လံာ်မးသဲ 23:28 - Sgaw Karen Common Bible

²⁸ ဒ်န့ၣ်အသိးလၢအချၢန့ၣ်သုအိၣ်ဖျါဂ့ၤမးလၢပှၤကိးဂၤဒဲး အမဲာ်ညါလီၤ. ဘၣ်ဆၣ်ဒီး, သုသးပူၤတခီပှဲၤဝဲဒီးတၢ်ပာ်မၤအသးဒီး တၢ်ဒဲးဘးတဖၣ်လီၤ.

လံာ်မးသဲ 23:28 Iomraidhean Croise

စံးထီၣ်ပတြၢၤ 51:6

တၢ်သူၣ်တီသးလိၤဒီးတၢ်မ့ၢ်တၢ်တီန့ၣ် မ့ၢ်တၢ်လၢနသးလီန့ၣ်လီၤ. မၤပှဲၤယသးလၢနတၢ်ကူၣ်သ့န့ၣ်တက့ၢ်.

တၢ်ကတိၤဒိ. 26:26

အဝဲကပျိာ်လီၤဆီအတၢ်သးဟ့, ဘၣ်ဆၣ်ပှၤကိးဂၤဒဲးကထံၣ်တၢ်အၢ တၢ်သီတဖၣ်လၢအမၤဝဲန့ၣ်လီၤ.

လံာ်မးသဲ 23:27

ပှၤသ့တၢ်ဘူၣ်တၢ်ဘါအတၢ်သိၣ်တၢ်သီဒီးပှၤဖၤရံၤၡဲသ့ၣ်ဧၢ, သုဘၣ်အဖှီၣ်လီၤ. ပှၤပာ်မၤအသးသ့ၣ်ဧၢ, သုမၤသုသးလီၤဂာ်ဒီးတၢ်သွၣ်ခိၣ်ပူၤလၢအဘၣ်တၢ်ဖှူဝါထီၣ် အီၤလီၤ. လၢအချၢတခီဖျါဃံလၤ, ဘၣ်ဆၣ်အအိပူၤတခီပှဲၤဒီးပှၤသံအဃံအကွဲဒီးတၢ်အစိၣ် အတၢ်အုၣ်တၢ်ကျၣ်တဖၣ်လီၤ.

လံာ်မးသဲ 23:29

ပှၤသ့တၢ်ဘူၣ်တၢ်ဘါအတၢ်သိၣ်တၢ်သီ ဒီးပှၤဖၤရံၤၡဲသ့ၣ်ဧၢ, သုဘၣ်အဖှီၣ်လီၤ. ပှၤပာ်မၤအသးသ့ၣ်ဧၢ, သုဘှီန့ၢ်တၢ်သွၣ်ခိၣ်ပူၤအဂ့ၤလၢဝံတဖၣ်အဂီၢ်, ဒီးသုကယၢကယဲတၢ်ပနီၣ်လၢတၢ်သူၣ်ထီၣ်အီၤလၢ တၢ်သ့ၣ်နီၣ်ပှၤတီပှၤလိၤတဖၣ်အဂီၢ်,

လံာ်မးသဲ 23:5

အဝဲသ့ၣ်မၤတၢ်ခဲလၢာ်ဒ်သိးဒီးပှၤကညီကထံၣ်အီၤအဂီၢ်လီၤ. လံာ်စီဆှံအဆၢဖိတဖၣ်အဒၢလၢအစၢဃာ်ဝဲလၢအခိၣ်တိသၣ်ဒီး အစုတီၤလိၤတဖၣ်န့ၣ်, မၤဒိၣ်လီၤဆီဝဲ, ဒီးအဆ့ကၤအနွံတဖၣ်စ့ၢ်ကီးမၤထီလီၤဆီဝဲလီၤ.

လံာ်လူၤကၣ် 16:15

ယ့ၣ်ၡူးစံးဘၣ်အဝဲသ့ၣ်, “သုမ့ၢ်ပှၤတဖၣ်လၢအမၤဖျါအသးဒ် အတီဝဲလိၤဝဲ, လၢပှၤကညီအမဲာ်ညါ, ဘၣ်ဆၣ်ဒီးကစၢ်ယွၤသ့ၣ်ညါသုသူၣ်သုသးလီၤ. အဂ့ၢ်ဒ်အံၤ, တၢ်လၢပှၤကညီဆိကမိၣ်လၢ အအိၣ်ဒီးအလုၢ်အပှ့ၤဖးဒိၣ်န့ၣ်, လၢကစၢ်ယွၤအမဲာ်ညါ မ့ၢ်တၢ်လၢအလီၤသးဘၣ်အၢန့ၣ်လီၤ.

ကလၤတံ 2:13

ပှၤယူဒၤဖိဒီပုၢ်ဝဲၢ်အဂၤတဖၣ်စ့ၢ်ကီးစးထီၣ်မၤတၢ်လၢတၢ် သးသုၣ်အပူၤဒ်စီၤပ့းတရူးအသိးန့ၣ်လီၤ. စီၤဘၢ်နါဘၤဒၣ်လဲာ်မၤထွဲအဝဲသ့ၣ်အတၢ်သးသုၣ်အတၢ် မၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 16:7

ဘၣ်ဆၣ်ဒီးယွၤစံးဘၣ်အီၤ, “ကနၣ်ဃုာ်အဂီၤထီဒီးဒိၣ်တၢ်ဂ့ၤ ဆံးအါဆံးအါန့ၣ်တဂ့ၤ. ယညိကွံာ်အီၤလီၤ. အဂ့ၢ်ဒ်အံၤ, ယတစံၣ်ညီၣ်တၢ်ဒ်ပှၤကညီစံၣ်ညီၣ်တၢ်အသိးဘၣ်. ပှၤကညီကွၢ်တၢ်အက့ၢ်အဂီၤလၢခိလီၤ. မ့မ့ၢ်ယကွၢ်အသူၣ်အသးန့ၣ်လီၤ.”