လံာ်မးသဲ 23:37 - Sgaw Karen Common Bible

³⁷ ယရူၤၡလ့ၣ်ဧၢ, ယရူၤၡလ့ၣ်ဧၢ, နမၤသံဝံတဖၣ်ဒီးနကွံာ်သံပှၤစိာ်တၢ်သးခုကစီၣ် လၢကစၢ်ယွၤဆှၢလီၤဆူနအိၣ်တဖၣ်လၢလၢၢ်လီၤ. ဒ်ဆီမိၢ်ပှၢ်တဘ့ၣ်ဟုဃာ်အဖိလၢအဒံးဆ့အဖီလာ်အသိးန့ၣ်, ယအဲၣ်ဒိးဖိးဟုဃာ်နပှၤဝ့ၢ်ဖိခဲလၢာ်တဖှိၣ်ဃီအဘျီတဖၣ် အဘျီ, ဘၣ်ဆၣ်ဒီး နတပျဲယၤဘၣ်.

လံာ်မးသဲ 23:37 Iomraidhean Croise

လံာ်စီၤနဃ့မယၤ 9:26

ဘၣ်ဆၣ်နပှၤဂီၢ်မုၢ်ထီဒါနၤဒီးတစူၢ်နၤဘၣ်. အဝဲသ့ၣ်ဃၣ်ဒူချၢကွံာ်အသးလၢနတၢ်သိၣ်တၢ်သီလၢနဟ့ၣ်လီၤပှၤ ယူဒၤဖိန့ၣ်လီၤ. အဝဲသ့ၣ်မၤသံကွံာ်ဝံတဖၣ်လၢအဟ့ၣ်ပလီၢ်အဝဲသ့ၣ်ဒ်သိးကဃၣ်က့ၤ အသးဆူနအိၣ်န့ၣ်လီၤ. အဝဲသ့ၣ်မၤတရီတပါနၤတဘျီဝံၤတဘျီန့ၣ်လီၤ.

စံးထီၣ်ပတြၢၤ 17:8

ကဟုကယာ်ယၤဒ်နမဲာ်ပှၤဖိအသိးန့ၣ်တက့ၢ်. ပာ်ခူသူၣ်ယၤလၢနဒံးဆ့အကဒုဖီလာ်,

စံးထီၣ်ပတြၢၤ 36:7

ယွၤဧၢ, နတၢ်အဲၣ်ဂၢၢ်ကျၢၤအံၤလုၢ်ဒိၣ်ပှ့ၤဒိၣ်ဆံးဒိၣ်လဲၣ်. ပထံၣ်န့ၢ်တၢ်ကဟုဘံၣ်ကယာ်ဘၢလၢနဒံးဆ့အကဒုအဖီလာ်န့ၣ် လီၤ.

စံးထီၣ်ပတြၢၤ 57:1

သူၣ်ကညီၤသးကညီၤယၤ, ကစၢ်ယွၤဧၢ, သူၣ်ကညီၤသးကညီၤယၤတ က့ၢ်. အဂ့ၢ်ဒ်အံၤ, ယသးသန့ၤအသးလၢနၤလီၤ. ယကဟံးန့ၢ်တၢ်အိၣ်ဘံၣ်အိၣ်ဘၢလၢနဒံးဆ့အဖီလာ် တုၤတၢ်ကိၢ်တၢ်ဂီၤအကလံၤမုၢ် လဲၤပူၤကွံာ်ယၤန့ၣ်လီၤ.

စံးထီၣ်ပတြၢၤ 63:7

အဂ့ၢ်ဒ်အံၤ, ထီဘိနမ့ၢ်တ့ၢ်ယတၢ်မၤစၢၤ ဒီးယသးဝံၣ်တၢ်လၢတၢ်သူၣ်ဖှံသးညီအဃိ, လၢနဒံးဆ့အဖီလာ်လီၤ.

