လံာ်မးသဲ 23:3 - Sgaw Karen Common Bible

³ လၢတၢ်န့ၣ်အဃိ, သုဘၣ်စူၢ်ဒီးတိၢ်န့ၢ်တၢ်ကိးမံၤဒဲးလၢအဝဲသ့ၣ်တဲသုလၢ သုကဘၣ်မၤန့ၣ်လီၤ. ဘၣ်ဆၣ်ဒီး, တၢ်လၢအဝဲသ့ၣ်မၤဝဲတဖၣ်န့ၣ်တဘၣ်မၤဒိးတဂ့ၤ. အဂ့ၢ်ဒ်အံၤ, အဝဲသ့ၣ်တမၤထွဲတၢ်လၢအဝဲသ့ၣ်စံၣ်တဲၤတဲလီၤဝဲန့ၣ်ဘၣ်.

လံာ်မးသဲ 23:3 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 30:12

ကစၢ်ယွၤမၤစ့ၢ်ကီးတၢ်လၢကီၢ်ယူဒၤအပူၤဒီးပာ်ဖှိၣ်က့ၤပှၤ ဂီၢ်မုၢ်ခီဖျိလၢအဝဲသ့ၣ်အတၢ်ပာ်လီၤအသးလၢကစူၢ်အဝဲအတၢ်ဘၣ် သူၣ်ဘၣ်လၢတၢ်မၤထွဲစီၤပၤဒီးအပဒိၣ်ပပှၢ်တဖၣ်အတၢ်မၤလိာ်တဖၣ် န့ၣ်လီၤ.

လံာ်တၢ်ဟးထီၣ်ကွံာ် 18:23

နမ့ၢ်မၤတၢ်အံၤဒီးဒ်ကစၢ်ယွၤမၤလိာ်ဝဲတဖၣ်အသိးန့ၣ်နတမၤလီၤ ဘှံးလီၤတီၤလၢၤဘၣ်နသးဘၣ်ဒီးကယဲၢ်ပှၤကိးဂၤဒဲးကက့ၤဘၣ်ဆူ အဟံၣ်အိၣ်ဒီးတၢ်မၤဘၣ်လိာ်က့ၤအတၢ်ဂ့ၢ်လိာ်ဘှီလိာ်တဖၣ်န့ၣ် လီၤ.”

လံာ်မးသဲ 21:30

ပၢ်အံၤလဲၤကဒီးဆူအဖိခွါအဆံးတဂၤအအိၣ်ဒီးစံးတၢ်တမံၤဃီလီၤ. ဖိခွါအံၤစံးဆၢဝဲ, ‘မ့ၢ်ပၢ်ဧၢ, ယကလဲၤ’ ဘၣ်ဆၣ်ဒီးတလဲၤဝဲဘၣ်.

လံာ်မးသဲ 23:2

“ပှၤသ့တၢ်ဘူၣ်တၢ်ဘါအတၢ်သိၣ်တၢ်သီဒီးပှၤဖၤရံၤၡဲတဖၣ်, မ့ၢ်ပှၤတဖၣ်လၢအဘၣ်တၢ်ဟ့ၣ်စိဟ့ၣ်ကမီၤအီၤလၢကတဲဖျါထီၣ်န့ၢ် သုလၢစီၤမိၤၡ့အတၢ်သိၣ်တၢ်သီအခီပညီလီၤ.

လံာ်မးသဲ 23:4

အဝဲသ့ၣ်စၢထီၣ်တၢ်ဝံဃၢတဖၣ်လၢပှၤဝံအီၤကီလၢပှၤအဖံဘၣ် ခိၣ်ဘၣ်ဆၣ်ဒီး, လၢကစိာ်စၢၤပှၤအတၢ်ဝံတၢ်ယိးတဖၣ်အဂီၢ်တခီ, အစုမုၢ်စုနၢဖိတဘိဒၣ်လဲာ်တသးအိၣ်ယူာ်ဃီၤဝဲဘၣ်.

မၤတၢ် 5:29

စီၤပ့းတရူးဒီးပှၤတၢ်မၢဖိအဂၤတဖၣ်စံးဆၢဝဲ, “ပဘၣ်စူၢ်ကစၢ်ယွၤအါန့ၢ်ပစူၢ်ပှၤကညီတက့ၢ်လီၤ.

ရိမ့ၤ 13:1

ပှၤကိးဂၤဒဲးကဘၣ်ဒိကနၣ်ထံကီၢ်ပဒိၣ်ပပှၢ်တဖၣ်အကလုၢ်လီၤ. အဂ့ၢ်ဒ်အံၤမ့တမ့ၢ်လၢကစၢ်ယွၤဟ့ၣ်အခွဲးဘၣ်ဒီး, အဝဲသ့ၣ်အိၣ်ထီၣ် တသ့ဘၣ်. ဒီးပဒိၣ်ပပှၢ်လၢအအိၣ်ထီၣ်ခဲအံၤတဖၣ်ဘၣ်တၢ်ပာ်လီၤ အီၤလၢကစၢ်ယွၤန့ၣ်လီၤ.

လံာ်သိၣ်လီၤသီလီၤတၢ် 4:5

ယသိၣ်လိတ့ၢ်သုလၢကယဲၢ်တၢ်ဘူၣ်တၢ်ဘါအတၢ်သိၣ်တၢ်သီ ခဲလၢာ်, ဒ်ယွၤ, ပကစၢ်ယွၤတဲဘၣ်ယၤလၢယကဘၣ်မၤအီၤအသိးန့ၣ် လီၤ. စူၢ်အီၤလၢကီၢ်တဘ့ၣ်လၢသုကလဲၤနုာ်ဒုးဒီးမၤန့ၢ်အီၤအပူၤ န့ၣ်တက့ၢ်.

လံာ်သိၣ်လီၤသီလီၤတၢ် 5:27

စီၤမိၤၡ့ဧၢ, က့ၤကဒါက့ၤ, ဒီးဒိကနၣ်တၢ်လၢယွၤ, ပကစၢ်ယွၤစံးဝဲခဲလၢာ်တက့ၢ်. အန့ၣ်ဝံၤဒီးဟဲကဒါက့ၤဒီး တဲဘၣ်ပှၤတၢ်လၢအဝဲဒၣ်စံးဘၣ်တ့ၢ်နၤတက့ၢ်. ပကဒိကနၣ်ဒီးစူၢ်အီၤန့ၣ်လီၤ.

၂ တံၤမသ့း 3:5

အဝဲသ့ၣ်ကဟံးဃာ်ပတၢ်ဘူၣ်တၢ်ဘါအလုၢ်အလၢ်လၢ အဖျါလၢခိ, ဘၣ်ဆၣ်ဒီးတတူၢ်လိာ်ဝဲအတၢ်စိကမီၤနီၢ်နီၢ် န့ၣ်ဘၣ်. ဟးဆှဲးပှၤဒ်န့ၣ်အသိးတဖၣ်တက့ၢ်.

တံတူး 1:16

အဝဲသ့ၣ်စံးလၢအသ့ၣ်ညါကစၢ်ယွၤ, ဘၣ်ဆၣ်ဒီးအဝဲသ့ၣ်သမၢအီၤခီဖျိအတၢ်မၤတဖၣ်လီၤ. အဝဲသ့ၣ်တဖၣ်န့ၣ်လီၤသးဟ့ဒီးတဒိကနၣ်တၢ်ဘၣ်, ဒီးကမၤတၢ်အဂ့ၤတမံၤလၢ်လၢ်အဂီၢ်န့ၣ်တကြၢးတဘၣ်ဝဲဘၣ်.