လံာ်မးသဲ 22:24 - Sgaw Karen Common Bible

²⁴ “သရၣ်ဧၢ, စီၤမိၤၡ့စံးတ့ၢ်ဝဲလၢပှၤတဂၤလၢအသံဒီးတပာ်တ့ၢ်ဘၣ် အဖိနီတဂၤဘၣ်န့ၣ်, အပုၢ်ကဘၣ်ဟံးန့ၢ်က့ၤအမါမုၣ်ကမဲန့ၣ်, ဒ်သိးဒီးအကဒုးအိၣ်ထီၣ်ဖိတဖၣ်လၢအဝဲၢ်လၢအသံတ့ၢ်တဂၤအဂီၢ်လီၤ (သိၣ်သီ. ၂၅:၅).

လံာ်မးသဲ 22:24 Iomraidhean Croise

လံာ်တၢ်ကဲထီၣ်အခီၣ်ထံး 38:11

ဒီးစီၤယူဒၤစံးဘၣ်အဒဲၣ်မုၣ်နီၢ်တၤမၢ်, “က့ၤကဒါက့ၤဆူ နပၢ်အဟံၣ်ဒီးအိၣ်ဒံးဒ်မုၣ်ကမဲတဂၤအသိးတုၤယဖိခွါစီၤၡ့ လၤဒိၣ်ထီၣ်တက့ၢ်.” အဝဲစံးတၢ်အံၤ, မ့ၢ်လၢအပျံၤဝဲဒၣ်လၢ အဖိခွါစီၤၡ့လၤကဘၣ်တၢ်မၤသံအီၤဒ်အဝဲၢ်သ့ၣ်တဖၣ်အသိးအဃိ န့ၣ်လီၤ. လၢတၢ်န့ၣ်အဃိနီၢ်တၤမၢ်က့ၤကဒါက့ၤဆူအဟံၣ်န့ၣ် လီၤ.

လံာ်တၢ်ကဲထီၣ်အခီၣ်ထံး 38:8

ဒီးစီၤယူဒၤစံးဘၣ်စီၤအ့ၢ်အပုၢ်စီၤအိၤနၣ်, “လဲၤဒီးမံဃုာ်ဒီးနဝဲၢ်အမါမုၣ်ကမဲတက့ၢ်. မၤလၢပှဲၤတၢ်လၢနဂ့ၤမၤလၢအဂီၢ်ဒ်အဝၤအဒီပုၢ်ဝဲၢ်ခွါတဂၤအ သိး, ဒ်သိးနဝဲၢ်ခွါကအိၣ်ဒီးအစၢၤအသွဲၣ်တဖၣ်တက့ၢ်.”

လံာ်မးသဲ 22:16

တၢ်န့ၣ်ဝံၤအလီၢ်ခံ, အဝဲသ့ၣ်ဆှၢလီၤအပျဲၢ်အဘီၣ်တနီၤ, ဃုာ်ဒီးပှၤအိၣ်လၢဟ့ၤရိာ်အကရၢပူၤတနီၤ, ဆူယ့ၣ်ၡူးအအိၣ်လီၤ. အဝဲသ့ၣ်စံးဘၣ်အီၤ, “သရၣ်ဧၢ, ပသ့ၣ်ညါလၢနမ့ၢ်ပှၤလၢအတဲတၢ်တီတီတဂၤဒီးသိၣ် လီၤသီလီၤတၢ်မ့ၢ်တၢ်တီဘၣ်ဃးကစၢ်ယွၤအတၢ်ဘၣ်အသး လၢပှၤကညီအဂီၢ်, ဒီးနတပျံၤဒီးကွၢ်မဲာ်ပှၤနီတဂၤဘၣ်. အဂ့ၢ်ဒ်အံၤ ပှၤကညီအလီၢ်အလၤန့ၣ်, နတပာ်ဒိၣ်လီၤဆီအီၤဘၣ်.

လံာ်မးသဲ 22:25

တၢ်စံးဝဲလၢတဘျီပှၤဒီပုၢ်ဝဲၢ်ခွါလၢအအိၣ်တ့ၢ်ဖဲတၢ်လီၢ် အံၤအိၣ်နွံဂၤလီၤ. အဒိၣ်ကတၢၢ်တဂၤထီၣ်ပှၢ်ဝံၤသံဝဲ, တပာ်လီၤတဲာ်အဖိနီတဂၤဘၣ်, ဒီးအပုၢ်လၢအဖီလာ်တဂၤဟံးန့ၢ်က့ၤအဝဲဒၣ်အမါန့ၣ်လီၤ.

လံာ်မးသဲ 22:36

အဝဲစံးဝဲ, “သရၣ်ဧၢ, တၢ်မၤလိာ်အဒိၣ်ကတၢၢ်လၢတၢ်သိၣ်တၢ်သီ အကျါမ့ၢ်ဖဲလဲၣ်တထံၣ်လဲၣ်.”

လံာ်မးသဲ 7:21

ပှၤလၢအကိးယၤ ‘ကစၢ်ဧၢ, ကစၢ်ဧၢ,’ န့ၣ်တလဲၤနုာ်ဘၣ်ဆူမူခိၣ် အဘီအမုၢ်အပူၤကိးဂၤဒဲးဘၣ်. ကလဲၤနုာ်ဘၣ်ထဲပှၤတဖၣ်လၢအမၤတၢ်လၢယပၢ်လၢမူခိၣ်အဲၣ်ဒိး အကမၤဝဲန့ၣ်လီၤ.