စံးထီၣ်ပတြၢၤ 91:4

အဝဲကကျၢၢ်ဘၢနၤလၢအဒံးဆ့တဖၣ်, နကဘၣ်တၢ်မၤပူၤဖျဲးနၤလၢ အတၢ်အံးထွဲကွၢ်ထွဲနၤအပူၤ, ဒီးအတၢ်သူၣ်တီသးလိၤ ကကဟုဘံၣ်ကယာ်ဘၢနၤဒီးကဒီသဒၢနၤလီၤ.

လံာ်ယၡါယၤ 5:4

မ့ၢ်တၢ်လၢယဂ့ၤမၤဒီးယတမၤဘၣ်န့ၣ်အိၣ်တမံၤမံၤဧါ. မ့မ့ၢ်ဒ်န့ၣ်ဒီး, စပံးလီၢ်အံၤဟ့ၣ်ထီၣ်စပံးသၣ်လၢအဆံၣ်ဒီး တမ့ၢ်ဘၣ်စပံးသၣ်လၢအဂ့ၤဒ်ယမုၢ်လၢ်အသိးန့ၣ်, မ့ၢ်အဘၣ်မနုၤလဲၣ်.

လံာ်ယၡါယၤ 50:2

ဘၣ်မနုၤယပှၤဂီၢ်မုၢ်တဟူးတဂဲၤဖဲယလဲၤတ့ၢ်ဆူ အဝဲသ့ၣ်အအိၣ်လၢယကအုၣ်က့ၤခီၣ်က့ၤအီၤ အခါန့ၣ်လဲၣ်. ဘၣ်မနုၤအဝဲသ့ၣ်တကိးဆၢဖဲယကိးထီၣ်အီၤန့ၣ်လဲၣ်. မ့ၢ်ယဂံၢ်စၢ်ဘါစၢ်ကဲာ်ဆိးလၢယကအုၣ်က့ၤခီၣ်က့ၤအီၤအဂီၢ်န့ၣ်ဧါ. ယမၤဃ့ထီကွံာ်ပီၣ်လဲၣ်လၢယကလုၢ်တဘီဒၣ်လဲာ်သ့ဝဲဒီးယဘိး ကဒါကွံာ်ထံကျိတဖၣ်ဆူမဲးမုၢ်ခိၣ်, ဒ်သိးညၣ်လၢထံကျိပူၤတဖၣ်ကသံဝဲလၢထံတအိၣ်ဘၣ်အဃိလီၤ.

လံာ်ယံးရမံယၤ 2:30

ယစံၣ်ညီၣ်နၤ, ဘၣ်ဆၣ်တမၤဂ့ၤနၤနီတမံၤဘၣ်. နတပျဲယၤလၢ ယကဘှီဘၣ်က့ၤနၤဘၣ်. ဒ်ခ့ယုၢ်တဒုသးဒိၣ်တပျုာ်တပျီၤအသိးန့ၣ်, နမၤသံတ့ၢ်နဝံတဖၣ်န့ၣ်လီၤ.

လံာ်ယံးရမံယၤ 26:23

အဝဲသ့ၣ်ဟဲက့ၤ စိာ်က့ၤအီၤဆူ စီၤပၤယဟိၤယါကံၣ် အအိၣ်ဒီးအဝဲဒၣ် မၤသံကွံာ်အီၤဒီး အစိၣ်ဘၣ်တၢ်ကွံာ်လီၤအီၤဆူ ကမျၢၢ်အတၢ်သွၣ်ခိၣ် အပူၤန့ၣ်လီၤ.)

လံာ်ယံးရမံယၤ 32:31

ဝ့ၢ်အံၤ အပှၤဂီၢ်မုၢ် မၤသးဒိၣ်ဒီး မၤသးကဲၤထီၣ်ယၤစးထီၣ် မုၢ်တနံၤလၢ ဝ့ၢ်အံၤဘၣ်တၢ်သူၣ်ထီၣ်ဘှီထီၣ်အီၤန့ၣ်လီၤ. ယပာ်လီၤတ့ၢ်ယသးလၢ ယကမၤဟးဂီၤကွံာ်အီၤ,

