လံာ်မးသဲ 22:4 - Sgaw Karen Common Bible

⁴ မၤကဒီးတစု, အဝဲဆှၢလီၤအခ့အပှၤအဂၤတဖၣ်ဒီးစံးဝဲ, ‘လဲၤဒီးစံးဘၣ်တဲဘၣ်ပှၤလၢအဘၣ်တၢ်ကွဲမုာ်အီၤတဖၣ် လၢယကတဲာ်ကတီၤမူးအတၢ်အီၣ်တၢ်အီဝံၤလံ. ယဂီၤဖံးဖါဒီးဂီၤဖံးဖိလၢအဘီၣ်တဖၣ်ဘၣ်တၢ်မၤသံအီၤလံ. ဒီးတၢ်ခဲလၢာ်အိၣ်ကတဲာ်ကတီၤအသးလံ. ဟဲဆူတၢ်ဖျီအမူးတက့ၢ်.’

လံာ်မးသဲ 22:4 Iomraidhean Croise

လံာ်စီၤနဃ့မယၤ 9:17

အဝဲသ့ၣ်ဂ့ၢ်လိာ်ဝဲလၢကစူၢ်တၢ်, အဝဲသ့ၣ်သးပ့ၤနီၣ်ကွံာ်တၢ်လၢနမၤတ့ၢ်ခဲလၢာ်လီၤ. အဝဲသ့ၣ်သးပ့ၤနီၣ်ကွံာ်လံတၢ်လီၤလးတဖၣ်လၢနမၤတ့ၢ်ဝဲ န့ၣ်လီၤ. လၢအတၢ်ပာ်ထီၣ်ထီသးအပူၤန့ၣ်အဝဲသ့ၣ်ဃုထၢအခိၣ်အနၢ်တဂၤလၢ ကဆှၢကဒါက့ၤအဝဲသ့ၣ်ဆူတၢ်မၢကဲကုၢ်အလီၢ်လၢကီၢ်အဲၤကူပတူး အပူၤန့ၣ်လီၤ. ဘၣ်ဆၣ်နမ့ၢ်နဲကစၢ်ယွၤတဂၤလၢအပျၢ်တၢ်ကမၣ်, နပှဲၤဒီးတၢ်ဘျုးတၢ်ဖှိၣ်ဒီးတၢ်အဲၣ်, ဒီးနတသးထီၣ်ညီကဒၣ်ဘၣ်. နတၢ်သူၣ်ကညီၤသးကညီၤန့ၣ်ဒိၣ်ဝဲဒီးနတလဲၤသဒၣ်အဝဲသ့ၣ်ဘၣ်.

စံးထီၣ်ပတြၢၤ 86:5

ယွၤဧၢ, နဲဒၣ်အံၤနမ့ၢ်တၢ်ဂ့ၤ, ဒီးနပျၢ်ကွံာ်ပတၢ်ကမၣ်, ဒီးနတၢ်အဲၣ်ဂၢၢ်ကျၢၤအိၣ်အါဝဲလၢ ကယဲၢ်ပှၤလၢအကိးထီၣ်နၤခဲလၢာ်အဂီၢ်လီၤ.

တၢ်ကတိၤဒိ. 15:17

ဂ့ၤတက့ၢ်လၢတၢ်အီၣ်တၢ်ဒိးတၢ်လၣ်တဖၣ်ဃုာ်ဒီးပှၤလၢနအဲၣ်အီၤ တဖၣ်ဒိၣ်န့ၢ်တၢ်အီၣ်တၢ်ဖံးတၢ်ညၣ်အဂ့ၤကတၢၢ်ဖဲတၢ်သးဟ့အိၣ်ဝဲ န့ၣ်လီၤ.

လံာ်တၢ်သးဝံၣ်တဖၣ်အတၢ်သးဝံၣ် 5:1

ယတၢ်အဲၣ်သးဘိ, ယတလးမူးပိာ်မုၣ်ဧၢ, ယဟဲနုာ်လံလၢယတၤသၣ်ကရၢၢ်ပူၤလံန့ၣ်လီၤ. ယထၢဖှိၣ်ယသ့ၣ်နၢမူအထုးအစီတဖၣ်ဒီးမူရၣ်, ယအီၣ်ယကနဲစီဒီးကနဲခိၣ်ထံ, ယအီယစပံးထံဒီးတၢ်နုၢ်ထံန့ၣ်လီၤ. ပှၤလၢအအဲၣ်လိာ်အသးသ့ၣ်ဧၢ, အီၣ်တၢ်ဒီးအီတၢ် တုၤလီၤလၢသုမူၤလၢတၢ်အဲၣ်အဃိတက့ၢ်.

