လံာ်မးသဲ 23:23 - Sgaw Karen Common Bible

²³ ပှၤသ့တၢ်ဘူၣ်တၢ်ဘါအတၢ်သိၣ်တၢ်သီဒီးပှၤဖၤရံၤၡဲသ့ၣ်ဧၢ, သုဘၣ်အဖှီၣ်လီၤ. ပှၤပာ်မၤအသးသ့ၣ်ဧၢ, သုဟ့ၣ်ယွၤပၢၢ်တုၤလၢ တၢ်နၢမူနၢဆှီဒ်ဟီၣ်ဝီၤသွ့, စးမူဒီးစံယၤသ့ၣ်တဖၣ်အတၢ်ဆံဆဲၣ်ပူတပူဘၣ်ဆၣ်ဒီး, တၢ်လၢအကါဒိၣ်နီၢ်နီၢ်ဘၣ်ဃးဒီးတၢ်သိၣ်တၢ်သီဒ်တၢ်စံၣ်ညီၣ်တီ, တၢ်သူၣ်ကညီၤသးကညီၤဒီးတၢ်သူၣ်တီသးတီတဖၣ်န့ၣ်, သုတကနၣ်ဃုာ်အီၤဘၣ်. တၢ်တဖၣ်အံၤ သုဂ့ၤမၤထွဲ, တအိၣ်ဘၣ်ဒီး တၢ်ကွၢ်ကပာ်ကွံာ်တၢ်အဂၤတဖၣ်ဘၣ်န့ၣ်လီၤ.

လံာ်မးသဲ 23:23 Iomraidhean Croise

တၢ်ကတိၤဒိ. 21:3

မၤတၢ်လၢအဘၣ်ဒီးတဖုၣ်ထံၣ်ဖုၣ်ထီဘၣ်န့ၣ်တက့ၢ်. တၢ်န့ၣ်မ့ၢ်တၢ်လၢအဘၣ်ယွၤအသးဒိၣ်န့ၢ်အါန့ၢ်ဒံးတၢ်ဟဲ စိာ်န့ၢ်အီၤတၢ်လုၢ်တၢ်ပာ်တဖၣ်န့ၣ်လီၤ.

လံာ်ယၡါယၤ 28:25

ဖဲအကတဲာ်ကတီၤဟီၣ်ခိၣ်အကပံာ်ဝံၤလံတစုန့ၣ်, အဝဲဖှံလီၤတၢ်ချံတဖၣ်ဒ်အမ့ၢ်စမုၣ်သူဒီးစံယၤလီၤ. အဝဲဖှံလီၤဝဲဘုကၠူၣ်ဒီးဘုမုယီၤတဂ့ၢ်ဘၣ်တဂ့ၢ်လီၤ. ဒီးလၢအစံာ်ပျီတဖၣ်အသရ့ၤန့ၣ်, အဝဲဖှံလီၤဝဲတၢ်ချံအဂၤတဖၣ်လီၤ.

လံာ်ယံးရမံယၤ 22:3

“ယၤ, ယွၤအံၤ, ယမၤလိာ်သုဒ်သိးသုကမၤတၢ်စံၣ်ညီၣ်တီဒီးတၢ် အဘၣ်န့ၣ်လီၤ. အိၣ်ပှိၤမၤစၢၤပှၤတဂၤလၢအဘၣ်တၢ်လီ န့ၢ်အီၤ, လၢပှၤတဂၤလၢအလီန့ၢ်အီၤအစုပူၤတက့ၢ်. မၤအၢမၤသီမ့ၢ်ဂ့ၤမၤနးမၤဖှီၣ်ပှၤတခီဘီမုၢ်ဖိတဖၣ်, ပှၤဖိၣ်ဃဲတဖၣ်မ့တမ့ၢ်ပှၤမုၣ်ကမဲတဖၣ်တဂ့ၤ. ဒီးမၤသံပှၤလၢအတၢ်ကမၣ်တအိၣ်တဖၣ် လၢတၢ်လီၢ်စီဆှံအံၤအပူၤန့ၣ်တဂ့ၤ.

လံာ်ဟိၤၡ့ 6:6

ယသးလီသုတၢ်အဲၣ်လၢအအိၣ်စံၣ်အိၣ်ကျၢၤ. တမ့ၢ်ဘၣ်သုဆၣ်ဖိကီၢ်ဖိအတၢ်လုၢ်တၢ်ပာ်တဖၣ်ဘၣ်. ယအဲၣ်ဒိးယပှၤဂီၢ်မုၢ်သ့ၣ်ညါယၤအါန့ၢ်ဒံးတၢ်ဆိၣ်ကဲၤတၢ်လုၢ် တၢ်ပာ်တဖၣ်ဆူယအိၣ်တက့ၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 27:30

ဒီးတၢ်ဆံဆဲၣ်ပူတပူလၢကယဲၢ်ဟီၣ်ခိၣ်အတၤသၣ်ဒ် ဘုဧိၤဟုဧိၤမ့ၢ်ဂ့ၤ, တၤသူတၤသၣ်တဖၣ်မ့ၢ်ဂ့ၤန့ၣ်ဘၣ်ဃးဒီး ယွၤန့ၣ်လီၤ.

