လံာ်မးသဲ 22:14 - Sgaw Karen Common Bible

¹⁴ ဒီးယ့ၣ်ၡူးမၤကတၢၢ်က့ၤအတၢ်ကတိၤဒီးစံးဝဲ, “ပှၤအါဂၤဘၣ်တၢ်ကွဲမုာ်အီၤ, ဘၣ်ဆၣ်ပှၤစှၤဂၤဘၣ်တၢ်ဃုထၢထီၣ်အီၤလီၤ.”

လံာ်မးသဲ 22:14 Iomraidhean Croise

လံာ်မးသဲ 20:16

ဒ်န့ၣ်အသိး, ပှၤအါဂၤလၢအအိၣ်လၢခံကတၢၢ်ကအိၣ်က့ၤလၢညါ ကတၢၢ်, ဒီးပှၤအိၣ်လၢညါကတၢၢ်ကအိၣ်က့ၤလၢခံကတၢၢ်လီၤ.”

လံာ်မးသဲ 24:22

ဘၣ်ဆၣ်ဒီး ကစၢ်ယွၤမၤစှၤလီၤတ့ၢ်လံမုၢ်နံၤမုၢ်သီတဖၣ်န့ၣ်လီၤ. ဒီးမုၢ်နံၤမုၢ်သီတဖၣ်အံၤ, မ့ၢ်တဘၣ်တၢ်မၤစှၤလီၤတ့ၢ်အီၤဘၣ်ဒီး, ပှၤဟီၣ်ခိၣ်ဖိလၢအကမူတီၢ်တအိၣ်လၢၤနီတဂၤဘၣ်. ဘၣ်ဆၣ်ဒီး, လၢအပှၤဃုထၢဖိတဖၣ်အဃိယွၤကမၤစှၤလီၤမုၢ်နံၤမုၢ်သီတဖၣ်လီၤ.

လံာ်မးသဲ 24:24

အဂ့ၢ်ဒ်အံၤ, ခရံာ်အဘျၣ်ဒီးဝံအဘျၣ်တဖၣ်ကပၢၢ်ထီၣ်, ဒီးကဒုးနဲၣ်တၢ်အပနီၣ် ဒီးတၢ်လီၤလးအဒိၣ်အမုၢ်တဖၣ်ဒ်သိးဒီး, မ့ၢ်သ့မ့ၢ်ဘၣ်န့ၣ်, ကလီန့ၢ်ပၢၢ်တုၤလၢကစၢ်ယွၤအပှၤဃုထၢဖိတဖၣ်ဒၣ်လဲာ်လီၤ.

၂ ပ့းတရူး 1:10

လၢတၢ်န့ၣ်အဃိယဒီပုၢ်ဝဲၢ်သ့ၣ်ဧၢ, ကျဲးစၢးဆူၣ်ထီၣ်ဒ်သိးကစၢ်ယွၤအတၢ်ကိးသုဒီးအတၢ် ဃုထၢသုကကဲထီၣ်တၢ်လဲၤခီဖျိအဂၢၢ်အကျၢၤတမံၤအဂီၢ်န့ၣ် တက့ၢ်. သုမ့ၢ်မၤဒ်န့ၣ်ဒီး, သုတလီၤတဲာ်ကွံာ်လၢသုတၢ်စူၢ်တၢ်နာ်အပူၤနီတဘျီဘၣ်.

လံာ်လီၣ်ဖျါ 17:14

အဝဲသ့ၣ်ကဒုးတၢ်ထီဒါသိဖိတဒုန့ၣ်, ဘၣ်ဆၣ်သိဖိအဝဲန့ၣ်, ဃုာ်ဒီးအပျဲၢ်အဘီၣ်လၢအဘၣ်တၢ်ကိးအီၤ, တၢ်ဃုထၢအီၤ, ဒီးအသးတီဝဲတဖၣ်, ကမၤနၢၤအဝဲသ့ၣ်, မ့ၢ်လၢအဝဲဒၣ်မ့ၢ်ကစၢ်တဖၣ်အကစၢ်ဒီးစီၤပၤတဖၣ်အစီၤပၤ အဃိန့ၣ်လီၤ.”