လံာ်မးသဲ 24:14 - Sgaw Karen Common Bible

¹⁴ ဒီးတၢ်သးခုအကစီၣ်ဘၣ်ဃးဒီးဘီမုၢ်အံၤ, ကဘၣ်တၢ်စံၣ်တဲၤတဲလီၤအီၤသကုၤဟီၣ်ခိၣ်ချၢ, ဒ်သိးကကဲထီၣ်တၢ်အုၣ်အသးလၢပှၤဟီၣ်ခိၣ်ဖိခဲလၢာ်အဂီၢ်လီၤ. တုၤနုၤတစု, တၢ်အစိၤကကတၢၢ်ဝဲလီၤ.

လံာ်မးသဲ 24:14 Iomraidhean Croise

လံာ်ယဃ့းစက့လး 7:10

တၢ်တတၢးတနါအမုၢ်တနံၤဟဲဝဲလံလၢကီၢ်အံၣ်စရ့လးအဂီၢ်လံ. တၢ်မၤဆူၣ်မၤစိးတၢ်တဖၣ်အါထီၣ်ဂီၢ်ထီၣ်လံ. တၢ်ပာ်ထီၣ်ထီသးအိၣ်လံလၢအလီၢ်အထီကတၢၢ်န့ၣ်လံ.

လံာ်မးသဲ 10:7

လဲၤဒီးစံၣ်တဲၤတဲလီၤတၢ်ဒီးစံး, ‘မူခိၣ်အဘီအမုၢ်ဘူးထီၣ် လံ.’

လံာ်မးသဲ 18:19

ယစံးဘၣ်တဲဘၣ်ကဒီးသု, ပှၤလၢသုကျါခံဂၤလၢဟီၣ်ခိၣ်ချၢအံၤအသးမ့ၢ်လီၤပလိာ် လၢတၢ်တမံၤမံၤအဂ့ၢ်လၢအဃ့ဝဲန့ၣ်ဒီး, ယပၢ်အိၣ်လၢမူခိၣ်ကမၤန့ၢ်အဝဲသ့ၣ်တၢ်လၢအဃ့ဝဲန့ၣ်လီၤ.

လံာ်မးသဲ 24:3

ဖဲယ့ၣ်ၡူးဆ့ၣ်နီၤဝဲလၢကစၢၢ်သ့ၣ်စၤယံးအဒီခိၣ်န့ၣ်, အပျဲၢ်အဘီၣ်တဖၣ်ဟဲဆူအအိၣ်ကစုဒုဒီးစံးဘၣ်အီၤ, “တဲဘၣ်ပှၤတက့ၢ်. တၢ်အံၤတဖၣ်ကမၤအသးအခါဖဲလဲၣ်. ဒီးတၢ်မနုၤကမၤအသးလၢအကဒုးနဲၣ်ပှၤလၢနတၢ်ဟဲက့ၤဒီးတၢ် အစိၤအကတၢၢ်န့ၣ်လဲၣ်.”

လံာ်မးသဲ 24:6

သုကနၢ်ဟူဘၣ်တၢ်ဒုးတၢ်ယၤလၢအဘူးတဖၣ်အသီၣ်အသဲ, ဒီးတၢ်ဒုးတၢ်ယၤလၢအယံၤတဖၣ်အကစီၣ် ဘၣ်ဆၣ်ဒီးတဘၣ် သူၣ်ကိၢ်သးဂီၤတဂ့ၤ. တၢ်တဖၣ်အံၤကဘၣ်မၤအသး, ဘၣ်ဆၣ်ဒီး, တမ့ၢ်ဒံးဘၣ်တၢ်အစိၤအကတၢၢ်တုၤဃီၤလံန့ၣ်ဘၣ်.

လံာ်မးသဲ 4:23

ယ့ၣ်ၡူးဟးဝ့ၤဝီၤသကုၤကီၢ်ကၤလံၤလါ, သိၣ်လီၤသီလီၤတၢ်လၢဘူၣ်ဘျီၣ် လၢအမ့ၢ်တၢ်ဘါလီၢ်တဖၣ်အပူၤ, စံၣ်တဲၤတဲလီၤတၢ်သးခုကစီၣ်ဘၣ်ဃးယွၤအဘီအမုၢ် ဒီးမၤဘျါက့ၤပှၤဘၣ်ဆူးဘၣ်ဆါလၢကယဲၢ်မ့ၢ်တၢ်ဆူးတၢ် ဆါခဲလၢာ်လီၤ.

