လံာ်မးသဲ 24:7 - Sgaw Karen Common Bible

⁷ ပှၤတကလုာ်ဒီးတကလုာ်ကထီဒါလိာ်အသး, ဘီမုၢ်တဘ့ၣ်ဒီးတဘ့ၣ်ကဒုးလိာ်ယၤလိာ်အသး, တၢ်သၣ်ဝံၤလီၤဒိတဖၣ်ကအိၣ်ထီၣ်, ဒီးဟီၣ်ခိၣ်ကဟူးဝးဝဲသကုၤဆးဒးလီၤ.

လံာ်မးသဲ 24:7 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 15:6

ပှၤတကလုာ်မၤနးမၤဖှီၣ်ပှၤအဂၤတကလုာ်, ဒီးဝ့ၢ်တဝ့ၢ်မၤနးမၤ ဖှီၣ်ဝ့ၢ်အဂၤတဝ့ၢ်, မ့ၢ်လၢကစၢ်ယွၤဟဲစိာ်တၢ်ကိၢ်တၢ်ဂီၤဒီးတၢ်သူၣ်အုးသးအုးလၢ အဝဲသ့ၣ်အဖီခိၣ်အဃိန့ၣ်လီၤ.

လံာ်ယၡါယၤ 19:2

ယွၤစံးဝဲဒၣ်, “ယကထိၣ်ဂဲၤထီၣ်ပှၤအဲၤကူပတူးဖိအတၢ်ဒုး ထီဒါလိာ်သးကဒဲကဒဲလီၤ. ဒီပုၢ်ဝဲၢ်ကထီဒါအဒီပုၢ်ဝဲၢ်, ပှၤအိၣ်ဘူးအိၣ်တံၢ်ကထီဒါလိာ်အသး, ဝ့ၢ်တဖၣ်လၢအဂုာ်မၤနၢၤလိာ်အသးကဒုးတၢ်ယၤတၢ်, ဒီးစီၤပၤတဖၣ်လၢအဂုာ်မၤနၢၤလိာ်အသးကဂဲၤပျုၢ် မၤန့ၢ်တၢ်စိတၢ်ကမီၤလီၤ.

လံာ်ယၡါယၤ 29:6

အဝဲကဆှၢလီၤကလံၤမုၢ်တွၤတဖၣ်ဒီးမ့ၣ်အူလၣ်လၢအကအီၣ် ကွံာ်တၢ်လီၤ.

လံာ်ယဃ့းစက့လး 14:21

တၢ်အံၤမ့ၢ်တၢ်လၢယွၤပၢဘၣ်တၢ်ခဲလၢာ်ကစၢ်စံးဝဲန့ၣ်လီၤ. ယကမၢလီၤယတၢ်စံၣ်ညီၣ်အအၢကတၢၢ်လွံၢ်မံၤလၢဝ့ၢ်ယရူၤၡလ့ၣ်အဖီ ခိၣ်, လၢအမ့ၢ်ဝဲတၢ်ဒုးတၢ်ယၤ, တၢ်သၣ်ဝံၤလီၤဒိ, ဆၣ်ဖိကီၢ်ဖိအမံၤတဖၣ်, ဒီးတၢ်ဆူးတၢ်ဆါလၢကမၤဟးဂီၤကွံာ် ပှၤဂီၢ်မုၢ်ဒီးဆၣ်ဖိကီၢ်ဖိတဖၣ်ဒ်သိးသိးအဂီၢ်န့ၣ်လီၤ.

လံာ်ယဃ့းစက့လး 21:27

တၢ်ဟးဂူာ်ဟးဂီၤ, တၢ်ဟးဂူာ်ဟးဂီၤ, မ့ၢ်လီၤ. ယကဒုးကဲထီၣ်ဝ့ၢ်ဆူတၢ်ဟးဂီၤတမံၤန့ၣ်လီၤ. ဘၣ်ဆၣ်တၢ်အံၤတချုးဒံးလၢပှၤတဂၤလၢယဃု ထၢအီၤလၢကမၤဟးဂီၤဝ့ၢ်အံၤဟဲတုၤဒံးဘၣ်န့ၣ်တမၤ ဘၣ်အသးဘၣ်. အန့ၣ်ဝံၤဒီးယကဟ့ၣ်လီၤအီၤဆူအဝဲ အစုပူၤန့ၣ်လီၤ.

လံာ်စကၤရယၤ 14:13

ဖဲအဆၢကတီၢ်အဝဲန့ၣ်န့ၣ်, ယွၤကမၤသဘံၣ်သဘုၣ်, ကဒံကဒါဒီးမၤပျံၤမၤဖုးအဝဲသ့ၣ်နးမးတုၤ ပှၤကိးဂၤဒဲးကဖီၣ်ဃာ်ပှၤလၢအဃၢၤအစု ဒီးထီဒါလိာ်အသးတဂၤဒီးတဂၤန့ၣ်လီၤ.

လံာ်လူၤကၣ် 21:11

ဟီၣ်ခိၣ်ကဟူးဝဲအဒိၣ်အမုၢ်, တၢ်သၣ်ဝံၤလီၤဒိဒီးတၢ်ဆါသံသတြိာ် တဖၣ်ကအိၣ်ထီၣ်ဝဲအဒိၣ်အမုၢ်လၢတၢ်လီၢ်ကိးပူၤဒဲးလီၤ. တၢ်လီၤပျံၤလီၤဖုးဒီးတၢ်ပနီၣ်အဒိၣ်အသွါတဖၣ်ကအိၣ်ဖျါထီၣ်ဝဲလၢမူ ကပိာ်လိၤလီၤ.

