လံာ်မးသဲ 24:29 - Sgaw Karen Common Bible

²⁹ တၢ်နးတၢ်ဖှီၣ်အမုၢ်နံၤတဖၣ်ဝံၤတဘျီဃီ, မုၢ်ကခံးလီၤဝဲ, လါတကပီၤလၢၤဘၣ်, ဒီးဆၣ်တဖၣ်ကလီၤတဲာ်ကွံာ်လၢမူခိၣ်, ဒီးတၢ်စိတၢ်ကမီၤလၢမူကပိာ်လိၤတဖၣ် ကဘၣ်တၢ်တရုၤဆှဲးဆှိးကွံာ်အီၤလၢအကျဲအကျိၤဒၣ်ဝဲအပူၤလီၤ.

လံာ်မးသဲ 24:29 Iomraidhean Croise

လံာ်ပှၤစံၣ်တဲၤတဲလီၤတၢ် 12:2

အကတီၢ်န့ၣ်ကမ့ၢ်ဖဲ, မုၢ်, လါ, ဒီးဆၣ်တဖၣ်အတၢ်ကပီၤကခံးလီၤဝဲ လၢနဂီၢ်, ဒီးတၢ်စူၤအတၢ်အၢၣ်တဖၣ်တလဲၤပူၤကွံာ်နီတဘျီ အကတီၢ်,

လံာ်ယၡါယၤ 13:10

ဆၣ်ကိးဖျၢၣ်ဒဲးဒီးဆၣ်ဒီတကရူၢ်ကဆိကတီၢ်လၢတၢ်ဟ့ၣ်ထီၣ်တၢ် ကပီၤအဂီၢ်လီၤ. တုၤမုၢ်ဟဲထီၣ်ဒီးတၢ်ကခံးလီၤဝဲဒီးလါတဟ့ၣ်ထီၣ်ဘၣ်တၢ်ကပီၤဘၣ်.

လံာ်ယၡါယၤ 24:23

လါကခံးသူဝဲဒီးမုၢ်တဟ့ၣ်ထီၣ်အတၢ်ကပီၤလၢၤဘၣ်. အဂ့ၢ်ဒ်အံၤ, ယွၤသ့တၢ်လၢာ်ကမ့ၢ်စီၤပၤလီၤ. အဝဲကပၢတၢ်လၢဝ့ၢ်ယရူၤၡလ့ၣ်လၢ ကစၢၢ်စံယိၣ်အလိၤ, ဒီးပှၤဂီၢ်မုၢ်အခိၣ်အနၢ် တဖၣ်ကထံၣ်ဘၣ်အလၤကပီၤန့ၣ်လီၤ.

လံာ်ယၡါယၤ 34:4

မုၢ်, လါ, ဒီးဆၣ်တဖၣ်ကလီၤကလဲကွံာ်ဒီးကဲထီၣ်ဖၣ်ဆါန့ၣ် လီၤ. မူကပိာ်လိၤကလီၤမၢ်ကွံာ်ဒ်လံာ်ထူတထူဘၣ်တၢ်ထူထီၣ် အီၤအသိး, ဒီးဆၣ်တဖၣ်ကလီၤဆှု ဝဲဒ်သ့ၣ်လၣ်တဖၣ်လီၤဆှုကွံာ်လၢစပံးမုၢ်တမုၢ်, မ့တမ့ၢ်, ချၢၣ်ဒၢတထူၣ်အလိၤအသိး န့ၣ်လီၤ.

လံာ်ယိၤအ့လး 2:10

ဟီၣ်ခိၣ်ဟူးဝးဝဲဒီးမူကပိာ်လိၤဆှဲးဆှိးဝဲလၢအဝဲသ့ၣ်အမဲာ်ညါလီၤ. မုၢ်ဒီးလါခံးလီၤဝဲဒီးဆၣ်ဧိၤဖီဧိၤတဖၣ်တကပီၤလၢၤဘၣ်.

