လံာ်မးသဲ 23:8 - Sgaw Karen Common Bible

⁸ မ့မ့ၢ်သုဝဲန့ၣ်, တဘၣ်ပျဲပှၤကိးသုလၢသရၣ်တဂ့ၤ. အဂ့ၢ်ဒ်အံၤ သုမ့ၢ်ဒၣ်ဒီပုၢ်ဝဲၢ်ခဲလၢာ်, ဒီးသုသရၣ်အိၣ်ဒၣ်ထဲတဂၤလီၤ.

လံာ်မးသဲ 23:8 Iomraidhean Croise

လံာ်မးသဲ 10:25

လၢတၢ်န့ၣ်အဃိပျဲၢ်မ့ၢ်ဂ့ၤ, ကုၢ်မ့ၢ်ဂ့ၤ, ကြၢးသးမံဝဲဖဲအလီၤဂာ်ဒီးအသရၣ်မ့ၢ်ဂ့ၤ, အကစၢ်မ့ၢ်ဂ့ၤန့ၣ်လီၤ. ပှၤမ့ၢ်ကိးဟံၣ်အကစၢ်လၢ ဘဧၤလးစဘူာ်ဒီး, ကကိးအပှၤဟံၣ်ဖိဃီဖိအါန့ၢ်အန့ၣ်တက့ၢ်ဆံးဒိၣ်လဲၣ်.

လံာ်မးသဲ 17:5

ဖဲအဝဲကတိၤဒံးတၢ်အဖၢမုၢ်န့ၣ်, တၢ်အၢၣ်လၢအကပီၤတလိၣ်ဟဲလီၤကဒုဘၣ်အဝဲသ့ၣ်, ဒီးတၢ်ကလုၢ်သီၣ်ထီၣ်လၢတၢ်အၢၣ်အပူၤဒီးစံး, “အအံၤမ့ၢ်ယဖိခွါဒၣ်ယဲလၢယအဲၣ်အီၤ, ဒီးဘၣ်ယသးလၢအီၤဒိၣ်မးလီၤ. ကနၣ်အကလုၢ်တက့ၢ်.”

လံာ်မးသဲ 23:10

သုတဘၣ်ပျဲပှၤကိးသုလၢတၢ်ခိၣ်တၢ်နၢ်တဂ့ၤ. အဂ့ၢ်ဒ်အံၤ, သုခိၣ်သုနၢ်ထဲတဂၤဧိၤမ့ၢ်ခရံာ်လီၤ.

လံာ်မးသဲ 23:7

အဝဲသ့ၣ်အဲၣ်ဒိးပှၤပာ်ဖျါပှၤအတၢ်ယူးယီၣ်အီၤဖဲပှၤထံၣ် အီၤလၢတၢ်ဆါတၢ်ပှ့ၤအလီၢ်, ဒီးအဲၣ်ဒိးပှၤကိးအီၤလၢသရၣ်န့ၣ်လီၤ.

လံာ်မးသဲ 26:25

စီၤယူဒၤအံၣ်စကၤရံၤအိာ်လၢအဆါလီၤကွံာ်ယ့ၣ်ၡူးတဂၤ ကတိၤထီၣ်တၢ်ဒီးစံး, “သရၣ်ဧၢ, မ့ၢ်ယၤဧါ.” ယ့ၣ်ၡူးစံးဆၢအီၤ, “နစံးတ့ၢ်လံနဲလံ.”

လံာ်မးသဲ 26:49

စီၤယူဒၤဟဲတဘျီဃီဆူယ့ၣ်ၡူးအအိၣ်ဒီးစံး, “သရၣ်ဧၢ, မ်တၢ်ဃူတၢ်မုာ် အိၣ်ဒီးနၤတက့ၢ်.” စံးတၢ်န့ၣ်ဝံၤဒီးနၢမူအီၤလီၤ.

လံာ်မၢ်ကူး 10:51

ယ့ၣ်ၡူးသံကွၢ်အီၤ, “နအဲၣ်ဒိးယကမၤတၢ်မနုၤတမံၤလၢနဂီၢ်လဲၣ်.” ပှၤမဲာ်တထံၣ်တၢ်တဂၤန့ၣ်စံးဆၢက့ၤအီၤ, “သရၣ်ဧၢ, ယအဲၣ်ဒိးထံၣ်ထီၣ်က့ၤတၢ်လီၤ.”

လံာ်မၢ်ကူး 11:21

စီၤပ့းတရူးသ့ၣ်နီၣ်ထီၣ်က့ၤတၢ်လၢအမၤတ့ၢ်အသးဒီးစံးဘၣ် ယ့ၣ်ၡူး, “ကွၢ်တက့ၢ်, သရၣ်ဧၢ, ချၢၣ်ဒၢတထူၣ်လၢနဆိၣ်ဃီၣ်တ့ၢ်အီၤန့ၣ်သံလံ.”

