လံာ်မးသဲ 23:2 - Sgaw Karen Common Bible

² “ပှၤသ့တၢ်ဘူၣ်တၢ်ဘါအတၢ်သိၣ်တၢ်သီဒီးပှၤဖၤရံၤၡဲတဖၣ်, မ့ၢ်ပှၤတဖၣ်လၢအဘၣ်တၢ်ဟ့ၣ်စိဟ့ၣ်ကမီၤအီၤလၢကတဲဖျါထီၣ်န့ၢ် သုလၢစီၤမိၤၡ့အတၢ်သိၣ်တၢ်သီအခီပညီလီၤ.

လံာ်မးသဲ 23:2 Iomraidhean Croise

လံာ်စီၤဧ့စြၤ 7:25

စီၤဧ့စြၤဧၢ, သူတၢ်ကူၣ်သ့လၢနကစၢ်ယွၤဟ့ၣ်လီၤတ့ၢ်လံနၤ ဒီးဃုထၢပာ်လီၤပှၤပၢဆှၢတၢ်တဖၣ်ဒီးစံၣ်ညီၣ်ကွီၢ်တဖၣ်လၢ ကပၢကယဲၢ်ပှၤဂီၢ်မုၢ်လၢကီၢ်ဖရၤသးအမုၢ်နုာ်လၢအအိၣ်မူဝဲဒ် ယူဒၤအတၢ်သိၣ်တၢ်သီလၢနကစၢ်ယွၤဟ့ၣ်လီၤဝဲတက့ၢ်. နကဘၣ်သိၣ်လိယူဒၤအတၢ်သိၣ်တၢ်သီန့ၣ်ဆူပှၤတဂၤ လၢ်လၢ်လၢအတသ့ၣ်ညါဝဲန့ၣ်လီၤ.

လံာ်စီၤဧ့စြၤ 7:6

စီၤဧ့စြၤမ့ၢ်ပှၤကူၣ်သ့ကူၣ်ဘၣ်တဂၤလၢအအိၣ်ဒီးတၢ်သ့ၣ်ညါနၢ် ပၢၢ်ဂ့ၤဂ့ၤကလဲာ်ဖဲအဘၣ်ထွဲဒီးပှၤယူဒၤဖိအတၢ်သိၣ်တၢ်သီ လၢယွၤ, အံၣ်စရ့လးအကစၢ်ယွၤဟ့ၣ်တ့ၢ်စီၤမိၤၡ့န့ၣ်လီၤ. မ့ၢ်လၢစီၤဧ့စြၤဒိးန့ၢ်ကစၢ်, အဝဲအကစၢ်ယွၤအတၢ်ဆိၣ်ဂ့ၤအဃိ, စီၤပၤဖးဒိၣ်ဟ့ၣ်အီၤတၢ်လၢအဃ့ဝဲတမံၤလၢ်လၢ်န့ၣ်လီၤ. လၢစီၤအၢ်တၤၡါၡတၤပၢတၢ်နွံနံၣ်တနံၣ်န့ၣ်စီၤဧ့စြၤဟးထီၣ် လၢကီၢ်ဘၤဘူၤလိၣ်ဒ်သိးကလဲၤဆူဝ့ၢ်ယရူၤၡလ့ၣ်ဃုာ်ဒီးပှၤအံၣ် စရ့လးဖိတဖုလၢအအိၣ်ဝဲဒီးပှၤလုၢ်တၢ်အခိၣ်တဖၣ်, ပှၤလ့ၤဝံဖိတဖၣ်, တၢ်လုၢ်ဟံၣ်အပှၤသးဝံၣ်တၢ်ဖိတဖၣ်, တၢ်လုၢ်ဟံၣ်အပှၤပၢၤတၢ်တဖၣ် ဒီးပှၤမၤတၢ်လၢတၢ်လုၢ်ဟံၣ်အပူၤတဖၣ်န့ၣ်လီၤ.