လံာ်ယိၤအ့လး 3:15

မုၢ်ဧိၤလါဧိၤခံးလီၤဝဲဒီးဆၣ်ဧိၤဖီဧိၤတကပီၤထီၣ်လၢၤဘၣ်န့ၣ်လီၤ.

လံာ်ဧၤမိၣ် 5:20

ယွၤအမုၢ်တနံၤကဟဲစိာ်တၢ်ခံးတၢ်နၤဒီးတမ့ၢ်ဘၣ်တၢ်ကပီၤဘၣ်. ကမ့ၢ်ဝဲတၢ်ခံးသူအမုၢ်တနံၤလၢတၢ်တကပီၤဘၣ်လ့ၤတက့ၤန့ၣ်လီၤ.

လံာ်ဧၤမိၣ် 8:9

ဒီးလၢမုၢ်တနံၤန့ၣ်, ယကဒုးလီၤနုာ်မုၢ်လၢမုၢ်ထူၣ်အကတီၢ်ဒီး မၤခံးလီၤဟီၣ်ခိၣ်ဖဲမုၢ်ဆါခီစီၣ်ဝဲၤကဲၤလီၤ. ယၤ, တၢ်စိတၢ်ကမီၤခဲလၢာ်အယွၤစံးဝဲဒၣ်.

လံာ်မးသဲ 24:21

အဂ့ၢ်ဒ်အံၤ, အကတီၢ်ဖဲန့ၣ်အတၢ်နးတၢ်ဖှီၣ်န့ၣ်ကလီၤပျံၤလီၤဖုးဒိၣ်န့ၢ်အါန့ၢ်ဒံးတၢ်လၢ အမၤတ့ၢ်အသး, စးထီၣ်လၢဟီၣ်ခိၣ်အိၣ်ထီၣ်သီတုၤလၢမုၢ်မဆါတနံၤအံၤ, ဒီးတၢ်နးမးဒ်သိးအံၤန့ၣ်ဆူညါစ့ၢ်ကီးတမၤအသးနီတဘျီလၢၤဘၣ်.

လံာ်မးသဲ 24:8

တၢ်တဖၣ်အံၤခဲလၢာ် မ့ၢ်ဒံးဒၣ်တၢ်လၢအလီၤဂာ်ဒီးပှၤဟုးဆါထီၣ်သီန့ၣ်လီၤ.

၂ ပ့းတရူး 3:10

ဘၣ်ဆၣ်ဒီးကစၢ်အမုၢ်တနံၤကဟဲဝဲဒ်တၢ်ဘျၣ်တဂၤအသိး လီၤ. ဒီးလၢမုၢ်နံၤအဝဲန့ၣ်မူခိၣ်ကလီၤမၢ်ကွံာ်လၢတၢ်သီၣ် ဖးဒိၣ်, တၢ်အမိၢ်ပှၢ်လၢမူခိၣ်တဖၣ်ကကဲၤထီၣ်ဒီးဟးဂီၤ ကွံာ်, ဒီးဟီၣ်ခိၣ်ဒီးတၢ်အိၣ်လၢအပူၤခဲလၢာ်မ့ၣ်အူကအီၣ် ကွံာ်အီၤန့ၣ်လီၤ.

လံာ်လီၣ်ဖျါ 8:12

တုၤနုၤတစုကလူးလွံၢ်ဂၤတဂၤအူထီၣ်အကွဲၤလီၤ. မုၢ်အသၢပူတပူဒီးလါအသၢပူတပူဒီးဆၣ်တဖၣ်အသၢပူ တပူဘၣ်တၢ်မၤဘၣ်ဒိအီၤတုၤဒၣ်လဲာ်အဝဲသ့ၣ်အတၢ်ကပီၤ အကပြုၢ်ကပြီၤလီၤမၢ်ကွံာ်ဝဲဒၣ်သၢပူတပူန့ၣ်လီၤ. မုၢ်နံၤအသၢပူတပူဒီးမုၢ်နၤအသၢပူတပူစ့ၢ်ကီးန့ၣ်, အတၢ်ကပီၤတအိၣ်ဘၣ်.