လံာ်မးသဲ 9:35

ယ့ၣ်ၡူးလဲၤဝ့ၤဝီၤတၢ်လၢဝ့ၢ်တဖၣ်ဒီးသဝီတဖၣ်လီၤ. အဝဲသိၣ်လီၤသီလီၤတၢ်လၢဘူၣ်ဘျီၣ်လၢအမ့ၢ်တၢ်ဘါလီၢ်တဖၣ်အပူၤ, စံၣ်တဲၤတဲလီၤတၢ်သးခုကစီၣ်ဘၣ်ဃးဘီမုၢ်, ဒီးမၤဘျါက့ၤပှၤတဖၣ်လၢအအိၣ်ဒီးတၢ်ဆူးတၢ်ဆါတၢ်က့တၢ် ကွဲၣ်ကိးအကလုာ်ဒဲးလီၤ.

လံာ်မၢ်ကူး 13:10

ဘၣ်ဆၣ်ဒီးတချုးတၢ်အကတၢၢ်ဟဲတုၤဒံးဘၣ်န့ၣ်, အလီၢ်အိၣ်လၢပှၤကဘၣ်ဒုးဟူထီၣ်သါလီၤတၢ်သးခု ကစီၣ်လၢပှၤကိးကလုာ်ဒဲးလီၤ.

လံာ်လူၤကၣ် 2:1

ဖဲအဆၢကတီၢ်အဝဲန့ၣ်, စီၤပၤဖးဒိၣ်အီၤကူစတူးဟ့ၣ်လီၤ အကလုၢ်လၢတၢ်ကဂံၢ်ထံဖိကီၢ်ဖိလၢအအိၣ်ဝဲဆိးဝဲ သကုၤရိမ့ၤအဘီအမုၢ်အပူၤတဖၣ်ခဲလၢာ်ခီဖျိတၢ်ဆဲးလီၤ အမံၤန့ၣ်လီၤ.

လံာ်လူၤကၣ် 24:47

ဒီးလၢအဝဲဒၣ်အမံၤန့ၣ်, တၢ်ကစီၣ်ဘၣ်ဃးတၢ်ပီၢ်ယၢ်လီၤသးဒီးတၢ်ပျၢ်တၢ်ဒဲးဘး, ကဘၣ်တၢ်စံၣ်တဲၤတဲလီၤအီၤလၢပှၤကိးကလုာ်ဒဲးအဂီၢ်, အဆိလၢဝ့ၢ်ယရူၤၡလ့ၣ်န့ၣ်လီၤ.

လံာ်လူၤကၣ် 4:5

တုၤနုၤတစုမုၣ်ကီၤလံၢ်ဆှၢထီၣ်အီၤဆူတၢ်လီၢ်ထီၣ်ထီတတီၤ, ဒီးလၢတဖျးမဲာ်အတီၢ်ပူၤဒုးနဲၣ်အီၤဟီၣ်ခိၣ်အဘီအမုၢ်ခဲလၢာ်ခဲဆ့လီၤ.

မၤတၢ် 1:2

တုၤလီၤလၢမုၢ်တနံၤလၢယွၤဟံးထီၣ်အီၤဆူမူခိၣ်န့ၣ်လီၤ. တချုးအဘၣ်တၢ်ဟံးထီၣ်အီၤဒံးဘၣ်ဒီး, ခီဖျိသးစီဆှံအစိကမီၤန့ၣ် အဝဲဒၣ်မၤလိာ်တ့ၢ်အပှၤတၢ်မၢဖိလၢအဃုထၢတ့ၢ်ဝဲတဖၣ်တၢ်လၢ အဝဲသ့ၣ်ကဘၣ်မၤဝဲတဖၣ်န့ၣ်လီၤ.

မၤတၢ် 11:28

အဝဲသ့ၣ်အကျါတဂၤလၢအမံၤမ့ၢ် စီၤအကၤဘူးန့ၣ်ဂဲၤဆၢထၢၣ်, ဒီးစံးဆိပာ်တၢ်ခီဖျိယွၤအသးအစိကမီၤလၢတၢ်သၣ်ဝံၤလီၤဒိဖးဒိၣ် ကတုၤအိၣ်လၢဟီၣ်ခိၣ်ဒီဘ့ၣ်ညါန့ၣ်လီၤ. (အဝဲအံၤတုၤအိၣ်ဝဲဖဲစီၤကျီၤဒံကဲစီၤပၤဖးဒိၣ်အဆၢကတီၢ် န့ၣ်လီၤ.)

