လံာ်မးသဲ 24:17 - Sgaw Karen Common Bible

¹⁷ ဒီးပှၤတဂၤလၢအအိၣ်လၢအဟံၣ်ခိၣ်ဒုးအဖီခိၣ်န့ၣ်, မ်အသုတဟံးန့ၢ်တၢ်ဆၢကတီၢ်လၢကက့ၤနုာ်ဆူဟံၣ်အပူၤ, ဒ်သိးအကဟံးန့ၢ်အတၢ်ဖိတၢ်လံၤတဖၣ်လၢအအိၣ်လၢ အဟံၣ်ပူၤန့ၣ်တဂ့ၤ.

လံာ်မးသဲ 24:17 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 11:2

ဘၣ်မုၢ်တနံၤ, ဖဲမုၢ်ဃ့ၢ်လီၤလၢဟါခီအကတီၢ်န့ၣ်, စီၤဒၤဝံးဂဲၤဆၢထၢၣ်ဝဲလၢအတၢ်မံတရ့ဝံၤဒီးလဲၤထီၣ်ဝဲဆူ အနူၢ်အစီၤအခိၣ်ဒုးလီၤ. ဖဲအဝဲဟးဝ့ၤဝီၤဖဲတၢ်ဖီခိၣ်အ ခါ, အဝဲထံၣ်ဘၣ်ပိာ်မုၣ်တဂၤလုၣ်ထံလၢအဟံၣ်ပူၤန့ၣ်လီၤ. ပိာ်မုၣ်န့ၣ်ဒိၣ်တၢ်ဃံလၤဒိၣ်မးလီၤ.

လံာ်စီၤယိၤဘး 2:4

တုၤနုၤတစုမုၣ်ကီၤလံၢ်စံးဆၢယွၤ, “ပှၤကညီကဟ့ၣ်လီၤကွံာ် ကယဲၢ်တၢ်ခဲလၢာ်လၢအအိၣ်ဒီးအီၤလၢအသးသမူအဂီၢ်လီၤ.

လံာ်မးသဲ 10:27

တၢ်လၢယတဲဘၣ်သုလၢတၢ်ခံးကျါန့ၣ်, သုကဘၣ်ကတိၤဖျါထီၣ်အီၤ လၢတၢ်ကပီၤအကျါဒီးတၢ်လၢသုနၢ်ဟူကသွံဒံန့ၣ်, သုကဘၣ်ကိးသတြီထီၣ်အီၤလၢဟံၣ်ခိၣ်အဖီခိၣ်ဒ်သိးပှၤဂၤကနၢ်ဟူ အဂီၢ်လီၤ.

လံာ်မးသဲ 24:16

တုၤနုၤတစု, ပှၤအိၣ်လၢကီၢ်ယူဒၤအပူၤတဖၣ်, မ်အဃ့ၢ်ပူၤဖျဲးအသးဆူကစၢၢ်ကလိအကျါတက့ၢ်.

လံာ်မးသဲ 24:18

ပှၤလၢအအိၣ်လၢစံာ်ပျီပူၤတဂၤန့ၣ်, မ်အသုတက့ၤကဒါက့ၤ, ဒ်သိးအကဟံးန့ၢ်အဆ့ကၤဖးထီတဂ့ၤ.

လံာ်မးသဲ 6:25

လၢတၢ်န့ၣ်အဃိ ယစံးဘၣ်သု, သုတဘၣ်ယိၣ်တၢ်လၢတၢ်အီၣ်တၢ်အီလၢ သုသးသမူအဂီၢ်မ့ၢ်ဂ့ၤ, တၢ်ကူတၢ်သိးလၢသုနီၢ်ခိအဂီၢ်မ့ၢ်ဂ့ၤန့ၣ်တဂ့ၤ. နီၢ်နီၢ်တခီသးသမူန့ၣ်အကါဒိၣ်န့ၢ်တၢ်အီၣ်တၢ်အီဒီးနီၢ်ခိအကါဒိၣ်န့ၢ် တၢ်ကူတၢ်သိးတက့ၢ်တမ့ၢ်ဘၣ်ဧါ.

