လံာ်မးသဲ 21:5 - Sgaw Karen Common Bible

⁵ “စံးဘၣ်တဲဘၣ်ဝ့ၢ်စံယိၣ် ကွၢ်တက့ၢ်. နစီၤပၤဟဲဆူနအိၣ်, အသူၣ်စူၤအသးစူၤဒီးဒိးဝဲကသ့ၣ်ယီၤ ကသ့ၣ်ယီၤအသးစၢ်, ကသ့ၣ်ယီၤအဖိလီၤ” (ကၤ. ၉:၉).

လံာ်မးသဲ 21:5 Iomraidhean Croise

လံာ်တၢ်ကဲထီၣ်အခီၣ်ထံး 49:10

စီၤယူဒၤကစိာ်စီၤပၤအဘီမုၢ်နီၣ်ထိး, ဒီးအစၢၤအသွဲၣ်ကပၢတၢ် တဘိယူၢ်ဃီလီၤ. ပှၤကလုာ်တဖၣ်ကဟဲစိာ်န့ၢ်အီၤတၢ်ယူးယီၣ်ပာ်ကဲအတၢ်ဟ့ၣ်ဒီးတီၤ လီၤလၢအမဲာ်ညါအိၣ်ဒီးတၢ်စူၢ်အကလုၢ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 16:2

စီၤပၤစီၤဒၤဝံးသံကွၢ်အီၤ, “တၢ်ခဲလၢာ်အံၤနကမၤတၢ်မနုၤန့ၣ်လဲၣ်.” စီၤစံဘၤစံးဆၢဝဲဒၣ်, “ကသ့ၣ်ယီၤတဖၣ်မ့ၢ်လၢနဲဒၣ်, တၢ်ဒိၣ်ကစၢ်စီၤပၤအဟံၣ်ဖိဃီဖိတဖၣ်ကဒိးဝဲအဂီၢ်, ကိၣ်ဒီးသ့ၣ်သၣ်တဖၣ်မ့ၢ်လၢပှၤပိာ်ခွါတဖၣ်ကအီၣ်ဝဲအဂီၢ်ဒီး စပံးထံန့ၣ်မ့ၢ်လၢအဝဲသ့ၣ်ကအီဝဲဖဲအဝဲသ့ၣ်လီၤဘှံးလီၤ တီၤလၢပှၢ်မုၢ်ကနၢအပူၤအခါအဂီၢ်န့ၣ်လီၤ.”

လံာ်စီၤပၤအခီၣ်ထံးတဘ့ၣ် 1:33

အဝဲစံးဘၣ်အဝဲသ့ၣ်, “ကိးဃုာ်ယကွီၢ်အပဒိၣ်ပပှၢ်တဖၣ်ဒီးသု, ဒုးဒိးထီၣ်ယဖိခွါစီၤၡလိၤမိၤလၢယကသ့ၣ်လၤဒၣ်ယဲဒီးလဲၤ ယုၤဒီးကဟုကယာ်အီၤတုၤလီၤဆူထံကီၢ်အထံမူထီၣ်ပၢၢ်,

လံာ်စီၤပၤအခီၣ်ထံးတဘ့ၣ် 10:26

စီၤၡလိၤမိၤပာ်ဖှိၣ်ထီၣ်လ့ၣ်ကဟၣ်သုးတဖုလၢအနီၣ်ဂံၢ်အိၣ်ဝဲ အဆိတကထိလွံၢ်ကယၤဒီးပှၤဒိးကသ့ၣ်သုးဖိအိၣ်ဝဲအဂၤတကလးခံ ကထိန့ၣ်လီၤ. တနီၤန့ၣ်အဝဲပာ်ဝဲလၢဝ့ၢ်ယရူၤၡလ့ၣ်အပူၤဒီးအဂၤတဖၣ်န့ၣ်အဝဲ ပာ်လီၤဝဲလၢဝ့ၢ်အဂုၤအဂၤတဖၣ်အပူၤန့ၣ်လီၤ.