လံာ်ယံးရမံယၤ 35:15

ယဆှၢလီၤန့ၢ်သုလၢယခ့ယပှၤဝံတဖၣ် တပယူာ်ဃီ, ဒီးအဝဲသ့ၣ်တဲဘၣ်တ့ၢ်သုလၢ သုကညိကွံာ်သုကျဲ အအၢအသီတဖၣ်, ဒီးကမၤတၢ်လၢ အဘၣ်န့ၣ်လီၤ. အဝဲသ့ၣ်ဟ့ၣ်ပလီၢ်တ့ၢ်သုလၢ သုတဘၣ်ဘူၣ်ထီၣ် ဘါထီၣ်ဒီး မၤကစၢ်အဂၤတဖၣ် အတၢ်မၤဘၣ်, ဒ်သိးသုကအိၣ်ဆိးဘၣ်ဒံးလၢကီၢ်ပူၤ, ကီၢ်လၢယဟ့ၣ်လီၤတ့ၢ် သုဒီးသုမိၢ်ပၢ်ဖံဖုလၢပျၢၤတဖၣ်န့ၣ်လီၤ. ဘၣ်ဆၣ်ဒီး သုတဒိကနၣ် ယၤဘၣ်ဒီးတကနၣ်ဃုာ်တၢ်လၢ ယစံးန့ၣ်ဘၣ်.

လံာ်ယံးရမံယၤ 36:26

အန့ၣ်ဝံၤဒီး, စီၤပၤခါလီၤအကလုၢ်ဆူ စီၤပၤဖိခွါစီၤယရၤဃမအ့လး, ဃုာ်ဒီးစီၤဧၤစရံၤအ့လးအဖိခွါစီၤစရါယၤ ဒီၤစီၤဧၤဘံးဒ့လးအဖိခွါ စီၤၡလ့မယၤဒ်သိး ယကဖီၣ်ယၤဒီး အပှၤကွဲးလံာ်စီၤဘၤရူးန့ၣ်လီၤ. ဘၣ်ဆၣ်ယွၤပာ်ခူသူၣ်ပှၤန့ၣ်လီၤ.

လံာ်ယံးရမံယၤ 4:14

ဝ့ၢ်ယရူၤၡလ့ၣ်ဧၢ, သ့စီကွံာ်တၢ်အၢလၢနသးကံၢ်ပူၤ, ဒ်သိးနကဘၣ်တၢ်အုၣ်က့ၤခီၣ်က့ၤနၤတက့ၢ်. နကဆိကမိၣ်ထွဲဒံးနတၢ်ဆိကမိၣ်အအၢအသီတဖၣ်န့ၣ်ဆံးယံာ်လဲၣ်.

လံာ်ယံးရမံယၤ 44:4

ယဆှၢန့ၢ် သုယခ့ယပှၤဝံတဖၣ် တပယူာ်ဃီ, လၢအစံးဘၣ်တဲဘၣ်တ့ၢ်သုလၢ, သုတဘၣ်မၤတၢ်လီၤပျံၤလီၤဖုးတမံၤအံၤလၢယသးဟ့အီၤ, တဂ့ၤန့ၣ်လီၤ.

လံာ်ယံးရမံယၤ 6:8

ပှၤဝ့ၢ်ယရူၤရှလ့ၣ်ဖိသ့ၣ်ဧၢ, မ်တၢ်ကီတၢ်ခဲတဖၣ်အံၤကမ့ၢ်တၢ် ဟ့ၣ်ပလီၢ်တမံၤလၢသုဂီၢ်တက့ၢ်. မ့တမ့ၢ်ဘၣ်ဒီး, ယကပာ်လီၤတဲာ်ကွံာ်သုလီၤ. ယကဘိးကဒါကွံာ်သုဝ့ၢ်အံၤ ဆူမဲးမုၢ်ခိၣ်တတီၤ, တၢ်လီၢ်တတီၤဖဲပှၤတအိၣ်နီတဂၤဘၣ်န့ၣ်လီၤ.”

