လံာ်မးသဲ 21:42 - Sgaw Karen Common Bible

⁴² ယ့ၣ်ၡူးစံးဘၣ်အဝဲသ့ၣ်, “တၢ်ကွဲးအသးစီဆှံလၢအစံး, ‘လၢၢ်တဖျၢၣ်လၢပှၤသူၣ်ထီၣ်ဟံၣ်တဖၣ်ညိကွံာ်အီၤဒ် တၢ်လၢအလုၢ်အပှ့ၤတအိၣ်ဘၣ်အသိးန့ၣ်, ကဲထီၣ်က့ၤလၢၢ်ခိၣ်စိလၢ အကါဒိၣ်ကတၢၢ်တဖျၢၣ်လီၤ. အအံၤမ့ၢ်ကစၢ်အတၢ်မၤ, ဒီးမ့ၢ်တၢ်လီၤလးဒိၣ်မးလၢပမဲာ်ညါလီၤ’ န့ၣ်, မ့ၢ်သုတဖးဘၣ်ဘၣ်ဧါ” (စံး. ၁၁၈:၂၂-၂၃).

လံာ်မးသဲ 21:42 Iomraidhean Croise

လံာ်ယၡါယၤ 28:16

မၤသးဒ်န့ၣ်ဒီးခဲအံၤစိဒိၣ်ကမီၤဒိၣ်ယွၤစံးဝဲ, “ယပာ်လီၤတၢ်ခီၣ်ထံးအဂၢၢ်အကျၢၤဒီးဆူၣ်ဝဲတခါလၢ ဝ့ၢ်စံယိၣ်အပူၤလီၤ. လၢအပူၤန့ၣ်, ယပာ်လၢၢ်သနၢၣ်ဂၢၢ်ကျၢၤတ ဖျၢၣ်လၢအအိၣ်ဒီးတၢ်ကတိၤလၢအကွဲးလီၤအသးလၢအလိၤ, ‘တၢ်နာ်လၢအဂၢၢ်ဝဲကျၢၤဝဲန့ၣ်သးစူၤစ့ၢ်ကီးဝဲလီၤ.’

လံာ်ဃဘးကူာ် 1:5

တုၤနုၤတစု, ယွၤစံးဘၣ်အပှၤဂီၢ်မုၢ်, “ခိးကွၢ်ပှၤကလုာ်တဖၣ်လၢအအိၣ်ဝးတရံးနၤဒီးနကကမၢက မၣ်လၢတၢ်လၢနထံၣ်ဘၣ်န့ၣ်လီၤ. ယကမၤတၢ်တမံၤလၢနတနာ်ဘၣ်အီၤဖဲနနၢ်ဟူလၢအဂ့ၢ်န့ၣ်လီၤ.

လံာ်မးသဲ 21:43

ယ့ၣ်ၡူးစံးကဒီးဝဲ, “လၢတၢ်န့ၣ်အဃိ, ယစံးဘၣ်သု, ကစၢ်ယွၤအဘီအမုၢ်ကဘၣ်တၢ်ဟံးထီၣ်ကွံာ်အီၤလၢသုအိၣ်, ဒီးဟ့ၣ်လီၤအီၤဆူပှၤတကလုာ်လၢအဟ့ၣ်ထီၣ်တၤသၣ် လၢအကြၢးဝဲဘၣ်ဝဲန့ၣ်လီၤ.”

မၤတၢ် 4:11

တၢ်ကွဲးအသးစံးတၢ်ဘၣ်ဃးယ့ၣ်ၡူးအဂ့ၢ်, ‘လၢၢ်တဖျၢၣ်လၢသုဝဲပှၤဘှီထီၣ်ဟံၣ်တဖၣ် ညိကွံာ်ဝဲန့ၣ်, ကဲထီၣ်လံဟံၣ်သနၢၣ်အလၢၢ်လၢ အကါဒိၣ်ကတၢၢ်န့ၣ်လီၤ.’

ရိမ့ၤ 9:33

လၢတၢ်ကွဲးအသးစံးလၢအဂ့ၢ်, “ကွၢ်တက့ၢ်, ယပာ်လီၤလၢၢ်တဖျၢၣ်လၢစံယိၣ်အပူၤ, လၢပှၤအခီၣ်ကဘၣ်တိၢ်ဝဲအဂီၢ်, လၢၢ်တဖျၢၣ်လၢကမၤလီၤဃံၤအဝဲသ့ၣ်လီၤ. ဒီးကယဲၢ်ပှၤလၢအစူၢ်က့ၤနာ်က့ၤအီၤတဂၤလၢ်လၢ်န့ၣ် အမဲာ်တဆှးဘၣ်ဝဲဘၣ်” (ၡါ ၈:၁၄; ၂၈:၁၆).

အ့းဖ့းစူး 2:20

သုဘၣ်တၢ်သူၣ်ထီၣ်သုလၢတၢ်ခီၣ်ထံးလၢအမ့ၢ် ပှၤတၢ်မၢဖိဒီးဝံတဖၣ်အဖီခိၣ်, ယ့ၣ်ၡူးခရံာ်အနီၢ်ကစၢ် မ့ၢ်ဟံၣ်န့ၣ်အလၢၢ်သနၢၣ်,