လံာ်မးသဲ 24:43 - Sgaw Karen Common Bible

⁴³ ဟံၣ်ကစၢ်မ့ၢ်သ့ၣ်ညါဆိတၢ်ဘျၣ်ကဟဲအဆၢကတီၢ်ဒီး, သပှၢ်ကတၢၢ်အဝဲဒၣ်ကပာ်သူၣ်ပာ်သး, ဒီးကအိၣ်ခိးဝဲ, ဒီးတမ့ၢ်လၢအကပျဲတၢ်ဘျၣ်ဘၢၣ်ဖျိနုာ်ဆူ အဟံၣ်ပူၤန့ၣ်ဘၣ်လီၤ.

လံာ်မးသဲ 24:43 Iomraidhean Croise

လံာ်စီၤယိၤဘး 24:16

ဖဲမုၢ်နၤန့ၣ်ပှၤဟုၣ်တၢ်ဘျၣ်တၢ်သ့ၣ်တဖၣ်နုာ်လီၤဆူဟံၣ်တဖၣ် အပူၤဘၣ်ဆၣ်ဒီးလၢမုၢ်ဆါန့ၣ်အဝဲသ့ၣ်ပာ်ခူသူၣ်အသး ဒီးဟးဆှဲးတၢ်ကပီၤန့ၣ်လီၤ.

တၢ်ကတိၤဒိ. 7:19

ယဝၤတအိၣ်လၢဟံၣ်ဘၣ်. အဝဲအိၣ်ဒီးတၢ်လဲၤတၢ်က့ၤဖးယံၤဖးကွ့ၤ လီၤ.

လံာ်မးသဲ 14:25

ဖဲဂီၤသၢနၣ်ရံၣ်ဒီးဃုနၣ်ရံၣ်အဘၢၣ်စၢၤန့ၣ်, ယ့ၣ်ၡူးလဲၤဆူအပျဲၢ်အဘီၣ်တဖၣ်အအိၣ်, ဟးဝဲလၢထံဖံးခိၣ်လီၤ.

လံာ်မးသဲ 20:11

အဝဲသ့ၣ်ဒိးန့ၢ်အဘူးအလဲဝံၤ, ကဒူးကဒ့ၣ်တၢ်လၢစပံးလီၢ်အကစၢ်အလိၤ

လံာ်မးသဲ 24:42

လၢတၢ်န့ၣ်အဃိ, ဆိးသီတက့ၢ်. အဂ့ၢ်ဒ်အံၤ, သုကစၢ်ကဟဲဝဲအနံၤအသီန့ၣ်သုတသ့ၣ်ညါဘၣ်.

လံာ်မးသဲ 24:44

လၢတၢ်န့ၣ်အဃိ, သုဝဲစ့ၢ်ကီးသုကဘၣ်အိၣ်ကတဲာ်ကတီၤ သုသးထီဘိလီၤ. အဂ့ၢ်မ့ၢ်လၢ, ပှၤကညီဖိခွါကဟဲဝဲလၢအကတီၢ်နၣ်ရံၣ်ဖဲသုတဆိကမိၣ် ဒီးမုၢ်လၢ်ဘၣ်ဝဲအခါန့ၣ်လီၤ.

လံာ်မးသဲ 25:10

လၢတၢ်န့ၣ်အဃိ, မုၣ်ကနီၤလၢအသးတဆးတဖၣ်လဲၤဝဲဒ်သိး ကပှ့ၤန့ၢ်သိလီၤ. ဒီးဖဲအလဲၤတၢ်အဖၢမုၢ်န့ၣ်, တလးမူးပိာ်ခွါဟဲတုၤဝဲလီၤ. မုၣ်ကနီၤဖိလၢအသးဆးယဲၢ်ဂၤန့ၣ် အိၣ်ကတဲာ်ကတီၤအသးအဃိ လဲၤနုာ်ဃုာ်ဒီးတလးမူးပိာ်ခွါဆူတၢ်ဖျီအမူးပူၤန့ၣ်လီၤ. ဒီးတြဲၤဘၣ်တၢ်ကးတံာ်ဃာ်အီၤလီၤ.

လံာ်မးသဲ 25:13

ဒီးယ့ၣ်ၡူးမၤကတၢၢ်က့ၤအတၢ်ကတိၤဒီးစံး, “ဆိးသီတက့ၢ်. အဂ့ၢ်ဒ်အံၤ, မုၢ်နံၤမ့ၢ်ဂ့ၤ, နၣ်ရံၣ်မ့ၢ်ဂ့ၤသုတသ့ၣ်ညါဘၣ်.

