လံာ်မးသဲ 22:15 - Sgaw Karen Common Bible

¹⁵ ပှၤဖၤရံၤၡဲတဖၣ်ဟးထီၣ်, ဒီးလဲၤကူၣ်ထီၣ်ဖးလီၤသကိးဝဲလၢ အကဘၣ်ဖီၣ်ယ့ၣ်ၡူးလၢအတၢ်ကတိၤဒၣ်ဝဲလၢကျဲဒ်လဲၣ်အဂ့ၢ်လီၤ.

လံာ်မးသဲ 22:15 Iomraidhean Croise

စံးထီၣ်ပတြၢၤ 2:2

အစီၤပၤတဖၣ်ပူထီၣ်တၢ်, အပဒိၣ်ပပှၢ်တဖၣ် ကူၣ်ထီၣ်ဖးလီၤသကိးတၢ်ထီဒါယွၤ ဒီး စီၤပၤလၢယွၤဃုထၢတ့ၢ်အီၤန့ၣ်လီၤ.

စံးထီၣ်ပတြၢၤ 41:6

ပှၤလၢအဟဲထံၣ်ယၤသ့ၣ်တဖၣ်အံၤ တအိၣ်ဒီးတၢ်သးတီဘၣ်. အဝဲသ့ၣ်ပာ်ဖှိၣ်တၢ်ကစီၣ်လၢအတဂ့ၤတဖၣ် လၢအဘၣ်ဃးဒီးယၤ, ဝံၤဟးထီၣ်ဒီးတဲတၢ်အံၤလၢ တၢ်လီၢ်ကိးတီၤဒဲးန့ၣ်လီၤ.

စံးထီၣ်ပတြၢၤ 57:6

ယဒုၣ်ယဒါသ့ၣ်တဖၣ်ရၤလီၤအပှာ် ဧိၤစၤဧိၤလၢကဖီၣ်န့ၢ်ယၤအဂီၢ်လီၤ. ယဘၣ်တၢ်မၤနၢၤယၤလၢတၢ်ကိၢ်တၢ်ဂီၤန့ၣ်လီၤ. အဝဲသ့ၣ်ခူၣ်လီၤတၢ်ပူၤလၢယကျဲ, ဘၣ်ဆၣ်အကစၢ်ဒၣ်ဝဲလီၤတဲာ်လၢတၢ်ပူၤန့ၣ်လီၤ. စ့လၤ

စံးထီၣ်ပတြၢၤ 59:3

အဂ့ၢ်ဒ်အံၤ, ကွၢ်ကွၢ်, အဝဲသ့ၣ်ခိးခူသူၣ်ယၤလၢ ယသးသမူအဂီၢ်လီၤ. ဒုၣ်ဒါလၢအဆူၣ်တဖၣ်အိၣ်ဖှိၣ်ထီဒါယၤ, ယွၤဧၢ, တမ့ၢ်ဘၣ်လၢယမၤကမၣ်တၢ်အဃိ မ့တမ့ၢ်ယတၢ်ဒဲးဘးအဃိန့ၣ်ဘၣ်.

လံာ်ယၡါယၤ 29:21

ပှၤတဖၣ်လၢအကတိၤခဲၣ်သူခဲၣ်ဂီၤပှၤဂၤ, ပှၤတဖၣ်လၢအတြီတၢ်စံၣ်ညီၣ်ပှၤမၤ တၢ်ထီဒါပဒိၣ်သဲစးဒီးပှၤတဖၣ်လၢအလီတၢ် ဝ့ၤတၢ်ဒ်သိးပှၤသူၣ်လိၤသးဘျၢတဖၣ်ကဒိး န့ၢ်တၢ်စံၣ်ညီၣ်တီန့ၣ်ကစၢ်ယွၤကမၤဟးဂီၤအီၤလီၤ.