လံာ်မးသဲ 21:36

မၤကဒီး, ဆှၢလီၤအခ့အပှၤအဂၤတဖၣ်အါန့ၢ်လၢအခီၣ်ထံးတဘျီတက့ၢ်, ဒီးအဝဲသ့ၣ်မၤအီၤဒ်လၢညါတဘျီအသိးလီၤ.

လံာ်မးသဲ 22:5

ဘၣ်ဆၣ်ဒီး, အဝဲသ့ၣ်တပာ်ဒိၣ်တၢ်ကွဲမုာ်အံၤဘၣ်ဒီး, လဲၤဝဲဆူတၢ်လီၢ်အဂုၤအဂၤတဖၣ်လီၤ. တဂၤလဲၤဆူအစံာ်ပျီပူၤ, ဒီးအဂၤတဂၤလဲၤဝဲဆူအပနံာ်တၢ်ကၤတၢ်အလီၢ်လီၤ.

လံာ်မးသဲ 22:8

တုၤနုၤတစု, အဝဲစံးဘၣ်အခ့အပှၤတဖၣ်ဒီးစံး, ‘တၢ်ဖျီအမူးအိၣ်ကတဲာ်ကတီၤအသးလံ. ဘၣ်ဆၣ်ပှၤလၢအဘၣ်တၢ်ကွဲမုာ်အီၤတဖၣ်န့ၣ်, တကြၢးဝဲဘၣ်ဝဲဒီးတၢ်လၤကပီၤအံၤဘၣ်.

လံာ်လူၤကၣ် 14:17

ဖဲတၢ်အီၣ်အမူးအဆၢကတီၢ်တုၤဃီၤန့ၣ်, အဝဲဒၣ်ဆှၢလီၤအခ့အပှၤဒ်သိး အကစံးဘၣ်ပှၤလၢအဘၣ်တၢ်ကွဲအီၤတဖၣ်, ‘ဟဲဘၣ်တက့ၢ်, တၢ်ခဲလၢာ်အိၣ်ကတဲာ်ကတီၤပာ်အသးလံ.’

မၤတၢ် 1:8

မ့မ့ၢ်တုၤသးစီဆှံဟဲလီၤလၢသုလိၤဝံၤဒီးသုကလၢ ထီၣ်ပှဲၤထီၣ်ဒီးတၢ်စိတၢ်ကမီၤ, ဒီးသုကကဲထီၣ်ပှၤအုၣ်အသးတဖၣ်လၢယဂီၢ်လၢဝ့ၢ် ယရူၤရှလ့ၣ်အပူၤ, လၢကီၢ်ယူဒၤဒီကီၢ်ညါဒီးကီၢ်ၡၤမရံ ဒီးပၢၢ်တုၤလၢဟီၣ်ခိၣ်အကတၢၢ်န့ၣ်လီၤ.”

မၤတၢ် 13:46

ဘၣ်ဆၣ်ဒီးစီၤပီလူးဒီးစီၤဘၢ်နါဘၤကတိၤထီၣ်တၢ်ဒူဒိၣ်န့ၢ်ဒံး အလီၢ်တက့ၢ်ဒီးစံး, “အလီၢ်အိၣ်လၢပဘၣ်စံးကတိၤဆိကစၢ်ယွၤအကလုၢ်ကထါလၢသုလီၤ. ဘၣ်ဆၣ်မ့ၢ်လၢသုတစူၢ်တနာ်အီၤဘၣ်ဒီးသုစံၣ်ညီၣ်လီၤဒၣ်သုသး ဒ်ပှၤလၢအတကြၢးတဘၣ်လၢအကဒိးန့ၢ်တၢ်မူအထူအယိာ်အဃိ, ပကပာ်တ့ၢ်သုဒီးလဲၤဆူပှၤကလုာ်အဂၤတဖၣ်အအိၣ်လီၤ.

ရိမ့ၤ 8:32

အဝဲတဟံးဃာ်က့ၤအဖိခွါဒၣ်ဝဲဒၣ်လဲာ်ဘၣ်, မ့မ့ၢ်လုၢ်ထီၣ် အီၤဒ်တၢ်လုၢ်အသိးလၢပဝဲခဲလၢာ်အဂီၢ်န့ၣ်လီၤ. အဝဲဒၣ်ဟ့ၣ်လီၤပှၤအဖိခွါဒၣ်ဝဲလံသတးဒီး, မ့ၢ်အတဟ့ၣ်ကလီစ့ၢ်ကီးပှၤလၢတၢ်အဂၤခဲလၢာ်န့ၣ်ဘၣ်ဧါ.