လံာ်မၤလကံ 2:7

တၢ်န့ၣ်မ့ၢ်ပှၤလုၢ်တၢ်အခိၣ်တဖၣ်အမူအဒါလၢ ကဘၣ်သိၣ်လိတၢ်သ့ၣ်ညါအမ့ၢ်အတီဘၣ်ဃး ဒီးကစၢ်ယွၤန့ၣ်လီၤ. ပှၤဘၣ်လဲၤဆူအဝဲသ့ၣ်အအိၣ်လၢကမၤလိယတၢ်ဘၣ်သး, မ့ၢ်လၢအဝဲသ့ၣ်မ့ၢ်ယွၤသ့တၢ်လၢာ်အပှၤစိာ်တၢ် ကစီၣ်တဖၣ်အဃိန့ၣ်လီၤ.

လံာ်မးသဲ 23:3

လၢတၢ်န့ၣ်အဃိ, သုဘၣ်စူၢ်ဒီးတိၢ်န့ၢ်တၢ်ကိးမံၤဒဲးလၢအဝဲသ့ၣ်တဲသုလၢ သုကဘၣ်မၤန့ၣ်လီၤ. ဘၣ်ဆၣ်ဒီး, တၢ်လၢအဝဲသ့ၣ်မၤဝဲတဖၣ်န့ၣ်တဘၣ်မၤဒိးတဂ့ၤ. အဂ့ၢ်ဒ်အံၤ, အဝဲသ့ၣ်တမၤထွဲတၢ်လၢအဝဲသ့ၣ်စံၣ်တဲၤတဲလီၤဝဲန့ၣ်ဘၣ်.

လံာ်မၢ်ကူး 12:38

လၢအတၢ်သိၣ်လီၤသီလီၤတၢ်အပူၤယ့ၣ်ၡူးစံးဝဲ, “ပလီၢ်သုသးလၢ ပှၤသ့တၢ်ဘူၣ်တၢ်ဘါအတၢ်သိၣ်တၢ်သီတဖၣ်န့ၣ်တက့ၢ်. အဝဲသ့ၣ်မိၣ်ဟးထီၣ်ဟးလီၤသး, သိးဒီးဆ့ကၤဖီခိၣ်ဖးထီ, ဒီးလၢဖၠါပူၤန့ၣ်အဲၣ်ဒိးဝဲလၢပှၤကကတိၤဒိၣ်အဝဲသ့ၣ်လၢတၢ် ယူးယီၣ်ပာ်ကဲအပူၤန့ၣ်လီၤ.

လံာ်လူၤကၣ် 20:46

ပလီၢ်သုသးလၢပှၤသ့တၢ်ဘူၣ်တၢ်ဘါအတၢ်သိၣ်တၢ်သီတဖၣ်, ပှၤလၢအအဲၣ်ဒိးဟးထီၣ်ဟးလီၤကူသိးဒီးအဆ့ကၤဖးထီ, ဒီးအဲၣ်ဒိးပှၤကတိၤဒိၣ်ကတိၤဆၢဂ့ၤအီၤဖဲဖၠါပူၤ, ပှၤလၢအဃုထၢလီၢ်ဆ့ၣ်နီၤအဂ့ၤကတၢၢ်တဖၣ်လၢ ဘူၣ်ဘျီၣ်လၢအမ့ၢ်တၢ်ဘါလီၢ်အပူၤ, ဒီး

လံာ်သိၣ်လီၤသီလီၤတၢ် 33:3

ယွၤအဲၣ်အပှၤဂီၢ်မုၢ် ဒီးဒီဒၣ်အိၣ်ပှိၤပှၤတဖၣ်လၢအဘၣ်ဃးဒီးအီၤန့ၣ်လီၤ. လၢတၢ်န့ၣ်အဃိ, ပတီၤလီၤလၢအခီၣ်မဲာ်ညါ, ဒီးစူၢ်အဝဲအတၢ်မၤလိာ်တဖၣ်န့ၣ်လီၤ.