စံးထီၣ်ပတြၢၤ 9:14

ဒ်သိးယကဆၢထၢၣ်ဘၣ်ယဲလၢ ဝ့ၢ်ယရူၤၡလ့ၣ်အပှၤဂီၢ်မုၢ်အမဲာ်ညါ ဒီးစံးဘၣ်အဝဲသ့ၣ်ခဲလၢာ်လၢ ယဘၣ်စံးထီၣ်ပတြၢၤ နၤအဂ့ၢ်န့ၣ်တက့ၢ်. ယကသူၣ်ဖှံသးညီလၢနအုၣ်က့ၤခီၣ်က့ၤယၤအဃိလီၤ.

လံာ်ယၡါယၤ 12:6

မ်ပှၤကိးဂၤဒဲးလၢအအိၣ်လၢဝ့ၢ်စံ ယိၣ်ကိးထီၣ်ဒီးသးဝံၣ်တၢ်တက့ၢ်. အံၣ်စရ့လးအကစၢ်ယွၤစီဆှံအံၤဒိၣ်နီၢ်မးလီၤ. ဒီးအဝဲဒၣ်အိၣ်ဝဲလၢအပှၤဂီၢ်မုၢ်အကျါလီၤ.”

လံာ်ယၡါယၤ 40:9

ဝ့ၢ်ယရူၤၡလ့ၣ်ဧၢ, လဲၤထီၣ်ဆူကစၢၢ်ထီၣ်ထီတဖျၢၣ်အလိၤ ဒီးတဲဖျါတၢ်သးခုကစီၣ်တက့ၢ်. ကိးထီၣ်လၢနကလုၢ်ဖးဒိၣ်တက့ၢ်. စံယိၣ်ဧၢ, ဘိးဘၣ်သ့ၣ်ညါတၢ်သးခုကစီၣ်တက့ၢ်. ကတိၤထီၣ်တၢ်ဒီးပျံၤတၢ်တဂ့ၤ. တဲဘၣ်ကီၢ်ယူဒၤအဝ့ၢ်တဖၣ် လၢအဝဲသ့ၣ်အကစၢ်ယွၤဟဲဝဲလံ.

လံာ်ယၡါယၤ 62:11

ယွၤဘိးဘၣ်သ့ၣ်ညါလီၤတၢ်လၢဟီၣ်ခိၣ်ဒီဘ့ၣ် ဒ်သိးတၢ်ကတဲဘၣ်ဝ့ၢ်ယရူၤရှလ့ၣ်အပှၤဂီၢ်မုၢ် လၢယွၤဟဲဝဲလၢကအုၣ်က့ၤခီၣ်က့ၤဝ့ၢ် ယရူၤရှလ့ၣ်ဒီးဟဲစိာ်ဃုာ်ပှၤဂီၢ်မုၢ်လၢအဝဲမၤပူၤဖျဲးတ့ၢ်တဖၣ် ဃုာ်ဒီးအီၤန့ၣ်လီၤ.

လံာ်ယဃ့းစက့လး 34:24

ယၤ, ယွၤ, ကမ့ၢ်အဝဲသ့ၣ်အကစၢ်ယွၤ, ဒီးစီၤပၤတဂၤလၢအလီၤဂာ် ဒီးယခ့ယပှၤစီၤဒၤဝံးကမ့ၢ်အဝဲသ့ၣ်အပှၤပၢတၢ်တဂၤလီၤ. ယကတိၤလံတၢ်လံ.

လံာ်ယဃ့းစက့လး 37:24

စီၤပၤတဂၤလၢအလီၤဂာ်ဒီးယခ့ယပှၤစီၤဒၤဝံးကမ့ၢ်အဝဲသ့ၣ် အစီၤပၤန့ၣ်လီၤ. အဝဲသ့ၣ်ကအိၣ်ဃူအိၣ်ဖိးလၢ ပှၤပၢတၢ်တဂၤဃီအဖီလာ်ဒီးကစူၢ်ယတၢ်ဘူၣ်တၢ်ဘါအတၢ် သိၣ်တၢ်သီတဖၣ်လၢတၢ်သးတီအပူၤန့ၣ်လီၤ.