လံာ်မၢ်ကူး 12:19

“သရၣ်ဧၢ, စီၤမိၤၡ့ကွဲးဟ့ၣ်ပဝဲဒၣ်ပှၤယူဒၤဖိတဖၣ်အတၢ်သိၣ်တၢ်သီ တထံၣ်လၢအစံးဝဲ, ‘ပှၤပိာ်ခွါတဂၤအဒီပုၢ်ဝဲၢ်ခွါမ့ၢ်သံဒီးပာ်တ့ၢ် အမါဘၣ်ဆၣ်အဖိမ့ၢ်တအိၣ်နီတဂၤဘၣ်ဒီး, ပှၤတဂၤန့ၣ်ကဘၣ်ဟံးန့ၢ်အဒီပုၢ်ဝဲၢ်အမါ, ဒီးဒုးအိၣ်ထီၣ်ဖိလံၤလၢအဒီပုၢ်ဝဲၢ်ခွါအဂီၢ်လီၤ.’

လံာ်လူၤကၣ် 20:28

“သရၣ်ဧၢ, စီၤမိၤၡ့ကွဲးတၢ်သိၣ်တၢ်သီတထံၣ်အံၤလၢပဂီၢ်လီၤ. ပှၤတဂၤမ့ၢ်သံဒီးပာ်လီၤတဲာ်တ့ၢ်အမါဘၣ်ဆၣ်အဖိမ့ၢ်တအိၣ်နီ တဂၤန့ၣ်, ပိာ်ခွါလၢအသံတဂၤန့ၣ်အဒီပုၢ်ဝဲၢ်ခွါကဘၣ်န့ၢ်မါလၢမုၣ် ကမဲအဝဲန့ၣ်, ဒ်သိးအဝဲသ့ၣ်ကဒုးအိၣ်ထီၣ်ဖိလၢပှၤသံတဂၤအဂီၢ်လီၤ.

လံာ်လူၤကၣ် 20:33

မ့မ့ၢ်ဒ်န့ၣ်ဒီးဖဲတၢ်ဂဲၤဆၢထၢၣ်သမူထီၣ်က့ၤအနံၤန့ၣ်, ပိာ်မုၣ်တဂၤန့ၣ်ကမ့ၢ်ဒီပုၢ်ဝဲၢ်ခွါဖဲလဲၣ်တဂၤအမါလဲၣ်. အဝဲသ့ၣ်နွံဂၤလၢာ်န့ၢ်တ့ၢ်အမါလၢပိာ်မုၣ်တဂၤအံၤလီၤ.”

လံာ်လူၤကၣ် 6:46

“ဘၣ်မနုၤအဃိသုကိးယၤ, ‘ကစၢ်ဧၢ, ကစၢ်ဧၢ,’ ဒီးသုတမၤတၢ်လၢယတဲသုန့ၣ်လဲၣ်.

လံာ်နီၢ်ရူၤသး 1:11

ဘၣ်ဆၣ်နီၢ်နၤဧမံစံးဆၢဝဲ, “ယဖိမုၣ်သ့ၣ်ဧၢ, သုကဘၣ်က့ၤကဒါက့ၤလီၤ. ဘၣ်မနုၤလၢသုအဲၣ်ဒိးဟဲသကိးဒီးယၤ လဲၣ်. မ့ၢ်သုဆိကမိၣ်လၢယကအိၣ်ဒံးဒီးယဖိခွါတဖၣ်လၢသုကဆီ ဟံၣ်ဆီဃီအဂီၢ်န့ၣ်ဧါ.

လံာ်နီၢ်ရူၤသး 3:13

အိၣ်ဒၣ်ကလိာ်ဖဲအံၤသီတနၤကျၢၤ, ဒီးလၢမုၢ်ဆ့ၣ်ထီၣ်န့ၣ်, ပကဃုသ့ၣ်ညါတၢ်လၢမ့ၢ်ပှၤတဂၤန့ၣ်ကဟံးန့ၢ်မူဒါလၢနဂီၢ်ဧါ န့ၣ်လီၤ. မ့ၢ်မၤဒ်န့ၣ်ဒီးဂ့ၤလီၤ. မ့ၢ်တမၤဒ်န့ၣ်ဘၣ်ဒီး, ယအၢၣ်လီၤယသးလၢယွၤလၢအမူဝဲတဂၤအမဲာ်ညါလၢယက ဟံးန့ၢ်မူဒါလၢနဂီၢ်န့ၣ်လီၤ. ခဲအံၤ, မံလီၤတုၤမုၢ်ဆ့ၣ် ထီၣ်န့ၣ်တက့ၢ်.”

လံာ်နီၢ်ရူၤသး 4:5

အန့ၣ်ဒီးစီၤဘိၤဧးစံး, “မုၢ်တနံၤလၢနပှ့ၤဟီၣ်ခိၣ်တကဝီၤ လၢနီၢ်နၤဧမံအစုပူၤန့ၣ်, နမၤန့ၢ်စ့ၢ်ကီးပှၤမိၤဧးမုၣ်ကမဲနီၢ်ရူၤသး, ဒ်သိးနကဒုးအိၣ်ထီၣ်က့ၤတၢ်န့ၢ်သါလၢပှၤသံတဂၤအဒူၣ်ဖိ ထၢဖိအဂီၢ်န့ၣ်လီၤ.”