မၤတၢ် 17:31

အဂ့ၢ်ဒ်အံၤ, အဝဲပာ်ဂၢၢ်ပာ်ကျၢၤမုၢ်တနံၤလၢအကစံၣ်ညီၣ် ဟီၣ်ခိၣ်ဒီဘ့ၣ်လၢတၢ်တီတၢ်လိၤအပူၤ, ခီဖျိပှၤတဂၤလၢ အဃုထၢတ့ၢ်ဝဲန့ၣ်လီၤ. အဝဲဟ့ၣ်တ့ၢ်လံပှၤကိးဂၤဒဲးလၢတၢ်အုၣ်အသးဘၣ်ဃးဒီးတၢ် တမံၤအံၤအဂ့ၢ်ခီဖျိအဒုးဂဲၤဆၢထၢၣ်က့ၤပှၤအဝဲန့ၣ်လၢတၢ်သံ န့ၣ်လီၤ.”

မၤတၢ် 17:6

ဘၣ်ဆၣ်ဒီးဖဲအတထံၣ်အဝဲသ့ၣ်န့ၣ်, တွံၢ်ထီၣ်စီၤယါစီၣ်ဒီးအပျဲၢ်အဘီၣ်အဂၤတနီၤဆူဝ့ၢ်အကီၣ် ကးအမဲာ်ညါဒီးကိးပသူထီၣ်ဝဲ, “ပှၤသ့ၣ်တဖၣ်အံၤမၤတၢထီၣ်တၢလီၤတၢ်သကုၤဆးဒး လီၤ. ခဲကနံၣ်အံၤအဝဲသ့ၣ်ဟဲတုၤပဝ့ၢ်ပူၤလံ.

မၤတၢ် 19:27

လၢတၢ်န့ၣ်အဃိ, တၢ်လီၤဘၣ်ယိၣ်အိၣ်လၢပတၢ်ဖံးတၢ်မၤတမံၤအံၤအမံၤကဟးဂီၤ န့ၣ်လီၤ. တကးဒံးဘၣ်, တၢ်ဘၣ်ယိၣ်အလီၢ်အိၣ်စ့ၢ်ကီးလၢကစၢ်မုၣ်နီၢ်အၢ်တ့းမံၤလၢ ပှၤခဲလၢာ်ဖဲကီၢ်အၤစံဒီးလၢဟီၣ်ခိၣ်ဒီဘ့ၣ်ဘါအီၤတဂၤအံၤ အတၢ်လုၢ်ဟံၣ်အကါတဒိၣ်လၢၤဘၣ်. ဒီး, အတၢ်မံၤဟူသၣ်ဖျါကလီၤမၢ်ကွံာ်ဝဲဒၣ်န့ၣ်လီၤ.”

မၤတၢ် 20:25

ယဟးဝ့ၤဝီၤတ့ၢ်လံလၢသုဝဲခဲလၢာ်အကျါဒီးစံၣ်တဲၤတဲလီၤယွၤ အဘီအမုၢ်န့ၣ်လီၤ. ဒီးခဲကနံၣ်အံၤ, ယသ့ၣ်ညါလၢသုတထံၣ်ဘၣ်လၢၤယၤနီတဂၤဘၣ်.

ရိမ့ၤ 10:18

ဘၣ်ဆၣ်ဒီးယစံး, အဝဲသ့ၣ်တနၢ်ဟူဘၣ်တၢ်ကစီၣ် န့ၣ်မ့ၢ်ဝဲတီဝဲကစီဒီဧါ. အဝဲသ့ၣ်နၢ်ဟူဝဲကစီဒီလီၤ. အဂ့ၢ်ဒ်လဲၣ်န့ၣ်တၢ်ကွဲးအသးစီဆှံစံးဝဲ, “အဝဲသ့ၣ်အကလုၢ်တဖၣ်သီၣ်ထီၣ်ဝဲသကုၤဟီၣ်ခိၣ်ချၢဒီး အတၢ်ကတိၤတဖၣ်တုၤဃီၤဝဲလၢ ဟီၣ်ခိၣ်အကတၢၢ်န့ၣ်လီၤ” (စံး ၁၉:၄).

