လံာ်မးသဲ 23:22 - Sgaw Karen Common Bible

²² ဖဲပှၤတဂၤဆိၣ်လီၤအသးလၢမူခိၣ်အမံၤန့ၣ်, အဝဲဆိၣ်လီၤအသးလၢကစၢ်ယွၤအလီၢ်ပစိာ်, ဒီးလၢယွၤလၢအဆ့ၣ်နီၤလၢအဖီခိၣ်အမံၤန့ၣ်လီၤ.

လံာ်မးသဲ 23:22 Iomraidhean Croise

စံးထီၣ်ပတြၢၤ 11:4

ယွၤအိၣ်ဝဲလၢအတၢ်လုၢ်ဟံၣ်စီဆှံအပူၤ, အိၣ်ဒီးအလီၢ်ပစိာ်လၢမူခိၣ်လီၤ. အဝဲကွၢ်လီၤဝဲပှၤဟီၣ်ခိၣ်ဖိခဲလၢာ် ဒီးကွၢ်ထံကွၢ်ဆးအတၢ်မၤတဖၣ်န့ၣ်လီၤ.

လံာ်ယၡါယၤ 66:1

ယွၤစံးဝဲဒၣ်, “မူခိၣ်မ့ၢ်ယလီၢ်ပစိာ်, ဒီးဟီၣ်ခိၣ်မ့ၢ် ယခီၣ်ယီၢ်လီၤတၢ်အလီၢ်လီၤ. ဟံၣ်လၢသုသူၣ် ထီၣ်လၢယဂီၢ်ကသ့, ကမ့ၢ်ဟံၣ်ဒ်လဲၣ်တကလုာ်လဲၣ်. ကမ့ၢ်တၢ်လီၢ်ဒ်လဲၣ်တကလုာ်လၢယကအိၣ်ကဆိးလၢ အပူၤအဂီၢ်န့ၣ်လဲၣ်.

လံာ်မးသဲ 5:34

ဘၣ်ဆၣ်ဒီးယစံးဘၣ်သုအခဲအံၤ, ဖဲနမၤတၢ်အၢၣ်လီၤအီလီၤ တမံၤမံၤန့ၣ်တဘၣ်ဆိၣ်လီၤနသးတဂ့ၤ. ဆိၣ်လီၤနသးခီဖျိမူခိၣ်တဂ့ၤ. အဂ့ၢ်ဒ်အံၤ, မူခိၣ်မ့ၢ်ကစၢ်ယွၤအလီၢ်ပစိာ်လီၤ.

မၤတၢ် 7:49

‘ကစၢ်ကစၢ်ယွၤစံးဝဲ, မူခိၣ်မ့ၢ်ယလီၢ်ပစိာ်, ဒီးဟီၣ်ခိၣ်မ့ၢ်ယခီၣ်ယီၢ်လီၤတၢ်အလီၢ်လီၤ. သုကဘှီထီၣ်န့ၢ်ယၤလၢဟံၣ်ဒ်လဲၣ်တကလုာ်လဲၣ်. တၢ်လီၢ်လၢယကအိၣ်ကဆိးအဂီၢ်အိၣ်ဖဲလဲၣ်.