လံာ်မးသဲ 21:46 - Sgaw Karen Common Bible

⁴⁶ လၢတၢ်န့ၣ်အဃိ, အဝဲသ့ၣ်ဂုာ်ကျဲးစၢးဒ်သိးကဖီၣ်ဒီးဟံးဃာ်အီၤန့ၣ်လီၤ. ဘၣ်ဆၣ်, ပျံၤဝဲပှၤဂီၢ်မုၢ်တဖၣ်လၢအပာ်ယ့ၣ်ၡူးဒ်ဝံတဂၤအသိးန့ၣ်လီၤ.

လံာ်မးသဲ 21:46 Iomraidhean Croise

တၢ်ကတိၤဒိ. 15:12

ပှၤလၢအပာ်ထီၣ်ထီအသးတဖၣ်န့ၣ်တအဲၣ်ဒိးတၢ်သိၣ်က့ၤသီက့ၤ အီၤဘၣ်. အဝဲသ့ၣ်တဃ့တၢ်ဟ့ၣ်ကူၣ်ဟ့ၣ်ဖးလၢပှၤကူၣ်တၢ်သ့ န့ၢ်အီၤ, နီတဘျီဘၣ်.

လံာ်ယၡါယၤ 29:1

ကစၢ်ယွၤအတၢ်လုၢ်လီၢ်, ဝ့ၢ်ယရူၤၡလ့ၣ်အကစၢ်ဒၣ်ဝဲအံၤ, ဘၣ်တၢ်စံၣ်ညီၣ်အီၤဃါမနၤလီၤ. ဝ့ၢ်ဖဲစီၤဒၤဝံးသူၣ်တ့ၢ်အဒဲအလီၢ်န့ၣ်ဘၣ်တၢ်စံၣ်ညီၣ်ဃါမနၤလီၤ. ပျဲအတၢ်အီၣ်အမူးတဖၣ်ဒီးအဘူၣ်တဖၣ်မၤအသး လၢနံၣ်ကဟဲကဒီးတနံၣ်မ့တမ့ၢ်ခံနံၣ်အတီၢ်ပူၤန့ၣ်တက့ၢ်.

လံာ်မးသဲ 21:11

ဒီးပှၤဂီၢ်မုၢ်တဖၣ်စံးဆၢဝဲ, “အအံၤမ့ၢ်ဝံယ့ၣ်ၡူးလၢဝ့ၢ်နစၤရ့းဘၣ်ဃးဒီး ကီၢ်ကၤလံၤလါန့ၣ်လီၤ.”

လံာ်မးသဲ 21:26

ပမ့ၢ်စံး, ‘လၢပှၤဟီၣ်ခိၣ်ဖိအအိၣ်’ ဒီးပဘၣ်ပျံၤဘၣ်ပှၤဂီၢ်မုၢ်လီၤ. အဂ့ၢ်ဒ်အံၤ, ပှၤဂီၢ်မုၢ်နာ်လၢစီၤယိၤဟၣ်မ့ၢ်ဝံတဂၤလီၤ.”

လံာ်မးသဲ 21:45

တုၤပှၤလုၢ်တၢ်အခိၣ်အဒိၣ်တဖၣ်, ဒီးပှၤဖၤရံၤၡဲတဖၣ်နၢ်ဟူယ့ၣ်ၡူးအတၢ်ကတိၤဒိတဖၣ်အံၤဒီး, သ့ၣ်ညါဝဲလၢအစံးတၢ်ဘၣ်ဃးဒီးအဝဲသ့ၣ်အဂ့ၢ်န့ၣ်လီၤ.

လံာ်မးသဲ 22:1

ယ့ၣ်ၡူးကတိၤကဒီးတၢ်လၢပှၤဂီၢ်မုၢ်ခီဖျိ တၢ်ကတိၤဒိတဖၣ်ဒီးစံးဝဲ,

လံာ်မၢ်ကူး 11:18

ပှၤလုၢ်တၢ်အခိၣ်အဒိၣ်တဖၣ်ဒီးပှၤသ့တၢ်ဘူၣ်တၢ်ဘါ အတၢ်သိၣ်တၢ်သီတဖၣ်နၢ်ဟူဘၣ်တၢ်ဂ့ၢ်အံၤသတးဒီး ဃုဝဲကျဲလၢအကမၤသံယ့ၣ်ၡူးအဂီၢ်လီၤ. အဝဲသ့ၣ်တဖၣ်ပျံၤဘၣ်အီၤ, မ့ၢ်လၢပှၤဂီၢ်မုၢ်ခဲလၢာ်ကမၢကမၣ်ဒိၣ်ဒိၣ်ကလဲာ်လၢယ့ၣ်ၡူး အတၢ်သိၣ်လိသီလိအဃိလီၤ.

