လံာ်မးသဲ 24:19 - Sgaw Karen Common Bible

¹⁹ လၢမုၢ်နံၤအဝဲန့ၣ်တဖၣ်အကတီၢ်န့ၣ်, တၢ်ကနးကဖှီၣ်ဝဲဒိၣ်မးလၢပိာ်မုၣ်တဖၣ်လၢအအိၣ်ဟုးအိၣ်သး, ဒီးမိၢ်လၢအအိၣ်ဒီးဖိဆံးအီနုၢ်ထံတဖၣ်အဂီၢ်န့ၣ်လီၤ.

လံာ်မးသဲ 24:19 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 4:4

စီၤစီလူးအစၢၤအသွဲၣ်အဂၤတဂၤမ့ၢ်ဝဲ စီၤယိနၤသၣ်အဖိခွါ စီၤမဖံဘိၡ့းလၢအသးအိၣ်ဝဲယဲၢ်နံၣ်, ဖဲစီၤစီလူးဒီးစီၤယိနၤသၣ်ဘၣ်တၢ်မၤသံအီၤအခါန့ၣ်လီၤ. ဖဲတၢ်ကစီၣ်လၢအဝဲသ့ၣ်သံအဂ့ၢ်ဟဲတုၤဝဲဆူဝ့ၢ်ယံးစရ့လးန့ၣ်, ပှၤပိာ်မုၣ်လၢအအံးထွဲကွၢ်ထွဲအီၤစိာ်ထီၣ်အီၤဒီးထွးထီၣ်ဃ့ၢ်ဝဲ, ဘၣ်ဆၣ်မ့ၢ်လၢအမၤအသးချ့ဒံးချ့ဒူးကဲာ်ဆိးအဃိ, ဖိသၣ်န့ၣ်လီၤတဲာ်ဒီးအခီၣ်ဟးဂီၤကွံာ်ဝဲဒၣ်လီၤ.

လံာ်စီၤပၤခံဘ့ၣ်တဘ့ၣ် 15:16

ဖဲစီၤမနၤဃ့ၣ်လဲၤတၢ်လၢကျဲလၢဝ့ၢ်တံးရစၢ်အခါန့ၣ်အဝဲမၤ ဟးဂီၤကွံာ်ဝ့ၢ်တံဖစၤဒီးပှၤအိၣ်ဆိးလၢဝ့ၢ်ပူၤခဲလၢာ်ဒီး လီၢ်ကဝီၤလၢအအိၣ်ဝးတရံးအီၤ, လၢာ်လၢာ်ဆ့ဆ့, မ့ၢ်လၢဝ့ၢ်န့ၣ်တဟ့ၣ်လီၤအသးလၢအစုပူၤဘၣ်အဃိန့ၣ်လီၤ. အဝဲဖှဲးသ့ၣ်ဖးဒၣ်လဲာ်ကယဲၢ်ပိာ်မုၣ်လၢအဒၢတဖၣ်အဟၢဖၢန့ၣ် လီၤ.

လံာ်သးသယုၢ်တၢ် 4:10

တၢ်နးတၢ်ဖှီၣ်လၢအဟဲတုၤဘၣ်ဆူယပှၤဂီၢ်မုၢ်အအိၣ်န့ၣ်ဟဲစိာ် တၢ်လီၤပျံၤလီၤဖုးဖးဒိၣ်လီၤ. မိၢ်လၢအအဲၣ်တၢ်ကွံတၢ်တဖၣ်ချီထီၣ်အဖိဒၣ်ဝဲ တဖၣ်လၢတၢ်အီၣ်အဂီၢ်လီၤ.

လံာ်ဟိၤၡ့ 13:16

ၡၤမရံကဘၣ်တၢ်စံၣ်ညီၣ်အီၤလၢအပူထီၣ်ထီဒါယၤအဃိလီၤ. အပှၤဂီၢ်မုၢ်ကသံလၢတၢ်ဒုးတၢ်ယၤအပူၤ, ဖိသၣ်ဆံးတဖၣ် ကဘၣ်တၢ်စူးကွံာ်အီၤဆူဟီၣ်ခိၣ်လိၤဒီးပိာ်မုၣ်လၢအဒၢတဖၣ် အဟၢဖၢကဘၣ်တၢ်ကွဲးသ့ၣ်ဖးအီၤလီၤ.

လံာ်မးသဲ 21:16

ဒီးအဝဲသ့ၣ်စံးဘၣ်ယ့ၣ်ၡူး, “အဝဲသ့ၣ်တဲတၢ်န့ၣ်နနၢ်ဟူဧါ.” ယ့ၣ်ၡူးစံးဆၢအဝဲသ့ၣ်, “ယနၢ်ဟူယဲသၢၣ်. မ့ၢ်သုတဖးဘၣ်တၢ်ကွဲးအသးစီဆှံလၢအစံး, ‘ယွၤကတဲာ်ကတီၤတၢ်စံးထီၣ်ပတြၢၤလၢဖိသၣ်တဖၣ်ဒီးဖိဆံးအီၣ် နုၢ်ထံဖိတဖၣ်အထးခိၣ်’ နီတဘျီဘၣ်ဧါ” (စံး. ၈:၂).

လံာ်မးသဲ 24:18

ပှၤလၢအအိၣ်လၢစံာ်ပျီပူၤတဂၤန့ၣ်, မ်အသုတက့ၤကဒါက့ၤ, ဒ်သိးအကဟံးန့ၢ်အဆ့ကၤဖးထီတဂ့ၤ.

လံာ်မးသဲ 24:20

ဃ့ထုကဖၣ်ကစၢ်ယွၤ, ဒ်သိးသုသုတဃ့ၢ်ပူၤဖျဲးဘၣ်သုသးလၢ တၢ်ဂိၢ်ခါအကတီၢ်မ့ၢ်ဂ့ၤ, လၢမုၢ်အိၣ်ဘှံးအနံၤမ့ၢ်ဂ့ၤ, တဂ့ၤန့ၣ်တက့ၢ်.

လံာ်လူၤကၣ် 21:23

ဖဲမုၢ်နံၤမုၢ်သီတဖၣ်န့ၣ်အဆၢကတီၢ်, ပိာ်မုၣ်လၢအအိၣ်ဒီးအဟုးအသး, ဒီးမိၢ်လၢအအိၣ်ဒီးဖိဆံးအီၣ်နုၢ်ဖိတဖၣ် ကဘၣ်အဖှီၣ်ဆံးဒိၣ်လဲၣ်. တၢ်နးတၢ်ဖှီၣ်အဒိၣ်အမုၢ်ကတုၤအိၣ်ထံကီၢ် တဘ့ၣ်အံၤ, ဒီးကစၢ်ယွၤအတၢ်သးဒိၣ်ကလီၤဘၣ်ထီဒါပှၤဂီၢ်မုၢ်အံၤလီၤ.