လံာ်မးသဲ 21:8 - Sgaw Karen Common Bible

⁸ ပှၤဂီၢ်မုၢ်အါဒံအါဂၤဒါလီၤအကူအသိးလၢကျဲအလိၤ, ဒီးအဂၤတဖၣ်ပဲာ်လီၤသ့ၣ်ဒ့တဖၣ်ဒီးပာ်လီၤဝဲလၢကျဲအလိၤလီၤ.

လံာ်မးသဲ 21:8 Iomraidhean Croise

လံာ်စီၤပၤခံဘ့ၣ်တဘ့ၣ် 9:13

တဘျီဃီန့ၣ်, စီၤယ့ၤဟူအသုးခိၣ်ကဒဲကဒဲတဖၣ်, ဒါလီၤအဆ့ကၤဖးဒိၣ်တဖၣ်လၢဃီသွါတဖၣ်အဖီခိၣ်လၢစီၤယ့ၤဟူ ကဆၢထၢၣ်ဝဲအဂီၢ်, အူထီၣ်ကွဲၤတဖၣ်ဒီးကိးထီၣ်ဝဲ, “စီၤယ့ၤဟူမ့ၢ်စီၤပၤလီၤ.”

လံာ်တၢ်ဘူၣ်ထီၣ်ဘါထီၣ် 23:40

ဒီးလၢမုၢ်ခီၣ်ထံးအနံၤန့ၣ်သုဘၣ်ဟံးန့ၢ်သ့ၣ်အဃံအလၤအတၤသၣ်, သ့ၣ်စူၣ်ပလိၣ်အဒ့, သ့ၣ်ခဲအဒ့ဒီးထံကျိအပံၢ်သလီလီၤ. ဒီးသုဘၣ်သူၣ်ခုသးခုလၢယွၤသုကစၢ်အမဲာ်ညါန့ၣ်လီၤ.

လံာ်မးသဲ 21:7

အဝဲသ့ၣ်ဟဲက့ၤမိၤကသ့ၣ်ယီၤမိၢ်ဒီးအဖိ, ပာ်ထီၣ်အဝဲသ့ၣ်အကူအသိးလၢကသ့ၣ်ယီၤတဖၣ်အလိၤ, ဒီးယ့ၣ်ၡူးဆ့ၣ်နီၤဝဲလၢအဖီခိၣ်လီၤ.

လံာ်မၢ်ကူး 11:8

ပှၤအါဂၤဒါလီၤအဆ့ကၤလၢကျဲလိၤ, ဒီးအဂၤတဖၣ်ကျီန့ၢ်သ့ၣ်ဒ့ပှဲၤဒီးအလၣ်တဖၣ်လၢပျီပူၤ ဒီးဟဲက့ၤဒါလီၤဝဲလၢကျဲလိၤလီၤ.

လံာ်လူၤကၣ် 19:36

ဖဲအဝဲဒၣ်ဒိးကသ့ၣ်ယီၤဖိဒီးလဲၤတၢ်အဖၢမုၢ်န့ၣ်, အဝဲသ့ၣ်ဒါလီၤအဆ့ကၤဖီခိၣ်တဖၣ်လၢကျဲအလိၤလီၤ.

လံာ်ယိၤဟၣ် 12:13

လၢတၢ်န့ၣ်အဃိ, အဝဲသ့ၣ်ဟံးန့ၢ်လိၣ်ဒၢအဒ့တဖၣ်ဒီးလဲၤထီၣ် သဂၢၢ်အီၤဒီးကိးပသူထီၣ်ဝဲ, “အုၣ်က့ၤခီၣ်က့ၤပှၤတက့ၢ်. မ်ကစၢ်ယွၤဆိၣ်ဂ့ၤပှၤလၢအဟဲလၢကစၢ်အမံၤတဂၤတက့ၢ်. မ်ကစၢ်ယွၤဆိၣ်ဂ့ၤအံၣ်စရ့လးအစီၤပၤတက့ၢ်.”