လံာ်မးသဲ 22:31 - Sgaw Karen Common Bible

³¹ ဘၣ်ဃးဒီးတၢ်ဂဲၤဆၢထၢၣ်က့ၤလၢတၢ်သံန့ၣ်, မ့ၢ်သုတဖးဘၣ်တၢ်လၢ ကစၢ်ယွၤစံးဘၣ်တဲဘၣ်တ့ၢ်သုနီတဘျီဘၣ်ဧါ.

လံာ်မးသဲ 22:31 Iomraidhean Croise

လံာ်မးသဲ 12:3

ယ့ၣ်ၡူးစံးဆၢအဝဲသ့ၣ်, “မ့ၢ်သုတဖးဘၣ်တၢ်လၢစီၤဒၤဝံးမၤ တ့ၢ်ဝဲဖဲအဝဲဒီးပှၤအိၣ်ဒီးအီၤတဖၣ်သၣ်ဝံၤဝဲအကတီၢ်န့ၣ်ဘၣ်ဧါ.

လံာ်မးသဲ 12:7

တၢ်ကွဲးအသးစံးဝဲ, ‘ဘၣ်ယသးလၢတၢ်သူၣ်ကညီၤသးကညီၤ ဒီးတမ့ၢ်ဘၣ်တၢ်လုၢ်တၢ်ပာ်ဘၣ်’ (ဟိၤ. ၆:၆). သုမ့ၢ်နၢ်ပၢၢ်တၢ် ကွဲးအသးအံၤအခီပညီနီၢ်နီၢ်ဒီးသုတစံၣ်ညီၣ်ဘၣ်ပှၤလၢအတၢ် ကမၣ်တအိၣ်တဖၣ်န့ၣ်ဘၣ်.

လံာ်မးသဲ 21:16

ဒီးအဝဲသ့ၣ်စံးဘၣ်ယ့ၣ်ၡူး, “အဝဲသ့ၣ်တဲတၢ်န့ၣ်နနၢ်ဟူဧါ.” ယ့ၣ်ၡူးစံးဆၢအဝဲသ့ၣ်, “ယနၢ်ဟူယဲသၢၣ်. မ့ၢ်သုတဖးဘၣ်တၢ်ကွဲးအသးစီဆှံလၢအစံး, ‘ယွၤကတဲာ်ကတီၤတၢ်စံးထီၣ်ပတြၢၤလၢဖိသၣ်တဖၣ်ဒီးဖိဆံးအီၣ် နုၢ်ထံဖိတဖၣ်အထးခိၣ်’ နီတဘျီဘၣ်ဧါ” (စံး. ၈:၂).

လံာ်မးသဲ 21:42

ယ့ၣ်ၡူးစံးဘၣ်အဝဲသ့ၣ်, “တၢ်ကွဲးအသးစီဆှံလၢအစံး, ‘လၢၢ်တဖျၢၣ်လၢပှၤသူၣ်ထီၣ်ဟံၣ်တဖၣ်ညိကွံာ်အီၤဒ် တၢ်လၢအလုၢ်အပှ့ၤတအိၣ်ဘၣ်အသိးန့ၣ်, ကဲထီၣ်က့ၤလၢၢ်ခိၣ်စိလၢ အကါဒိၣ်ကတၢၢ်တဖျၢၣ်လီၤ. အအံၤမ့ၢ်ကစၢ်အတၢ်မၤ, ဒီးမ့ၢ်တၢ်လီၤလးဒိၣ်မးလၢပမဲာ်ညါလီၤ’ န့ၣ်, မ့ၢ်သုတဖးဘၣ်ဘၣ်ဧါ” (စံး. ၁၁၈:၂၂-၂၃).

လံာ်မးသဲ 22:30

အဂ့ၢ်ဒ်အံၤ, လၢတၢ်ဂဲၤဆၢထၢၣ်သမူထီၣ်က့ၤလၢတၢ်သံအမုၢ် တနံၤန့ၣ်, ပှၤကညီတဖၣ်ကလီၤဂာ်ဒီးကလူးလၢမူခိၣ်တဖၣ်, ဒီးတန့ၢ်မါန့ၢ်ဝၤလၢၤဘၣ်.

လံာ်မးသဲ 22:32

ယွၤစံးဝဲ, ‘ယမ့ၢ်စီၤအၤဘြၤဟၣ်, စီၤအံၤစဲးဒီး စီၤယၤကိာ်အကစၢ်ယွၤလီၤ.’ ကစၢ်ယွၤတမ့ၢ်ဘၣ်ပှၤအသံတဖၣ် အကစၢ်ယွၤဘၣ်. မ့ၢ်ပှၤအမူတဖၣ်အကစၢ်ယွၤလီၤ” (ဟးထီၣ်. ၃:၆).

လံာ်မးသဲ 9:13

လဲၤဒီးဃုနၢ်ပၢၢ်တၢ်ကွဲးအသးလၢအစံး, ‘ယအဲၣ်ဒိးတၢ်သူၣ် ကညီၤသးကညီၤဒီးတမ့ၢ်ဘၣ်တၢ်လုၢ်တၢ်ပာ်ဘၣ်’ အခီပညီတက့ၢ်. အဂ့ၢ်ဒ်အံၤ, ယဟဲလၢယကကိးန့ၢ် ပှၤတၢ်ဒဲးဘးဖိဒီးတမ့ၢ်ဘၣ်ပှၤတီပှၤလိၤတဖၣ်ဘၣ်.”