လံာ်မးသဲ 21:7 - Sgaw Karen Common Bible

⁷ အဝဲသ့ၣ်ဟဲက့ၤမိၤကသ့ၣ်ယီၤမိၢ်ဒီးအဖိ, ပာ်ထီၣ်အဝဲသ့ၣ်အကူအသိးလၢကသ့ၣ်ယီၤတဖၣ်အလိၤ, ဒီးယ့ၣ်ၡူးဆ့ၣ်နီၤဝဲလၢအဖီခိၣ်လီၤ.

လံာ်မးသဲ 21:7 Iomraidhean Croise

လံာ်စီၤပၤခံဘ့ၣ်တဘ့ၣ် 9:13

တဘျီဃီန့ၣ်, စီၤယ့ၤဟူအသုးခိၣ်ကဒဲကဒဲတဖၣ်, ဒါလီၤအဆ့ကၤဖးဒိၣ်တဖၣ်လၢဃီသွါတဖၣ်အဖီခိၣ်လၢစီၤယ့ၤဟူ ကဆၢထၢၣ်ဝဲအဂီၢ်, အူထီၣ်ကွဲၤတဖၣ်ဒီးကိးထီၣ်ဝဲ, “စီၤယ့ၤဟူမ့ၢ်စီၤပၤလီၤ.”

လံာ်မးသဲ 21:2

ဒီးစံးဘၣ်အဝဲသ့ၣ်, “လဲၤနုာ်ဆူသဝီလၢအအိၣ်လၢသုမဲာ်ညါတက့ၢ်. ဒီးတဘျီဃီသုကထံၣ်ဘၣ်ကသ့ၣ်ယီၤမိၢ်တဒုအိၣ်စၢဃာ်အသးအိၣ် ဃုာ်ဒီးအဖိတဒုလၢအကပၤလီၤ. ဃ့ၣ်လီၤဒီးဟဲက့ၤမိၤအဝဲသ့ၣ်ဆူယအိၣ်တက့ၢ်.

လံာ်မးသဲ 21:6

လၢတၢ်န့ၣ်အဃိအပျဲၢ်အဘီၣ်တဖၣ်လဲၤဒီးမၤဝဲဒ်ယ့ၣ်ၡူးမၤလိာ် အဝဲသ့ၣ်အသိးန့ၣ်လီၤ.

လံာ်မးသဲ 21:8

ပှၤဂီၢ်မုၢ်အါဒံအါဂၤဒါလီၤအကူအသိးလၢကျဲအလိၤ, ဒီးအဂၤတဖၣ်ပဲာ်လီၤသ့ၣ်ဒ့တဖၣ်ဒီးပာ်လီၤဝဲလၢကျဲအလိၤလီၤ.