ကလီးစဲ 1:23

တၢ်လၢအလီၢ်အိၣ်တမံၤန့ၣ်, မ့ၢ်ဒ်သိးသုကလဲၤဒံးတၢ်လၢတၢ် ကလုၢ်တီဒီးလၢတၢ်စူၢ်တၢ်နာ်အဂၢၢ်အကျၢၤအပူၤ, ဒီးဒ်သိးသုသုတပျဲပှၤမၤကဒံကဒါသုတၢ်မုၢ်လၢ်လၢ သုဒိးန့ၢ်တ့ၢ်သုဝဲဖဲသုနၢ်ဟူဘၣ်တၢ်သးခုကစီၣ်အခါ တဂ့ၤန့ၣ်လီၤ. ယၤစီၤပီလူးယကဲထီၣ်တ့ၢ်လံတၢ်အခ့အပှၤဘၣ် ဃးတၢ်သးခုကစီၣ်လၢအဘၣ်တၢ်စံၣ်တဲၤတဲလီၤတ့ၢ်အီၤဆူ ပှၤကိးဂၤဒဲးလၢဟီၣ်ခိၣ်ချၢအံၤန့ၣ်လီၤ.

ကလီးစဲ 1:6

တၢ်သးခုအကစီၣ်အံၤဟဲစိာ်ဃုာ်ဒီးတၢ်ဆိၣ်ဂ့ၤ, ရၤလီၤအသးသကုၤဟီၣ်ခိၣ်ဒီဘ့ၣ်ညါ, ဒ်အမၤတ့ၢ်လံ အသးလၢသုကျါစးထီၣ်မုၢ်တနံၤဖဲသုနၢ်ဟူတၢ်ဘၣ်ဃး ယွၤအဘျုးအဖှိၣ်အဆိကတၢၢ်တဘျီ, ဒီးသ့ၣ်ညါထံအီၤဒ် အမ့ၢ်တၢ်နီၢ်နီၢ်အသိး,

ဧ့ၤဘြံၤ 1:6

မ့မ့ၢ်ဖဲကစၢ်ယွၤကဆှၢလီၤအဖိဝဲၢ်ကိဆူဟီၣ်ခိၣ်န့ၣ် စံးဝဲ, “မ်ကစၢ်ယွၤအကလူးခဲလၢာ်တီၤလီၤဘါအီၤတက့ၢ်.”

ဧ့ၤဘြံၤ 2:5

ကစၢ်ယွၤတပာ်ဘၣ်ကလူးတဖၣ်လၢအကပၢဟီၣ်ခိၣ် အသီလၢအကဟဲ, ဟီၣ်ခိၣ်လၢပစံးတ့ၢ်လၢအဂ့ၢ်န့ၣ်ဘၣ်.

လံာ်လီၣ်ဖျါ 14:6

အန့ၣ်ဝံၤဒီး, ယထံၣ်ကလူးအဂၤတဂၤယူၤဝဲဒၣ်ထီထီကလဲာ်လၢ ကလံၤကျါအိၣ်ဒီးတၢ်ကစီၣ်အထူအယိာ်ဘၣ်ဃးတၢ်သးခု ကစီၣ်လၢအကဘိးဘၣ်သ့ၣ်ညါဝဲဆူပှၤအိၣ်လၢဟီၣ်ခိၣ်ချၢ တဖၣ်, ဆူပှၤကိးကလုာ်ဒဲး, ပှၤကိးဒူၣ်ကိးထၢဒဲး, ပှၤကတိၤ ကျိာ်တကျိာ်လၢ်လၢ်, ဒီးထံကီၢ်ကိးကီၢ်ဒဲးအအိၣ်န့ၣ်လီၤ.

လံာ်လီၣ်ဖျါ 16:14

အဝဲသ့ၣ်မ့ၢ်တၢ်ဝံတၢ်နါလၢအမၤတၢ်လီၤလးတဖၣ်အသး န့ၣ်လီၤ. သးသၢဒုအံၤလဲၤဝဲဆူဟီၣ်ခိၣ်အစီၤပၤခဲလၢာ်အအိၣ် ဒ်သိးအကဒုးအိၣ်ဖှိၣ်အဝဲသ့ၣ်တပူၤဃီလၢတၢ်ဒုးဖဲသ့တၢ် လၢာ်ကစၢ်ယွၤအမုၢ်နံၤဖးဒိၣ်တနံၤန့ၣ်အဂီၢ်လီၤ.

လံာ်လီၣ်ဖျါ 3:10

မ့ၢ်လၢသုတိၢ်န့ၢ်ဟံးဃာ်ယကလုၢ်လၢသုကတူၢ်တၢ်အိၣ်ဒီး တၢ်သူၣ်စူၤသးစူၤအဃိယကကဟုကယာ်စ့ၢ်ကီးသုလၢတၢ်ကီ တၢ်ခဲအဆၢကတီၢ်, လၢအကဟဲတုၤအိၣ်ဟီၣ်ခိၣ်ဒ်သိးအကမၤ ကွၢ်ပှၤအိၣ်လၢဟီၣ်ခိၣ်ချၢခဲလၢာ်န့ၣ်လီၤ.