လံာ်ဟိၤၡ့ 11:2

ဘၣ်ဆၣ်ယကိးအီၤဒံးအါထီၣ်အဝဲဃၣ်ကပၤကွံာ်အသးလၢယၤဒံးဒိၣ် ထီၣ်လီၤ. ယပှၤဂီၢ်မုၢ်လုၢ်ထီၣ်တ့ၢ်တၢ်ဆူဘဧၤလး, အဝဲသ့ၣ်ဆိၣ်ကဲၤထီၣ်တ့ၢ်တၢ်နၢမူဆူတၢ်ဂီၤတၢ်ဖီၣ်တဖၣ်လီၤ.

လံာ်ဟိၤၡ့ 11:7

အဝဲသ့ၣ်ဃၣ်ကပၤကွံာ်အသးသပှၢ်ပှၢ်လၢယအိၣ်လီၤ. အဝဲသ့ၣ်ကဟီၣ်တၢ်ယၢၤတၢ်လၢနီၣ်ယိးဘိလၢအအိၣ်လၢအလိၤအဃိ, ဘၣ်ဆၣ်ပှၤတစိာ်ထီၣ်ကွံာ်ဘၣ်တၢ်န့ၣ်လၢအဝဲသ့ၣ်အလိၤနီတဂၤဘၣ်.

လံာ်ဟိၤၡ့ 7:13

အဝဲသ့ၣ်ကဘၣ်တၢ်စံၣ်ညီၣ်ဃါမနၤန့ၣ်လီၤ. အဝဲသ့ၣ်ပာ်တ့ၢ်ကွံာ်ယၤဒီးပူထီၣ်ထီဒါယၤန့ၣ်လီၤ. အဝဲသ့ၣ်ကဘၣ်တၢ်မၤဟးဂီၤကွံာ်အီၤလီၤ. ယအဲၣ်ဒိးအုၣ်က့ၤခီၣ်က့ၤအဝဲသ့ၣ်ဘၣ်ဆၣ်အဝဲသ့ၣ်အတၢ်ဘါထီၣ်ယၤ န့ၣ်တမ့ၢ်ဝဲတီဝဲဒၣ်ဘၣ်.

လံာ်စကၤရယၤ 1:4

လီၤဂာ်ဒီးသုမိၢ်ပၢ်ဖံဖုလၢပျၢၤတဖၣ်တဂ့ၤ, ယံာ်တ့ၢ်လံန့ၣ်ဝံ တဖၣ်ဟ့ၣ်လီၤတ့ၢ်အဝဲသ့ၣ်လၢယတၢ်ကစီၣ်, တဲဘၣ်အဝဲသ့ၣ်လၢအသုတအိၣ်မူတၢ်အၢတၢ်သီဒီးတၢ်ဒဲးဘးအတၢ် အိၣ်မူလၢၤတဂ့ၤန့ၣ်လီၤ. ဘၣ်ဆၣ်ဒီးအဝဲသ့ၣ်တဒိကနၣ်ယၤမ့ၢ်ဂ့ၤတစူၢ်ယၤမ့ၢ်ဂ့ၤန့ၣ်ဘၣ်.

လံာ်မးသဲ 22:3

အဝဲမၢလီၤအခ့အပှၤတဖၣ်ဒ်သိးအကလဲၤဒီးကိးန့ၢ် ပှၤလၢအဘၣ်တၢ်ကွဲမုာ်အီၤတဖၣ်လီၤ. ဘၣ်ဆၣ်ဒီး အဝဲသ့ၣ်အသးတအိၣ်ဟဲဝဲဘၣ်.

လံာ်မးသဲ 22:6

မ့မ့ၢ်, ပှၤအိၣ်လီၤတဲာ်အဂၤတဖၣ်န့ၣ်, ဟံးဃာ်စီၤပၤအံၤအခ့အပှၤလၢအလဲၤကိးအီၤတဖၣ်, မၤမဲာ်ဆှးအဝဲသ့ၣ်ခီဖျိအဒိအီၤ တီၢ်အီၤဒီးမၤသံကွံာ်အဝဲသ့ၣ်န့ၣ်လီၤ.

