လံာ်မးသဲ 21:9 - Sgaw Karen Common Bible

⁹ ဒီးပှၤဂီၢ်မုၢ်လၢအလဲၤလၢယ့ၣ်ၡူးအမဲာ်ညါဒီးပှၤလၢအပိာ်ထီၣ် အခံတဖၣ်ကိးပသူထီၣ်ဒီးစံး, “စီၤဒၤဝံးအဖိခွါဧၢ, အုၣ်က့ၤခီၣ်က့ၤပှၤတက့ၢ်. ပှၤလၢအဟဲလၢကစၢ်အမံၤတဂၤန့ၣ်မ်ယွၤဆိၣ်ဂ့ၤအီၤတက့ၢ်. မ်ကစၢ်ယွၤအမံၤဘၣ်တၢ်စံးထီၣ်ပတြၢၤအီၤတက့ၢ်” (စံး. ၁၁၈:၂၅-၂၆).

လံာ်မးသဲ 21:9 Iomraidhean Croise

စံးထီၣ်ပတြၢၤ 148:1

စံးထီၣ်ပတြၢၤယွၤတက့ၢ်. သုဝဲလၢအအိၣ်လၢတၢ်လီၢ်ထီၣ်ထီသ့ၣ်ဧၢ, စံးထီၣ်ပတြၢၤယွၤလၢမူခိၣ်န့ၣ်တက့ၢ်.

လံာ်မးသဲ 21:10

တုၤယ့ၣ်ၡူးလဲၤနုာ်ဆူဝ့ၢ်ယရူၤၡလ့ၣ်အပူၤဒီး, တၢ်တၢထီၣ်တၢလီၤဒီဝ့ၢ်ညါဒီးပှၤဝ့ၢ်ဖိတဖၣ်သံကွၢ်တၢ်ဒီး စံး, “ပှၤအံၤမ့ၢ်မတၤလဲၣ်.”

လံာ်မးသဲ 21:15

ပှၤလုၢ်တၢ်အခိၣ်အဒိၣ်တဖၣ်, ဒီးပှၤသ့တၢ်ဘူၣ်တၢ်ဘါအတၢ်သိၣ် တၢ်သီတဖၣ်, အသးဒိၣ်ထီၣ်ဝဲဖဲအထံၣ်တၢ်လီၤလးတဖၣ်လၢအဝဲဒၣ်မၤဝဲ, ဒီးနၢ်ဟူဖိဒံဖိသၣ်တဖၣ်ကိးပသူထီၣ်လၢတၢ်လုၢ်ဟံၣ်အပူၤဒီး စံး, “တၢ်စံးထီၣ်ပတြၢၤမ်အဘၣ်စီၤဒၤဝံးအဖိခွါတက့ၢ်” အခါန့ၣ်လီၤ.

လံာ်မးသဲ 23:39

ယစံးဘၣ်တဲဘၣ်သု, စးထီၣ်အခဲအံၤဒီးတုၤလၢအကတီၢ်ဖဲသုကစံး, ‘ပှၤလၢအဟဲလၢ ကစၢ်ယွၤအမံၤတဂၤမ်အဘၣ်တၢ်ဆိၣ်ဂ့ၤတက့ၢ်.’ န့ၣ်သုတထံၣ်လၢၤယၤဘၣ်.”

လံာ်မးသဲ 9:27

တုၤယ့ၣ်ၡူးဟးထီၣ်ဖဲတၢ်လီၢ်န့ၣ်ဒီးလဲၤဝဲဆူညါအခါန့ၣ်, ပှၤမဲာ်ဘျီၣ်ခံဂၤပိာ်ထီၣ်အခံဒီးကိးထီၣ်ဝဲလၢအကလုၢ်ဖးဒိၣ်, “စီၤဒၤဝံးအဖိခွါဧၢ, သူၣ်ကညီၤသးကညီၤပှၤတက့ၢ်.”

လံာ်လူၤကၣ် 13:35

ဒီးလၢတၢ်န့ၣ်အဃိ, နတၢ်လုၢ်ဟံၣ်ကဘၣ်တၢ်လဲၤသဒၣ်ကွံာ်အီၤလီၤ. ယစံးဘၣ်တဲဘၣ်သု, တုၤလီၤဆၢကတီၢ်ဖဲသုစံးသုဝဲ, ‘မ်ကစၢ်ယွၤဆိၣ်ဂ့ၤဘၣ်ပှၤတဂၤ လၢအဟဲလၢကစၢ်အမံၤတက့ၢ်’ တစုန့ၣ်, သုတထံၣ်ဘၣ်ယၤဘၣ်.”

လံာ်လူၤကၣ် 2:14

“တၢ်လၤကပီၤမ်အဘၣ်ကစၢ်ယွၤလၢ တၢ်လီၢ်အထီကတၢၢ်, လၢမူခိၣ်န့ၣ်တက့ၢ်. ဒီးမ်တၢ်ဃူတၢ်ဖိးအိၣ်ထီၣ်လၢဟီၣ်ခိၣ်ချၢ လၢပှၤလၢအဝဲဒၣ်ဘၣ်အသးတဖၣ် အသိးအကျါတက့ၢ်.”