လံာ်မးသဲ 22:34 - Sgaw Karen Common Bible

³⁴ တုၤပှၤဖၤရံၤၡဲတဖၣ်နၢ်ဟူလၢယ့ၣ်ၡူးစံးဆၢတၢ်တုၤဒၣ်လဲာ် ပှၤစးဒူၤကဲတဖၣ်ကတိၤဆၢတၢ်တသ့လၢၤဘၣ်ဒီး, အဝဲသ့ၣ်ပာ်ဖှိၣ်ထီၣ်အသးဒီးလဲၤဝဲဆူယ့ၣ်ၡူးအအိၣ်လီၤ.

လံာ်မးသဲ 22:34 Iomraidhean Croise

လံာ်မးသဲ 12:14

တၢ်န့ၣ်ဝံၤဒီးပှၤဖၤရံၤၡဲတဖၣ်ဟးထီၣ်ဒီးကူၣ်ထီၣ်ဖးလီၤ သကိးလၢအကမၤသံယ့ၣ်ၡူးအဂီၢ်လီၤ.

လံာ်မးသဲ 3:7

တုၤစီၤယိၤဟၣ်ထံၣ်ဘၣ်ပှၤဖၤရံၤၡဲဒီးပှၤစးဒူၤကဲအါဒံအါ ဂၤလၢအဟဲလၢကဒိးဘျၢအသးလၢထံအဂီၢ်န့ၣ်ဒီးစံးဘၣ်အဝဲသ့ၣ်, “ဂုၢ်ဘီၣ်အီးသ့ၣ်ဧၢ, မတၤဟ့ၣ်ပလီၢ်သုလၢသုကဃ့ၢ်ပူၤကွံာ်လၢ ကစၢ်ယွၤအတၢ်စံၣ်ညီၣ်လၢအကဟဲန့ၣ်လဲၣ်.

လံာ်လူၤကၣ် 10:25

ပှၤသ့တၢ်ဘူၣ်တၢ်ဘါအတၢ်သိၣ်တၢ်သီတဂၤဂဲၤဆၢထၢၣ်ဒီး ဂုာ်ကျဲးစၢးဝဲဒ်သိးအကဖီၣ်န့ၢ်ယ့ၣ်ၡူးလၢအတၢ်ကတိၤဒၣ်ဝဲလီၤ. အဝဲဒၣ်သံကွၢ်ယ့ၣ်ၡူး, “သရၣ်ဧၢ, ဒ်သိးယကဒိးန့ၢ်ဘၣ်တၢ်မူအထူအယိာ်န့ၣ်ယကဘၣ်မၤဒ်လဲၣ်.”