လံာ်မးသဲ 22:13 - Sgaw Karen Common Bible

¹³ တုၤနုၤတစုစီၤပၤစံးဘၣ်အခ့အပှၤတဖၣ်ဒီးစံး, ‘စၢအစုစၢအခီၣ်ဒီးတ့ၢ်လီၤကွံာ်အီၤဆူတၢ်ချၢ ဆူတၢ်ခံးကျါတက့ၢ်. ဖဲန့ၣ်ကဟီၣ်ကယၢၤတၢ်ဒီးကအ့ၣ်စဃံးအမဲလီၤ.’ ”

လံာ်မးသဲ 22:13 Iomraidhean Croise

စံးထီၣ်ပတြၢၤ 112:10

ပှၤတတီတလိၤထံၣ်ဘၣ်ဝဲတၢ်အံၤဒီး အသးဒိၣ်ထီၣ်လီၤ. အ့ၣ်စဃံးအမဲဒီးပှံၢ်လီၤကွံာ်ဝဲဒၣ်န့ၣ်လီၤ. ပှၤတတီတလိၤအတၢ်ဆၢန့ၢ်ဘၣ်တဖၣ်န့ၣ် တုၤဝဲဆူတၢ်ဟးဂီၤလီၤထူလီၤယိာ်လီၤ.

စံးထီၣ်ပတြၢၤ 37:12

ပှၤအၢပှၤသီကူၣ်ထီဒါပှၤအဂ့ၤအဝါ ဒီးအ့ၣ်စဃံးအမဲလၢအီၤလီၤ.

လံာ်ယၡါယၤ 52:1

ဝ့ၢ်ယရူၤၡလ့ၣ်ဧၢ, ဂံၢ်ဆူၣ်ဘါဆူၣ်ဒီး ဒိၣ်ကဒီးက့ၤနဲတက့ၢ်. ကစၢ်ယွၤအဝ့ၢ်စီဆှံဧၢ, ကူသိးထီၣ်နဲတၢ်ဃံဒိၣ်လၤဒိၣ်တ က့ၢ်. ပှၤတသ့ၣ်ညါယွၤတဟဲနုာ်ဘၣ်ကဒီး လၢနတြဲၤတဖၣ်အပူၤနီတစုဘၣ်.

လံာ်ဒၤနံးယ့လး 3:20

ဒီးမၤလိာ်ဝဲပှၤအဂံၢ်အဘါဆူၣ်တဖၣ်လၢအသုးမုၢ်သံၣ်ဘိအကျါ လၢကစၢဃာ်ပှၤသၢဂၤန့ၣ်ဒီးတ့ၢ်လီၤကွံာ်အီၤဆူမ့ၣ်အူကဲၤကဖး အဖၣ်ကပူၤန့ၣ်လီၤ.

လံာ်မးသဲ 12:29

မ့တမ့ၢ်ဘၣ်လၢဟံၣ်ကစၢ်လၢအမ့ၢ်ပှၤအဂံၢ်ဆူၣ်ဘါဆူၣ်တဂၤ ဘၣ်တၢ်စၢဃာ်ဆိအီၤဘၣ်ဒီး, ပှၤလဲၤနုာ်ဆူအဟံၣ်ပူၤဒီးဂုာ် န့ၢ်အတၢ်ဖိတၢ်လံၤတသ့ဘၣ်နီတဂၤဘၣ်. ပှၤဂုာ်န့ၢ်အတၢ်ဖိတၢ်လံၤကသ့ဒၣ်ဖဲလၢပှၤ စၢဃာ်အီၤဝံၤအလီၢ်ခံန့ၣ်လီၤ.

လံာ်မးသဲ 13:30

ပျဲအဝဲသ့ၣ်ခံကလုာ်လၢာ်ဒိၣ်ထီၣ်တပူၤဃီတက့ၢ်. တုၤကူးဘုအကတီၢ်ဘၣ်ဒီးယကစံးဘၣ်ပှၤကူးဘုဖိတဖၣ်လၢ အကထဲးထီၣ်ဆိနီၣ်စံစၣ်, စၢကဒိၣ်အီၤတကဒိၣ်ဘၣ်တကဒိၣ် ဒီးဆူးထီၣ်ကွံာ်အီၤလၢမ့ၣ်အူအပူၤလီၤ. မ့မ့ၢ်ဘုဧိၤဟုဧိၤန့ၣ်ယကမၢအထၢဖှိၣ်ဝဲဒီးဂၢ်ဖှိၣ်လၢယဖီပူၤလီၤ.’ ”

လံာ်မးသဲ 13:42

ဒီးကလူးတဖၣ်ကတ့ၢ်လီၤကွံာ်အဝဲသ့ၣ်ဆူမ့ၣ်အူအဖၣ်ကပူၤ, ဖဲအဝဲသ့ၣ်ကဟီၣ်တၢ်ယၢၤတၢ်ဒီးကအ့ၣ်စဃံးအမဲန့ၣ်လီၤ.

