လံာ်မးသဲ 23:19 - Sgaw Karen Common Bible

¹⁹ ပှၤမဲာ်ဘျီၣ်သ့ၣ်ဧၢ, တၢ်အကါဒိၣ်တက့ၢ်န့ၣ်, မ့ၢ်တၢ်လုၢ်ဧါ. မ့တမ့ၢ်ဘၣ်ဒီး တၢ်လုၢ်လီၢ်လၢအမၤစီဆှံထီၣ်တၢ်လုၢ်န့ၣ်လဲၣ်.

လံာ်မးသဲ 23:19 Iomraidhean Croise

လံာ်တၢ်ဟးထီၣ်ကွံာ် 29:37

မၤတၢ်အံၤကိးနံၤဒဲးနွံသီတက့ၢ်. အန့ၣ်ဒီးတၢ်လုၢ်လီၢ်ကစီဆှံထီၣ်ဝဲလၢလၢပှဲၤပှဲၤန့ၣ်လီၤ. ဒီးပှၤတဂၤဂၤမ့ၢ်ဂ့ၤ, တၢ်တမံၤမံၤမ့ၢ်ဂ့ၤလၢအထိးဘၣ်အီၤ န့ၣ်ကဘၣ်တၢ်မၤဘၣ်ဒိအီၤလၢတၢ်စီဆှံအံၤအစိအကမီၤန့ၣ်လီၤ.

လံာ်တၢ်ဟးထီၣ်ကွံာ် 30:29

ပာ်စီဆှံတၢ်တဖၣ်အံၤလၢကျဲဒ်အံၤဒီး, အဝဲသ့ၣ်ကကဲထီၣ်တၢ်စီဆှံလၢလၢပှဲၤပှဲၤဒီးကယဲၢ်ပှၤတဂၤလၢ်လၢ်မ့တမ့ၢ်, တၢ်တမံၤလၢ်လၢ်လၢအထိးဘၣ်အီၤခဲလၢာ်န့ၣ်ကဘၣ်တၢ်မၤဘၣ်ဒိအီၤ လၢတၢ်စီဆှံအံၤအစိကမီၤန့ၣ်လီၤ.

လံာ်ဃးကဲ 2:12

ပစံးဒၣ်ကလိာ်, ပှၤတဂၤဂၤဟံးန့ၢ်တၢ်ညၣ်စီဆှံတလိၣ် လၢတၢ်လုၢ်တၢ်ပာ်တမံၤအကျါဒီးစိာ်ဝဲလၢအဆ့ကၤဒိၣ် အထၢၣ်တဖျၢၣ်အပူၤလီၤ. အဝဲမ့ၢ်ပျဲအဆ့ကၤဒိၣ်ထိးဘၣ်ကိၣ် တဖျၢၣ်ဖျၢၣ်, တၢ်အီၣ်လၢပှၤဖီဝံၤ, စပံးထံ, သ့ၣ်စၤယံးအသိ မ့တမ့ၢ်တၢ်အီၣ်ထီရီၤတမံၤမံၤဒီး, တၢ်န့ၣ်ကမၤစီဆှံထီၣ်ကွံာ်တၢ်အီၣ်န့ၣ်စ့ၢ်ကီးဧါ.” ဖဲတၢ်သံကွၢ်န့ၣ်ဘၣ်တၢ်သံကွၢ်အီၤဒီး ပှၤလုၢ်တၢ်အခိၣ်တဖၣ်စံးဆၢဝဲ, “တမ့ၢ်ဘၣ်.”

လံာ်မးသဲ 23:17

ပှၤဟးဂီၤဖိလၢအမဲာ်ဘျီၣ်သ့ၣ်ဧၢ, တၢ်အကါဒိၣ်တက့ၢ်န့ၣ်မ့ၢ်ထူဧါ. မ့တမ့ၢ်ဘၣ်ဒီး, မ့ၢ်တၢ်လုၢ်ဟံၣ်လၢအမၤစီဆှံထူန့ၣ်လဲၣ်.

လံာ်မးသဲ 23:18

သုစံးသုဝဲလၢ, ပှၤတဂၤမ့ၢ်ဆိၣ်လီၤအသးလၢတၢ်လုၢ်လီၢ်အမံၤန့ၣ်, အတၢ်ဆိၣ်လီၤအသးန့ၣ်အသယၢၢ်တအိၣ်ဘၣ်. ဘၣ်ဆၣ်မ့ၢ်ဆိၣ်လီၤအသးလၢတၢ်လုၢ်လၢအဘၣ်တၢ်ပာ်ထီၣ်အီၤလၢတၢ် လုၢ်လီၢ်အဖီခိၣ်အမံၤဒီး, အတၢ်ဆိၣ်အဝဲန့ၣ်အိၣ်ဒီးအသယၢၢ်လၢကဟံးဃာ်အီၤလီၤ.

လံာ်မးသဲ 23:20

လၢတၢ်န့ၣ်အဃိ, ပှၤလၢအဆိၣ်လီၤအသးလၢတၢ်လုၢ်လီၢ်အမံၤန့ၣ်, ဆိၣ်လီၤအသးလၢ တၢ်လုၢ်လီၢ်ဒီးတၢ်ခဲလၢာ်လၢအအိၣ်လၢအဖီခိၣ်န့ၣ်လီၤ.