လံာ်မးသဲ 22:30 - Sgaw Karen Common Bible

³⁰ အဂ့ၢ်ဒ်အံၤ, လၢတၢ်ဂဲၤဆၢထၢၣ်သမူထီၣ်က့ၤလၢတၢ်သံအမုၢ် တနံၤန့ၣ်, ပှၤကညီတဖၣ်ကလီၤဂာ်ဒီးကလူးလၢမူခိၣ်တဖၣ်, ဒီးတန့ၢ်မါန့ၢ်ဝၤလၢၤဘၣ်.

လံာ်မးသဲ 22:30 Iomraidhean Croise

စံးထီၣ်ပတြၢၤ 103:20

အကလူးလၢအဂံၢ်ဆူၣ်ဘါဆူၣ်, ဒီးမၤအတၢ်, ဒီးကနၣ်အတၢ်ကတိၤအသီၣ်သ့ၣ်ဧၢ, စံးထီၣ်ပတြၢၤယွၤတက့ၢ်.

လံာ်စကၤရယၤ 3:7

သ့တၢ်လၢာ်အယွၤစံးဒ်အံၤ, “နမ့ၢ်စူၢ်ယတၢ်သိၣ်တၢ်သီ တဖၣ်ဒီးမၤမူဒါတဖၣ်လၢယဟ့ၣ်လီၤနၤန့ၣ်ဒီး, နကပၢဆှၢဘၣ်ဒံးယတၢ်လုၢ်ဟံၣ်ဒီးအဂၢၤတဖၣ်, ဒီးယကဒိကနၣ်နတၢ်ထုကဖၣ်ဒ်ယဒိကနၣ်က လူးတဖၣ်လၢအအိၣ်လၢယမဲာ်ညါအတၢ်ထုကဖၣ်အသိးန့ၣ်လီၤ.

လံာ်မးသဲ 13:43

တုၤနုၤတဘျီပှၤတီပှၤလိၤတဖၣ်ကကပီၤထီၣ်ဒ်မုၢ်အသိးလၢ အပၢ်အဘီအမုၢ်အပူၤလီၤ. ပှၤအိၣ်ဒီးအနၢ်လၢအနၢ်ဟူတၢ်သ့န့ၣ်, မ်အဒိကနၣ်တၢ်တက့ၢ်.

လံာ်မးသဲ 18:10

ပလီၢ်သုသးဒ်သိးသုသုတမၤတရီတပါဘၣ်ဖိသၣ်ဆံးဒ်အံၤတဖၣ်နီ တဂၤတဂ့ၤ. အဂ့ၢ်ဒ်အံၤ, ယစံးဘၣ်သု, အဝဲသ့ၣ်အမူခိၣ်ကလူးအိၣ်တထံၣ်ဃီလၢပၢ်အိၣ်လၢ မူခိၣ်အမဲာ်ညါလီၤ.

လံာ်မးသဲ 22:31

ဘၣ်ဃးဒီးတၢ်ဂဲၤဆၢထၢၣ်က့ၤလၢတၢ်သံန့ၣ်, မ့ၢ်သုတဖးဘၣ်တၢ်လၢ ကစၢ်ယွၤစံးဘၣ်တဲဘၣ်တ့ၢ်သုနီတဘျီဘၣ်ဧါ.

လံာ်မးသဲ 24:38

ဖဲထံတချုးလုၣ်ဘၢဒံးဘၣ်တၢ်အမုၢ်နံၤတဖၣ်န့ၣ်, ပှၤအီၣ်တၢ်ဒီးအီတၢ်, ပှၤန့ၢ်မါန့ၢ်ဝၤတုၤလီၤလၢမုၢ်တနံၤလၢစီၤနိအၤလဲၤနုာ်လီၤဆူကဘီပူၤ န့ၣ်လီၤ.

လံာ်လူၤကၣ် 17:27

ပှၤအီၣ်တၢ်ဒီးအီတၢ်, န့ၢ်မါန့ၢ်ဝၤတုၤလီၤမုၢ်တနံၤဖဲစီၤနိအၤလဲၤနုာ်လၢ ကဘီပူၤ, ဒီးထံဒိၣ်ထီၣ် ဒီးပှၤအိၣ်လၢခိတဖၣ်သံကွံာ်ဝဲဒၣ်ကိးဂၤ ဒဲးလီၤ.

လံာ်လီၣ်ဖျါ 19:10

ယထိၣ်လီၤပှီၤယသးလၢအဝဲဒၣ်အမဲာ်ညါဒ်သိးယကဘူၣ် ထီၣ်ဘါထီၣ်အီၤ, ဘၣ်ဆၣ်ဒီးအဝဲဒၣ်စံးဘၣ်ယၤ, “တဘၣ်မၤတဂ့ၤ, ယမ့ၢ်တၢ်ခ့တၢ်ပှၤသကိးတၢ်ခ့တၢ်ပှၤ ဒီးနၤ, ဒီးနဒီပုၢ်ဝဲၢ်တဖၣ်, ကယဲၢ်ပှၤသ့ၣ်တဖၣ်လၢအဟံးဃာ်တၢ်မ့ၢ်တၢ်တီလၢ ယ့ၣ်ၡူးလီၣ်ဖျါဝဲန့ၣ်လီၤ. ဘူၣ်ထီၣ်ဘါထီၣ်ကစၢ်ယွၤတက့ၢ်.” အဂ့ၢ်ဒ်အံၤတၢ်မ့ၢ်တၢ်တီလၢယ့ၣ်ၡူးလီၣ်ဖျါထီၣ်ဝဲန့ၣ် မ့ၢ်တၢ်လၢအထိၣ်ဟူးထိၣ်ဂဲၤဝံတဖၣ်န့ၣ်လီၤ.