လံာ်မးသဲ 23:35 - Sgaw Karen Common Bible

³⁵ လၢတၢ်န့ၣ်အဃိ, တၢ်စံၣ်ညီၣ်ဃၣ်ဘၣ်ဃးဒီးတၢ်မၤသံပှၤလၢအတၢ်ကမၣ်တအိၣ်ဘၣ်, စးထီၣ်လၢတၢ်မၤသံကွံာ်စီၤဟ့းဘ့းလးလၢအတၢ်ကမၣ်တအိၣ်ဘၣ်, တုၤလီၤလၢတၢ်မၤသံကွံာ်စီၤဘရ့ကယၤအဖိခွါစီၤစကၤရယၤလၢ သုမၤသံကွံာ်အီၤလၢတၢ်လီၢ်စီဆှံဒီးတၢ်လုၢ်လီၢ်အဘၢၣ်စၢၤန့ၣ်, ကလီၤတီလၢသုလိၤလီၤ.

လံာ်မးသဲ 23:35 Iomraidhean Croise

လံာ်တၢ်ကဲထီၣ်အခီၣ်ထံး 4:8

ဒီးစီၤကၤယံၣ်စံးဘၣ်အပုၢ်စီၤဟ့းဘ့းလး, “ပကလဲၤသကိးဆူပျီပူၤ” န့ၣ်လီၤ. ဒီးဖဲအတုၤလၢပျီပူၤန့ၣ်ဒီးစီၤကၤယံၣ်ထီဒါအပုၢ်စီၤဟ့း ဘ့းလးဒီးမၤသံကွံာ်အီၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 21:16

စီၤမနၤၡ့ၤမၤသံပှၤလၢအတၢ်ကမၣ်တအိၣ်ဘၣ်တဖၣ်အါဂၤတုၤဒၣ်လဲာ် ဝ့ၢ်ယရူၤၡလ့ၣ်အကျဲတဖၣ်, ယွၤဝဲဒီးတၢ်သွံၣ်န့ၣ်လီၤ. လၢတၢ်ဆှၢဃီၤကီၢ်ယူဒၤအပှၤဂီၢ်မုၢ်ဆူတၢ်ဘါထီၣ်တၢ်ဂီၤတၢ် ဖီၣ်အပူၤဒီးဒုးမၤအဝဲသ့ၣ်တၢ်ဒဲးဘးထီဒါယွၤ, အမဲာ်ညါန့ၣ်, အဝဲမၤအါထီၣ်တၢ်အံၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 24:4

ဒီးလီၤဆီဒၣ်တၢ်မ့ၢ်လၢအဝဲမၤသံကွံာ်ပှၤတဖၣ်လၢအတၢ်ကမၣ် တအိၣ်ဘၣ်အဃိန့ၣ်လီၤ. ယွၤပျၢ်ကွံာ်စီၤမနၤၡ့ၤအတၢ်ကမၣ်တကဲဘၣ်, လၢတၢ်ဂ့ၢ်န့ၣ်အဃိလီၤ.

လံာ်ယၡါယၤ 14:21

မ်တၢ်မၤသံတၢ်စးထီၣ်တက့ၢ်. စီၤပၤအံၤအဖိခွါတဖၣ်ကဘၣ် သံလၢအမိၢ်ပၢ်ဖံဖုတဖၣ်အတၢ်ဒဲးဘးအဃိလီၤ. အဝဲသ့ၣ်တပၢဘၣ်ဟီၣ်ခိၣ်ဒီးကးဘၢအီၤလၢဝ့ၢ်တဖၣ်နီတဂၤ နီတစုဘၣ်.”

လံာ်ယၡါယၤ 26:21

ယွၤကဟဲဝဲလၢအလီၢ်ပစိာ်လၢမူခိၣ်ဒ်သိးကစံၣ်ညီၣ်ပှၤဂီၢ်မုၢ်လၢ ဟီၣ်ခိၣ်အံၤလၢအဝဲသ့ၣ်အတၢ်ဒဲးဘးဒၣ်ဝဲအဃိလီၤ. တၢ်မၤသံမၤဝီတဖၣ်လၢတၢ်မၤတ့ၢ်အီၤလၢတၢ်ခူသူၣ်အပူၤလၢ ဟီၣ်ခိၣ်အံၤ, ကဘၣ်တၢ်မၤဖျါထီၣ်အီၤလီၤ. ဒီးဟီၣ်ခိၣ်တပာ်ခူသူၣ်လၢၤပှၤလၢအဘၣ်တၢ်မၤသံတ့ၢ်အီၤ တဖၣ်လၢၤဘၣ်.