လံာ်မၢ်ကူး 14:45

တုၤစီၤယူဒၤဟဲတုၤဒီးလဲၤဝဲဆူယ့ၣ်ၡူးအအိၣ်တဘျီဃီဒီးစံးဝဲ, “သရၣ်ဧၢ,” ဒီးနၢမူအီၤလီၤ.

လံာ်မၢ်ကူး 9:5

စီၤပ့းတရူးကတိၤထီၣ်တၢ်ဒီးစံးဘၣ်ယ့ၣ်ၡူး, “သရၣ်ဧၢ, ပဟဲအိၣ်ဘၣ်ဖဲအံၤဂ့ၤဒိၣ်မးလီၤ. မ်ပကဘှီထီၣ်ဒဲသၢဖျၢၣ်, တဖျၢၣ်လၢနဂီၢ်, တဖျၢၣ်လၢစီၤမိၤၡ့အဂီၢ်, ဒီးတဖျၢၣ်လၢဝံအ့ၤလံယၤအဂီၢ်တက့ၢ်.”

လံာ်လူၤကၣ် 22:32

ဘၣ်ဆၣ်ဒီးယဃ့ဘါထုကဖၣ်တ့ၢ်ယဲလၢနဂီၢ်, စီၤၡံမိၣ်ဧၢ, ဒ်သိးနတၢ်စူၢ်တၢ်နာ်သုတဟးဂီၤတဂ့ၤအဂီၢ်လီၤ. ဒီးဖဲနဃၣ်ကဒါက့ၤနသးဆူယအိၣ်န့ၣ်, နကဘၣ်ဟ့ၣ်ဂံၢ်ဟ့ၣ်ဘါနဒီပုၢ်ဝဲၢ်တဖၣ်လီၤ.”

လံာ်ယိၤဟၣ် 1:38

ယ့ၣ်ၡူးဃၣ်ဃီၤအသး, ထံၣ်ဘၣ်အဝဲသ့ၣ်ပိာ်ထီၣ် အခံ, ဒီးသံကွၢ်ဝဲ, “သုဃုမနုၤတမံၤလဲၣ်.” အဝဲသ့ၣ်စံးဆၢဝဲ, “သရၣ်ဧၢ, နအိၣ်နဆိးဖဲလဲၣ်.”

လံာ်ယိၤဟၣ် 1:49

စီၤနၤသန့လးစံးဆၢတၢ်ဒီးစံးဝဲ, “သရၣ်ဧၢ, နဲဒၣ်အံၤနမ့ၢ်ကစၢ်ယွၤ အဖိခွါ, နမ့ၢ်အံၣ်စရ့လးအစီၤပၤန့ၣ်လီၤ.”

လံာ်ယိၤဟၣ် 11:8

အပျဲၢ်အဘီၣ်တဖၣ်စံးဆၢအီၤ, “သရၣ်ဧၢ, ဖဲအပူၤကွံာ်တယံာ်ဒံးဘၣ်ဒၣ်လဲာ်န့ၣ်, ပှၤယူဒၤဖိတဖၣ်သါကကွံာ်သံနၤလၢလၢၢ်, ဒီးခဲအံၤနကက့ၤကဒါက့ၤကဒီးဆူန့ၣ်ဧါ.”

လံာ်ယိၤဟၣ် 20:16

ယ့ၣ်ၡူးကိးထီၣ်အီၤ, “နီၢ်မၤရံဧၢ” အဝဲဃၣ်အသးဆူအအိၣ်ဒီးကိးဆၢက့ၤအီၤလၢဧ့ၤဘြံၤ အကျိာ် “ရၤဘူနံၤဧၢ” (အခီပညီမ့ၢ် ‘သရၣ်’ လီၤ.)

လံာ်ယိၤဟၣ် 3:2

ဘၣ်တနၤအဝဲလဲၤဆူယ့ၣ်ၡူးအအိၣ်ဒီးစံးဘၣ်အီၤ, “ရၤဘံဧၢ, ပသ့ၣ်ညါလၢနမ့ၢ်သရၣ်လၢအဟဲလၢ ကစၢ်ယွၤအအိၣ်န့ၣ်လီၤ. အဂ့ၢ်ဒ်အံၤ, တၢ်လီၤလးတဖၣ်လၢနမၤန့ၣ်, ကစၢ်ယွၤအိၣ်တ့ၢ်ဒီးနၤအဃိဒီးနမၤနဲသ့ဝဲန့ၣ်လီၤ.”