လံာ်ယံးရမံယၤ 18:18

အန့ၣ်ဒီးပှၤဂီၢ်မုၢ်စံးဝဲဒၣ်, “မ်ပမၤတၢ်တမံၤမံၤဘၣ်ဃး စီၤယံးရမံယၤတက့ၢ်. ထီဘိန့ၣ်ပှၤလုၢ်တၢ်အခိၣ်တဖၣ်လၢ ကသိၣ်လိပှၤမ့ၢ်ဂ့ၤ, ပှၤကူၣ်တၢ်သ့တဖၣ်လၢကဟ့ၣ်ကူၣ်ဟ့ၣ်ဖးပှၤမ့ၢ်ဂ့ၤ, ဒီးဝံတဖၣ်လၢကစံးဘၣ်တဲဘၣ်ပှၤလၢကစၢ်ယွၤအတၢ်ကစီၣ် မ့ၢ်ဂ့ၤန့ၣ်ကအိၣ်ဝဲလီၤ. မ်ပလိာ်ကွီၢ်ထီဒါအီၤဒီးတၢ်လၢ အစံးဝဲန့ၣ်, မ်ပသုတဒိကနၣ်တဂ့ၤ.”

လံာ်ယံးရမံယၤ 20:10

ယနၢ်ဟူဘၣ်ပှၤကိးဂၤဒဲးကတိၤကသွံကသွါတၢ်ဒီးစံး, “တၢ်လီၤပျံၤလီၤဖုးအိၣ်ဝဲလၢတၢ်လီၢ်ကိးပူၤဒဲးလီၤ. အဃိဒီးမ်ပလဲၤဘိးဘၣ်သ့ၣ်ညါအဝဲအဂ့ၢ်ဆူပှၤ န့ၢ်စိန့ၢ်ကမီၤတဖၣ်အအိၣ်တက့ၢ်.” ယတံၤသကိးလၢအဘူးကတၢၢ်ဒီးယၤတဖၣ်ဒၣ်လဲာ် အိၣ်ခိးကွၢ်လၢ်ယတၢ်ဟးဂီၤန့ၣ်လီၤ. အဝဲသ့ၣ်စံးဝဲ, “ဘၣ်သ့ၣ်သ့ၣ်ပလီန့ၢ်ဝ့ၤန့ၢ်အတၢ်ကန့ၢ်လီၤ. အန့ၣ်ဒီးပကဖီၣ်န့ၢ်အီၤဒီးမၤကၣ်က့ၤအီၤန့ၣ်လီၤ.”

လံာ်မးသဲ 12:14

တၢ်န့ၣ်ဝံၤဒီးပှၤဖၤရံၤၡဲတဖၣ်ဟးထီၣ်ဒီးကူၣ်ထီၣ်ဖးလီၤ သကိးလၢအကမၤသံယ့ၣ်ၡူးအဂီၢ်လီၤ.

1 ကရံၣ်သူး 7:35

ယစံးဘၣ်တဲဘၣ်သုဒ်အံၤန့ၣ်, မ့ၢ်လၢယသးအိၣ်မၤစၢၤသု အဃိလီၤ. တမ့ၢ်ယဂုာ်ကျဲးစၢးမၤဃံးမၤစ့ၤသုဘၣ်. မ့မ့ၢ်ယသးအိၣ်လၢသုကမၤတၢ်လၢအကြၢးအဘၣ်ဒီးဘၣ်ဘျီး ဘၣ်ဒါ, ဒီးဟ့ၣ်လီၤသုသးလၢာ်လၢာ်ဆ့ဆ့ပူၤဖျဲးဒီးတၢ်တံာ်တာ် တမံၤလၢ်လၢ်, လၢကစၢ်အတၢ်ဖံးတၢ်မၤအဂီၢ်န့ၣ်လီၤ.

ဧ့ၤဘြံၤ 12:3

ဒ်သိးတၢ်သုတဘှံးသုသးတဂ့ၤဒီးသုသုတလီၤဘှါ တဂ့ၤန့ၣ်, ကွၢ်ထံအဝဲဒၣ်အတၢ်တူၢ်တၢ်အိၣ်ဒီးတၢ်ဝံသးစူၤ ဘၣ်ပှၤမၤတၢ်ဒဲးဘးဖိအတၢ်မၤတံာ်တာ်ထီဒါအီၤတဖၣ် န့ၣ်တက့ၢ်.