လံာ်ယံးရမံယၤ 2:30

ယစံၣ်ညီၣ်နၤ, ဘၣ်ဆၣ်တမၤဂ့ၤနၤနီတမံၤဘၣ်. နတပျဲယၤလၢ ယကဘှီဘၣ်က့ၤနၤဘၣ်. ဒ်ခ့ယုၢ်တဒုသးဒိၣ်တပျုာ်တပျီၤအသိးန့ၣ်, နမၤသံတ့ၢ်နဝံတဖၣ်န့ၣ်လီၤ.

လံာ်ယံးရမံယၤ 2:34

သုကူသုကၤတဖၣ်ဘၣ်အၢဘၣ်သီဝဲလၢပှၤဖှီၣ်ဖိယာ်ဖိဒီးပှၤလၢ အတၢ်ကမၣ်တအိၣ်ဘၣ်တဖၣ်အသွံၣ်, ဒီးတမ့ၢ်ဘၣ်လၢတမျိၤ တမျာ်လၢအဘၢၣ်ဖျိတၢ်တဖၣ်အသွံၣ်ဘၣ်န့ၣ်လီၤ. ဘၣ်ဆၣ်ဒီး, လၢတၢ်မၤအသးခဲလၢာ်အံၤဒၣ်လဲာ်,

လံာ်ယံးရမံယၤ 26:15

ဘၣ်ဆၣ်ဒီး, သ့ၣ်ညါတၢ်အံၤ သပှၢ်ကတၢၢ်တက့ၢ်. သုမ့ၢ် မၤသံယၤဒီး, သုဝဲဒီးဝ့ၢ်အံၤ အပှၤဂီၢ်မုၢ်ခဲလၢာ်အတၢ်ကမၣ် ကအိၣ်လၢ အမၤသံပှၤတဂၤလၢ အတၢ်ကမၣ်တအိၣ်ဘၣ် အဃိန့ၣ်လီၤ. အဂ့ၢ်ဒ်အံၤ, ပှၤလၢအမၢလီၤယၤလၢယကဟ့ၣ်ဒုး ပလီၢ်သုလၢ တၢ်ဂ့ၢ်အံၤန့ၣ် မ့ၢ်ယွၤလီၤ.”

လံာ်ယံးရမံယၤ 26:23

အဝဲသ့ၣ်ဟဲက့ၤ စိာ်က့ၤအီၤဆူ စီၤပၤယဟိၤယါကံၣ် အအိၣ်ဒီးအဝဲဒၣ် မၤသံကွံာ်အီၤဒီး အစိၣ်ဘၣ်တၢ်ကွံာ်လီၤအီၤဆူ ကမျၢၢ်အတၢ်သွၣ်ခိၣ် အပူၤန့ၣ်လီၤ.)

လံာ်ယံးရမံယၤ 26:8

ဒီးဖဲယကတိၤတၢ်လၢယွၤမၤလိာ်တ့ၢ်ယၤတဖၣ် ဝံၤတဘျီဃီန့ၣ်, အဝဲသ့ၣ်ဖီၣ်စှီၤတံၢ်ဃာ်ယၤဒီး ကိးထီၣ်ဝဲ, “နကြၢးဘၣ်တၢ်မၤသံနၤလၢ တၢ်အံၤအဃိန့ၣ်လီၤ.

လံာ်စကၤရယၤ 1:1

ဖဲကီၢ်ပၤရၣ်အစီၤပၤဖးဒိၣ်, စီၤဒၤရယါဝ့ၣ်ပၢတၢ်ခံနံၣ်တနံၣ်လါဃိးလါတလါအဆၢကတီၢ် န့ၣ်, ယွၤဟ့ၣ်လီၤတၢ်ကစီၣ်အံၤဆူဝံစကၤရယၤလၢအမ့ၢ် စီၤဘရ့ကယၤအဖိခွါ, ဒီးစီၤဧံးဒိၤအလံၤခွါအအိၣ်န့ၣ်လီၤ.

လံာ်တၢ်ဂံၢ် 35:33

သုမ့ၢ်ပျဲတၢ်အံၤဒီး, သုကမၤဘၣ်အၢကီၢ်လၢသုအိၣ်ဝဲန့ၣ် လီၤ. တၢ်မၤသံတၢ်န့ၣ်မၤဘၣ်အၢကီၢ်ဒီးမ့တမ့ၢ်ဘၣ်လၢပှၤမၤသံတၢ်, သံဝဲဘၣ်ဒီးကျဲတအိၣ်နီတဘိလၢကီၢ်တဘ့ၣ်န့ၣ်အဂီၢ်, ဖဲပှၤတဂၤဘၣ်တၢ်မၤသံအီၤလၢတၢ်ကမၤကဆှီထီၣ်က့ၤအီၤဒ်တၢ် ဘူၣ်တၢ်ဘါအလုၢ်အလၢ်အိၣ်ဝဲအသိးန့ၣ်ဘၣ်.