လံာ်လူၤကၣ် 12:3

လၢတၢ်န့ၣ်အဃိ, တၢ်တမံၤလၢ်လၢ်လၢသုစံးတ့ၢ်သုဝဲလၢတၢ်ခံးကျါန့ၣ်, ကဘၣ်တၢ်နၢ်ဟူအီၤလၢမုၢ်ဆါခီအတၢ်ကပီၤအဆၢကတီၢ်, ဒီးတၢ်တမံၤလၢ်လၢ်လၢသုကတိၤကသွံတ့ၢ်သုဝဲလၢပှၤအနၢ်ပူၤ လၢဒၢးအိၣ်ကးတံာ်ဃာ်အသးတဖျၢၣ်အပူၤန့ၣ်, ကဘၣ်တၢ်ကိးသတြီမၤဖျါထီၣ်အီၤလၢဟံၣ်ခိၣ်အဖီခိၣ်လီၤ.

လံာ်လူၤကၣ် 5:19

ဘၣ်ဆၣ်ဒီးမ့ၢ်လၢပှၤအိၣ်ဝဲဂီၢ်မုၢ်ဂီၢ်ပၤအဃိ, အဝဲသ့ၣ်တထံၣ်န့ၢ်ကျဲလၢအကစိာ်နုာ်အီၤအဂီၢ်ဘၣ်. လၢတၢ်န့ၣ်အဃိ, အဝဲသ့ၣ်လဲၤစိာ်ထီၣ်အီၤလၢဟံၣ်ခိၣ်, အိးဟိထီၣ်ဒၢးခီအဘ့ၣ်ဘၣ်တနီၤဒီးစဲၤလီၤအီၤလၢအလီၢ်မံလိၤဆူ ပှၤအိၣ်ပာ်ဖှိၣ်အသးတဖၣ်အခၢၣ်သးလၢယ့ၣ်ၡူးအမဲာ်ညါလီၤ.

မၤတၢ် 10:9

မုၢ်ဆ့ၣ်ထီၣ်တနံၤဖဲအဝဲသ့ၣ်လဲၤတၢ်အဖၢမုၢ်ဒီးဘူးကတုၤ ဃီၤဝ့ၢ်ယၤဖိၤန့ၣ်, စီၤပ့းတရူးလဲၤထီၣ်ဆူဟံၣ်ခိၣ်ဒုးအလိၤကဘၣ်ဖဲမုၢ်ထူၣ်အဆၢ ကတီၢ်, ဒ်သိးအကဃ့ဘါထုကဖၣ်တၢ်လီၤ.

လံာ်သိၣ်လီၤသီလီၤတၢ် 22:8

ဖဲသုဘှီထီၣ်ဟံၣ်အသီတဖျၢၣ်န့ၣ်, မၤလီၤတံၢ်လၢသု ကဒူၣ်ဝးတရံးဟံၣ်ခိၣ်ဒုးအထိးနါဒီးထးဘိတက့ၢ်. အန့ၣ်ဒီး, ပှၤတဂၤဂၤမ့ၢ်လီၤတဲာ်ဒီးသံန့ၣ်, သုမူသုဒါတအိၣ်ဘၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 9:25

ဖဲအဝဲသ့ၣ်က့ၤလီၤလၢတၢ်ဘူၣ်တၢ်ဘါအလီၢ်ဆူ ဝ့ၢ်ပူၤဒီးအဝဲသ့ၣ်မၤန့ၢ်လီၢ်မံခးတခါလၢစီၤစီလူးအဂီၢ် လၢဟံၣ်ခိၣ်ဒုးအဖီခိၣ်လီၤ. ဒီးမံဝဲဖဲန့ၣ်လီၤ.