဒီးအီၤတဖုအံၤန့ၣ်လီၤ.”

မၤတၢ် 7:59

ဖဲအဝဲသ့ၣ်ကွံာ်အီၤလၢလၢၢ်အဖၢမုၢ်န့ၣ်, စီၤစတ့းဖၣ်ဃ့ဘါထု ကဖၣ်ကစၢ်ဒီးစံး, “ကစၢ်ယ့ၣ်ၡူးဧၢ, တူၢ်လိာ်ဘၣ်ယသးတက့ၢ်.”

၁ ပ့းတရူး 4:16

သနာ်က့, သုမ့ၢ်တူၢ်ဘၣ်တၢ်လၢသုမ့ၢ်ပှၤခရံာ်ဖိတဂၤအဃိ ဒီး, တဘၣ်မဲာ်ဆှးတဂ့ၤ. မ့မ့ၢ်စံးဘျုးကစၢ်ယွၤလၢသုစိာ်ခရံာ်အမံၤအဃိန့ၣ်တက့ၢ်.

လံာ်လီၣ်ဖျါ 2:10

တၢ်လၢနကတူၢ်ဘၣ်အီၤခဲကနံၣ်အံၤန့ၣ်တဘၣ်ပျံၤအီၤနီ တမံၤတဂ့ၤ. ဒိကနၣ်တက့ၢ်. မုၣ်ကီၤလံၢ်ကမၤကွၢ်သုခီဖျိအဒုးဃာ်သုဝဲတနီၤလၢဃိာ်ပူၤ, ဒီးသုကဘၣ်ကီဘၣ်ခဲလၢအသီတဆံအတီၢ်ပူၤလီၤ. နမ့ၢ်ဘၣ်သံဒၣ်လဲာ်န့ၣ်, သးတီဒီးယၤတက့ၢ်, ဒီးယကဟ့ၣ်နၤလၢတၢ်မူဒ်နတၢ်မၤနၢၤအခိၣ်ဖးန့ၣ်လီၤ.

လံာ်လီၣ်ဖျါ 2:13

နအိၣ်နဲဆိးနဲဖဲလဲၣ်ပူၤလဲၣ်န့ၣ်ယသ့ၣ်ညါယဲ, မ့ၢ်ဝဲတၢ်လီၢ်တၢ်ကျဲဖဲမုၣ်ကီၤလံၢ်အလီၢ်ပစိာ်အိၣ်ဝဲန့ၣ်လီၤ. နတီနဲဒီးယၤ, ဒီးဖဲဆၢကတီၢ်လၢယပှၤအုၣ်အသးလၢအသးတီ တဂၤ, စီၤအၣ်တံပၤဘၣ်တၢ်မၤသံအီၤဖဲမုၣ်ကီၤလံၢ်အိၣ်ဆိးဝဲ အလီၢ်အခါဒၣ်လဲာ်န့ၣ်, နတစူးကွံာ်ညိကွံာ်နတၢ်စူၢ်တၢ်နာ်လၢ ယပူၤဘၣ်လီၤ.

လံာ်လီၣ်ဖျါ 7:14

“ယတသ့ၣ်ညါဘၣ်, တၢ်ဒိၣ်ဧၢ, နသ့ၣ်ညါနဲလီၤ” ယစံးဆၢယဲ. အဝဲဒၣ်စံးဘၣ်ယၤ, “ပှၤသ့ၣ်တဖၣ်အံၤမ့ၢ်ပှၤတဖၣ်လၢ အလဲၤခီဖျိဘၣ်တၢ်မၤအၢမၤနးလီၤပျံၤလီၤဖုးတမံၤန့ၣ်လီၤ. အဝဲသ့ၣ်သ့စီကွံာ်တ့ၢ်ဝဲအဆ့ကၤဖးထီတဖၣ်, ဒီးမၤဝါထီၣ်အီၤလၢသိဖိတဒုန့ၣ်အသွံၣ်လီၤ.