လံာ်ယိၤဟၣ် 3:26

လၢတၢ်န့ၣ်အဃိအဝဲသ့ၣ်လဲၤဝဲဆူစီၤယိၤဟၣ်အအိၣ်ဒီး စံးဘၣ်အီၤ, “သရၣ်ဧၢ, ပှၤလၢအအိၣ်ဒီးနၤလၢယၢ်ဒ့ၣ်ဝၢ်ဘးခီ လၢနအုၣ်နသးလၢအဂ့ၢ်တဂၤန့ၣ်, ခဲအံၤဘျၢပှၤလၢထံဒီး ပှၤခဲလၢာ်လဲၤဆူအအိၣ်လီၤ.”

လံာ်ယိၤဟၣ် 4:31

အကတီၢ်ဖဲန့ၣ်, အပျဲၢ်အဘီၣ်တဖၣ်ဃ့ကညးယ့ၣ်ၡူးဒီးစံး, “သရၣ်ဧၢ, အီၣ်တၢ်တက့ၢ်.”

လံာ်ယိၤဟၣ် 6:25

တုၤပှၤဂီၢ်မုၢ်ထံၣ်ယ့ၣ်ၡူးလၢပီၣ်လဲၣ်အဝၢ်ဘးခီဒီး, အဝဲသ့ၣ် စံးဘၣ်အီၤ, “သရၣ်ဧၢ, နဟဲတုၤဖဲအံၤအခါဖဲလဲၣ်.”

လံာ်ယိၤဟၣ် 9:2

အပျဲၢ်အဘီၣ်တဖၣ်သံကွၢ်အီၤ, “သရၣ်ဧၢ, ပှၤတဂၤအံၤအိၣ်ဖျဲၣ်ထီၣ်အမဲာ်ဘျီၣ်န့ၣ်, ဟဲအသးလၢမတၤအတၢ်ဒဲးဘးအဃိလဲၣ်. မ့ၢ်အတၢ်ဒဲးဘးဒၣ်ဝဲဧါ. မ့တမ့ၢ်, မ့ၢ်အမိၢ်အပၢ်အတၢ်ဒဲးဘးအဃိဧါ.”

၂ ကရံၣ်သူး 1:24

ပတဂုာ်ကျဲးစၢးနဲၣ်သုလၢသုကဘၣ်စူၢ်တၢ်နာ်တၢ်ဒ်အံၤဒ် နုၤဘၣ်. ပသ့ၣ်ညါလၢသုအိၣ်ဆၢထၢၣ်သုဝဲကျၢၤကျၢၤလၢ တၢ်စူၢ်တၢ်နာ်အပူၤလီၤ. အခိၣ်တလိာ်ပမၤသကိးတၢ်ဒီးသု, လၢသုတၢ်သူၣ်ဖှံသးညီဒၣ်ဝဲအဂီၢ်န့ၣ်လီၤ.

၂ ကရံၣ်သူး 4:5

အဂ့ၢ်ဒ်အံၤ, တမ့ၢ်ပစံၣ်တဲၤတဲလီၤပနီၢ်ကစၢ်ဒၣ်ဝဲအဂ့ၢ် ဘၣ်. မ့ၢ်ပစံၣ်တဲၤတဲလီၤယ့ၣ်ၡူးခရံာ်ဒ်ကစၢ်, ဒီးပနီၢ်ကစၢ်ဒၣ်ပဝဲဒ်သုခ့သုပှၤတဖၣ်လၢယ့ၣ်ၡူးအဃိ အသိးန့ၣ်လီၤ.

အ့းဖ့းစူး 3:15

ပၢ်လၢဒူၣ်ထၢကိးဒူၣ်ဒဲးလၢမူခိၣ်ဒီးဟီၣ်ခိၣ်တဖၣ်ဒိးန့ၢ် ဘၣ်အမံၤအမ့ၢ်အတီတဂၤန့ၣ်လီၤ.

ဖံၤလ့မိၣ် 1:16

တမ့ၢ်လၢၤဒ်ကုၢ်တဂၤအသိးဘၣ်. မ့ၢ်ဒ်ဒီပုၢ်ဝဲၢ်လၢခရံာ်အပူၤလၢတၢ်အဲၣ်အီၤတဂၤအသိး, လီၤဆီဒၣ်တၢ်လၢယဂီၢ်ဒီးဒိၣ်ဒၣ်တၢ်တက့ၢ်လၢနဂီၢ်, အဂ့ၢ်မ့ၢ်လၢနဒိးန့ၢ်က့ၤအီၤလၢနီၢ်ခိနီၢ်ခီဒ်နကုၢ်တဂၤ အသိး, ဒီးလၢကစၢ်အပူၤဒ်ဒီပုၢ်ဝဲၢ်တဂၤအသိးအဃိန့ၣ်လီၤ.