လံာ်မးသဲ 13:50

ဒီးတ့ၢ်လီၤကွံာ်အဝဲသ့ၣ်ဆူမ့ၣ်အူအဖၣ်ကပူၤ, ဖဲအဝဲသ့ၣ်ကဟီၣ်တၢ်ယၢၤတၢ်ဒီးကအ့ၣ်စဃံးအမဲန့ၣ်လီၤ.”

လံာ်မးသဲ 24:51

ဒီးအကစၢ်ကကျီတဲာ်ကွံာ်အီၤတကူာ်တကူာ်, ဝံၤဒီးကဒုးတူၢ်ဘၣ်အီၤတၢ်တမံၤဃီလၢပှၤပာ်မၤအသးတဖၣ် ဒိးန့ၢ်ဘၣ်ဝဲန့ၣ်လီၤ. ဖဲန့ၣ်အဝဲကဟီၣ်ကယၢၤဝဲ, ဒီးကအ့ၣ်စဃံးအမဲလီၤ.

လံာ်မးသဲ 25:30

မ့မ့ၢ်တၢ်အခ့အပှၤလၢအဘျုးတအိၣ်တဂၤအံၤ, ဟီထီၣ်ကွံာ်အီၤဆူတၢ်ချၢလၢတၢ်ခံးကျါတက့ၢ်. ဖဲန့ၣ်ကဟီၣ်ကယၢၤတၢ် ဒီးကအ့ၣ်စဃံးအမဲလီၤ.’

လံာ်မးသဲ 8:12

ဘၣ်ဆၣ်ဘီမုၢ်အဖိတဖၣ်န့ၣ်, ယွၤကတ့ၢ်လီၤကွံာ်အီၤဆူတၢ်ချၢလၢတၢ်ခံးကျါ, ဖဲတၢ်ဟီၣ်တၢ်ယၢၤဒီးတၢ်မဲအ့ၣ်စဃံးအိၣ်ဝဲန့ၣ်လီၤ.”

လံာ်လူၤကၣ် 13:28

တုၤသုထံၣ်ဘၣ်စီၤအၤဘြၤဟၣ်, စီၤအံၤစဲး, ဒီးစီၤယၤကိာ်ဒီးဝံခဲလၢာ် အိၣ်လၢကစၢ်ယွၤအဘီအမုၢ်အပူၤ, ဖဲသုဝဲတခီသုဘၣ်တၢ်ညိကွံာ်သုလၢတၢ်ချၢန့ၣ်, သုကအိၣ်ဒီးတၢ်ဟီၣ်တၢ်ယၢၤ, ဒီးတၢ်မဲအ့ၣ်တဃံးဆံးဒိၣ်လဲၣ်.

လံာ်ယိၤဟၣ် 21:18

ယစံးဘၣ်နၤတၢ်မ့ၢ်တၢ်တီ, ဖဲနသးစၢ်ဒံးအခါန့ၣ်, နကတဲာ်ကတီၤထီၣ်နသးဒီးလဲၤဖဲနအဲၣ်ဒိးလဲၤန့ၣ် လီၤ. ဘၣ်ဆၣ်တုၤနသးပှၢ်ထီၣ်ဒီး, နကယူာ်ထီၣ်နစု တဖၣ်ဒီးပှၤအဂၤတဂၤကစၢဃာ်နၤဒီးကဆှၢနၤဆူတၢ်လီၢ်လၢ နတအဲၣ်ဒိးလဲၤဘၣ်န့ၣ်လီၤ.”

မၤတၢ် 21:11

အဝဲဒၣ်ဟဲဆူပအိၣ်, ဟံးထီၣ်စီၤပီလူးအယီၢ်တကိး, စၢလီၤက့ၤအစုအခီၣ်ဒၣ်ဝဲလၢယီၢ်တကိးအဝဲန့ၣ်ဒီးစံးဝဲ, “သးစီဆှံစံးဝဲဒၣ်, ယီၢ်တကိးအဝဲအံၤအကစၢ်န့ၣ်ပှၤယူဒၤဖိဖဲ ဝ့ၢ်ယရူၤၡလ့ၣ်တဖၣ်ကစၢဃာ်အီၤဒ်သိးအံၤ, ဒီးအဝဲသ့ၣ်ကဟ့ၣ်လီၤကွံာ်အီၤဆူပှၤကလုာ်ဂၤတဖၣ်အစုပူၤလီၤ.

မၤတၢ် 7:54

ပှၤလၢအမ့ၢ်ကီၣ်ကးဖိတဖၣ်န့ၣ်, တုၤအနၢ်ဟူဘၣ်စီၤစတ့းဖၣ်အတၢ်စံးတၢ်ကတိၤတဖၣ်န့ၣ်ဒီး, အဝဲသ့ၣ်အသးဒိၣ်ထီၣ်ဒိၣ်ဒိၣ်ကလဲာ်, ဒီးအ့ၣ်စဃံးအမဲထီဒါ အီၤန့ၣ်လီၤ.

