လံာ်မးသဲ 23:14 - Sgaw Karen Common Bible

¹⁴ (ပှၤသ့တၢ်ဘူၣ်တၢ်ဘါအတၢ်သိၣ်တၢ်သီ ဒီးပှၤဖၤရံၤၡဲသ့ၣ်ဧၢ, သုဘၣ်အဖှီၣ်လီၤ. ပှၤပာ်မၤအသးသ့ၣ်ဧၢ, သုဃုသုဘျုးလၢပှၤမုၣ်ကမဲတဖၣ်အဖီခိၣ်, တုၤလၢသုဂုာ်န့ၢ်ဆူၣ်အဝဲသ့ၣ်အဟံၣ်အဃီ, ဒီးသုပာ်မၤသုသးဒ်ပှၤဂ့ၤပှၤဝါအသိး, ခီဖျိတၢ်ဃ့ဘါထုကဖၣ်ဖးထီတၢ်န့ၣ်လီၤ. လၢတၢ်အံၤအဃိ, သုကဘၣ်တၢ်စံၣ်ညီၣ်ဃၣ်သုနးဒၣ်တၢ်တက့ၢ်လီၤ.)

လံာ်မးသဲ 23:14 Iomraidhean Croise

လံာ်စီၤယိၤဘး 22:9

နဒုးဟးကွံာ်မုၣ်ကမဲတဖၣ်အိၣ်ထဲစုယၢ်ခီ, ဒီးနဂုာ်ဆူၣ်ပျီဆူၣ်ပှၤဖိၣ်ဃဲတဖၣ်ဒီးပျဲအစုကၢ်ခီၣ်ကၢ်န့ၣ်လီၤ.

လံာ်စီၤယိၤဘး 31:16

ယတဂ့ၢ်လိာ်လၢယကမၤစၢၤပှၤဖှီၣ်ဖိယာ်ဖိမ့ၢ်ဂ့ၤ, ယတပျဲပှၤ မုၣ်ကမဲတဖၣ်အိၣ်လၢတၢ်သူၣ်ဟးဂူာ်သးဟးဂီၤအပူၤမ့ၢ်ဂ့ၤနီ တဘျီဘၣ်.

လံာ်တၢ်ဟးထီၣ်ကွံာ် 22:22

မၤတရီတပါဒီးမၤနးမၤဖှီၣ်မုၣ်ကမဲမ့ၢ်ဂ့ၤ, ဖိၣ်ဃဲမ့ၢ်ဂ့ၤနီတဂၤတဂ့ၤ.

လံာ်မးသဲ 11:24

နာ်ယၤတက့ၢ်. လၢမုၢ်စံၣ်ညီၣ်အနံၤန့ၣ်ကစၢ် ယွၤကပာ်ဖျါထီၣ်အတၢ်သးကညီၤလၢဝ့ၢ်စဒိၣ် အဖီခိၣ်အါန့ၢ်အကပာ်ဖျါထီၣ်ဝဲလၢနဖီခိၣ်တက့ၢ်လီၤ.”

လံာ်မးသဲ 23:13

ပှၤသ့တၢ်ဘူၣ်တၢ်ဘါအတၢ်သိၣ်တၢ်သီ, ဒီးပှၤဖၤရံၤၡဲသ့ၣ်ဧၢ, သုဘၣ်အဖှီၣ်လီၤ. ပှၤပာ်မၤအသးသ့ၣ်ဧၢ, သုကးတံာ်ဃာ်မူခိၣ်အဘီအမုၢ်အတြဲၤဒ်သိးပှၤဂၤ အသုတလဲၤနုာ်ဘၣ်တဂ့ၤအဂီၢ်လီၤ. သုနီၢ်ကစၢ်ဒၣ်သုဝဲသုတလဲၤနုာ်ဘၣ်ဒီး, သုတပျဲနုာ်စ့ၢ်ကီးပှၤလၢအကျဲးစၢးလဲၤနုာ်ဝဲတဖၣ်ဘၣ်.

လံာ်မးသဲ 23:33

ဂုၢ်အၢဒီးဂုၢ်ဘီၣ်အီးအဖိသ့ၣ်ဧၢ, သုမုၢ်လၢ်လၢသုကပူၤဖျဲးထီၣ်လၢ လရာ်အတၢ်စံၣ်ညီၣ်ဃၣ်အပူၤန့ၣ်လၢကျဲဒ်လဲၣ်.

လံာ်မၢ်ကူး 12:40

အဝဲသ့ၣ်ဂုာ်ဆူၣ်ပျိဆူၣ်မုၣ်ကမဲတဖၣ်အဟံၣ်ဒီးအစုလီၢ်ခီၣ် ခိၣ်, ဒီးပာ်မၤအသးဒ်အမ့ၢ်ပှၤဂ့ၤပှၤဝါအသိးခီဖျိတၢ်ဃ့ထု ကဖၣ်တၢ်ထီထီကလဲာ်န့ၣ်လီၤ. လၢမုၢ်စံၣ်ညီၣ်အနံၤန့ၣ်အဝဲသ့ၣ်ကဘၣ်တၢ်စံၣ်ညီၣ်အီၤနးန့ၢ် ပှၤဂၤတက့ၢ်န့ၣ်လီၤ.”

