လံာ်မးသဲ 24:44 - Sgaw Karen Common Bible

⁴⁴ လၢတၢ်န့ၣ်အဃိ, သုဝဲစ့ၢ်ကီးသုကဘၣ်အိၣ်ကတဲာ်ကတီၤ သုသးထီဘိလီၤ. အဂ့ၢ်မ့ၢ်လၢ, ပှၤကညီဖိခွါကဟဲဝဲလၢအကတီၢ်နၣ်ရံၣ်ဖဲသုတဆိကမိၣ် ဒီးမုၢ်လၢ်ဘၣ်ဝဲအခါန့ၣ်လီၤ.

လံာ်မးသဲ 24:44 Iomraidhean Croise

လံာ်မးသဲ 24:27

အဂ့ၢ်ဒ်အံၤ, ပှၤကညီဖိခွါကဟဲဝဲဒ်လီဝၢ်အဒံး, ဒီးဆဲးကပြုၢ်ထီၣ်ဘၣ်မူခိၣ်ဒီဘ့ၣ်ညါ, စးထီၣ်လၢမုၢ်ထီၣ်တုၤလီၤလၢမုၢ်နုာ်အသိးန့ၣ်လီၤ.

လံာ်မးသဲ 24:42

လၢတၢ်န့ၣ်အဃိ, ဆိးသီတက့ၢ်. အဂ့ၢ်ဒ်အံၤ, သုကစၢ်ကဟဲဝဲအနံၤအသီန့ၣ်သုတသ့ၣ်ညါဘၣ်.

လံာ်မးသဲ 24:43

ဟံၣ်ကစၢ်မ့ၢ်သ့ၣ်ညါဆိတၢ်ဘျၣ်ကဟဲအဆၢကတီၢ်ဒီး, သပှၢ်ကတၢၢ်အဝဲဒၣ်ကပာ်သူၣ်ပာ်သး, ဒီးကအိၣ်ခိးဝဲ, ဒီးတမ့ၢ်လၢအကပျဲတၢ်ဘျၣ်ဘၢၣ်ဖျိနုာ်ဆူ အဟံၣ်ပူၤန့ၣ်ဘၣ်လီၤ.

လံာ်မးသဲ 25:10

လၢတၢ်န့ၣ်အဃိ, မုၣ်ကနီၤလၢအသးတဆးတဖၣ်လဲၤဝဲဒ်သိး ကပှ့ၤန့ၢ်သိလီၤ. ဒီးဖဲအလဲၤတၢ်အဖၢမုၢ်န့ၣ်, တလးမူးပိာ်ခွါဟဲတုၤဝဲလီၤ. မုၣ်ကနီၤဖိလၢအသးဆးယဲၢ်ဂၤန့ၣ် အိၣ်ကတဲာ်ကတီၤအသးအဃိ လဲၤနုာ်ဃုာ်ဒီးတလးမူးပိာ်ခွါဆူတၢ်ဖျီအမူးပူၤန့ၣ်လီၤ. ဒီးတြဲၤဘၣ်တၢ်ကးတံာ်ဃာ်အီၤလီၤ.

လံာ်မးသဲ 25:13

ဒီးယ့ၣ်ၡူးမၤကတၢၢ်က့ၤအတၢ်ကတိၤဒီးစံး, “ဆိးသီတက့ၢ်. အဂ့ၢ်ဒ်အံၤ, မုၢ်နံၤမ့ၢ်ဂ့ၤ, နၣ်ရံၣ်မ့ၢ်ဂ့ၤသုတသ့ၣ်ညါဘၣ်.

လံာ်လူၤကၣ် 12:39

ဒီးသ့ၣ်နီၣ်ထီၣ်တၢ်အံၤတက့ၢ်. ဟံၣ်ကစၢ်မ့ၢ်သ့ၣ်ညါတၢ်ဘျၣ်ကဟဲအဆၢကတီၢ်န့ၣ်, တမ့ၢ်လၢအဝဲဒၣ်ကပျဲတၢ်ဘျၣ်နုာ်လီၤဘၢၣ်ဖျိအဟံၣ်ဘၣ်.

လံာ်လူၤကၣ် 12:40

ဒီးသုဝဲစ့ၢ်ကီးအိၣ်ကတဲာ်ကတီၤသုသးတက့ၢ်. အဂ့ၢ်ဒ်အံၤ, ပှၤကညီဖိခွါကဟဲဝဲဖဲအဆၢကတီၢ်လၢ သုတဆိကမိၣ်လၢအကဟဲဝဲဘၣ်န့ၣ်လီၤ.”

လံာ်လူၤကၣ် 21:36

ဆိးသီဒီးဘါထုကဖၣ်သုဝဲထီဘိဒ်သိးသုကအိၣ်ဒီးတၢ်ဂံၢ်တၢ်ဘါလၢသု ကလဲၤခီဖျိတၢ်လၢအကမၤအသးတဖၣ်အံၤခဲလၢာ်ဂ့ၤဂ့ၤဘၣ်ဘၣ် ဒီးလၢသုကဆၢထၢၣ်လၢပှၤကညီဖိခွါအမဲာ်ညါအဂီၢ်န့ၣ်တက့ၢ်.”

ဖံလံးပံၤ 4:5

ပာ်ဖျါတၢ်ပာ်သူၣ်ပာ်သးခုၣ်ခုၣ်မုာ်မုာ်လၢပှၤကိးဂၤဒဲး အဖီခိၣ်တက့ၢ်. ကစၢ်ကဟဲဘူးထီၣ်လံ.

ယၤကိာ် 5:9

ယဒီပုၢ်ဝဲၢ်သ့ၣ်ဧၢ, ဒ်သိးခဲအံၤဒိကနၣ်ယၤတက့ၢ်. ယွၤသုတစံၣ်ညီၣ်သုတဂ့ၤဒီးတဘၣ်ကဒူးကဒ့ၣ်လိာ် သုသးတဂၤဒီးတဂၤတဂ့ၤ. ပှၤစံၣ်ညီၣ်ကွီၢ်အိၣ်ဘူးတ့ၢ်မး, လၢအကအိၣ်ဖျါထီၣ်ဝဲဒၣ်လံ.

လံာ်လီၣ်ဖျါ 19:7

မ်ပကသူၣ်ဖှံသးညီ ဒီးသူၣ်ခုသးခုတက့ၢ်. မ်ပကစံးထီၣ်ပတြၢၤအဝဲအတၢ်ဒိၣ်တၢ်မုၢ်တက့ၢ်. အဂ့ၢ်ဒ်အံၤ, သိဖိအတၢ်တ့တၢ်ဖျီအဆၢကတီၢ်တုၤအိၣ်ဝဲလံ. ဒီးအဝဲဒၣ်အတလးမူးပိာ်မုၣ်အိၣ်ကတဲာ်ကတီၤလံအသးလၢတၢ်န့ၣ် အဂီၢ်လံ.