လံာ်ဟိၤၡ့ 1:7

ဘၣ်ဆၣ်ယကဒုးနဲၣ်တၢ်အဲၣ်ဆူကီၢ်ယူဒၤအပှၤဂီၢ်မုၢ်န့ၣ်လီၤ. ယၤ, ယွၤအဝဲသ့ၣ်အကစၢ်ယွၤ, ကအုၣ်က့ၤခီၣ်က့ၤအဝဲသ့ၣ်လီၤ. ဘၣ်ဆၣ်ယတမၤတၢ်အံၤလၢတၢ်ဒုးတၢ်ယၤဒီးလၢဘီမ့ၢ်ဂ့ၤ, လၢချံၣ်ဒီးပျၢ်တဖၣ်မ့တမ့ၢ်, လၢကသ့ၣ်တဖၣ်မ့ၢ်ဂ့ၤ, ပှၤဒိးကသ့ၣ်တဖၣ်မ့ၢ်ဂ့ၤန့ၣ်ဘၣ်.

လံာ်မံကၤ 5:2

ယွၤစံးဝဲဒၣ်, “ဘ့ၤသလ့ဃ့ၣ်အ့ဖရၤသးဧၢ, နမ့ၢ်ဝ့ၢ်အဆံးကတၢၢ်တဖၣ်အကျါတဝ့ၢ်လၢကီၢ်ယူဒၤအပူၤလီၤ. ဘၣ်ဆၣ်ယကဒုးဟဲထီၣ်ပှၤပၢတၢ်တဂၤလၢကီၢ်အံၣ်စရ့လးအဂီၢ်လၢ နပူၤလီၤ. အဝဲအဒူၣ်ဖိထၢဖိအခီၣ်ထံးခီၣ်ဘိန့ၣ်မ့ၢ်တၢ်လၢပျၢၤလၢကစၢၤ လံၤလံၤန့ၣ်လီၤ”.

လံာ်တၢ်ဂံၢ် 24:19

ကီၢ်အံၣ်စရ့လးအပှၤကလုာ်ကယီၢ်တံၢ်လီၤကွံာ် အဝဲသ့ၣ်, ဒီးမၤပျီကွံာ်ပှၤအိၣ်မူတ့ၢ်ဒံးလၢခံတဖၣ်န့ၣ်လီၤ.”

လံာ်မးသဲ 11:29

ဟံးထီၣ်ယနီၣ်ယိးဘိလၢသုလိၤဒီးမၤလိတၢ်လၢယၤတက့ၢ်. အဂ့ၢ်ဒ်အံၤ, ယသးစူၤဒီးယဆီၣ်လီၤယသးလီၤ. ဒီးသုကထံၣ်န့ၢ်တၢ်အိၣ်ဘှံးလၢသုသးအဂီၢ်လီၤ.

လံာ်မးသဲ 2:2

“ဖိသၣ်လၢအအိၣ်ဖျဲၣ်ထီၣ်ဒီးလၢအကကဲထီၣ်ပှၤယူဒၤဖိတဖၣ် အစီၤပၤတဂၤန့ၣ်မ့ၢ်အအိၣ်ဖဲလဲၣ်. ပထံၣ်ဘၣ်တ့ၢ်လံအဆၣ်လၢမုၢ်ထီၣ်တခီဒီးပဟဲသကိးလၢပကဘူၣ်ထီၣ် ဘါထီၣ်အီၤအဂီၢ်လီၤ.”

လံာ်မးသဲ 2:6

‘ယွၤစံးဝဲ, ဘ့ၤသလ့ဃ့ၣ်လၢအဘၣ်ဃးဒီး ကီၢ်ယူဒၤဧၢ, နတမ့ၢ်တီနံဝ့ၢ်အဆံးကတၢၢ်လၢ ကီၢ်ယူဒၤအပူၤဘၣ်. အဂ့ၢ်ဒ်အံၤခိၣ်နၢ်တဂၤ လၢကပၢကဆှၢယပှၤဂီၢ်မုၢ်အံၣ်စရ့လးန့ၣ် ကဟဲထီၣ်လၢနပူၤလီၤ’ ” (မံ. ၅:၂).