လံာ်လူၤကၣ် 11:51

လၢတၢ်မၤသံစီၤဟ့းဘ့းလးတုၤလီၤလၢတၢ်မၤသံစီၤစကၤ ရယၤလၢအဘၣ်တၢ်မၤသံအီၤလၢတၢ်လုၢ်လီၢ်ဒီးတၢ်လီၢ်စီဆှံ အဘၢၣ်စၢၤန့ၣ်လီၤ. မ့ၢ်လီၤ. ယစံးဘၣ်တဲဘၣ်သု, ပှၤတစိၤအံၤကဘၣ်တၢ်စံၣ်ညီၣ်အီၤလၢအဝဲသ့ၣ်တဖၣ်ခဲလၢာ်အဃိလီၤ.

မၤတၢ် 5:28

“ပမၤလိာ်သုသပှၢ်ပှၢ်လၢသုတဘၣ်သိၣ်လီၤသီလီၤတၢ်လၢပှၤ တဂၤအံၤအမံၤတဂ့ၤန့ၣ်လီၤ. ဘၣ်ဆၣ်ဒီး, ခဲအံၤသုမၤတ့ၢ်တၢ်မနုၤလဲၣ်. သုတၢ်သိၣ်လီၤသီလီၤန့ၣ်သုရၤလီၤအီၤပှဲၤလၢဝ့ၢ်ယရူၤၡလ့ၣ်အပူၤ ဒီးသုအဲၣ်ဒိးပာ်အဝဲဒၣ်အသွံၣ်လၢပလိၤန့ၣ်လီၤ.”

ဧ့ၤဘြံၤ 11:4

လၢတၢ်စူၢ်တၢ်နာ်န့ၣ်, စီၤဟ့းဘ့းလးလုၢ်ထီၣ်ကစၢ်ယွၤလၢတၢ်လုၢ် လၢအဂ့ၤဒိၣ်န့ၢ်စီၤကၤယံၣ်အတၢ်လုၢ်တက့ၢ်ဒီးလၢတၢ်အံၤ အဃိ, အဝဲဒၣ်ဒိးန့ၢ်ဘၣ်ယွၤအတၢ်ဘၣ်သူၣ်ဘၣ်သးဒ်ပှၤအတီ အလိၤတဂၤအသိး, အဂ့ၢ်မ့ၢ်လၢကစၢ်ယွၤအကစၢ်ဒၣ်ဝဲအုၣ်အသးခီဖျိအတူၢ်လိာ် အဝဲဒၣ်အတၢ်ဟ့ၣ်အဃိန့ၣ်လီၤ. လၢအတၢ်စူၢ်တၢ်နာ်အဃိအဝဲဒၣ်သံဘၣ်ဆၣ်ကတိၤဒံးတၢ်လီၤ.

ဧ့ၤဘြံၤ 12:24

ဒီးဆူယ့ၣ်ၡူးလၢအမ့ၢ်ပှၤတၢ်ဘၢၣ်စၢၤဘၣ်ဃးဒီးတၢ်အၢၣ်လီၤ အီလီၤအသီအအိၣ်, ဒီးတၢ်သွံၣ်လၢအဘၣ်တၢ်ဖှံလီၤအီၤလၢအကိးထီၣ်ဒိၣ်န့ၢ်ဒံး စီၤဟ့းဘ့းလးအသွံၣ်တက့ၢ်အအိၣ်န့ၣ်လီၤ.

လံာ်လီၣ်ဖျါ 18:24

ဝ့ၢ်ဘၤဘူၤလိၣ်ဘၣ်တၢ်စံၣ်ညီၣ်အီၤ, အဂ့ၢ်မ့ၢ်လၢဝံဒီးကစၢ်ယွၤအပှၤဂီၢ်မုၢ်တဖၣ်အသွံၣ်ဘၣ်တၢ်ထံၣ် န့ၢ်အီၤလၢဝ့ၢ်န့ၣ်အပူၤအဃိလီၤ. မ့ၢ်စဲဃဲၤလီၤ, မ့ၢ်ကယဲၢ်ပှၤလၢအဘၣ်တၢ်မၤသံတ့ၢ်အီၤလၢဟီၣ်ခိၣ်ချၢ တဖၣ်အသွံၣ်ဘၣ်တၢ်ထံၣ်န့ၢ်အီၤလၢဝ့ၢ်တဖျၢၣ်န့ၣ်အပူၤ အဃိလီၤ.