၂ သ့းစၤလနံ 1:9

အဝဲသ့ၣ်ကတူၢ်ဘၣ်တၢ်စံၣ်ညီၣ်လၢအမ့ၢ်တၢ်ဟးဂီၤအထူ အယိာ်, ဒီးကဘၣ်တၢ်ထုးဖးကွံာ်အီၤလၢကစၢ်အမဲာ်ညါ ဒီးအလၤကပီၤဘၣ်ဃးဒီးအစိအကမီၤန့ၣ်လီၤ.

၂ ပ့းတရူး 2:17

ပှၤသ့ၣ်တဖၣ်အံၤလီၤဂာ်ဒီးထံမူထီၣ်ပၢၤလၢထံတအိၣ် လၢၤဘၣ်, တၢ်အၢၣ်တဖၣ်လၢကလံၤမုၢ်အူဒီးဒံကွံာ်ဝဲ အသိး, ဒီးကစၢ်ယွၤကတဲာ်ကတီၤတၢ်လီၢ်လၢအဝဲသ့ၣ် အဂီၢ်လၢတၢ်ခံးယိာ်ကတၢၢ်အပူၤန့ၣ်လီၤ.

၂ ပ့းတရူး 2:4

ကလူးလၢအမၤတၢ်ဒဲးဘးတဖၣ်န့ၣ်, ကစၢ်ယွၤတပျၢ်ဖျဲး အီၤဘၣ်ဒီးတ့ၢ်လီၤကွံာ်အဝဲသ့ၣ်ဆူလရာ်အပူၤ, ဒီးဖဲန့ၣ်အဝဲသ့ၣ်ဘၣ်တၢ်စၢဃာ်အီၤလၢတၢ်ခံးတၢ်နၤ အပူၤဒီးအိၣ်ခိးမုၢ်စံၣ်ညီၣ်အနံၤန့ၣ်လီၤ.

ယူဒၤ 1:13

အဝဲသ့ၣ်တဖၣ်လီၤဂာ်ဒီးပီၣ်လဲၣ်လပီတပျုာ်တပျီၤ, ဒီးအတၢ်မၤလၢအလီၤမဲာ်ဆှးတဖၣ်အိၣ်ဖျါထီၣ်ဒ်ပီၣ်လဲၣ် သဘှဲထီၣ်အသိးန့ၣ်လီၤ. အဝဲသ့ၣ်လီၤဂာ်ဒီးဆၣ်လၢအယူၤ တဖၣ်, လၢကစၢ်ယွၤကတဲာ်ကတီၤပာ်စၢၤန့ၢ်အလီၢ်လီၤထူလီၤ ယိာ်လၢတၢ်ခံးယိာ်အပူၤန့ၣ်လီၤ.

ယူဒၤ 1:6

သ့ၣ်နီၣ်ထီၣ်က့ၤကလူးတဖၣ်လၢအတအိၣ်လၢအတၢ်စိကမီၤ အဘၢၣ်ကဝီၤအပူၤ, မ့မ့ၢ်ဟးထီၣ်ကွံာ်လၢအတၢ်အိၣ်တၢ်ဆိးအလီၢ်ဒၣ်ဝဲန့ၣ် တက့ၢ်. အဝဲသ့ၣ်ဘၣ်တၢ်စၢဃာ်အီၤလၢပျံၤထးအထူအယိာ် လၢတၢ်ခံးတၢ်နၤအပူၤလၢလာ်, ဖဲကစၢ်ယွၤပာ်ဃာ်အဝဲသ့ၣ်လၢတၢ်ကစံၣ်ညီၣ်ဃၣ် အီၤဖဲမုၢ်နံၤဖးဒိၣ်န့ၣ်အဂီၢ်လီၤ.

လံာ်လီၣ်ဖျါ 21:27

ဘၣ်ဆၣ်ဒီးတၢ်လၢအတကဆှီန့ၣ်တနုာ်လီၤဘၣ်ဆူဝ့ၢ်ပူၤနီ တမံၤဘၣ်. ဒ်န့ၣ်အသိး, ပှၤတဂၤလၢ်လၢ်လၢအမၤတၢ်လၢ အလီၤမဲာ်ဆှး, မ့တမ့ၢ်လီတၢ်ဝ့ၤတၢ်န့ၣ်, တနုာ်လီၤဘၣ်ဝဲဘၣ်. ထဲဒၣ်ပှၤတဖၣ်လၢအမံၤအိၣ်ကွဲးအသးလၢသိဖိအလံာ်မူ အပူၤန့ၣ်, ကနုာ်လီၤဘၣ်ဆူဝ့ၢ်အပူၤလီၤ.