လံာ်မးသဲ 23:30

ဒီးသုစံးသုဝဲလၢသုမ့ၢ်အိၣ်မူတ့ၢ်လၢသုဖံသုဖုတဖၣ်အစိၤန့ၣ်, သုတမၤတၢ်လၢအဝဲသ့ၣ်မၤတ့ၢ်ဝဲ, ဒီးမၤသံဘၣ်ဝံတဖၣ်န့ၣ်ဘၣ်လီၤ.

လံာ်မးသဲ 23:31

မၤသးဒ်န့ၣ်ဒီး, သုအၢၣ်လီၤအီလီၤနီၢ်နီၢ်လၢသုဟဲလီၤစၢၤလၢပှၤလၢအမၤသံဝံ တဖၣ်န့ၣ်လီၤ.

လံာ်မးသဲ 5:12

သူၣ်ခုသးခုဒီး သူၣ်ဖှံသးညီတက့ၢ်. အဂ့ၢ်ဒ်အံၤ, ယွၤကတီၤပာ်စၢၤတၢ်အဘူးအလဲအဒိၣ်အမုၢ်လၢမူခိၣ်လၢသုဂီၢ်လီၤ. ဝံလၢညါသ့ၣ်တဖၣ်စ့ၢ်ကီးဘၣ်တၢ်မၤအၢမၤနးတ့ၢ်အီၤဒ်န့ၣ် အသိးလီၤ.

လံာ်လူၤကၣ် 15:28

ဒီပုၢ်ဝဲၢ်ပိာ်ခွါအဒိၣ်တဂၤအံၤအသးဒိၣ်ထီၣ်တုၤဒၣ်လဲာ်တက့ၤ နုာ်ဝဲဆူဟံၣ်ပူၤဘၣ်. လၢတၢ်န့ၣ်အဃိအပၢ်ဟဲထီၣ်လၢခိဒီးဃ့ ကညးအီၤဒ်သိးအကနုာ်လီၤဆူဟံၣ်ပူၤလီၤ.

၁ သ့းစၤလနံ 2:15

အဝဲသ့ၣ်တဖၣ်န့ၣ်, မ့ၢ်ပှၤလၢအမၤသံကစၢ်ယ့ၣ်ၡူးဒီးမၤသံ တ့ၢ်ဝံတဖၣ်, ဒီးမၤအၢမၤနးပဝဲဒၣ်န့ၣ်လီၤ. အဝဲသ့ၣ်မၤတၢ်တဘၣ်ကစၢ်ယွၤအသးဆံးဒိၣ်လဲၣ်. အဝဲသ့ၣ်အၢသီလၢပှၤကိးဂၤဒဲးအဖီခိၣ်ဆံးဒိၣ်လဲၣ်.

လံာ်လီၣ်ဖျါ 17:6

ဒီးယထံၣ်လၢပိာ်မုၣ်န့ၣ်အီမူၤအသးလၢကစၢ်ယွၤအပှၤဂီၢ်မုၢ်တဖၣ်, ဒီးယ့ၣ်ၡူးအမၤထူရၤတဖၣ်, အသွံၣ်န့ၣ်လီၤ. ဖဲယထံၣ်အီၤန့ၣ်, ယကမၢကမၣ်ယဲဒိၣ်ဒိၣ်အါအါလီၤ.

လံာ်နီၢ်ရူၤသး 2:12

မ်ယွၤဟ့ၣ်ဘျုးက့ၤနၤလၢတၢ်လၢနမၤတ့ၢ်တဖၣ်အဃိန့ၣ်တက့ၢ်. မ်အံၣ်စရ့လးအကစၢ်ယွၤလၢနဟဲဃုတၢ်အိၣ်သဒၢလၢအဒံးဆ့ဖီလာ် တဂၤန့ၣ်ဟ့ၣ်ဘျုးက့ၤနၤလၢလၢပှဲၤပှဲၤတက့ၢ်.”