မၤတၢ် 11:28

အဝဲသ့ၣ်အကျါတဂၤလၢအမံၤမ့ၢ် စီၤအကၤဘူးန့ၣ်ဂဲၤဆၢထၢၣ်, ဒီးစံးဆိပာ်တၢ်ခီဖျိယွၤအသးအစိကမီၤလၢတၢ်သၣ်ဝံၤလီၤဒိဖးဒိၣ် ကတုၤအိၣ်လၢဟီၣ်ခိၣ်ဒီဘ့ၣ်ညါန့ၣ်လီၤ. (အဝဲအံၤတုၤအိၣ်ဝဲဖဲစီၤကျီၤဒံကဲစီၤပၤဖးဒိၣ်အဆၢကတီၢ် န့ၣ်လီၤ.)

မၤတၢ် 2:19

ယကမၤတၢ်လီၤလးတဖၣ်လၢမူကပိာ်လိၤ, ဒီးဒုးနဲၣ်ဖျါထီၣ်တၢ်ပနီၣ်လီၤလးတဖၣ်လၢ ဟီၣ်ခိၣ်ချၢလီၤ. တၢ်သွံၣ်, မ့ၣ်အူ, ဒီးမ့ၣ်အူလုၢ်ကအိၣ်ဝဲ,

ဧ့ၤဘြံၤ 12:27

တၢ်ကတိၤလၢအစံးဝဲ, “ကဒီးတဘျီ,” လီၣ်ဖျါထီၣ်ဝဲဖျိဖျိဖျါဖျါလၢတၢ်ဘၣ်တ့တဖၣ်ကဘၣ်တၢ်မၤဟူး မၤဝးအီၤဒီးသုးကွံာ်အီၤဒ်သိးတၢ်လၢတၢ်မၤဟူးဝးအီၤ တသ့တဖၣ်ကအိၣ်တ့ၢ်ဝဲအဂီၢ်န့ၣ်လီၤ.

လံာ်လီၣ်ဖျါ 6:12

ဒီးယထံၣ်သိဖိမၤသ့ၣ်ဖးဒီးအိးထီၣ်တၢ်စဲပနီၣ်ဃာ်ဃုခါ တခါလီၤ. ဟီၣ်ခိၣ်ဟူးဝးထီၣ်ဝဲဒၣ်ဆူၣ်ဆူၣ်ကလဲာ်, ဒီးမုၢ်ခံးသူထီၣ်ဝဲဒ်ထၢၣ်တၢ်ကံးယာ်လၢအလွဲၢ်သူတဖျၢၣ် အသိး, ဒီးလါထီၣ်ဂီၤဝဲဒီဘ့ၣ်ညါဒ်တၢ်သွံၣ်အသိးလီၤ.

လံာ်လီၣ်ဖျါ 6:5

အန့ၣ်ဝံၤဒီး, သိဖိအိးထီၣ်တၢ်စဲပနီၣ်ဃာ်သၢခါတခါ, ဒီးယနၢ်ဟူတၢ်အသးသမူအိၣ်သၢဒုတဒုစံးဝဲ, “ဟဲတက့ၢ်” န့ၣ်လီၤ. ယကွၢ်, ဒီးကသ့ၣ်သူအိၣ်ဝဲတဒုလီၤ. ပှၤလၢအဒိးအီၤတဂၤအိၣ်ဒီးစီၤပီၢ်လၢအစုပူၤလီၤ.

လံာ်လီၣ်ဖျါ 6:6

ယနၢ်ဟူတၢ်လၢအလီၤဂာ်ဒီးတၢ်အကလုၢ်ဟဲသီၣ်ထီၣ်လၢတၢ် အသးသမူအိၣ်လွံၢ်ဒုအကျါ, လၢအစံးဝဲ, “ဘုကၠူၣ်တသလိးလၢဒန့ၤရံတဘ့ၣ်အဂီၢ်. ဒီးဘုမုယီၤသၢသလိးလၢဒန့ၤရံတဘ့ၣ်အဂီၢ်လီၤ. ဘၣ်ဆၣ်ဒီးမၤဟးဂီၤသ့ၣ်စၤယံးတဖၣ် ဒီးစပံးအလီၢ် တဖၣ်န့ၣ်တဂ့ၤ.”

လံာ်လီၣ်ဖျါ 6:8

ယကွၢ်တၢ်ဒီးကသ့ၣ်အလွဲၢ်လီၤဝါတဒုအိၣ်ဝဲလီၤ. ပှၤလၢအဒိးအီၤတဂၤဘၣ်တၢ်ယုၢ်အမံၤလၢတၢ်သံ, ဒီးပျုၤပူၤပိာ်ထီၣ်အခံဘူးဘူးတံၢ်တံၢ်လီၤ. အဝဲသ့ၣ်ဘၣ်တၢ်ဟ့ၣ်အီၤတၢ်စိတၢ်ကမီၤလၢဟီၣ်ခိၣ်ချၢ လွံၢ်ပူတပူအဖီခိၣ်, လၢအကမၤသံတၢ်ခီဖျိတၢ်ဒုးတၢ်ယၤ, တၢ်သၣ်ဝံၤလီၤဒိ, တၢ်ဆူးတၢ်ဆါ, ဒီးဆၣ်ဖိကီၢ်ဖိအမံၤတဖၣ်လီၤ.