ယၤကိာ် 3:1

ယဒီပုၢ်ဝဲၢ်သ့ၣ်ဧၢ, သုဝဲအါဂၤသုတကြၢးကဲထီၣ်သရၣ်တဖၣ် ဘၣ်. ဒ်သုသ့ၣ်ညါအသိး, ပဝဲသရၣ်တဖၣ်တၢ်ကစံၣ်ညီၣ်ပှၤဃံးဒိၣ်န့ၢ်ဒံးပှၤဂၤတဖၣ် တက့ၢ်လီၤ.

၁ ပ့းတရူး 5:3

တဘၣ်ကျဲးစၢးဒိၣ်စိလၢပှၤလၢတၢ်ဟ့ၣ်လီၤလၢသုစုပူၤတဖၣ် အဖီခိၣ်တဂ့ၤ. မ့မ့ၢ်တခီကဲထီၣ်တၢ်ဒိတၢ်တဲာ်လၢသိတဖုန့ၣ် အဂီၢ်တက့ၢ်.

လံာ်လီၣ်ဖျါ 1:9

ယမ့ၢ်ယဲစီၤယိၤဟၣ်, သုဒီပုၢ်ဝဲၢ်, ဒီးဒ်ပှၤပိာ်ယ့ၣ်ၡူးအခံတဂၤ အသိးန့ၣ်, ယမ့ၢ်သုတံၤသကိးလၢအတူၢ်သကိးတၢ်ဒီးသုလၢ တၢ်သးစူၤအပူၤ, တၢ်တူၢ်ဘၣ်တၢ်မၤအၢမၤနးလၢအတုၤအိၣ်ပှၤတဖၣ်လၢ အဘၣ်ဃးဒီးအဝဲဒၣ်အဘီအမုၢ်န့ၣ်လီၤ. ယဘၣ်တၢ်ပာ်ယၤလၢကီးပးမူးမ့ၢ်လၢယစံၣ်တဲၤတဲလီၤတ့ၢ်ယဲ ကစၢ်ယွၤအကလုၢ်ကထါ, ဒီးယအုၣ်တ့ၢ်ယသးလၢယ့ၣ်ၡူး အဂ့ၢ်အဃိန့ၣ်လီၤ.

လံာ်လီၣ်ဖျါ 19:10

ယထိၣ်လီၤပှီၤယသးလၢအဝဲဒၣ်အမဲာ်ညါဒ်သိးယကဘူၣ် ထီၣ်ဘါထီၣ်အီၤ, ဘၣ်ဆၣ်ဒီးအဝဲဒၣ်စံးဘၣ်ယၤ, “တဘၣ်မၤတဂ့ၤ, ယမ့ၢ်တၢ်ခ့တၢ်ပှၤသကိးတၢ်ခ့တၢ်ပှၤ ဒီးနၤ, ဒီးနဒီပုၢ်ဝဲၢ်တဖၣ်, ကယဲၢ်ပှၤသ့ၣ်တဖၣ်လၢအဟံးဃာ်တၢ်မ့ၢ်တၢ်တီလၢ ယ့ၣ်ၡူးလီၣ်ဖျါဝဲန့ၣ်လီၤ. ဘူၣ်ထီၣ်ဘါထီၣ်ကစၢ်ယွၤတက့ၢ်.” အဂ့ၢ်ဒ်အံၤတၢ်မ့ၢ်တၢ်တီလၢယ့ၣ်ၡူးလီၣ်ဖျါထီၣ်ဝဲန့ၣ် မ့ၢ်တၢ်လၢအထိၣ်ဟူးထိၣ်ဂဲၤဝံတဖၣ်န့ၣ်လီၤ.

လံာ်လီၣ်ဖျါ 22:9

ဘၣ်ဆၣ်ဒီးအဝဲဒၣ်စံးဘၣ်ယၤ, “တဘၣ်မၤတဂ့ၤ. ယမ့ၢ်တၢ်ခ့တၢ်ပှၤသကိးတၢ်ခ့တၢ်ပှၤဒ်နၤဒီးနဒီပုၢ်ဝဲၢ်, ဝံတဖၣ်, ဒီးကယဲၢ်ပှၤသ့ၣ်တဖၣ်လၢအစူၢ်တၢ်စံးတၢ်ကတိၤ တဖၣ်လၢလံာ်တဘ့ၣ်အံၤအပူၤန့ၣ်လီၤ. ဘူၣ်ထီၣ်ဘါထီၣ် ကစၢ်ယွၤတက့ၢ်.”