လံာ်မၢ်ကူး 13:35

လၢတၢ်န့ၣ်အဃိဆိးသီတက့ၢ်. အဂ့ၢ်ဒ်လဲၣ်န့ၣ်ဟံၣ်ကစၢ်ကဟဲက့ၤအကတီၢ်ဖဲလဲၣ်, လၢဟါခီ, လၢဖးဖီမုၢ်, လၢဆီဖါအိၣ်အိအကတီၢ်, လၢမုၢ်ဆ့ၣ်ထီၣ်ဧါန့ၣ်, သုတသ့ၣ်ညါသုဝဲဘၣ်.

လံာ်မၢ်ကူး 6:48

အဝဲထံၣ်စိဃီၤအပျဲၢ်အဘီၣ်တဖၣ်ဘၣ်ကၢၤချံဒီးဝၢ်ချံကီကီခဲ ခဲမ့ၢ်လၢကလံၤတလိၤအဃိန့ၣ်လီၤ. ဒီးဘၣ်ဖဲဂီၤသၢနၣ်ရံၣ်ဒီးဃုနၣ်ရံၣ်အဘၢၣ်စၢၤန့ၣ်, ယ့ၣ်ၡူးဟးဝဲလၢပီၣ်လဲၣ်ထံဖံးခိၣ်ဒီးလဲၤဝဲဆူအဝဲသ့ၣ် အအိၣ်မၤအသးဒ်အကလဲၤပူၤကွံာ်အဝဲသ့ၣ်လီၤ.

လံာ်လူၤကၣ် 12:38

အဝဲမ့ၢ်ဟဲက့ၤလၢဖးဖီမုၢ်, မ့တမ့ၢ်စဲၤခံန့ၢ်အဝဲန့ၣ်ဒၣ်လဲာ်, ဒီးထံၣ်အဝဲသ့ၣ်အိၣ်ကတဲာ်ကတီၤအသးန့ၣ်, အဝဲသ့ၣ်ကဘၣ်ဆိၣ်ဂ့ၤဝဲဆံးဒိၣ်လဲၣ်.

လံာ်လူၤကၣ် 12:39

ဒီးသ့ၣ်နီၣ်ထီၣ်တၢ်အံၤတက့ၢ်. ဟံၣ်ကစၢ်မ့ၢ်သ့ၣ်ညါတၢ်ဘျၣ်ကဟဲအဆၢကတီၢ်န့ၣ်, တမ့ၢ်လၢအဝဲဒၣ်ကပျဲတၢ်ဘျၣ်နုာ်လီၤဘၢၣ်ဖျိအဟံၣ်ဘၣ်.

လံာ်လူၤကၣ် 21:36

ဆိးသီဒီးဘါထုကဖၣ်သုဝဲထီဘိဒ်သိးသုကအိၣ်ဒီးတၢ်ဂံၢ်တၢ်ဘါလၢသု ကလဲၤခီဖျိတၢ်လၢအကမၤအသးတဖၣ်အံၤခဲလၢာ်ဂ့ၤဂ့ၤဘၣ်ဘၣ် ဒီးလၢသုကဆၢထၢၣ်လၢပှၤကညီဖိခွါအမဲာ်ညါအဂီၢ်န့ၣ်တက့ၢ်.”

လံာ်လီၣ်ဖျါ 16:15

“ဒိကနၣ်တက့ၢ်. ယဟဲယဲဒ်တၢ်ဘျၣ်တဂၤအသိးလီၤ. ပှၤတဂၤလၢအိၣ်စီၣ်မဲာ်စီၣ်နါဒီးကတီၤဃာ်အတၢ်ကူတၢ်သိး တဖၣ်ဒ်သိးအဝဲအသုတဟးဝ့ၤဝီၤအိၣ်ဘ့ၣ်ဆ့ဒီးမဲာ်ဆှး ဘၣ်လၢပှၤဂီၢ်မုၢ်ဂီၢ်ပၤအမဲာ်ညါတဂ့ၤအဂီၢ်န့ၣ်ဘၣ်ဆိၣ်ဂ့ၤဝဲလီၤ.”

လံာ်လီၣ်ဖျါ 3:3

လၢတၢ်န့ၣ်အဃိ, သ့ၣ်နီၣ်ထီၣ်က့ၤတၢ်လၢနဘၣ်တၢ်သိၣ်လိ တ့ၢ်နၤ, ဒီးတၢ်လၢနနၢ်ဟူဘၣ်တ့ၢ်နဲန့ၣ်တက့ၢ်. စူၢ်အီၤဒီးဃၣ်ကွံာ်လၢနတၢ်ဒဲးဘးတဖၣ်န့ၣ်တက့ၢ်. နမ့ၢ်တဖု သံနီၣ်ထီၣ်ဘၣ်ဒီးယကဟဲဆူနအိၣ်ဒ်တၢ်ဘျၣ်တဂၤအသိး, ဒီးယကဟဲဖဲတၢ်ဆၢကတီၢ်နၣ်ရံၣ်မတၤလဲၣ်န့ၣ်တမ့ၢ်လၢ နကသ့ၣ်ညါနဲဒၣ်လဲာ်ဘၣ်.