လံာ်မးသဲ 21:6

လၢတၢ်န့ၣ်အဃိအပျဲၢ်အဘီၣ်တဖၣ်လဲၤဒီးမၤဝဲဒ်ယ့ၣ်ၡူးမၤလိာ် အဝဲသ့ၣ်အသိးန့ၣ်လီၤ.

လံာ်လူၤကၣ် 24:27

ဒီးယ့ၣ်ၡူးတဲနၢ်ပၢၢ်အဝဲသ့ၣ်ဘၣ်ဃးတၢ်လၢအဘၣ်တၢ် စံးတ့ၢ်လၢအဂ့ၢ်လၢတၢ်ကွဲးအသးစီဆှံခဲလၢာ်အပူၤ, စးထီၣ်လၢလံာ်မိၤၡ့တဖၣ်ဒီးဝံခဲလၢာ်အတၢ်ကွဲးတဖၣ်န့ၣ်လီၤ.

လံာ်ယိၤဟၣ် 1:49

စီၤနၤသန့လးစံးဆၢတၢ်ဒီးစံးဝဲ, “သရၣ်ဧၢ, နဲဒၣ်အံၤနမ့ၢ်ကစၢ်ယွၤ အဖိခွါ, နမ့ၢ်အံၣ်စရ့လးအစီၤပၤန့ၣ်လီၤ.”

၂ ကရံၣ်သူး 10:1

ယၤ, စီၤပီလူး, ယသကွံၢ်ကညးတၢ်ဆူသုအိၣ်လၢယနီၢ် ကစၢ်ဒၣ်ယဲ, ယၤ, လၢပှၤစံးလၢအဆီၣ်လီၤအသးဒီးမၤအသး ကပုာ်ကပုာ်ဖဲအအိၣ်ဒီးသုအဆၢကတီၢ်, ဘၣ်ဆၣ်မၤအသးဆူၣ်ဆူၣ်ကိၤကိၤဖဲအအိၣ်ယံၤဒီးသုအဆၢ ကတီၢ်န့ၣ်လီၤ. ခီဖျိခရံာ်အတၢ်သူၣ်ဂ့ၤသးဝါဒီးတၢ်အဲၣ်တၢ် ကွံန့ၣ်, ယဃ့ကညးသုဒ်သိး

လံာ်သိၣ်လီၤသီလီၤတၢ် 17:16

စီၤပၤန့ၣ်တဘၣ်အိၣ်ဒီးကသ့ၣ်တဖၣ်အါဒုလၢအသုးမုၢ်အဂီၢ်ဘၣ်. ဒီးအဝဲတဘၣ်ဆှၢလီၤပှၤဂီၢ်မုၢ်ဆူကီၢ်အဲၤကူပတူးလၢကပှ့ၤ သ့ၣ်အဂီၢ်န့ၣ်ဘၣ်. အဂ့ၢ်ဒ်အံၤ, ယွၤစံးတ့ၢ်ဝဲဒၣ်လၢ, အပှၤဂီၢ်မုၢ်တဘၣ်က့ၤကဒါက့ၤဆူ န့ၣ်နီတစုဘၣ်အဃိန့ၣ်လီၤ.

လံာ်ပှၤစံၣ်ညီၣ်ကွီၢ် 12:14

အဝဲဒၣ်အိၣ်ဒီးအဖိခွါအဂၤလွံၢ်ဆံဒီးအလံၤခွါအဂၤသၢဆံလၢ အဒိးကသ့ၣ်ယီၤအဒုနွံဆံန့ၣ်လီၤ. စီၤဧၤဘဒိၣ်ပၢဆှၢကီၢ်အံၣ်စရ့လးဃိးနံၣ်န့ၣ်လီၤ.

လံာ်ပှၤစံၣ်ညီၣ်ကွီၢ် 5:10

တဲတၢ်ဂ့ၢ်န့ၣ်, သုဝဲလၢအဒိးကသ့ၣ်ယီၤဝါတဖၣ်, သုဝဲလၢအဆ့ၣ်နီၤလၢကသ့ၣ်အဂီၤကၢ်အလိၤတဖၣ်, ဒီးသုဝဲလၢအလဲၤတၢ်တပူၤလၢ်လၢ်သ့ၣ်ဧၢ.