လံာ်လူၤကၣ် 12:48

မ့မ့ၢ်တၢ်ခ့တၢ်ပှၤလၢအတသ့ၣ်ညါအကစၢ်အဲၣ်ဒိးတၢ်မနုၤ, ဒီးမၤဘၣ်တၢ်တမံၤလၢအကြၢးဒီးတၢ်ဖျ့အီၤန့ၣ်, ကဘၣ်တၢ်စံၣ်ညီၣ်ဖျ့ဒၣ်အီၤဖဲအကြၢးအဘၣ်လီၤ. ပှၤတဂၤလၢတၢ်ဟ့ၣ်တၢ်လၢအီၤအါအါကလဲာ်န့ၣ်, တၢ်ကမုၢ်လၢ်တၢ်လၢအီၤအါအါကလဲာ်လီၤ. ပှၤတဂၤလၢတၢ်ဟ့ၣ်အီၤတၢ်အါဒိၣ်ဒံးတက့ၢ်န့ၣ်, တၢ်ကမုၢ်လၢ်တၢ်လၢအီၤအါဒိၣ်ဒံးတက့ၢ်လီၤ.

လံာ်လူၤကၣ် 20:47

တၢ်လီၢ်အဂ့ၤကတၢၢ်ဖဲဘူၣ်အဆၢကတီၢ်, ပှၤလၢအဟံးန့ၢ်တၢ်အခွဲးအယာ်လၢ မုၣ်ကမဲတဖၣ်အဖီခိၣ်ဒီးဂုာ်န့ၢ်ဝာ်န့ၢ်အဟံၣ်အဃီတဖၣ်, ဒီးအန့ၣ်ဝံၤအလီၢ်ခံပာ်မၤအသးခီဖျိအဃ့ဘါထု ကဖၣ်တၢ်ထီထီကလဲာ်တဖၣ်န့ၣ်တက့ၢ်. တၢ်စံၣ်ညီၣ်လၢအဝဲသ့ၣ်အဂီၢ်ကမ့ၢ်တၢ်အအၢကတၢၢ်လီၤ.”

၂ တံၤမသ့း 3:6

အဝဲသ့ၣ်တနီၤလဲၤနုာ်ဆူပှၤအဟံၣ်ပူၤဒီးကွဲန့ၢ်လွဲန့ၢ်ပိာ် မုၣ်ဂံၢ်စၢ်ဘါစၢ်တဖၣ်လၢအအိၣ်ဒီးတၢ်ဒဲးဘးအတၢ်ဝံ တၢ်ယိးဒီးပိာ်ထွဲတၢ်သူၣ်လီသးကွံအကလုာ်ကလုာ် အခံန့ၣ်လီၤ.

တံတူး 1:10

အဂ့ၢ်ဒ်အံၤ, ပှၤအိၣ်ဝဲအါဂၤလၢအထီဒါတၢ်ဒီးကတိၤတၢ်လၢ အခီပညီတအိၣ်ဒီးလီန့ၢ်ပှၤဂၤတဖၣ်န့ၣ်လီၤ. ပှၤတဖၣ်အံၤပထံၣ်အီၤလီၤဆီဒၣ်တၢ်လၢပှၤယူဒၤဖိလၢ အကဲထီၣ်ပှၤခရံာ်ဖိတဖၣ်အကျါန့ၣ်လီၤ.

ယၤကိာ် 3:1

ယဒီပုၢ်ဝဲၢ်သ့ၣ်ဧၢ, သုဝဲအါဂၤသုတကြၢးကဲထီၣ်သရၣ်တဖၣ် ဘၣ်. ဒ်သုသ့ၣ်ညါအသိး, ပဝဲသရၣ်တဖၣ်တၢ်ကစံၣ်ညီၣ်ပှၤဃံးဒိၣ်န့ၢ်ဒံးပှၤဂၤတဖၣ် တက့ၢ်လီၤ.

၂ ပ့းတရူး 2:14

အဝဲသ့ၣ်အမဲာ်ပှဲၤဝဲဒီးတၢ်သးအိၣ်မၤကမၣ်မုၣ်ကမၣ်ခွါ, ဒီးမၤတၢ်ဒဲးဘးတလၢမၤနီတဘျီဘၣ်. အဝဲသ့ၣ်ကွဲန့ၢ်လွဲန့ၢ် ပှၤလၢအဂံၢ်စၢ်ဘါစၢ်တဖၣ်ဆူတၢ်ဒဲးဘးအပူၤလီၤ. တၢ်သူၣ်လီသးကွံအသးဒိၣ်စိလၢအပူၤဒီးအဝဲသ့ၣ်အိၣ်လၢ ယွၤအတၢ်ဆိၣ်အၢအဖီလာ်လီၤ.

၂ ပ့းတရူး 2:3

ဒီးလၢအတၢ်သူၣ်လီသးကွံဒိၣ်အပူၤ, သရၣ်အဘျၣ် တဖၣ်အံၤကဃုအဘျုးလၢသုဖီခိၣ်ခီဖျိအစံးဘၣ်တဲဘၣ် သုပူလၢပှၤကညီဒုးကဲထီၣ်အီၤတဖၣ်လီၤ. အဝဲသ့ၣ်အပှၤစံၣ်ညီၣ်ကွီၢ်အိၣ်ကတဲာ်ကတီၤအသးယံာ် တ့ၢ်လံ, ဒီးပှၤလၢအကမၤဟးဂီၤအီၤတဂၤန့ၣ်တမံသပ့ၤ ဝဲဘၣ်.