လံာ်လူၤကၣ် 7:16

ပှၤကိးဂၤဒဲးပှဲၤဒီးတၢ်ပျံၤတၢ်ဖုး, ဒီးစံးထီၣ်တြၢၤကစၢ်ယွၤဒီးစံးဝဲ, “ဝံဖးဒိၣ်တဂၤဟဲအိၣ်ဖျါထီၣ်လၢပသိးပကျါလံ. ဒီး, ကစၢ်ယွၤဟဲဝဲဒ်သိးအကအုၣ်က့ၤခီၣ်က့ၤအပှၤဂီၢ်မုၢ်လံ.”

လံာ်လူၤကၣ် 7:39

ဖဲပှၤဖၤရံၤၡဲလၢအကွဲယ့ၣ်ၡူးတဂၤထံၣ်တၢ်တမံၤအံၤန့ၣ်, အဝဲဒၣ်ဆိကမိၣ်ဝဲလၢအသးပူၤ, “ပှၤတဂၤအံၤမ့မ့ၢ်စဲဃဲၤဝံတဂၤန့ၣ်, အဝဲဒၣ်ကသ့ၣ်ညါပိာ်မုၣ်လၢအထိးအီၤတဂၤအံၤမ့ၢ်မတၤလဲၣ်န့ၣ်လီၤ. ပိာ်မုၣ်တဂၤအံၤအိၣ်မူတ့ၢ်တၢ်ဒဲးဘးအတၢ်အိၣ်မူဒ်လဲၣ် တကလုာ်န့ၣ်အဝဲဒၣ်ကသ့ၣ်ညါဝဲလီၤ.”

လံာ်ယိၤဟၣ် 7:30

ထဲန့ၣ်ဒီးအဝဲသ့ၣ်ဂုာ်ကျဲးစၢးဃုကျဲလၢကဖီၣ်ယ့ၣ်ၡူး ဘၣ်ဆၣ်ပှၤတထိးဘူးအီၤနီတဂၤဘၣ်. မ့ၢ်လၢတၢ်ဆၢကတီၢ်နၣ်ရံၣ်တဘၣ်ဒံးဘၣ်လၢအဂီၢ် အဃိလီၤ.

လံာ်ယိၤဟၣ် 7:7

ဟီၣ်ခိၣ်သးဟ့သုတသ့ဘၣ်. ဘၣ်ဆၣ်သးဟ့ယၤလီၤ. မ့ၢ်လၢယစံးဘၣ်တဲဘၣ်အီၤတလီၢ်လီၢ်လၢ အကျဲတဖၣ်န့ၣ်အၢဝဲသီဝဲအဃိလီၤ.

မၤတၢ် 2:22

“ပှၤအံၣ်စရ့လးဖိသကိးသကိးဒီးယၤသ့ၣ်ဧၢ, ကနၣ်ယတၢ်ကတိၤတဖၣ်အံၤတက့ၢ်. တၢ်ဒုးနဲၣ်ဖျါထီၣ်န့ၢ်သုဂ့ၤဂ့ၤကလဲာ်လၢပှၤနစၤရ့းဖိယ့ၣ် ၡူးမ့ၢ်ပှၤလၢယွၤအစိကမီၤအိၣ်ဒီးအီၤခီဖျိတၢ်မၤလီၤလး တဖၣ်, ဒီးတၢ်ပနီၣ်လီၤလးတဖၣ်လၢကစၢ်ယွၤမၤဝဲခီဖျိအီၤန့ၣ်လီၤ. သုကစၢ်ဒၣ်သုဝဲသုသ့ၣ်ညါတၢ်တဖၣ်အံၤမ့ၢ်လၢအမၤတ့ၢ်အသး လၢသုသိးသုကျါအဃိလီၤ.