လံာ်မံကၤ 6:8

တမ့ၢ်ဘၣ်. ယွၤစံးဘၣ်တ့ၢ်ပှၤတၢ်အဂ့ၤမ့ၢ်မနုၤလဲၣ်န့ၣ်လီၤ. တၢ်လၢယွၤအဲၣ်ဒိးလၢပအိၣ်န့ၣ်မ့ၢ်အအံၤလီၤ. လၢပကမၤတၢ်လၢအတီအလိၤ, လၢပကပာ်ဖျါတၢ်အဲၣ်တပယူာ်ဃီ, ဒီးလၢပကအိၣ်မူရ့လိာ်ပသးဒီး ကစၢ်ယွၤအိၣ်ဒီးတၢ်ဆီၣ်လီၤသးန့ၣ်လီၤ.

လံာ်မးသဲ 12:7

တၢ်ကွဲးအသးစံးဝဲ, ‘ဘၣ်ယသးလၢတၢ်သူၣ်ကညီၤသးကညီၤ ဒီးတမ့ၢ်ဘၣ်တၢ်လုၢ်တၢ်ပာ်ဘၣ်’ (ဟိၤ. ၆:၆). သုမ့ၢ်နၢ်ပၢၢ်တၢ် ကွဲးအသးအံၤအခီပညီနီၢ်နီၢ်ဒီးသုတစံၣ်ညီၣ်ဘၣ်ပှၤလၢအတၢ် ကမၣ်တအိၣ်တဖၣ်န့ၣ်ဘၣ်.

လံာ်မးသဲ 23:13

ပှၤသ့တၢ်ဘူၣ်တၢ်ဘါအတၢ်သိၣ်တၢ်သီ, ဒီးပှၤဖၤရံၤၡဲသ့ၣ်ဧၢ, သုဘၣ်အဖှီၣ်လီၤ. ပှၤပာ်မၤအသးသ့ၣ်ဧၢ, သုကးတံာ်ဃာ်မူခိၣ်အဘီအမုၢ်အတြဲၤဒ်သိးပှၤဂၤ အသုတလဲၤနုာ်ဘၣ်တဂ့ၤအဂီၢ်လီၤ. သုနီၢ်ကစၢ်ဒၣ်သုဝဲသုတလဲၤနုာ်ဘၣ်ဒီး, သုတပျဲနုာ်စ့ၢ်ကီးပှၤလၢအကျဲးစၢးလဲၤနုာ်ဝဲတဖၣ်ဘၣ်.

လံာ်မးသဲ 9:13

လဲၤဒီးဃုနၢ်ပၢၢ်တၢ်ကွဲးအသးလၢအစံး, ‘ယအဲၣ်ဒိးတၢ်သူၣ် ကညီၤသးကညီၤဒီးတမ့ၢ်ဘၣ်တၢ်လုၢ်တၢ်ပာ်ဘၣ်’ အခီပညီတက့ၢ်. အဂ့ၢ်ဒ်အံၤ, ယဟဲလၢယကကိးန့ၢ် ပှၤတၢ်ဒဲးဘးဖိဒီးတမ့ၢ်ဘၣ်ပှၤတီပှၤလိၤတဖၣ်ဘၣ်.”

လံာ်လူၤကၣ် 11:42

ပှၤဖၤရံၤၡဲသ့ၣ်ဧၢ, သုဘၣ်အဖှီၣ်ဆံးဒိၣ်လဲၣ်. ဟီၣ်ဝီၤသွ့, ဒီးပံကနၣ်အဒိးဒီးကသံၣ်အမုၢ်အဂၤတမံၤလၢ်လၢ်န့ၣ် သုဟ့ၣ်မၤဘူၣ်ဆူကစၢ်ယွၤအအိၣ်အပူတဆံန့ၣ်တပူလီၤ. ဘၣ်ဆၣ်သုကွၢ်ကပာ်တၢ်စံၣ်ညီတီဒီးတၢ်အဲၣ်ကစၢ်ယွၤလီၤ. တၢ်သ့ၣ်တဖၣ်အံၤ, သုကြၢးအိၣ်မူထွဲအခံ, ဒီးသုတကြၢးကွၢ်ကပာ်ကွံာ်စ့ၢ်ကီးတၢ်အဂၤတဖၣ်န့ၣ်ဘၣ်.

လံာ်လူၤကၣ် 18:12

ယဒုၣ်တၢ်အီၣ်တၢ်အီတနွံခံဘျီ, ကိးနွံဒဲး, ဒီးလၢယတၢ်ဟဲနုာ်ခဲလၢာ်န့ၣ်, ယဟ့ၣ်နၤအပူတဆံတပူလီၤ.’

လံာ်စီၤၡမူၤအ့လးအခီၣ်ထံးတဘ့ၣ် 15:22

စီၤၡမူၤအ့လးစံးဝဲ, “ယွၤဘၣ်အသးလၢတၢ်မနုၤတမံၤလဲၣ်. တၢ်စူၢ်အကလုၢ်ဧါ. မ့တမ့ၢ်ဘၣ်ဒီးတၢ်မၤဘူၣ်တဖၣ်ဒီးတၢ်လုၢ်တၢ် ပာ်တဖၣ်ဧါ. ဂ့ၤဒိၣ်တက့ၢ်လၢတၢ်စူၢ်အီၤအါန့ၣ်ဒံးတၢ်ကလုၢ်ထီၣ်ပာ်ထီၣ်သိ ဖိအဂ့ၤကတၢၢ်တဖၣ်ဆူအအိၣ်န့ၣ်လီၤ.